Þöggun fjölmiðla og Lyfjastofnunar um andlát og aukaverkanir!

„Fjöl­skylda konu sem lést sól­ar­hring eft­ir að hafa verið bólu­sett með AstraZenca vill láta rann­saka hvort bólu­efn­inu sé um að kenna.Þetta kom fram í kvöld­frétt­um RÚV. And­látið var strax til­kynnt til Lyfja­stofn­un­ar og láta stofn­un­in, land­lækn­ir og sótt­varna­lækn­ir gera rann­sókn á fimm and­lát­um í kjöl­far bólu­setn­inga."

Það kom fram í kvöldfréttunum að fjölskylda konunnar hafi reynt að ná athygli fjölmiðla. Hvers vegna fékk málið ekki athygli? Fyrir hverja eru fjölmiðlar að vinna? Eru þeir með í að sópa andlátum vegna bóluefnanna undir teppið? Þessir sömu aðilar eru líka samtaka um að segja bóluefnin vera með markaðsleyfi. Þau eru það ekki, aðeins skilyrt markaðsleyfi sem er annað hugtak yfir neyðarleyfi/undanþágu.

Andlát tengd bóluefnunum eru mun algengari en Lyfjastofnun og yfirvöld vilja gefa upp. Það er hægt að fylgjast með þróuninni í öðrum löndum, hún er alls staðar sú sama.

Lyfjastofnun svarar nánast aldrei þegar hún er spurð um hverjar tilkynntar aukaverkanir eru. Þetta varðar almenning og stofnunin á að starfa skv. stjórnsýslulögum, þar á meðal upplýsingaskyldu. En hún þegir og þess má geta að upplýsingafulltrúi stofnunarinnar sem á að veita þessar upplýsingar en gerir nánast aldrei, er í frítímum sínum að viðra skoðanir sínar á facebook, t.d. hópnum Covid19 opin umræða. Kemur Lyfjastofnun, sérfræðingum Íslenskrar erfðagreiningar og háskólans til varnar, birtir „glæstar" ferilskrár þessara einstaklinga o.fl. 

En upplýsingafulltrúinn sinnir ekki störfum sínum fyrir Lyfjastofnun á daginn, n.t.t. að upplýsa almenning um hverjar þessar 97 alvarlegu aukaverkanir eru, en alvarleg aukaverkun telst skv. skilgreiningu Lyfjastofnunar vera lífshættulegt tilvik, sjúkrahúsvist eða andlát.

Ég var búin að heyra af andláti 72 ára konunnar. Spurði um það hjá Lyfjastofnun. Þegar þau loks svöruðu sögðu þau að andlát tengt AstraZeneca tengdist eldri einstaklingi, svona eins og einn á níræðisaldri hefði verið að deyja. 72 ára telst ekki beint eldri einstaklingur og því er aldurinn ekki skýringin á andláti eins og ýjað er að hjá Lyfjastofnun! (sjá samskipti neðar). Lyfjastofnun tekur líka alltaf fram að þeir sem hafi tilkynnt um alvarlegar aukaverkanir hafi verið með undirliggjandi sjúkdóma.

Vonandi fara aðstandendur í skaðabótamál. Það þarf varla að rannsaka hvort manneskja sem veikist sama dag og hún fær bóluefni, sem nú er þekkt fyrir blóðtappa og hefur verið stöðvað í mörgum ríkjum, sé orsök andlátsins. Danmörk hefur þegar greitt sínar fyrstu bætur til ungrar konu sem fékk blóðtappa eftir AstraZeneca. Hér má lesa um  fleiri veikindi Íslendinga eftir bóluefnin.

Vill rannsókn á andláti í kjölfar bólusetningar

Fyrst ekki skaða! Mun Ingileif taka ábyrgð ef illa fer með unga fólkið?

„Bólu­efni Pfizer/Bi­oNTech hef­ur verið samþykkt til notk­un­ar fyr­ir 12-15 ára börn í Banda­ríkj­un­um og hjá Lyfja­stofn­un Evr­ópu." segir Ingileif sem starfar hjá einkafyrirtæki í eigu erlendra aðila, Amgen.

Ingileif ætti að taka fram að lyfin eru á neyðarleyfi í Bandaríkjunum og skilyrtu leyfi í Evrópu (annað hugtak yfir neyðarleyfi / undanþágu). Hvers vegna segir hún það ekki?

Hún ráðleggur stjórnvöldum að bólusetja börnin, m.a. til að ná hjarðónæmi.

Hefur verið kannað hversu mikið ónæmi mælist meðal barna og ungmenna vegna veiru sem hefur verið í samfélaginu í meira en ár? Jafnvel frá janúar 2020, áður en tekið var eftir henni. Börn og unglingar hafa verið í skóla og meðal annarra barna allan tímann. Ónæmið hlýtur því að vera töluvert. 

Auk þess hefur komið fram að bólusetning með þessum líftæknilyfjum koma ekki í veg fyrir smit. Hvernig á þá að mynda hjarðónæmi?

Í Ísrael stóð til að bólusetja alla 12-15 ára, frá og með 6. júní, en nú hika menn, aðallega vegna rannsóknar EMA (European Medical Association) á tengslum bólginna hjartavöðva (myocarditis) og Pfizer í ungu fólki í Ísrael. Flest tilvikin eru meðal ungra karla / unglinga, 16-19 ára. Ísraelar ætla nú fyrst að byrja á því að bólusetja 12-15 ára sem eru í áhættuhóp. Sem sagt ekki allan hópinn. Veit Ingileif af rannsókninni? Já, auðvitað veit hún það, hún er vísindamaður. 

Þessir læknar í Ísrael mótmæla bólusetningu barna. Hvar eru íslenskir læknar? Fyrst ekki skaða! Ávinningur versus áhætta! Börn eru tölfræðilega séð ekki í neinni hættu vegna þessarar veiru, það hefur margoft komið fram, meðal annars hjá Kára Stefánssyni yfirmanni Ingileifar. Skepnan hlífir börnunum okkar! Hvers vegna að taka áhættu með lítt prófað líftæknilyf þar sem tiltölulega lítill hópur tók þátt í rannsóknum?

Valtýr Stefánsson Thors barnasmitsjúkdómalæknir telur rétt að hinkra fram á haust og vísar til þess að það er ekki víst að afar sjaldgæfar aukaverkanir komi fram í rannsókn af þeirri stærðargráðu sem var framkvæmd á unglingum. 2.260 unglingar á aldrinum 12-15 ára tóku þátt í rannsókninni, 1.131 unglingur fékk bóluefni, en 1.129 fékk lyfleysu.

Þetta er lítill hópur. Og við vitum að töluvert meira er um aukaverkanir heldur en upp var gefið, enda hefur t.d. verið gert hlé eða alfarið hætt að nota Astra Zeneca og Janssen, stuttu eftir að byrjað var að nota þau á almenning. Það hlýtur að sýna að rannsóknirnar sem lyfjafyrirtækin gerðu sjálf voru ekki mjög marktækar. Á Íslandi hefur verið tilkynnt um yfir 1400 aukaverkanir, þar af 93 alvarlegar. Það er ekki lítið, vitandi að margir tilkynna ekki neitt.

Ekkert barn eða ungmenni hefur þurft að leggjast á spítala vegna Covid. Hvað segir það okkur um sjúkdóminn?

Hér er viðtal við bandarískan lækni, Jane Ruby, sem segir ástandið í Ísrael vegna hjartameina meðal unga fólksins mun verra en opinberar tölur segja. 

 

Viljum ekki fá ný og skæð afbrigði inn í landið

Neyðarástand á bráðamóttöku eftir að Covid lýkur?

„Vil­hjálm­ur Ari Ara­son, 65 ára lækn­ir á bráðamót­töku Land­spít­al­ans, hef­ur sagt upp eft­ir 40 ára starf. Hann seg­ir neyðarástand ríkja á deild­inni þar sem fjöldi lækna segi upp og álag auki lík­ur á mis­tök­um...álagið hafi þó auk­ist á síðustu árum og þrátt fyr­ir skamm­vinn ró­leg­heit í kring­um Covid-far­ald­ur­inn. Nú streymi sjúk­ling­ar aft­ur inn af full­um þunga og mönn­un deild­ar­inn­ar svari því eng­an veg­inn."

Athyglisvert. Var sem sagt rólegt á bráðamóttökunni í kringum faraldurinn sjálfan en allt brjálað að gera núna þegar faraldurinn er á undanhaldi og stór hluti landsmanna er bólusettur fyrir Covid? Okkur var sagt að það ríkti neyðarástand þegar faraldurinn var í hámarki, spítalinn á neyðarstigi, oftar en einu sinni og mikið álag á bráðamóttökunni. Sjá t.d. hér, álag á bráðamóttöku vegna faraldursins. Og hér; álag á bráðamóttöku á Akureyri vegna heimsfaraldurs. Mikið álag vegna heimsfaraldurs á bráðamóttöku í Fossvogi. Þetta eru nokkur dæmi af ca. hundrað fréttum um álag á bráðamóttöku í heimsfaraldrinum. Og nú er faraldurinn liðinn, og álagið enn meira!

Hverjir eru að hrúgast inn á bráðamóttökuna í dag? Það er  komið sumar og flensutíðinni því lokið. Auðvitað spyr ég hinnar óvinsælu spurningar. Eru það veikindin eftir bólusetningar sem eiga hlut að máli? Hér má lesa samantekt um dæmi yfir veikindi eftir sprauturnar. Ath. þetta hefur allt verið birt á opnum facebook hópum þar sem tugir þúsunda eru meðlimir og því er í lagi að endurbirta enda varðar þetta almannahagsmuni þó að Lyfjastofnun kjósi að segja ekkert um aukaverkanir á síðu sinni. Enda myndi fólk kannski hugsa sig tvisvar um ef það sæi t.d. á síðu Lyfjastofnunar að tilkynnt hefði verið um sjónmissi eftir Pfizer. Sjá mynd neðar.

Þessi skýrsla frá Ísrael segir að aldrei áður hafi nokkuð bóluefni valdið jafnmörgum, jafnmiklum skaða. Pfizer var eingöngu notað í Ísrael. Ath. skýrslan í heild er á hebresku en útdráttur á ensku, neðst í þessari grein. Miðað við það að 1446 tilkynningar um mögulegar aukaverkanir hafi borist Lyfjastofnun og þar af 93 alvarlegar, en alvarlegar aukaverkanir teljast skv. Lyfjastofnun vera lífshættuleg tilvik, sjúkrahúsvist og andlát. Þá mætti ætla að veikindin auki á álag  heilbrigðiskerfisins. Og yfirvöldum sem er svona annt um heilsu landsmanna, hvernig væri að styrkja kerfið?!

„Sjúklingurinn er heilbrigðiskerfið “

Ekkert ónæmi mældist hjá þessum eftir bólusetningu!

,,Yf­ir­leitt mæl­ist nóg af mót­efni eft­ir bólu­setn­ingu en í sum­um til­vik­um mæl­ist fólk ekki með nægi­lega góða mót­efna­svör­un. Kári seg­ir þetta frek­ar stafa af fjöl­breyti­leika manns­ins held­ur en ból­efna." 

Fyrir stuttu var umræða á facebook síðu Kára Stefánssonar þar sem hann hvatti alla til að fara í bólusetningu. Þar undir skrifaði maður sem sagðit ekkert ónæmi hafa mælst með sbr. myndina. Mér hefði fundist að Kári hefði mátt svara honum. (Smellið á myndina til að sjá betur).
Uppfært: Þessi mælist ekki með neitt ónæmi heldur, þrátt fyrir sprauturnar.

Ónæmissvar stafi af fjölbreytileika manna

Sveitarfélög á gráu svæði með persónuverndarlög!

„Þá seg­ir Þórólf­ur óal­gengt að fólk hafni bólu­setn­ingu hér á landi, þó ein­hverj­ir láti ekki sjá sig. Hann seg­ir ekki út­lit fyr­ir að fólk sem vinni með viðkvæm­um hóp­um muni verða skyldað í bólu­setn­ingu." 

Þó það þú væri, enda ólöglegt að skylda fólk til að taka inn lyf sem er á undanþágu. Og bara yfirleitt að skylda menn í einhvers konar bólusetningar, lyfjainntöku eða aðgerðir.

En hvað með þá staðreynd að  sveitarfélög, hjúkrunarheimili o.fl. sendi út lista til heilsugæslunnar/landlæknisembættisins yfir stafsfólk, þar á meðal ungt og ósjálfráða sumarstarfsfólk (16 og 17 ára) í þeim tilgangi að kalla það í „starfstengda" bólusetningu. Stenst þetta lög um persónuvernd?

Ef það er í lagi, mega þessar stofnanir þá líka senda listana eitthvert annað, t.d. á fjármálastofnanir sem vilja fræða fólkið um sparnað og fleira. Eða til lífeyrissjóða sem vilja upplýsa unga fólkið um starfsemi lífeyrissjóða og ráðleggja því hvaða sjóðir eru hentugastir?

Starfsfólkið fengi þá sent sms um boð vegna starfs síns. „Mættu á skrifstofu Lífeyrissjóðs VR á fimmtudaginn, hér er strikamerki, hópur Vinnuskóli Hafnarfjarðar - störf með börnum. Lærðu að spara!"

Hvað eru viðkvæmir hópar? 

Það er alltaf að breytast; fyrst var það gamla fólkið og þeir sem glíma við sjúkdóma. Núna eru það börnin, því nú skal líka kalla til unglinga sem eiga að vinna með börnum í sumar; á leikskólum, tómstundarnámskeiðum, o.fl. Síðan hvenær eru börn orðin viðkvæmur hópur? Hér er svar á síðu landlæknis:

Eru börn og unglingar í hættu?

Hlutfallslega fá smit af COVID-19 greinast hjá börnum á leik- og grunnskólaaldri, flest börn fá væg einkenni og einnig benda upplýsingar til að börn smiti sjaldan aðra þó það geti gerst og þá sérstaklega innan heimilis. Allir geta samt sýkst af kórónuveiru og þó mjög lítið sé um alvarlegar sýkingar meðal barna er þeim þó lýst. 

Hvað skyldi standa í leynilegu bóluefnasamningunum sem íslenska ríkið hefur gert við lyfjaframleiðendur sem ekki einu sinni þingmenn mega sjá. Hvað þolir ekki ljósið? Munið þegar allir lyfjaframleiðendur ætluðu að snúa bökum saman og bjarga heiminum!

Hefur íslenska ríkið lofað að x margir verði bólusettir? Ef svo, þá eru þetta allt föðurlandssvikarar og landráðamenn. Minnir á Icesave!

p.s. hef sent erindi til Persónuverndar hvað sveitarfélögin snertir og útsenda lista.

Og hér er sýnishorn á aukaverkunum sem Íslendingar, þar á meðal ungt fólk, er að glíma við eftir bólusetningar. Er þetta í lagi?

Uppfært: Svar var að berast frá Persónuvernd. Sýnist í stuttu máli svarið vera: Það er heimsfaraldur og þá má allt. (líka þar sem meðalaldur látinna er ca. 88 ár).

Sæl, Þórdís.

Persónuvernd vísar til þriggja tölvupósta  frá þér frá 26. maí 2021, um hvort það standist persónuverndarlög að sveitarfélag sendi upplýsingar til Landlæknis/Heilsugæslunnar um skólafólk í sumarstörfum.

 

Því er til að svara að Persónuvernd getur einungis veitt almennar leiðbeiningar um efnið í ljósi eftirlitshlutverks stofnunarinnar. 

 

Öll vinnsla persónuupplýsinga þarf að byggjast á heimild í persónuverndarlögum og að samrýmast meginreglum persónuverndarlaga.

 

Persónuvernd vekur athygli á að sérstakar leiðbeiningar hafa verið gefnar út í tengslum við vinnslu persónuupplýsinga vegna COVID-19.

Persónuverndarlög standa ekki í vegi fyrir vinnslu persónuupplýsinga af ástæðum er varða almannahagsmuni á sviði lýðheilsu, svo sem til að verjast alvarlegum heilsufarsógnum sem ná yfir landamæri eða tryggja gæði og öryggi heilbrigðisþjónustu. Engu að síður þarf að huga að tilteknum atriðum þegar unnið er með persónuupplýsingar við þessar aðstæður, sérstaklega þegar um er að ræða upplýsingar um heilsufar og aðrar viðkvæmar persónuupplýsingar. Það þarf því að vera heimild til að vinna upplýsingarnar og vinna þarf með þær samkvæmt meginreglum persónuverndarlaganna, t.d. með því að gæta meðalhófs í skráningu og gagnsæis gagnvart þeim sem upplýsingarnar lúta að.

 

Að öðru leyti leiðbeinir Persónuvernd þér um að snúa þér til Embættis landlæknis eða persónuverndarfulltrúa þess, sért þú með frekari spurningar varðandi umrædda vinnslu. Netfangið er [e-mail].

 

Fáir þú svör sem þú telur ófullnægjandi getur þú sent Persónuvernd formlega kvörtun

Tekið skal fram að í svari við almennri fyrirspurn tekur Persónuvernd ekki bindandi afstöðu til þess hvort farið hafi verið að lögum í tilteknu tilviki. Óskir þú frekari upplýsinga er velkomið að hafa samband aftur, en símatími lögfræðinga er á þriðjudögum og fimmtudögum á milli kl. 10 og 12. 

 

F.h. Persónuverndar,   

 

 

Nú fer virkilega að reyna á hjarðónæmið

London Bus þakinn skilaboðum - "vaccine passports" settir á ís!

Þessi London strætó verðskuldar sér bloggfærslu, svona leit hann út eftir mótmælin í London í gær. Nóg að lesa hjá bílstjóranum. Þessi frétt var að birtast, hætt við vaccine-passports, daginn eftir mótmælin!

Söguleg mótmæli í London - látið það ekki spyrjast út!

Kristín Þormar fréttaritari í London (nei ekki beint en...) segir frá fjöldamótmælum í London sem helstu fjölmiðlum er bannað að segja frá. Annars fá þeir á baukinn. Jón Magnús Jóhannesson læknir gæti líka skammað þá.

Hér er fréttin sem Kristín var að setja saman á meðan helstu fjölmiðlar sögðu frá hugsanlegu smiti í H&M búðinni og nýja blandaða afbrigðinu í Víetnam. Magnað að svona blendingur, indverskur/breskur skuli fyrst koma upp í Víetnam, ekki Indlandi eða Bretlandi. Og ekkert þessara nýju afbrigða hefur komið upp í Kína. Eru leiðtogar heims að föndra í fólkinu? Hvernig verða annars svona blönduð afbrigði til, gerist það við mök indverska afbrigðisins og þess breska?

 

 

Bólusetningaráróður í grunnskólum landsins!

Þetta er hluti úr pósti sem sendur var á foreldra þriðja bekkjar í a.m.k einum af grunnskólum landsins. Sýningin verður 3.júní.

„Í ár horfa börnin á mynd sem fjallar um sögu og mikilvægi bólusetninga fyrir börn og hvers vegna það er mikilvægt að tryggja að öll börn fái slíka vörn gegn lífshættulegum sjúkdómum. Ævar Þór Benediktsson, sendiherra UNICEF fær hjálp frá Þórólfi sóttvarnarlækni og Nadíu Lóu, formanni ungmennaráðs UNICEF á Íslandi, til að ræða þetta áhugaverða málefni."

Er þetta fræðsluefni tengt námi 9 ára barna? Nei varla, þau eru ekki að læra líffræði, eðlisfræði, efnafræði, sjúkdómafræði eða annað sambærilegt á þessum aldri. 

Nú má vera að myndin fjalli um bólusetningar almennt og ekki einu orði minnst á Covid-19 bóluefnin, en tímasetningin er áhugaverð og það að sóttvarnarlæknir verði til aðstoðar. 

Pfizer hefur nýlega fengið neyðarleyfi fyrir 12-15 ára í Bandaríkjunum. Í frétt mbl.is um málið kemur fram: „Þar gætu Banda­ríkja­menn þó glímt við sama vanda­mál og hef­ur komið upp í bólu­setn­ingu eldri hópa, þ.e. að sann­færa fólk um að þiggja bólu­efnið. Sam­kvæmt nýrri könn­un tel­ur aðeins rétt rúm­ur helm­ing­ur for­eldra lík­legt að þau muni láta bólu­setja börn sín um leið og það stend­ur til boða."

Pfizer og Moderna eru einnig byrjuð að prófa lyfin á börnum og ungabörnum. AstraZeneca líka en rannsóknin var stöðvuð tímabundið a.m.k., og Janssen er byrjað að prófa á unglingum.

Ef minnst verður á sjúkdóminn Covid-19 og bólusetningar gegn honum á sýningardaginn, verða börnin ekki örugglega upplýst um að þau séu ekki í hættu og að ekkert barn eða ungmenni á Íslandi hafi þurft að fara á spítala vegna sjúkdómsins? Og eins og Kári Stefánsson sagði í mars 2020: „Skepnan hlífir börnunum okkar", börn og unglingar smitast síður en fullorðnir og veikjast minna.

Fleira sem mætti upplýsa krakkana um ef Covid berst í tal eða verður hluti af myndinni:

Landlæknir Breta sagði í ágúst 2020 að þau börn sem létust úr Covid á Bretlandi hafi öll verið alvarleg veik fyrir.

Alþjóðaheilbrigðisstofnunin segir sjúkdóminn hættulegan þeim gömlu og veiku. Flestir aðrir fá væg eða miðlungs einkenni.

Landlæknisembættið - eru börn og unglingar í hættu?

Hlutfallslega fá smit af COVID-19 greinast hjá börnum á leik- og grunnskólaaldri, flest börn fá væg einkenni og einnig benda upplýsingar til að börn smiti sjaldan aðra þó það geti gerst og þá sérstaklega innan heimilis. Allir geta samt sýkst af kórónuveiru og þó mjög lítið sé um alvarlegar sýkingar meðal barna er þeim þó lýst. 

Við vitum að það er stefna íslenskra stjórnvalda og yfirvalda víðsvegar um allan heim að bólusetja sem flesta við Covid. Íslenska ríkið hefur tryggt sér 1,4 milljónir skammta.

Uppfært: Var að sjá þessa frétt á rúv frá 30. apríl um málið. Jú, jú þetta er bullandi hræðsluáróður. „Börn geta dáið...." 

 

 

Pfizer samþykkt í Evrópu fyrir 12-15 ára

Danska ríkið greiðir sínar fyrstu skaðabætur!

,,Kon­ur sem eru yngri en 55 ára og fengu bólu­setn­ingu með bólu­efni AstraZeneca eru sjúkra­tryggðar hvað mögu­leg­ar auka­verk­an­ir við bólu­setn­ingu varðar þar sem yf­ir­völd buðu þeim bólu­setn­ing­una, jafn­vel þó ekki sé leng­ur mælt með því að ung­ar kon­ur fái bólu­efnið. Þetta kem­ur fram í svari Sjúkra­trygg­inga Íslands við fyr­ir­spurn mbl.is."

Þessari frétt sem allir fjölmiðlamenn sem fylgjast með fréttum í Danmörku (flestir gera það auðvitað) hefði mátt fylgja þessi frétt Politiken sem segir að danska ríkið hefur nú greitt sínar fyrstu skaðabætur til þrítugrar konu sem fékk blóðtappa í lifur og heila. 

Skaðabætur íslenska ríkisins gilda auðvitað um alla og öll bóluefni geng Covid, ekki bara AstraZeneca. Flest ríki heims tóku á sig ábyrgð lyfjanna, lyfjafyrirtækin laus allri ábyrgð.

Einkavæða hagnaðinn, almannavæða tapið. 

Yngri konur tryggðar fyrir mögulegum aukaverkunum

Þrítug dönsk kona fær skaðabætur vegna AstraZeneca

Danir hafa greitt sínar fyrstu bætur vegna bóluefnaskaða. Bæturnar voru greiddar þrítugri danskri konu sem fékk blóðtappa í heila og lifur eftir bólusetningu með AstraZeneca. Danska blaðið Politiken segir frá.

Í fyrstu eru bæturnar hóflegar en málinu er alls ekki lokið segir í fréttinni. Konan var bólusett í mars sl. í tengslum við starf sitt. Nokkrum dögum síðar fékk hún mikinn höfuðverk og síðan blóðtappa í heila og lifur. Hún var greind með nýja sjúkdóminn VITT sem varð til þess að Danir hættu að nota bóluefnið.

Í gær skrifaði ég um 44 ára breska fjölmiðlakonu sem fékk AstraZeneca. Stuttu síðar fékk hún mikinn höfuðverk og blæðingu í höfuð og lést. BBC sagði frá.

Í fyrradag skrifaði ég um 39 ára breska fyrirsætu sem veiktist nánast samstundis og lést skömmu síðar úr blóðtappa. 

Í mars sagði Fréttablaðið frá því að ung kona lægi í lífshættu vegna blóðtappa eftir bólusetningu. Samkvæmt mínum heimildum er hún enn á lífi en óvinnufær.

Greiðsla á skaðabótum í Danmörku vegna blóðtappa eftir bólusetningu (a.m.k. með AstraZeneca) hlýtur að teljast merkileg því þar er í raun komið fordæmi, viðurkenning á því að beint samband sé milli bóluefnisins og blóðtappa.

Þess má geta að Ísland er enn að nota AstraZeneca og þrátt fyrir að nýjustu reglur landlæknisembættisins um að 55 ára og yngri taki það ekki, þá er enn verið að bjóða þeim aldurshópi upp á lyfið. Þetta kom m.a. fram hjá sóttvarnarlækni á almannavarfundi í gær.

Allar þessar konur voru heilbrigðar fyrir.

p.s. vonandi veit fólk að hægt er að sækja skaðabætur frá íslenska ríkinsu vegna skaða af þessum lyfjum sem eru á rannsóknarstigi til ársins 2023. Íslenska ríkið tók á sig ábyrgð lyfjafyrirtækjanna.