Leita í fréttum mbl.is

,,Ef ég sé eftir einhverju í þessu lífi er það að hafa látið sprauta í mig þessum viðbjóði!"

Í hópnum Kórónuveiran Covid-19 er fjallað um ýmislegt tengt Covid og undanfarið töluvert mikið um hin ýmsu veikindi eftir sprauturnar. Ég fékk leyfi til að skrifa um þessar frásagnir, nokkuð sem fjölmiðlar hafa ekki nokkurn áhuga á, eins æstir og þeir voru í að fjalla um Covid veikindin.  

Í hópnum skrifar til dæmis Hrafnhildur Birgisdóttir:

„Ég upplifði kulda af fyrstu Pfizer sprautunni en af seinni fann ég mikið fyrir máttleysi og mikilli þreyttu u.þ.b þremur vikum síðar. Ef ég hef séð eftir einhverju í þessu lífi þá er það að hafa látið sprauta þessum viðbjóði í líkama minn. Ég er að bíða eftir mínum lækni sem kemur úr sumarfríi um miðjan júlí. Ég er betri í dag en þetta kemur allt yfir mig á kvöldin sem fer minnkandi sem betur fer. Ef þú ert með góðan lækni, láttu hann athuga."

Sú sem hóf umræðuna heitir Helga Kristín Einarsdóttir:

Mig langar að forvitnast aðeins varðandi aukaverkanir af Pfizer bóluefninu. Er einhver sem upplifði skrítna tilfinningu í nefkoki, sár verkur frá stungu með leiðni uppi í eyra út í kjálka og upp í höfuð og doða tilfinningu út í fingurgóma fyrst á eftir fyrri bólusetningu. Allt gekk svo sem fljótt til baka nema sár verkur í kjálkanum. Núna á 5. degi eftir bólusetningu er ég viðþolslaus af verkjum í bakinu með máttleysi og doða í útlimum, svima og einbeitingarskort og miklar kvalir í maga. Nú spyr ég: Kannast einhver við svona einkenni eftir bólusetningu við COVID eða ætli þetta sé einhver umgangapest?" Hún bætti við:
„Ég er ekki kvartsár kona og held alltaf að nú sé þetta yfirstaðið svona um miðjan dag en svo hellist þetta yfir mig af miklu afli aftur seinnipartinn þar til um miðjan næsta dag. Mjög sérstakt og virkilega óþægilegt. Ég er ekki vön svona magakvölum eða höfuðverk og slappleika alls ekki. En núna."

hrafnhildurmynd
Ég spurði Hrafnhildi (sem er á myndinni) hvers vegna hún hefði farið í sprautuna. Hún sagðist hafa upplifað mikla pressu í þjóðfélaginu, hlustað á umfjöllun lækna og sóttvarnarlæknis, og hafi trúað því að hún myndi ekki fá neinar aukaverkanir. Hún bætti því við að hún hefði alltaf verið hraust, æft mikið í World Class en ekki farið í tvær vikur vegna þróttleysis.
 
Ég spurði hana líka hvort hún væri búin að tilkynna aukaverkanirnar til Lyfjastofnunar:

„Nei, hver hlustar á okkur? Treysti ekki þessu batteríi. Því miður."

Hér má lesa fleiri frásagnir Íslendinga eftir sprauturnar og hér eru lýsingar kvenna sem eru að glíma við vandamál tengd tíðarhringnum. Þetta er allt tekið úr fjölmennum opnum hópum og því ætti að vera í lagi að endurbirta efnið. Enda varðar þetta almenning þó að læknar, yfirvöld og Lyfjastofnun þegi.
 
Þöggunin í kringum veikindin eftir sprauturnar er mikil og alvarleg. Hér heima hafa borist yfir 2000 tilkynningar og þar af um 130 alvarlegar sem teljast samkvæmt skilgreiningu Lyfjastofnunar vera lífshættuleg tilvik eða dauði. Og það sama á við um allan heim. Sjáið þetta myndband sem fer nú eins og eldur um sinu þar sem Bandaríkjamenn kalla á hjálp. "We want to be heard."
 
wanttobeheard

 

« Síðasta færsla | Næsta færsla »

Athugasemdir

1 Smámynd: Geir Ágústsson

Hvað ætli Hrafnhildarnar sem tilkynna ekki aukaverkanir séu margar? Tölfræðin er sennilega töluvert skárri en raunveruleikinn.

Geir Ágústsson, 8.7.2021 kl. 16:14

2 identicon

Rannsóknir hafa sýnt að um 1% af aukaverkunum rata í VEARS og í mesta lagi 10%

Halli (IP-tala skráð) 9.7.2021 kl. 12:12

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Þórdís Björk Sigurþórsdóttir
Þórdís Björk Sigurþórsdóttir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband