Vitni Margrétar var aldrei boðað í skýrslutöku í dómsal - rangt að það vildi ekki mæta

Í þessari frétt segir: „Þá bar vitni vin­ur Mar­grét­ar, sem þó sagðist ekki mæta í héraðsdóm þrátt fyr­ir að vera stadd­ur í Reykja­vík. Sagði hann að eng­ar hót­an­ir hefðu átt sér stað, en rifr­ildi á milli þeirra. Sem fyrr seg­ir taldi dóm­ur­inn vináttu við Mar­gréti og það að vitnið vildi ekki mæta fyr­ir dóm­inn rýra trú­verðug­leika þess. Þá hafi Mar­grét ekki látið vita af vitn­inu fyrr en við rekst­ur máls­ins, en ekki við rann­sókn máls­ins.“

Ég var stödd í dómsal þegar skýrslutökur fóru fram og þegar hringt var í þrjú vitni; fyrrum kærasta Margrétar í Frakklandi, og Helga sem er eða var fastakúnni á Benzin Café, staðnum sem atvikið átti sér stað umrætt kvöld í ágúst 2018. Í þriðja lagi var hringt í Emir, starfsmann fjölskyldu Semu til margra ára, sem var að vinna á Benzin Café þetta kvöld.

Vitnið sem heitir Helgi og fyrirsögn þessarar fréttar mbl.is vísar til sagðist í símaskýrslu fyrir dómi þekkja bæði Margréti og Semu en sagðist þekkja Semu betur (enda n.k. fastakúnni staðarins). Að segja hann hafa verið vin Margrétar er ekki rétt, þau vissu af hvort öðru.

Dómarinn hringdi sem sagt í Helga og spyr hann hvort hann geti komið niður í héraðsdóm þar sem símsambandið væri slæmt og þá sagðist Helgi ekki muna ná því fyrir lokun dómshússins þennan dag (u.þ.b. hálftími eftir af málinu). Það heyrðist illa í Helga og þess konar skýrslutaka hlýtur að teljast annars eða þriðja flokks skýrslutaka („halló, halló gætirðu nokkuð farið aðeins út af veitingastaðnum, sambandið er svo slæmt"!) 

Helgi hefði vissulega mætt fyrir dóm hefði hann verið boðaður eins og gengur og gerist. „Að hann hafi ekki vilja mæta,“ er lygi. En Helgi náði þó að koma því að í þessu óskýra símaviðtali að hann skildi ekki hvað þetta mál væri að gera fyrir dómstólum, „tvær konur að rífast fyrir utan bar.“

Það hefði aftur á móti vel verið hægt að boða Helga í skýrslutöku, á fimmtudeginum í sömu viku eins og gert var með Emir, fyrrum starfsmann Benzin Café, sem var að vinna umrætt kvöld, eins og áður segir. 

Dómarinn hringdi líka í Emir en það heyrðist líka illa í honum þar sem hann var að vinna og vandræðagangur með hátalakerfi í dómsal sem var tengt við símann. Algjört fúsk og mjög vandræðalegt.

Emir sagðist heldur ekki geta komið á staðinn áður en málinu í héraðsdómi lyki (um hálf tíma síðar) en sjálfsagt væri að mæta síðar og var fimmtudagurinn ákveðinn. Þegar dómari hringdi í hann hafði hann ekki hugmynd um hvað málið snérist, lögreglan sagði honum aðeins að það yrði hringt í hann út af sakamáli og hann beðinn að gefa skýrslu.

Emir mætti á fimmudeginum í sömu viku og staðfesti að mestu vitnisburð Margrétar og sagði Semu hafa verið æsta og viljað Margréti út af staðnum.

Arnar Þór lögmaður verjandi Margrétar spurði saksóknara eftir skýrslutökur (fyrri daginn) hvers vegna vitni Margrétar hafi ekki verið boðuð á staðinn og hún (saksóknarinn) svaraði því til að hún vissi það ekki, að það væri verk lögreglunnar. 

Lögreglan boðaði sem sagt ekki vitnin í dómsal en spurði þau hvort þau gætu gefið skýrslu símleiðis. Aðeins vitni Semu voru boðuð á staðinn.

En það er kannski fáum sem dettur í hug ákæruvaldið láti nægja að hringja í vitni sem búa á Íslandi. Dómarinn spyr þau svo hvort þau geti ekki bara hlaupið niður eftir áður en málinu lyki í dómssal, um hálf tíma síðar.

„Þá hafi Mar­grét ekki látið vita af vitn­inu fyrr en við rekst­ur máls­ins, en ekki við rann­sókn máls­ins,“ segir í fréttinni.

Margrét var aldrei látin vita að málið væri komið á ákærusvið. Hún fékk skilaboð frá lögreglustjóranum á höfuðborgarsvæðinu um að hún ætti að mæta fyrir dómstóla. Það var verk lögreglunnar að sjá til að þess að vitni beggja aðila kæmu í dómsal, en ekki aðeins vitni Semu.

Þetta atriði og fyrirsögn fréttarinnar er því lygi en sýnir fúskið og ruglið í kringum þetta mál. Að það sé hringt í vitni og þau beðin að skjótast niður eftir með stuttum fyrirvara og ef þau geta ekki bara mætt í einum grænum, þá er sagt að vitnið hafi ekki viljað mæta!

 

Vitni Margrétar vildi ekki mæta í dómsal

Hjartastopp íþróttamanna

Martin Halle var á fundi KSÍ 3.sept. sl. ásamt Davíð O. Arnar. Martin sagði að atvik eins og hjá Emil Pálssyni og Ericsen hefðu ekki fundist í skanna eða e.k. skoðunum, enda eru þeir allir í reglulegum skoðunum m.a. á hjarta. 

„Við telj­um okk­ur vera í sér­stakri aðstöðu á Íslandi til að nota erfðaupp­lýs­ing­ar við leit að or­sök hjarta­stopps,“ sagði Berglind Aðalsteinsdóttir hjartalæknir. Leitið ekki langt yfir skammt!

Hér virðast menn vera að búa sér til "vísindaverkefni" þegar hið augljósa liggur fyrir eins og margir hjartalæknar hafa sagt. t.d. Aseem Malhotra frá Bretlandi. Það eru mRNA líftæknilyfin, ranglega nefnd bóluefni, sem eru að valda þessu hjartastoppum, þ.e.a.s þessari miklu aukningu (þau hafa alltaf verið til staðar en ekki í þessum mæli).

Davíð O. Arnar hefur fengið send gögn sem sýna stóraukna tíðni hjartastoppa og hjartakvilla meðal íþróttamana.

 

Hér er vefsíða sem heldur utan um íþróttamenn og hjartaáföll.

https://goodsciencing.com/covid/athletes-suffer-cardiac-arrest-die-after-covid-shot/

Þá hélt ástralskur þingmaður ræðu í des.sl. þar sem hann sýndi að tíðni hjartaáfalla hefðu nánast tvöfaldast í hópnum 15-44 ára frá því að byrjað var að sprauta mannskapinn með þessum efnum.

Ef þessir ágætu hjartalæknar ætla að hunsa það augljósa sýnir það að þeir eru í afneitun á stærsta hneyksli í læknisfræðinni eins og ástralski þingmaðurinn sagði jafnframt í þingræðu sinni. 

Hér má sjá upptökuna í þinginu í Ástralíu sem þessi gögn eru sýnd.

Eft­ir því tekið þegar íþrótta­fólk hníg­ur niður

"Kínverska afbrigðið" breiðist út

Frá því að vera læstir inn í íbúðum sínum, fá Kínverjar stuttu síðar að ferðast um heiminn.

„Og best væri ef aðgerðir yrðu samhæfðar alls staðar,“ segir sóttvarnalæknir.

Hvað gerist næst?

„Nýtt kínverskt abrigði“ finnst í öðru landi (kannski Ítalíu) sem Kínverjar fljúga til. Og þá endurtekur sagan sig. Allir þurfa að taka Covid próf fyrir flug og við lendingu.

„Sóttvarnaraðgerðir“ hefjast að nýju og fólk verður hvatt til að taka fleiri skaðlega „örvunarskammta.“ 

Vonandi hef ég rangt fyrir mér.

Funduðu í morgun og fylgjast grannt með útbreiðslunni

Áhrifamáttur Túrmerik

Vísindin hafa sýnt fram á að túrmerik er jafn áhrifaríkt til lækninga og a.m.k. 14 hefðbundin lyf.

Túrmerik er ein af þeim jurtum sem til er í dag og hefur verið rækilega rannsökuð. Eiginleikar jurtarinnar til lækninga ásamt innihaldsefnum hennar (aðallega curcumin) hafa verið viðfangsefni meira en 12.000 ritrýndra og birtra líflæknisfræðilegra rannsókna.

GreenMedInfo (GMI) hefur gert fimm ára rannsókn á þessari helgu plöntu og fundið meira en 800 mögulegar leiðir til að nýta hana, bæði til lækninga og sem fyrirbyggjandi, auk 250 mismunandi gagnlegra lífeðlisfræðilegra áhrifa.

Miðað við hversu margar rannsóknir eru gerðar á þessari merkilegu plöntu er engin furða að vaxandi fjöldi rannsókna hafi komist að þeirri niðurstöðu að hún standist vel samanburð við margs konar hefðbundin lyf eins og:

Lipitor/Atorvastatin sem er kólesteróllyf og notað fyrir sykursyki 2, steralyfið Corticosteroids, Dexamethasone sem notað er við bólgusjúkdómum, ofnæmiseinkennum o.fl., Prozac/Fluoxetine og Imipramine sem gefin eru við þunglyndi, aspirín (sem blóðþynnandi), og ýmis bólgueyðandi lyf eins og aspirín, ibuprofen, sulindac, phenylbutazone, naproxen, indomethacin, diclofenac, dexamethasone, celecoxib og tamoxifen.

Einnig hafa rannsóknir sýnt að túrmerik standist samanburð við lyfið Ozalipltain (notað í krabbameins-meðferð) og sykursýkislyfið Metformin.

Hægt er að hlaða niður upplýsingum um túrmerik í PDF skjali.

Nánar um rannsóknir og áhrif túrmerik má lesa hér.

Fuglinn flýgur eftir okkar reglum

Thierry Breton, framkvæmdastjóri innri markaðar hjá ESB, sagði að Twitter verði að „fljúga eftir reglum ESB“. Þetta sagði hann eftir kaup Elon Musk á Twitter fyrir 44 milljarða dollara.

Tæknifyrirtæki munu standa frammi fyrir meiri þrýstingi um að fjarlægja ólöglegt efni samkvæmt lögum ESB um stafræna þjónustu og geta fyrirtæki verið sektuð um allt að 6% af alþjóðlegum árstekjum félagsins fyrir brot á reglunum. Gert er ráð fyrir að reglurnar taki gildi árið 2024.

„Fuglinn er frjáls,“ tísti Musk eftir kaup sín á Twttier og sem svar við því tísti framkvæmdastjórinn Breton: „Í Evrópu mun fuglinn fljúga eftir reglum okkar.“

Musk hefur áður sagst styðja algjört tjáningarfrelsi og segist vilja breyta Twitter í „stafrænt bæjartorg“ með færri takmörkunum á því sem má segja.

Leið hjartans - ný bók eftir Guðrúnu Bergmann

Guðrún Bergmann rithöfundur og heilsu-og lífstílsráðgjafi hefur gefið út nýja bók - „Leið hjartans.“

Í bókinni fjallar Guðrún um það framþróunarferli sem mannkynið er að fara í gegnum, sem kallað hefur verið VITUNDARVAKNINGIN MIKLA og ætluð er að vekja okkur til vitundar um alla þá duldu hæfileika sem mannfókið býr yfir en hefur hingað til verið ómeðvituð um. „Við erum nefnilega mun öflugri en við höldum“, segir Guðrún.

„Jörðin er að fara í gegnum sínar breytingar í sólkerfinu, því hún er á leið inn í Ljóseindabeltið. Hún var þar síðast á tímum Atlantis. Framundan eru miklar umbyltingar, niðurbrot gamalla kerfa og uppbygging nýrra og algerlega ólíkra kerfa.

Nýju kerfin þarf að reisa með víðsýni, umburðarlyndi og samkennd. Til að geta gert það þurfum við að læra að hugsa með hjartanu, rétt eins og höfðinu, og virkja markvisst kærleiksorkuna í okkur sjálfum,“ segir Guðrún.

Þess vegna kallar Guðrún bókina LEIÐ HJARTANS.

Bókin er  komin úr prentun og dreifingu og fæst í Penninn Eymundsson - Betra-líf og svo er útgáfutilboðsverð á vefsíðu Guðrúnar.

Grímuskylda fallin úr gildi skv. þýskum sóttvarnarlögum

Samkvæmt þýskum fjölmiðlum var grímuskylda í millilandaflugi felld niður að miðnætti 23. sept., eða um 7-8 klst. áður en vélin til Munchen, sem Margrét Friðriksdóttir ætlaði með, átti að fara í loftið. Það var því engin grímuskylda á þessum tíma skv. þýskum sóttvarnarlögum, burt sér frá einhverjum reglum Icelandair eða samningum. 

Þetta var ekki látið fylgja með viðtalinu sem Morgunblaðið tók við hana í viðtengdri frétt,(sem virðist hafa slitnað frá fréttinni) en þó er þetta mikilvægur punktur, lagalega séð.

Auk þess þarf samþykki flugstjóra til að vísa farþega úr flugvél. Veitti hann samþykki? Skv. Margréti, sem talaði við flugstjórann sem aldrei kom fram, sagði hann að flugfreyjurnar réðu þessu. Sem er rangt, samþykki flugstjóra þarf til.

Það er auðvelt að búa til vandræði ef þú neitar farþega að hafa hjá sér handfarangur, með dýrum búnaði, eins og hann á rétt á, og ljúga því að taskan sé of stór og ekki pláss fyrir hana. Taskan var minni en leyfileg stærð handfarangurs skv. reglum Icelandair. Og það var nóg pláss. Hver yrði sáttur með þannig framkomu?

„Tvenn­um sög­um fer af því hvers vegna Mar­grét var rek­in út,“ segir Ólafur blaðamaður í fréttinni. Hver er hin sagan eða frásagnar-eða heimildarmaður?

p.s. hvers vegna er Ólafur blaðamaður, eins og hann kynnti sig, ekki skrifaður fyrir þessari frétt? Bara nafnlaus pistill, ekkert netfang?

Er saltvatnið öruggara? Forstjóri lyfjafyrirtækis greiddi offjár fyrir að sleppa bóluefninu

José Maria Fernandez Sousa-Faro, forstjóri evrópska lyfjarisans PharmaMar, hefur verið kærður af lögreglu fyrir að vera með falsað Covid-19 bólusetningavottorð.

Dr. Sousa-Faro er meðal yfir 2.200 manna á lista sem landslögreglan hefur tekið saman yfir þá sem fengu ekkert bóluefni en eru skráðir sem bólusettir í heilbrigðiskerfi landsins. Á listanum eru mörg þekkt andlit og fólk sem tilheyrir yfirstéttinni.

Dr. Sousa-Faro tók þátt í að rannsaka Covid-19 bóluefnin og geta það varla talist góð meðmæli að forstjórinn hafi frekar viljað saltvatn og borgað fyrir það offjár.

Lögreglan heldur því fram að Sousa-Faro hafi séð um að láta sprauta sig með saltlausn í stað Covid-19 bóluefnis og greitt þúsundir dollara fyrir að láta bæta nafni sínu á bólusetningarskrá Spánar, eins og staðfest var af lögreglunni og greint frá af El Periodico de Espana.

Nánar.

AstraZeneca brigslað um taugasjúkdóm

Slegist um bólusóttarbóluefnið - really?

Sóttvarnarlæknir kann að láta hutina hljóma spennandi. Gæti líklega selt ömmu sína. Hvenær kemur svo hjarðónæmið?

Hver er að slást um þetta efni sem örfáár hræður eru að smitast af, vægur sjúkdómur' Þetta bóluefni er það bóluefni sem sem hefur sterkustu tengslin við hjartabólgur (greinin er birt 2018, áður en Covid byrjaði þannig að þau efni eru ekki með).

,,Hér­lend­is eru til bólu­efni gegn bólu­sótt, en þeim fylgja mikl­ar auka­verk­an­ir og yrðu því aldrei notuð. Hann seg­ir að nú sé kom­in þriðja kyn­slóðin af þess­um bólu­efn­um, sem hafi óveru­leg­ar auka­verkna­ir og virki ágæt­lega," sagði Þórólfur. Hann sagði það líka með Covid-bóluefnin en þau hafa slegið öll met í aukaverkunum. 

Sem sagt komin ný bóluefni strax við faraldri sem hafði veri útrýmt.

Og hvers vegna erum við hangandi i ESB með þessi lyfjakaup - erum við gengin í sambandið?

Bóluefni gegn apabólu kemur til Íslands

Hefur hún fengið Covid-bóluefni?

„Það sem var mjög auðvelt áður er mikið verk núna. Ég hef átt erfitt með að fara út að labba í tíu mín­út­ur eða út í búð. Ég er að upp­lifa ein­kenni eins og ljós­fælni, er viðkvæm fyr­ir hávaða, heilaþoku, haus­verk, svima og hraðan hjart­slátt,“ seg­ir Ragn­heiður og bæt­ir við að ein­kenn­in séu mjög mis­mun­andi eft­ir dög­um og vik­um.

Hefur Ragnheiður, eins og flest íþróttafólk fengið Covid-bóluefni og svo Covid ofan í það?

Lýsingin er svipuð en þó ekki alveg jafn slæm og hjá Margréti Ósk Guðbergsdóttir (og fleirum) sem hefur hefur verið lasin í 14 mánuði og fer versnandi:

Sjá frásögn hér.

Uppfært: Ragnheiður er þríbólusett og Mogginn segir EKKI ORÐ um það. Breska BBC útvarpskonan Jules Serkin sem þjáist af aukverkunum eftir Astra Zeneca vill meina að helstu miðlum hafi verið bannað að tala um aukaverkanir, sjá hér. 

https://twitter.com/emalinedelapaix/status/1524135291195473921

Mikil streita olli miklum veikindum