Franskur prestur: ,,Hafið kjark til að vernda frelsið" - enn er mótmælt í Frakklandi

Á miðvikudaginn voru Frakkarnir mættir út á götu til að  mótmæla fyrstu fréttum af yfirvofandi lagabreytingum: skyldubólusetningu heilbrigðisstarfsfólks og bólusetningarpössum sem þarf til að komast inn á veitingastaði, verslanir, kvikmyndahús o.fl., gangi þau áform eftir.

Fyrsta laugardaginn eftir þessa tilkynningu Macron´s eru Frakkarnir komnir aftur út á götu. Prestur tekur til máls og segir: „Hafið kjark til að vernda frelsið!" Takið eftir skiltinu: „Stöðvið aðskilnaðarstefnuna" (Stop Apartheid). Hér er upptakan og hér er önnur. Bein útsending og lögreglan tekur undir með almenningi, sjá hér.

Mæli með að þið fylgið skosku fjölmiðlakonunni Gillian McKeith á twitter, hún er með bestu fréttirnar í þessu sambandi.

Uppfært: Mótmælin héldu áfram í dag, sunnudag. 

Vonandi sjáum við þennan viðsnúning sem fyrst: "There goes my people I must follow them for I am the leader."

,,Læknar vildu ekki gefa mér seinni sprautuna - féll í yfirlið og upplifði mikla köfnunartilfinningu"

Árný Ósk er 42 ára sjúkraliði frá Akureyri. Hún var bólusett með Pfizer 17. maí í íþróttahöllinni á Húsavík þar sem hún er búsett.

Hér er hennar frásögn:

„Um það bil 20 sekúndum eftir að ég fékk sprautuna fann ég að mér var farið að líða illa og fékk mikla yfirliðstilfinningu. Þá kom sjúkraflutningamaður og ég færði mig yfir á sjúkrabörur og þar slokknaði á mér í um 15 - 25 sekúndur. Þegar ég rankaði við mér í „litla salnum" var ég með mjög öran hjartslátt og köfnunartilfinningu, eins og einhver sæti ofan á bringunni á mér. Ég lá með hátt undir fótum í um 30 mínútur og var þá sótt en þeir sáu ekki ástæðu til að fara með mig upp á sjúkrahús. Fór síðan til vinar míns því ég treysti mér ekki til að vera ein heima með þessa yfirliðstilfinningu."

„Ég var komin heim klukkan tíu um kvöldið (fór í sprautuna 16:30) og fór þá að sofa en vaknaði um miðnætti með óþægilegan hjartslátt og köfnunartilfinningu og svitnaði alveg gífurlega. Daginn eftir var ég frekar slöpp og tveimur dögum síðar fékk ég útbrot á fæturna, það mikið að ég gat ekki verið í buxum, húðin sprakk þar sem útbrotin voru mest. Ég var orðin nokkuð góð fjórum dögum eftir sprautuna og talaði við lækni sem sagði að  þetta hefðu verið ofnæmisviðbrögð við sprautunni og var að hugsa um að leggja mig inn fyrir síðari sprautuna, ef ég skyldi bregðast eins við henni. En síðan treystu þeir sér ekki til að gefa mér aðra sprautu, þannig að ég er bara hálf-bólusett. Í dag upplifi ég enn pirring/verk á þeim stöðum sem ég fékk útbrotin sem eru á gömlu brunasári á lærinu. Eins svitna ég nú mikið á nóttunni og sérstaklega á fótunum sem ég hef aldrei gert áður."

Töluvert hefur verið um yfirlið í kringum þessar bólusetningar og hafa læknar og hjúkrunarfólk tjáð sig um það í fjölmiðlum og sagt að það væri frekar algengt þegar um inngrip væri að ræða og að yngra fólkið félli frekar í yfirlið. 

„Það hefur aldrei liðið yfir mig áður" sagði Árný „ég var ekkert stressuð og er alls ekki hrædd við nálar og fann ekkert fyrir stungunni."

Ég spurði Árnýju hvort hún hefði tilkynnt aukaverkanirnar til Lyfjastofnunar.

„Nei, ég hélt að læknirinn hefði gert það en frétti síðan að það væri ekki svo, ég ætla því að gera það sjálf við fyrsta tækifæri."

Samkvæmt þessari grein í Læknablaðinu ber heilbrigðisstarfsfólki skylda tiil að tilkynna aukaverkanir nýrra lyfja. Hvað skyldi vanta margar tilkynningar í gagnagrunn Lyfjastofnunar fyrst að sjúkraliði taldi að heilbrigðisstarfsfólkið myndi sinna því? Árný sagði að þegar hún hafi verið að vinna á sjúkradeild tíðkaðist það að starfsfólk sendi inn upplýsingar sem þessar.

Uppfært: í desember sl. kom í fréttum að þeir sem væru með sögu um alvarlegt ofnæmi ættu ekki að taka Pfizer. Síðan heyrði maður aldrei meir um þær viðvaranir. Árný er með ofnæmi fyrir hnetum og bráðaofnæmi fyrir kókós en var aldrei spurð um þetta (enda er enginn spurður). Þessi viðvörun kemur frá framleiðandanum sjálfum, sjá mynd: (Læknirinn sagði við hana að þetta hafi verið ofnæmisviðbrögð sbr. ofar).

 

Fárveikur eftir Janssen bólusetningu og fékk Covid mánuði síðar

Þórólfur Júlían var bólusettur með Janssen 28. apríl sl. Hann var fárveikur í þrjá daga á eftir og því mætti ætla að hann hafi þróað með sér sterkt og gott mótefni. Var því ekki annars haldið fram? Meiri veikindi, meira mótefni. Nafni hans Guðnason vonaðist a.m.k. eftir að fá aukaverkanir, því ef hann fengi engar væri hann viss um að bóluefnið virkaði ekki."

 

En svona segir Þórólfur Júlían sína sögu:

„Mánuði eftir að ég var bólusettur veiktist kærastan mín af Covid og ég settur í sóttkví. Ég ákvað að vera hjá henni og hugsa um hana þar sem ég var fullbólusettur, en viku síðar var ég sjálfur kominn með Covid. Ég þurfti að fara einu sinni upp á spítala til að fá vökva í æð og samkvæmt samtali við lækni þá var ég einn af þeim sem veiktist hvað mest í bylgjunni sem þá reið yfir, þrátt fyrir að vera fullbólusettur. Það voru mikil vonbrigði að bóluefnið hafi ekki haldið betur en þetta."

 

„Það sem kom á óvart var þegar ég spurði lækninn hvort ég væri sá eini fullbólusetti sem hefði veikst af Covid. Svarið var nei. Mér finnst eins og það sé verið að fela fyrir fólki að bólusettir hafi líka smitast og veikst.  Þessa dagana er þetta sett fram eins og um nýjar fréttir sé að ræða en þetta var samkvæmt lækninum að gerast líka fyrir tveimur til þremur mánuðum, jafnvel fyrr. Mér finnst mikilvægt að almenningur fái svona upplýsingar svo hann geti hagað sér eftir því."

 

„Maður heyrir það að lyfjafyrirtækin halda því nú fram að bóluefnin séu í raun ekki full vörn heldur eigi að slá á veikindin sem það gerði nú varla í mínu tilfelli. Þarna er verið að fara með staðhæfingar sem ekki hafa verið almennilega rannsakaðar eða staðfestar. Allavega hef ég ekki séð neitt sem staðfestir þetta."

Þannig var sú saga og hér er önnur frá því fyrr í dag um 24 ára konu sem var lögð inn á spítala í vikunni með Covid. Hún hafði líka verið bólusett með Janssen.

 

Ef fleiri vilja koma frásögnum sem þessum á framfæri, þá er velkomið að birta þær hér, því fjölmiðlar hafa engan áhuga nema þú sért óbólusettur og með Covid.

24 ára bólusett kona á spítala með Covid - ekki sú fyrsta

Almannavarnarfundur var haldinn í morgunn vegna fjölgunar smita sem virðast aðallega finnast hjá þeim bólusettu. Þar sagði sóttvarnarlæknir tvisvar að bólusett fólk sem greindist smitað væri ekki að veikjast mikið og ekki að leggjast inn á spítala. 

Er sóttvarnarlæknir sem sagt ekki upplýstur um stöðuna í sínu eigin litla landi? Á vefnum covid.is sem var uppfærður kl. 11 í morgun segir líka að enginn sé inniliggjandi með Covid. Hvernig væri að hafa réttar upplýsingar?

24 ára kona sem greindist með smit eftir síðustu helgi varð mikið veik af Covid og var lögð inn á þriðjudaginn og liggur þar enn. Hún var bólusett með Janssen og því talin fullbólusett! Vonandi nær hún sér sem fyrst. Eitt er líka áhugavert í þessu sambandi, konan býr með móður sinni sem er óbólusett. Móðirin þurfti að fara í PCR próf vegna dótturinnar en er ekki smituð samkvæmt prófinu.

Þetta er ekki sá fyrsti sem hefur þurft að leggjast inn með Covid þrátt fyrir að vera bólusettur. Þessi frétt birtist á mbl 5.júlí sl. og segir að tveir hafi legið inni með Covid. Ekki kom fram hvort þeir hafi verið bólusettir og sendi ég því fyrirspurn til farsóttardeildar LSH og fékk þetta svar:

„Sæl
Annar sjúklingurinn var ekki bólusettur- sá útskrifaðist um helgina. Hinn var fullbólusettur og útskrifaðist í gær.

Fh. Farsóttanefndar Landspítala."

Hér er önnur frásögn manns sem veikist af Covid mánuði eftir sprautu af Janssen,

Erum við að sjá það sem margir læknar erlendis hafa verið að vara við í langan tíma en ekki hefur verið hlustað á? Þessi bóluefni sem eru í raun líftæknilyf veikja ónæmiskerfið og fólk verður veikara fyrir vikið. Meira um það síðar.

Og hér segir samgöngumálaráðherra Bretlands að þeir fullbólusettu dreifi/fái miklu frekar veiruna. Er einhver sem skilur eitthvað í þessu? 

Uppfært: konan er komin af spítala en þarf að vera í eingangrun í sóttvarnarhúsi til júlíloka.

 

 

Grikkirnir mótmæla bólusetningu unglinga - "Keratas!"

„Frakkarnir stormuðu út á strætin í gær og mótmæltu yfirvofandi skyldubólusetningu heilbrigðisstarfsmanna og „heilsupössum." Grikkirnir hópuðust líka út á götu og hrópuðu "keratas" á forstæðiráðherra sinn. En það er víst eitt það versta sem hægt er að kalla karlmann í Grikklandi og þýðir að hann sé karl sem kona hans heldur fram hjá (sem sagt e.k. "looser" sem eiginkona vill ekki einu sinni). Kokkáll gæti verið íslenska orðið.

Hér er myndband af mótmælunum. Vinur minn Marios Socratous á Kýpur upplýsti mig um þetta og útskýrði hvað keratas þýddi. Ég lofaði að birta mynd af honum hér á blogginu mínu í staðinn með kveðju frá Kýpur. ;) Grikkirnir, Frakkarnir, Bretarnir og fleiri eru aðdáunarverðir í þessu sambandi. 

English version:

"The French took to the streets yesterday and protested  mandatory vaccination of health workers and the "health pass" (vaccine passports). The Greeks also gathered on the streets and shouted at their prime minister "keratas" which is one of the worst things you can call a greek man. A "keratas" is a looser whose wife does not even like and will cheat on him). Here is a video of the protest. My friend Marios Socratous in Cyprus explained the meaning of "keratas" and instead I promised to put a photo of him on my blog ;) He sends his regards.

 

Gangi þér vel með þetta Macron - Frakkarnir komnir út á götu - ,,Liberté, liberté..."

Forseti Frakklands heldur að hann komist upp með skyldubólusetningu heilbrigðisstarfsfólks í landinu.
Láti það ekki fullbólusetja sig fyrir haustið á það á hættu að fá ekki greidd laun. Eins ætlar forsetinn að setja þá skyldu á, að til að komast inn í verslanir, veitingastaði, bíó, lestar o.fl. þurfi fólkið að framvísa heilsupassa (sprautuvottorði) eða neikvæðu PCR-prófi.

Ekki nema 36% Frakka eru fullbólusettir og því er langt í að ná hinu ómögulega hjarðónæmi sem við Íslendingar náum ekki einu sinni með 90% þátttöku. En gangi Macron vel með þetta plan sitt. Frakkar eru vanir að flykkjast út á götur bara ef mjólkin eða bensínlítrinn hækkar eitthvað smávegis.

Hvernig haldið þið að þetta verði nú? Þetta er byrjað; hér má sjá myndbönd af mótmælendum sem eru að reyna að brjótast inn í stjórnarbyggingar ,lögreglan beitir táragasi, og margmenni á götum (svipað og fyrir utan Laugardalshöllina hér). Meira hér. Það er skoska fjölmiðlakonan Gillian McKeith sem birtir þessar fréttir á Twitter.

Ekki má gleyma að minnast á boðuð mótmæli í London 19.júlí. „Við stöðvum þetta núna" (Ó guð hvað mig langar að fara - Liberté, liberté eða nei, freedom, freedom...!)

 

Stanslaust taugastríð eftir AstraZeneca - vill svör við því hvers vegna sjúklingum var gefið þetta lyf

Jóhann Waage er 45 ára fjölskyldumaður og grafískur hönnuður. Hann er einn af þeim sem glímir við alvarleg eftirköst bólusetninga með AstraZeneca og vill að einhver svari fyrir það hvers vegna fólk með undirliggjandi sjúkdóma var gefið það bóluefni frekar en önnur. Hér kemur hans frásögn:

„Ég fór í AstraZeneca bólusetningu 6. maí síðastliðinn. Ég geng með staf eftir að hafa fengið mikla heilablæðingu í nóvember 2017. Fyrir utan að nota staf, var ég búinn að ná mér nokkuð vel. Þegar að ég fékk sprautuna, fann ég ekkert fyrir stungunni og hélt bara út í bíl. Tveimur tímum síðar byrjaði ég að fá taugaverki í andlitið, fyrst vinstra megin sem er mín veika/skaddaða hlið en síðan um allt andlitið. Mjög sérstakt. Ég var alveg vanur taugaverkjum en verkina hafði ég haft aðeins í höndum og fótum eftir heilablæðinguna en var farinn að vinna með þá og lifa með þeim og fjölskyldan algjörlega hætt að taka eftir því að þetta væri að angra mig."

„Nóttina eftir sprautuna, var ég búinn að vera frekar slappur og fullur af sleni og fór að sofa en vaknaði um tvö leytið við gríðarlegan sársauka í geirvörtum og endaþarmi, það var eins og verið væri að reka tvo glóandi fleina upp í endaþarminn á mér og gefa mér raflost í leiðinni og það sama með geirvörturnar. Alla nóttina emjaði ég af sársauka og daginn eftir jókst þetta og hljóp í nárann á mér og punginn. Ég svaf mest lítið aðfaranótt laugardags en ákvað að fara í sund í góða veðrinu með börnin og athuga hvort vatnið myndi hjálpa mér eitthvað. Ég hitti vin minn og fór aðeins í heita pottinn til að spjalla en þegar ég fór upp úr pottinum steinleið yfir mig og ég lá kylliflatur og vissi ekki af mér fyrr en að margmenni stumraði yfir mér. Ég hafði samband við Covid.is og þau fullvissuðu mig um að þetta myndi ganga yfir á tveimur vikum."

„Í stuttu máli sögðu, þá hef ég verið í stanslausu taugastríði í rúma tvo mánuði upp á hvern einasta dag með engri hvíld og læknar geta ekkert gert nema ávísað nýjum og nýjum lyfjum sem hafa lítið sem ekkert gagn gert nema að taka allra allra versta broddinn af verkjunum í smá tíma. Verkirnir hafa hlaupið um allan líkama, frá fótum og höndum, í miðbúkinn, í andlitið, í brjóstin, í endaþarminn, í pung og eistu, í kynfærin, í munn og tungu og í augu og meira að segja í hárið á mér og svo er ég með stöðugan taugakláða. Þetta hefur áhrif á geðslagið og hefur mikil áhrif á fjölskyldulífið og vinnuna, en ég reyni að vinna 50% starf."

„Ég fór um miðjan júní á bráðamóttökuna eftir að ég þoldi ekki meira og eftir klukkutíma þinghald komu læknarnir þar og sögðu mér að þeir gætu ekki meðhöndlað mig því einkennin væru of sértæk og sendu mig upp á taugadeild. Þar beið ég í tvo tíma áður en taugalæknir kom og sinnti mér. Sú sagðist helst vilja leggja mig inn en sagðist ekki geta það því það væru engin laus rúm. Hún tók mig inn á skrifstofu til sín og fór yfir lyfjagjöfina mína og bætti um betur og sagði þetta vera það eina sem hún gæti gert, sagði að það væri nokkur fjöldi fólks með undirliggjandi taugasjúkdóma sem hefði komið upp á síðkastið vegna eftirkasta af Astra Zeneca, þar sem það virtist sem svo bóluefnið réðist á taugakerfi sjúklinganna og hún harðbannaði mér að fara í sprautu númer tvö af Astra."

„Í gær 13. júlí ákvað ég að nýta þann kost að fara í Pfizer í staðinn. Ég tek það fram að ég var mjög opinn fyrir bólusetningum þar til núna og vil að einhver svari fyrir það hvers vegna veikum einstaklingum var gefið AstraZeneca umfram önnur bóluefni og ef einhverjir ætla að sækja rétt sinn, þá vil ég vera þar á meðal því þessi bólusetning hefur leitt til þess að heilsu minni hefur hrakað mjög mikið og lífskjör versnað."

 

Aðrar frásagnir af þessu tagi

Í gær birti ég frásögn 36 ára konu sem líður eins og níræðri manneskju eftir AstraZeneca og fyrir stuttu frásagnir kvenna eftir Pfizer. „Ef ég sé eftir einhverju í þessu lífi er það að hafa látið sprauta þessum viðbjóði í mig!"

Í Bandaríkjunum er farið af stað átak meðal fólks sem glímir við veikindi eftir sprauturnar. Myndbandið fer eins og eldur um sinu á internetinu: „Hlustið á okkur!" Hér er myndbandið.

p.s. ef fleiri vilja deila sögum af veikindum eftir bólusetningar sem fjölmiðlar hafa ekki áhuga á ólíkt Covid veikindum, þá er „bloggið mitt bloggið þitt!"

 

Eins og níræð kona eftir eina sprautu af AstraZeneca - líkaminn og ónæmiskerfið hrundi!

Margrét Ósk Guðbergsdóttir er 36 ára þriggja barna móðir, búsett í Sandgerði og starfar sem þroskaþjálfi. Hún fékk AstraZeneca bóluefnið 17. febrúar sl. Það mætti segja að hún hafi fengið alla heimsins kvilla sem mögulega er hægt að fá eftir eina sprautu! Hún var áður í toppformi, fór reglulega í líkamsrækt og hugsaði vel um mataræðið. Í dag segist hún vera eins og níræð kona sem getur ekki gengið langt án þess að verða lafmóð.

„Ég fann um leið og ég var sprautuð fyrir stirðleika upp í háls og höfuð og varð strax fárveik um kvöldið, fékk 40 stiga hita og lá í móki í tvo sólarhringa. Ég þurfti að skríða fram úr rúminu til að sækja verkjatöflur. Þetta kom mér svo á óvart, ég hef oft fengið flensusprautur, aðallega út af vinnunni, en hef aldrei orðið veik af þeim og er manneskja sem verð aldrei veik, fyrr en nú."

„Eftir tvo sólarhringa fór hitinn að lækka og þá kom óbærilegur höfuðverkur, versti höfuðverkur sem ég á ævinni fengið. Þessu fylgdi skert sjón, svimi, ógleði, magakrampi og ótrúlega vondir tauga-og vöðvaverkir. Mér var illt alls staðar í líkamanum og þannig er ég enn, eins og líkaminn sé stútfullur af bólgum og það má helst ekki koma við mig. Eins fékk ég mikil útbrot í andliti sem eru nýlega farin, hrikalegan hósta og missti allt þol. Í dag er ég um það bil 30% betri í skrokknum en glími nú líka við minnisleysi og skapið hefur versnað. Dæmi um hversu lasin ég var í byrjun: ég átti í erfiðleikum með að ganga upp tröppurnar til dagmömmunnar, náði varla andanum og hélt bara að ég væri að deyja."

„En hugsaði alltaf, þetta hlýtur að lagast enda er ég mjög bjartsýn að eðlisfari, og fór ekki til læknis fyrr en 6-7 vikum eftir sprautuna. Ég var hlustuð og látin hafa astmapúst. Læknirinn lét mig fylla út lista með einkennunum og áður en ég gat lokið því spurði hann: „og hefurðu verið með svima og ógleði?" ... þannig að það hafa greinilega fleiri komið og lýst sömu einkennunum eftir sprauturnar, sagði Margrét.

„Læknirinn gat ekkert sagt til um útbrotin en ráðlagði mér að taka bólgueyðandi lyf og koffín við höfuðverknum. Ég varð ekkert betri og fór aftur til læknis skömmu síðar. Var aftur hlustuð og mér sagt að þetta myndi lagast og fékk annað astmapúst. Læknirinn sagði að ég væri líklega komin með astma og sjálfsónæmi."

„Í 14 vikur lá ég í rúminu með regluleg kuldaköst og gat ekkert unnið. Um það bil þremur mánuðum síðar fékk ég boð um að koma í seinni sprautuna. Ég gat ekki hugsað mér að fara og fór í þriðja sinn til læknis sem ráðlagði mér að fara ekki. Ég var aldrei send í rannsókn en óskaði eftir röntgenmynd af lungunum sem ég fékk. Þá voru mér gefin mjög sterk lyf við svokallaðri kaldri lungnabólgu."

„Þessu til viðbótar urðu breytingar á tíðarhringnum, ég er núna aðeins með blæðingar í tvo daga í senn með miklum verkjum rétt áður en þær byrja og í kringum egglos. Þannig var ég ekki áður, aldrei með verki og blæðingarnar stóðu yfir í 4-5 daga. Og mér líður eins og ég sé með miklar hormónabreytingar, er ýmist kalt eða funheitt og þarf þá að opna alla glugga. Ég þekki nokkrar konur sem segja frá samskonar breytingum með tíðarhringinn eftir bólusetningar og eins veit ég um tvo karlmenn (þekki þó ekki persónulega) sem fengu fyrir hjartað eftir AstraZeneca bólusetningu." (Sjá fleiri dæmi um breytingar tengdum blæðingum hér sem konur um allan heim hafa kvartað undan). 

Þannig var sú saga. Læknarnir höfðu augljóslega séð fleiri svona dæmi eins og Margrét segir frá, en þeir segja ekkert opinberlega. Hvað með læknaeiðinn - fyrst ekki skaða!? Enginn af þessum þremur læknum sagði henni að tilkynna aukaverkanirnar til Lyfjastofnunar og enginn vildi rannsaka neitt nánar.

Nú er ég ekki læknir, en þeir sem hafa lýst blóðtöppum eftir sprautunar, lýsa einmitt óbærilegum höfuðverk og stundum skertri sjón. En samt var engin rannsókn gerð á Margréti, vitandi það að þessu bóluefni fylgdi hætta á blóðtappa meðal yngri kvenna. 

Margrét sagðist hafa tilkynnt veikindin sjálf til Lyfjastofnunar eftir að hafa lesið um það á netinu, en er ekki búin að ákveða hvort hún ætli að sækja skaðabætur frá ríkinu (sem ég hvatti hana til að gera). 

p.s. ef fleiri vilja deila sögum af veikindum eftir bólusetningar sem fjölmiðlar hafa ekki áhuga á ólíkt Covid veikindum, þá er „bloggið mitt bloggið þitt!" 

Enginn grunur um Guillain-Barré taugasjúkdóminn hér á landi?

„Auk­in hætta er á sjald­gæf­um tauga­sjúk­dómi hjá þeim sem fengið hafa Jans­sen-bólu­efnið. Frá þessu grein­ir Mat­væla- og lyfja­eft­ir­lit Banda­ríkj­anna, sem hef­ur fundið fylgni milli Jans­sen-bólu­efn­is­ins og sjald­gæfs tauga­sjúk­dóms sem nefn­ist Guillain-Bar­ré-heil­kennið."

Upplýsingar Lyfjastofnunar um tilkynntar aukaverkanir eru þannig uppsettar að ekki er hægt að sjá hvers konar aukaverkanir / veikindi fólk er að tilkynna.

Stofnunin hefur þó nýlega bætt við upplýsingum á ensku (fúsk) um tegund tilkynninga og þar kemur fram að 765 tilfelli hafi verið kynnt um "nervous system disorders", sem sagt einhverskonar truflanir í taugakerfinu. Það tekur auðvitað tíma að greina sjúkdóma eins og Guillain Barré, en var enginn grunur um það með öll þessi tilkynntu tilfelli? Og með öðrum orðum, einstaklingar sem tilkynna grun um aukaverkun til Lyfjastofnunar, tilkynna varla að þeir séu með Guillain Barré eða myocarditis. 

Það sama á við um hjartavöðvabólgu. Stofnunin segir að engar tilkynningar um þann kvilla hafi borist eftir bólusetningar. En það tekur líka tíma að greina þann sjúkdóm, ekki satt? Geta læknar staðfest að ekkert tilfelli um hjartavöðvabólgu hafi komið upp hér á landi eftir bólusetningu? Ekki næstum allir tilkynna aukaverkanir. Lyfjastofnun hefur samkvæmt myndinni hér ofar borist 64 tilkynningar tengdar hjartanu (cardiac disorders). Ekki er hægt að sjá á þessum upplýsingum hvaða bóluefni aukaverkunin tengist. Það þarf kannski að borga forstjóra stofnunarinnar hærri bónusgreiðslur (fékk 560,000 kall árið 2020, ekki komið fyrir 2021) til að þýða heiti kvillana yfir á íslensku og flokka þær niður eftir tegund bóluefnis, sem sagt hafa upplýsingarnar eins og þær eiga að vera og eru í öðrum ríkjum, t.d. Bandaríkjunum. Dæmi um doða eftir Pfizer, sjá hér.

Aukin hætta á taugasjúkdómi vegna Janssen

Úrelt bóluefni - ný útgáfa á leiðinni - og lögbannsbeiðni í skoðun

„Það verður nátt­úru­lega farið í bólu­setn­ingu 12 til 15 ára barna í haust þannig að þetta bólu­efni verður lík­lega notað í það. Svo eru ein­hver 10% þjóðar­inn­ar sem eiga eft­ir að fá bólu­setn­ingu þannig að kannski kem­ur eitt­hvað af þeim í bólu­setn­ingu.“

Framkvæmdastjóri Distica með það á hreinu að krakkarnir verði bólusettir og þá með gamla efninu. Það er nýtt á leiðinni, uppfært fyrir Delta (plús). Eiga krakkarnir að fá gömlu tegundina sem ekki er víst að virki á Delta? Skuldum við ekki Dönum eitthvað og því hægt að lána þeim eða endurgreiða? Þeir voru að fá afgangsefni frá Sígaunum í Rúmeníu,  sem eru tregir við að nota efnið sjálfir, það er annað en Íslendingar, alveg til í að láta nota sig í rannsóknir, bara ef Þórólfur segir að það sé frábært og að það stuðli að hjarðónæmi þó svo að lyfin hindri hvorki smit né veikindi.

En annars er það helst að frétta, að verið er að skoða það á fá lögbann á tilraunageldingastarfsemi
12-15 ára ungmenna. Það eru lögmenn og læknar víða í heiminum að gera hið sama. 

Myndin er af Rúmenum sem vilja ekki bóluefnið og áframsenda til danskra krakka.

Tugþúsundir skammta í geymslu í sumarfríinu