Engar blæðingar fjórum mánuðum eftir Pfizer - ,,veit að ég er ekki ólétt!"

Yfir 250 tilkynningar höfðu borist Lyfjastofnun 15. júlí sl. um breytingar tengdum tíðarhring kvenna eftir C19 bólusetningu. Enn er beðið svars um hver fjöldinn er í dag.

Nýlega hefur Rebekka Ósk Sváfnisdóttir stofnað hóp þar sem einungis konur sem hafa upplifað þessar undarlegu aukaverkanir eftir C19 bólusetningu fá inngöngu. Fjöldinn í dag er yfir 450, sem sagt mun fleiri en síðustu tölur Lyfjastofnunar. Ég hef fjallað um nokkur dæmi, hér er til dæmis eitt og hlekkir á fleiri dæmi eru neðar í þeim pistli. Ýmist eru konur að fá ofsablæðingar, engar blæðingar, blæðingar eftir tíðarhvörf o.fl.

Marta Þórudóttir er 27 ára Akureyringur. Hún á einn son og er  hársnyrtinemi og sundlaugarvörður í Eyjafjarðarsveit yfir sumartímann.

Marta fékk fyrri skammtinn af Pfizer 4. maí og hefur engar blæðingar fengið síðan.

„Ég er búin að tala við hjúkrunarfræðing og lækni og þeirra svör voru að ég ætti að hætta á pillunni og biða og athuga hvort eitthvað myndi gerast á næstu þremur mánuðum. Mínar síðust blæðingar voru í fyrstu vikunni í apríl og átti ég að fá næstu blæðingar fljótlega eftir fyrri sprautuna en ekkert gerðist og hefur enn ekkert gerst. Hef sem sagt ekki fengið blæðingar í næstum fjóra mánuði. Þegar ég hringdi i hjúkrunarfræðing var ákveðið að tilkynna þetta til Lyfjastofnunar. Þetta er hryllilega óþægilegt, ég hef alltaf verið með reglulegar blæðingar og þegar þær koma ekki byrjar hausinn sjálfkrafa að hugsa, ætti ég kannski að taka óléttupróf og ég hef tekið nokkur og öll verið neikvæð. Enda VEIT ég að ég er ekki ófrísk og er ekki með nein óléttueinkenni. Ég hef alltaf fengið verki í kringum egglos og blæðingar og ég fæ enn þessa verki á „réttum" tíma en engar blæðingar. Eins upplifi ég svokölluð draugaspörk (nokkuð sem flestar konur finna fyrir á meðgöngu en líka eftir fæðingu barns, mætti líkja við fjörfisk í magavöðvum). Líkaminn virðist vera í algjöri rugli eftir þessar sprautur og ég hef áhyggjur. Ég er bara rétt um 27 ára, mig langar mögulega að eignast fleiri börn síðar, hvað ef þetta getur haft áhrif á möguleika mína til þess! Ég vil fá svör og betra utanumhald um þessi mál frá heilbrigðisyfirvöldum."

Ég spurði Mörtu hvort hún hefði fengið hita eftir sprauturnar, því eini læknirinn (ekki kvensjúkdómalæknir) á Íslandi sem hefur reynt að útskýra þessar tilkynntu aukaverkanir hefur sagt að breytingarnar stafi líklega af hita. 

„Nei, fékk engan hita" sagði Marta, „en var eins og ég væri timbruð" dagana eftir.

Í Mörtu tilfelli er a.m.k. ekki hægt að tengja þetta við neinn hita enda má heyra á umræðu kvenna að þær gefi lítið fyrir þessa kenningu Jóns Magnúsar Jóhannessonar. 

Menn ættu kannski að veita rannsókn frá Lyfjastofnun Japans athygli sem sýnir að brodda próteinin í þessum lyfjum dreifa sér og leggjast á hinum ýmsu líffærum og í miklum mæli á eggjastokkana eftir lyfjagjöfina. Í þessari grein er vísað í rannsóknina. 

p.s. undirskriftarsöfnun sem beint er til landlæknis er líka hafin. Skilst að allir megi skrifa undir til stuðnings þó þeir glími ekki við þessar aukaverkanir. (Rebekka sem stofnaði listann er að skoða hvort og hvernig er hægt að breyta textanum þannig að hann segi að allir megi skrifa undir.) Það væri frábært ef fjölmiðlar myndu nú standa með konunum í þessu máli og öllum þeim sem glíma við veikindi eftir sprauturnar. Þögnin er vandræðaleg og skaðleg, ykkur fjölmiðlafólki ber skylda til að fjalla um þessi alvarlegu mál!

Fleiri frásagnir af þessu tagi:

„Læknar vilja ekki gefa mér seinni sprautuna."

„Er eins og níræð kona eftir AstraZeneca."

„Fárveikur eftir Janssen og fékk Covid."

„Stanslaust taugastríð eftir AstraZeneca."

„Ef ég sé eftir einhveru í þessu lífi..."

„Var sjaldan veik en nú fæ ég allar pestir"

„Magga Stína: „bóluefnið er árás á hormónakerfið"

 

 

 

Áríðandi skilaboð frá Sjálfstæðisflokknum!

Þessi auglýsing er u.þ.b. þriggja mánaða gömul og birtist á facebook síðu okkar Sjálfstæðismanna (sjá pínulitla D-ið í neðra horni, vorum smá feimin að setja það inn). Flokkurinn vill þakka öllum þeim Íslendingum sem trúðu þessu og þakkar þeim hinum sömu fyrir að taka þátt í stærstu lyfjatilraun allra tíma. Sjáumst í Laugardalshöllinni þegar Delta afbrigðisskammturinn kemur, og þegar þið hafið tekið hann fáið þið aftur frelsi í nokkrar vikur o.s.frv., þar til búið er að sprauta þessum 1,4 milljónum skömmtum í ykkur, sem við erum búin að semja um kaup á og verðum að greiða fyrir þrátt fyrir "so and so" virkni gegn Covid, X-D.

Félagi Sigurður Ingi skilar kveðju, hér er hans auglýsing (smella á myndina til að sjá betur). Hann setti hann inn á svipuðum tíma. „Munið þegar við gátum öskrað okkur hás á fótboltaleikjum og dansað jafnvel...nokkrar vikur, nokkrar vikur, nokkrar vikur, nokkrar vikur....."

Ítalir mótmæla og Frakkar óstöðvandi í sínum mótmælum

Ítalir voru komnir út á götu í gærkvöldi í borginni Tórínó - „enga bóluefnapassa" hrópuðu þeir. Hér er myndband.

Frakkar hafa mótmælt stanslaust í viku. En hjá þeim stendur til að meina fólki aðgang að matvöruverslunum, kvikmyndahúsum, veitingahúsum, lestum o.fl. nema það framvísi bólusetningarvottorði.  Sjá mótmælin hér. Þeir sem koma til með að brjóta lögin eiga yfir höfði sér fangelsisdóm. Jamm, við erum komin þangað. Byrjaði allt með því að verja gamla og veika fólkið, en nú eiga Frakkar yfir höfði sér fangelsisdóm, fari þeir í matvöruverslun óbólusettir eða án neikvæðs PCR prófs (aðeins um 30% Frakka hafa látið bólusetja sig).

Frakkar eru samt ljós í myrkrinu. Ef þeir væru hlutabréf á markaði, þá myndi ég fjárfesta í þeim í þessari baráttu. Með öðrum orðum, Macron mun gefast upp. Það glittir líka í „bóluefnapassana" hér heima. Óbólusettir mega ekki koma inn á elliheimilið Grund (hin heimilin fylgja eflaust eftir.) Grímurnar duga sem sagt ekki lengur, þessar sem áttu að verja fólkið gegn smitum.

Aðskilnaðarstefnan hefst á Grund - óbólusettum meinaður aðgangur að ættingjum!

Það fer nasistahrollur um mann þessa dagana. Fyrir nokkrum dögum mætti Kári Stefánsson í viðtal á rúv og þar mátti heyra hrollvekjandi tal í forstjóra erlenda fyrirtækisins ÍE/Amgen, karli sem fær að vaða hér um eins og ... já ókjörinn nasistaforingi. Nota þessa samlíkingu sjaldan enda er hún ofnotuð en núna er hún fullkomlega viðeigandi.

Hér er hlekkur á viðtalið og þetta var það sem hann sagði:
 
„Ég held að verkefnið sem bíði okkar sé að auka við bólusetninguna, ganga fram af miklum krafti, finna það fólk sem ekki er búið að bólusetja og bólusetja það, sannfæra það um að láta bólusetja sig. Og síðan held ég að það væri ekkert vitlaust þegar kemur fram á haust að  byrja að gefa þriðja skammtinn, þ.e. að hvetja ónæmiskerfið enn þá meira.“

Og seinna:

„Það eru engu að síður eftir þessi 10-20% þjóðarinnar sem eru óbólusettir og óvarðir. Við þurfum að leita allra ráða til þess að verja þetta fólk annað hvort með því að sannfæra það um að það þurfi að bólusetja sig eða koma því fyrir einhversstaðar þar sem það er ekki í mikilli hættu." 

Nokkrum dögum síðar kemur tilkynning frá elliheimilinu Grund sem er hér ofar á myndinni: „Óbólusettir" mega ekki koma í heimsókn (þ.e.a.s þeir sem eru ekki svo vitlausir að láta sprauta í sig lyfjum á tilraunastigi, létu ekki plata sig með ferðafrelsi og öðru frelsi sem var svo ekki neitt og lyfjum sem gera ekki neitt annað en að valda skaða, nokkuð sem er þagað í hel.) Forstjóri Grundar ber auðvitað ábyrgð á þessum reglum sem honum hefur verið skipað að setja (kannski af Kára?).

Forstjóri Grundar hvatti líka í vetur starfsfólk sitt til að taka lyfin, „hjálpa til við að útrýma veirunni." Óbólusett starfsfólk var látið vera með grímu, sjá mynd neðar (smella til að sjá skýrar). Síðan náðist ekki að útrýma veirunni (enda bara blöff), þá eru þeir óbólusettu bara vinsamlegast beðnir að halda sér frá ættingjum. 

Það sem er hægt að nota gamla fólkið endalaust í þessari svikamyllu. Síðan hvenær er ríkisstjórnum heims svo annt um gamla fólkið og öryrkja (viðkvæmu hópana svonefndu), að þær eru tilbúnar að loka öllu og setja efnahagskerfið á hvolf?

Magga Stína söngkona: ,,bóluefnið er árás á hormónakerfi kvenna“ - vill rannsókn!

Í facebook hópnum Góða Systir stendur yfir mikil umræða tengd breytingum á blæðingum kvenna eftir C19 bóluefnin. Sú sem hóf umræðuna í þetta sinn er Rebbekka Ósk sem hefur verið með stanslausar blæðingar í um 50 daga eftir síðari sprautuna. Rebekka vill svör frá heilbrigðisráðherra og segir augljóslega verið að þagga niður þessar alvarlegu aukaverkanir, jafnt sem aðrar. Umræðan sýnir að konur eru ýmist að fá ofsablæðingar, milliblæðingar, blæðingar eftir tíðarhvörf, engar blæðingar og túrverki sem jafnast á við fæðingarhríðir, bólgur í brjóstin, mikinn höfuðverk o.fl. 

Magga Stína söngkona sem gaf mér leyfi til að setja hér inn hennar orð hefur þetta um málið að segja:

„Það er fullkomlega óábyrgt að hundsa aukaverkanir eins og þessar. Ég legg til að allar konur sem eru tengdar hér inn og fundið hafa fyrir aukaverkunum af bólusetningu tilkynni það strax til Lyfjastofnunar. Það er mjög mikilvægt. Einnig fyndist mér rétt að þær konur sem nú þegar hafa tjáð sig um þetta á þessum þræði og eru mögulega tilbúnar að tjá sig annarsstaðar taki saman höndum og láti fjölmiðla vita eins og þú gerðir, Rebekka. Þú átt þakkir skildar fyrir það. Það er nauðsynlegt að vekja athygli á þessu. Ég held því fram að þetta sé meðvitað þaggað niður. Það er mín persónulega skoðun. Ég hef nú ekki verið hingað til sérlega viljug að deila með öðrum taktinum í mínum tíðahring en vil nú segja að blæðingarnar sem hófust eftir seinni Moderna sprautuna (en það er eitt og hálft ár síðan tíðahvörf urðu og ég hætti algerlega á blæðingum) ofan í bólusetningar-veikindin voru hreint út sagt brjálæðislegar, stóðu yfir í nærri þrjár vikur með óbærilegum túrverkjum og einkennum eins og verkjum í brjóstum, einkenni sem enn eru ekki alveg farin. Hvernig má það vera að konur sem hafa fyrir löngu farið í gegnum tíðahvörf verði fyrir hvílíkum hormónabreytingum við bóluefni? Ég gef satt að segja ekki mikið fyrir útskýringar sér­­­náms­­læknis í lyf­­lækningum (innsk. sem segir hita geta valdið þessum breytingum) en það eru sjálfsagt mínir eiginn fordómar."

„Það á mjög augljóslega að þagga þetta í hel og ég spyr, af hverju? Nú er líka að koma á daginn að bólusetningin hefur ekki þá virkni sem haldið var fram í fyrstu. Á þá að bólusetja aftur? Nógu hefur fólk nú kostað til við að gleypa við öllu þegjandi og hljóðalaust og maður hljóp jú algerlega sjálfviljugur og með fullri meðvitund inn í Laugardalshöll til að láta sprauta sig með einhverju sem enginn hefur hugmynd um hvað er, allt í krafti þess að þjóna heildinni. AF HVERJU eru eftirköstin ekki rannsökuð? Það hefðu verið hæg heimatökin við að biðja þjóðina (sem hafði hlýtt tilmælum í nánast einu og öllu um að sýna skynsemi og vera heima hjá sér marga mánuði) um að hripa niður líðan sína eftir bólusetninguna og þá værum við hugsanlega einhverju nær, eða hvað? Sóttvarnarlæknir sem hefur verið nánast í guðatölu hjá þjóðinni (mér líka) gerir, í hvert einasta skipti lítið úr eftirköstum bólusetningarinnar og ENGINN úr hópi hans, hvorki hann né landlæknir hefur minnst orði á þessa árás á hormónakerfi kvenna, sem ótrúlega margar konur hafa orðið fyrir. Hér kemur fram að áttatíu tilkynningar hafi borist Lyfjastofnun Vitið þið hvað þær eru margar konur sem hafa sagt frá þessu hér á "Góða systir"? Er hægt að komast að því?"

Viðbót:
Samkvæmt frétt frá Lyfjastofnun 15. júlí höfðu yfir 250 tilkynningar borist og ég bíð enn eftir svari frá þeim hver talan er nú eftir að umræðan varð meiri.

Hér er hópurinn sem Rebekka stofnaði, aðeins er hægt að komast í hópinn ef þú glímir við breytingar sem þessar eftir bólusetningu og því er hópurinn um leið einskonar talningarvél. Hægt verður að bera saman fjölda í hópnum við tölur Lyfjastofnunar sem sendir aðeins frá sér ef spurt er, ekki er hægt að sjá neitt á síðunni um þessar aukaverkanir frekar en aðrar. 

Hér eru fleiri frásagnir af veikindum eftir bólusetningar:

„Læknar vilja ekki gefa mér seinni sprautuna."

„Er eins og níræð kona eftir AstraZeneca."

„Fárveikur eftir Janssen og fékk Covid."

„Stanslaust taugastríð eftir AstraZeneca."

„Ef ég sé eftir einhveru í þessu lífi..."

„Var sjaldan veik en nú fæ ég allar pestir"

 

Tíðarhringur kvenna eftir bólusetningar - nýr hópur

Þögnin í kringum tilkynningar kvenna yfir röskun á tíðarhring eftir bólusetningu er undarleg og enn furðulegra er að Kári Stefánsson, Ingileif Jónsdóttir hjá erlenda fyrirtækinu Íslensk Erfðagreining (100% í eigu Amgen sem einnig er með útibú í Kína) séu að tala fyrir því að bólusetja eigi 12-15 ára börn og unglinga með efnunum sem fyrst. Jón Magnús Kristinsson (ekki kvensjúkdómalæknir) segir það sama en hann neitaði því í upphafi (sjá mynd - smella til að sjá skýrar) að breytingar á blæðingum hefðu nokkuð með bóluefnin að gera, og síðar sagði hann að hiti gæti haft áhrif á blæðingar sem ég hef aldrei heyrt áður, en hann karlinn veit það kannski betur. 

Rebekka Ósk Sváfnisdóttir 38 ára, sem sagt var frá á vísi fyrir nokkrum dögum, hefur stofnað facebook hópinn, „Tíðarhringur bólusettra kvenna gegn C19." Rebekka hefur verið með stanslausar blæðingar frá því að hún fékk síðari sprautuna með Pfizer, nú í um 50 daga. Hvers vegna er ekki talað við hana í Kastljósi eða hún á forsíðu blaðanna? Hvar eru kvensjúkdómalæknar þessa lands? Munið: Fyrst ekki skaða!

15. júlí var frétt á mbl.is um að yfir 250 tilkynningar hefðu borist Lyfjastofnun um röskun á tíðarhring kvenna. Ég fékk líka þetta svar frá stofnuninni við fyrirspurn um hvort tilkynnt hefði verið um einhvers konar truflanir á meðgöngu. „Lyfjastofnun hafa borist þrjár tilkynningar tengdar meðgöngu; ein fyrir hvert bóluefnanna Comirnaty (BioNTech/Pfizer), Spikevax (Moderna) og Vaxzevria (AstraZeneca). Orsakasamband var talið ólíklegt í öllum tilfellum."

Vildi fá svör við þessu frá Lyfjastofnun þar sem samkvæmt rannsókn sem birt var í New England Journal of Medicine sýndi að rúmlega 80% kvenna sem bólusettar voru á fyrri hluta meðgöngunnar, misstu fóstrið.

Hvernig skyldu svona aukaverkanir vera skráðar hjá Lyfjastofnun, sem alvarlegar eða ekki alvarlegar? Það er ekki hægt að sjá neitt um það á síðu stofnunarinnar.

Mér sýnist á umfjöllun um þetta mál sem var á hópnum „Góða systir" að Rebekka sé í baráttuhug og vilji að þessar „aukaverkanir" sem aldrei var minnst á að gætu fylgt þessum lyfjum, verði rannsakaðar.

Þess má geta að það verður farið fram á lögbann á bólusetningu með þessu lyfi á 12-15 ára. Aldrei að vita hvað gerist...„þeir fiska sem róa" sagði gamall sjómaður einu sinni.

Tvær milljónir mótmæltu í London í dag

Mótmælt var í Frakklandi í marga dag í röð og fjölmennustu mótmæli frá upphafi „sóttvarnarreglna" voru í London í dag, eða um tvær milljónir manna samkvæmt Íslendingi sem tók þátt. Í báðum ríkjunum var verið að mótmæla „heilsupössum." Hér er myndband og hér. Ekki bara friðsamlegt. Og eitt enn.

Sú sem tók þátt í mótmælunum í dag heitir Soffía (með grænan fána) og er á þessari mynd í New York Times sem tekin var á mótmælum í maí sl.

,,Var sjaldan veik, en eftir sprautuna fæ ég allar pestir " - svimi, þrýstingur, mæði og milliblæðingar

Eva Karen Ómarsdóttir er 28 ára Hafnfirðingur, móðir tveggja drengja og deildarstjóri á leikskóla. Hún ásamt öllu starfsfólki leikskólans var bólusett með Janssen í apríl. Eva kveið fyrir bólusetningunni þar sem hún hafði lesið sig til um efnið og vissi meðal annars að Norðmenn og Danir hefðu hætt að nota það.

Hér kemur hennar frásögn:

„Um leið og ég var sprautuð fannst mér eins og það væri að líða yfir mig, nokkuð sem ég hef ekki upplifað með flensusprautur. Á sama tíma leið yfir sex manns í minni röð. Ég reyndi að einbeita mér að því að detta ekki út í þessar 12 mínútur sem ég sat þarna. Ég var enn með yfirliðstilfinningu þegar við gengum út en það leið hjá eftir því sem við gengum lengra. Fór beint aftur í vinnuna og fann bara eymsli í handleggnum, ekkert annað. Sumir starfsmenn voru byrjaðir að fá höfuðverk en ekki ég." 

„En stuttu eftir að ég kom heim og var að setja upp trampólínið fyrir strákana mína fann ég fyrir örlitlum hausverk og þegar ég fæ hausverk veit ég að ég er að verða veik. Dreif mig inn og reyndi að koma strákunum snemma í háttinn, kallinn minn var á strákakvöldi og ég því ein með strákunum okkar."

„Síðan varð ég veikari og veikari, komin með 40 stiga hita og rétt svo náði að drösla strákunum í háttinn. Um níu leytið var ég orðin mjög veik, lá í sófanum og gat ekki haft augun opin eða verið kyrr í neinni stellingu. Ég gat ekki gengið mikið án þess að missa fæturna undan mér, klessti einu sinni á vegg því augun voru svo slöpp, en samt gat ég ekki sofið."

„Um tíu leytið sendi ég skilaboð til mömmu og pabba sem höfðu áhyggjur af mér. Þau komu til mín en ég gat ekki mikið talað eða gert og leið eins og ég væri uppdópuð.  Stóð upp til að fylgja þeim til dyra og þá var sviminn orðinn miklu meiri og settist ég því niður aftur, það var þarna sem ég klessti á vegginn og datt næstum því út. Mér hefur aldrei liðið jafn illa á ævinni og verkjatöflur gerðu ekkert. Um tíma var ég rosalega hrædd og var að hugsa um að hringja á sjúkrabíl."

„Ég svaf nánast ekkert um nóttina þó ég væri alveg búin á því, var alltaf að vakna út af verkjum og hita. Þegar ég vaknaði daginn eftir leið mér eins og ég hefði lent í lestarslysi, lá í rúminu allan daginn, mjög slöpp með dúndrandi hausverk og mikinn svima og var frá vinnu í þrjá daga." 

„Ég var kvíðin fyrir að fá Janssen, hafði „googlað" það og við mér blasti að Norðmenn voru búnir að bannað lyfið. Ég hefði því viljað fá aðra tegund en ákvað samt að fara, þar sem allir í vinnunni voru líka að fara og ég reiknaði ekki með því að verða veik því ég verð nánast aldrei veik. Ég hef unnið á leikskóla í 11 ár og komin með gott ónæmiskerfi."

„Í dag aftur á móti er ég fljót að verða móð og fæ allar pestir sem krakkarnir fá, en vægar samt. Er betri í dag en fæ
oftar hausverk og tíðahringurinn er í rugli, það koma oft milliblæðingar sem ég var ekki vön að fá. Síðan finn ég fyrir þrýstingi þegar ég beygi mig niður og fyrir svima þegar stend aftur upp. Þannig var ég aldrei áður, gat staðið á haus án þess að finna fyrir nokkrum óþægindum."

„Ef ég hefði vitað af þessum aukaverkunum hefði ég aldrei farið í bólusetninguna og hvað þá að leggja allt þetta á mína heilsu, vitandi að ég gæti enn smitast eins og er að koma í ljós núna með bóluefnin. Ég varð líka fyrir vonbrigðum þegar ég sá að þeir sem fengu Janssen þurfa líklega að fara í aðra sprautu, en ég er mjög efins. En eitt er ég viss um, ég mun aldrei láta sprauta börnin mín með þessum bóluefnum."

„Ég er ekki búin að tilkynna aukaverkanirnar til Lyfjastofnunar en mun gera á næstunni."

Ef fleiri vilja segja sögur sínar af bólusetningum, er velkomið að birta þær hér, því ekki hafa fjölmiðlar áhuga, ólíkt Covid veikindum. Að læknar og hjúkrunarfólk segi að yfirliðin eftir þessar sprautur séu bara eðlilegar er mjög dularfullt, svo ekki sé meira sagt. Það er bara ekkert eðlilegt við að svo margir falli í yfirlið eftir bólusetningu, svimi og klessi á veggi. „Allt saman eðlilegt," sagði sóttvarnarlæknir.

Hér eru fleiri svipaðar sögur sem ég hef tekið saman:

„Læknar vilja ekki gefa mér seinni sprautuna."

„Er eins og níræð kona eftir AstraZeneca."

„Fárveikur eftir Janssen og fékk Covid."

„Stanslaust taugastríð eftir AstraZeneca."

„Ef ég sé eftir einhveru í þessu lífi..."

 

 

 

 

 

 

 

 

 

 

Bólusettur starfsmaður Nexus og ert þú með bólusetningarstíflu í heila?

„Báðar versl­an­ir Nex­us eru lokaðar í dag en einn starfs­manna greind­ist smitaður af Covid-19. Þetta kem­ur fram í til­kynn­ingu á face­booksíðu Nex­us." 

 

Og allir fara með sama sönginn, „en þeir bólusettu veikjast minna og þurfa varla að fara á spítala." Sama dag kemur frétt um gamla konu sem þurfti að leggja inn með Covid. Og svo þetta sem reyndar var ekki í fréttum.

 

Svekktir og blekktir Íslendingar! Þeir verða eflaust ekki ófáir á næstu misserum. Hið rétta er að ónæmiskerfi þeirra bólusettu er veikara eftir sprauturnar, meira um það síðar. En vek athygli á nýjum bloggara, Þresti Jónssyni. Hér er hans fyrsta og eina blogg og er eitt mest lesna moggablogg frá upphafi Morgunblaðsins! Ert þú með bólusetningarstíflu í heila?

Nexus lokað vegna smita

Foo Fighters tónleikum aflýst - bólusettur hljómsveitarmeðlimur með Covid

Hljómsveitn Foo Fighters átti að vera með tónleika í Los Angeles í gær en tónleikunum var aflýst þar sem einn meðlimur sveitarinnar var kominn með Covid. Hann og allt bandið var þó búið að bólusetja. Það kaldhæðnislega í þessu sambandi er að allir sem vildu komast á tónleikana þurftu að kaupa miðann í eigin persónu og framvísa vottorði um bólusetningu. Óbólusettir máttu ekki fara á tónleikana með sveitinni. Sjá nánar hér. Rokksveitin spilaði á Íslandi árið 2003.

Pínu vandræðalegt ekki satt? Er það ekki örugglega óbólusetta fólkið sem er hættulegt og í mestri hættu? Miðað við tilkynninguna frá bandinu virðast menn telja að sá bólusetti hefði getað smitað alla hina bólusettu sem máttu vera á tónleikum! Hér er eitt lag með hinni bólusettu en óheppnu rokksveit, "There goes my hero!"