BBC útvarpskona fær blóðtappa og deyr skömmu eftir AstraZeneca

Þetta er önnur dánartilkynningin sem ég skrifa hér sl. sólarhring. Í gærkvöldi var það vegna 39 ára breskrar fyrirsætu sem veiktist strax eftir bólusetningu, fékk blóðtappa og lést. Í dag er það 44 ára gömul bresk útvarpskona hjá BBC, Lisa Shaw. En hún fékk sömuleiðis blóðtappa skömmu eftir AstraZeneca og lést.

Fyrir fjórum dögum var sagt frá andláti hennar; að hún hafi dáið eftir skyndileg veikindi en nú kemur fram að verið sé að rannsaka tengslin við AstraZeneca. Fjölskylda hennar segir hana hafa fengið meðferð við blóðtappa nokkrum dögum eftir fyrstu sprautuna. Bóluefnið er skráð sem möguleg ástæða á dánarvottorði. Hún var ekki með undirliggjandi sjúkdóma og sérfræðingar segja að ávinningurinn sé enn meiri en áhættan.

Hér er þýtt viðtal við Svíann Lars Bern sem útskýrir blóðtappaáhættuna af þessum bóluefnum / líftæknilyfjum.

Eru íslenskir fjölmiðlamenn ekki örugglega búnir að sjá fréttina á BBC um þennan kollega sinn?

Veiran ekki manngerð - útilokað af íslenskum lækni og prófessor!

„For­seti Banda­ríkj­anna hef­ur farið fram á það við leyniþjón­ustu­skrif­stof­ur Banda­ríkj­anna að þær rann­saki upp­gang Covid-19 á sama tíma og vax­andi ágrein­ing­ur er um upp­runa veirunn­ar. Fyrr í vik­unni fjölluðu banda­rísk­ir fjöl­miðlar um mögu­leik­ann á því að veir­an hafi orðið til í rann­sókn­ar­stof­um í Kína en stjórn­völd í Pek­ing hafa for­dæmt þess­ar frétt­ir og segja að veir­an hafi al­veg eins getað orðið til í banda­rísk­um rann­sókn­arstofum."  
Morgunblaðið segir frá.

Sú kenning að veiran hafi verið manngerð hefur nánast verið afsönnuð af Arnari Pálssyni erfðafræðingi og íslenska lækninum Jóni Magnúsi Jóhannessyni, einnig þekktur fyrir að skamma fjölmiðla og saka fólk um falsfréttir og samsæriskenningar, t.d. þegar Mogginn vogaði sér (takk Morgunblaðið og ritstjóri þess sem gerir grín að leðurblökukenningunni) að birta auglýsingu sem minnti fólk réttilega á að tilkynna aukaverkanir vegna bóluefna sem í dag eru að nálgast 1400.

Hér er hluti af svari Jóns læknis og Arnars prófessors.

Hvernig vita menn að veiran var ekki búin til á tilraunastofu?

Rannsóknir á erfðaefni veirunnar SARS-CoV-2 sem veldur sjúkdómnum COVID-19 sýna að veiran varð til við náttúrulega þróun í mismunandi dýrum. Hægfara breytingar á veirunni og endurröðun erfðaefnisins gerði henni síðan kleift að berast til manna og að lokum að smitast þeirra á milli. Rannsóknir vísindamanna á þessu ferli útiloka, að svo miklu leyti sem það er hægt, að veiran hafi verið búin til á tilraunastofu... Allt bendir til þess að veiran hafi komið úr leðurblökum en fengið bindiprótínið úr annarri kórónuveiru sem sýkir Manis javanica." Læknafélag Íslands birtir þessa niðurstöðu Jóns Magnúsar líka. 

Hvað með Íslenska Erfðagreiningu sem hefur raðgreint fleiri hundruð afbrigði. Eru tengsl við leðurblökuna eða ekki? Var ekki búið að einangra upphaflegu veiruna? 

Síðan gæti auðvitað verið að þetta væri manngerð leðurblökuveira.
Þeir sem ekki hafa horft á upptökur frá heimsfaraldursæfingunni Event 201 sem fór fram um haustið 2019, stuttu áður en „leðurblökufaraldurinn" hófst, endilega horfið. Þar er fulltrúi frá Kína sem segir ritstjórn samfélagsmiðla og fjölmiðla mikilvæga í komandi faraldri (allt skyggnt fólk, miðlar og spámenn sem voru á ráðstefnunni) þar sem fólk gæti haldið að veiran væri manngerð! Minnir að þetta hafi verið í þessu hluta um "communications".

En munið, alltaf að taka mark á vísindum! 

 

 

Biden krefst rannsóknar á uppruna Covid-19

Bresk fyrirsæta lést eftir AstraZeneca

„Til­felli blóðtappa í kjöl­far bólu­setn­ingu með AstraZeneca og Jans­sen hafa haft um­tals­verðar af­leiðing­ar á bólu­setn­inga­her­ferðir margra landa þar sem notk­un efn­anna hef­ur ým­ist verið hætt eða hún tak­mörkuð." mbl.is 

En ekki hvað? Hættan er augljós. 

Langflestir sem hafa dáið af völdum Covid er eldra fólk og veikir einstaklingar. Enda skilgreinir WHO Covid sem sjúkdóm sem aðallega er hættulegur þeim eldri og veiku.

Aftur á móti virðist yngra fólk alveg eins veikjast og deyja af völdum bóluefnanna. Það er þöggun í gangi hvað alvarlegar aukaverkanir snertir. Ung kona hér á landi var til dæmis í lífshættu eftir blóðtappa en ekkert meira hefur verið sagt um málið. Yfirvöld hér heima hafa nú sett af stað rannsókn á tengslum blóðtappa og andláta eftir bólusetningar.

Í dag er frétt um að 39 ára bresk fyrirsæta, Stephanie Dubois, hafi fengið blóðtappa eftir bólusetningu með AstraZeneca og látist. Hún var ekki með neina undirliggjandi sjúkdóma. Þetta voru síðustu fréttir frá henni sjálfri. Og Belgar takmarka nú Janssen við 40 ára aldur efti blóðtappa og dauðsfall.

Lyfjastofnun hefur borist 1347 tilkynningar um aukaverkanir þar af 89 alvarlegar en alvarleg aukaverkun telst lífshættulegt tilvik, lömun eða dauði.

Hvenær rennur sá dagur upp þegar læknar og vísindamenn segja að áhættan sé meiri en ávinningurinn? Hér má skoða skjáskot af lýsingum Íslendinga eftir bólusetningar. Og já, EMA hefur hafið rannsókn á tengslum hjartameina í ungum Ísraelum eftir Pfizer bólusetningar. 

Þrátt fyrir þá vitneskju sem þegar hefur komið fram, ætla yfirvöld að hóa í unga fólkið, niður í 16 ára, og bólusetja það. Sveitarfélög senda frá sér lista yfir unglinga sem vinna með börnum (ekki áhættuhópur) í sumar. Ég sendi einmitt línu á Persónuvernd til að spyrjast fyrir um hvort sveitarfélögum sé heimilt að senda frá sér upplýsingar um starfsfólk þeirra í þeim tilgangi að sprauta í það líftæknilyfi (mRNA) sem enginn veit hver langtímaáhrif eru á.

Einn unglingur fær blóðtappa eða skaðast alvarlega og hvað þá? Ekki svo gott að kenna undirliggjandi sjúkdómi um. Ekkert barn eða ungmenni hefur þurft að leggjast á spítala vegna Covid. Höfum það í huga þegar talað er um ávinning versus áhættu.

Rakst á þessi ummæli í dag:

 

Telja sig hafa fundið orsök blóðtappanna

Auðvitað eiga yfirvöld að rannsaka hvaðan orðrómurinn kemur!

„Þórólf­ur Guðna­son sótt­varna­lækn­ir seg­ir að það sé skelfi­legt að verið sé að nýta sér svona hörmu­leg­an at­b­urð í þágu ein­hvers málstaðar. „Þetta er fyr­ir neðan all­ar hell­ur," seg­ir Þórólf­ur, „gagn­vart aðstand­end­um og öðrum er þetta skelfi­legt í einu orði sagt," bæt­ir hann við þegar blaðamaður spyr hann út í þenn­an sögu­burð. Hann seg­ist ekki vita hvort yf­ir­völd muni taka á þessu á ein­hvern hátt, það verði skoðað."

Auðvitað eiga yfirvöld að rannsaka hvaðan orðrómurinn kemur og senda frá sér yfirlýsingu og staðfesta að unga konan hafi ekki farið í bólusetningu.

Á síðasta Almannavarnarfundi var sagt frá því að rannsaka eigi fjölda tilfella um blóðtappa og andlát sem hafa verið tilkynnt Lyfjastofnun í tengslum við bóluefnin. Blóðtappar hafa mikið verið í umræðunni; ríki heims þar á meðal Ísland hafa verið að hætta og byrja aftur með ýmis bóluefni, einmitt vegna hættu á blóðtappa. Þegar ung kona lætur lífið vegna blóðtappa í miðri umræðu af þessum toga, er kannski skiljanlegt að svona sögur fari af stað. Hræðsla getur verið uppspretta sögusagna og því kannski óþarfi hjá sóttvarnarlækni að vera með upphrópanir.
Sjá til dæmis þessa tilkynningu. Ung kona fær blóðtappa eftir bólusetningu. Hefur hún náð heilsu á ný?

Lyfjastofnun ætti auk þess að hafa upplýsingar um aukaverkanir aðgengilegar og augljósar. Fólk er engu nær þegar það skoðar súlurnar á síðu þeirra. Önnur vestræn ríki tilgreina tegund aukaverkana, en ekki Ísland. Hvað kemur upplýsingasíða Lyfjastofnunar þessari umræðu við? Jú, Lyfjastofnun stendur fyrir þöggun um aukaverkanir af bóluefnunum. Þöggun ýtir undir vantraust. 

„Þetta er fyrir neðan allar hellur“

Varstu plataður? Engar sérreglur fyrir bólusetta!

Hver hefur ekki sagt eða heyrt: „Já ætla í Covid bólusetningu, vil vera frjáls og geta ferðast."

Hægt er að sækja um vottorð ef fullbólusettur en á því stendur:   „Skírteini sem ferðast er með skal ekki vera eldra en 30 daga við upphaf ferðalags." Þetta er sem sagt ekki skírteini sem gildir í eitt ár frá útgáfu eins og gefið var til kynna í upphafi. Meira eins og vottorð sem þú þarft að sækja hverju sinni.

En hvert ætlar þú að ferðast bólusetta manneskja - kannski til Bandaríkjanna og þaðan til Jamaica? Nei, þangað kemstu ekki, það er ferðabann milli Bandaríkjanna og Schengen ríkjanna. Breytir engu þó þú sért bólusettur. 

Hvað með önnur lönd? Sóttvarnarlæknir hefur gefið út tilmæli um að forðast ónauðsynleg ferðalög. Það á við um alla en undanskilin eru ferðalög til Grænlands og Færeyja. Það er hægt að komast til Spánar en engar sérreglur fyrir bólusetta. Eina undantekningin er við heimkomu, þá þurfa þeir bólusettu að fara í eitt PCR próf og vera í sóttkví þar til svar berst en þeir óbólusettu í tvö próf með sóttkví á milli.

Þangað sem Icelandair flýgur, gilda sömu reglur fyrir alla.

Hvers vegna er þetta svona? Samkvæmt því sem við höfum heyrt frá sóttvarnaryfirvöldum og þessu svari heilbrigðisráðuneytisins er þetta skýringin:
„Bólusettir/ónæmir einstaklingar geta borið smit a milli einstaklinga."

Máttu sleppa grímu þar sem er grímuskylda? Nei.
Ertu undanþeginn samkomutakmörkunum? Nei, ekki heldur.

En geturðu smitast af Covid þrátt fyrir bólusetning? Já, já. Bóluefnið er líftæknilyf (Moderna / Pfizer) sem ekki inniheldur veiklaða veiru eins og hefðbundin bóluefni. Eins er áætlað að þú þurfir að fara í bólusetningu árlega vegna nýrra afbrigða, jafnvel tivsvar ár ári. Nóg til af bóluefni næstu tvö árin, a.m.k. 1,4 milljónir skammtar!

En ef þú kemur að utan og þarft að vera í sóttkví. Mega bólusettir gestir koma í heimsókn? Nei, engar sérreglur með það. Svar ráðuneytisins: Það er ekki undanþága fyrir bólusetta einstaklinga. Þeir þurfa jafnframt að vera í sóttkví." Sem sagt þeir (bólusettu og óbólusettu) sem búa á heimilinu þar sem heimkomufarþegi er í sóttkví.

Eitt besta dæmið um að bólusetningin hindri ekki smit eru Seychelles eyjarnar þar sem hlutfallslega flestir hafa verið bólusettir. Þriðjungur þeirra sem nú greinast með smit eru fullbólusettir. Eyjunum hefur verið lokað á ný vegna fjölda smita.

Heilbrigðisráðherra Bretlands varaði nýlega við því að bólusettir geti veikst illa af nýju afbrigði. Ath. hann nefndi ekki þá óbólusettu.

Og hér má sjá dæmi um veikindi Íslendinga eftir bólusetningu. Þetta eru engin flensueinkenni sem sagt var að búast mætti við.

Í stuttu máli. Varstu plataður? Þú ert a.m.k. ekkert á leið til Jamaica eða annarra landa þangað sem hinir óbólusettu komast ekki. Getur enn smitað, enn veikst, þarft að bera grímu, fylgja samkomutakmörkum og ert jafnframt útsettur fyrir nýjum afbrigðum og töluvert miklar líkur á aukaverkunum en þær voru sl. föstudag 1277 talsins, þar af 80 alvarlegar, en alvarleg aukaverkun er skilgreind á vef Lyfjastofnunar sem lífshættulegt atvik, lömun eða dauði.

Sóttvarnarlæknir sagði fyrir nokkrum dögum að engar sérreglur yrðu settar fyrir þá bólusettu, of flókið í framkvæmd.

Að lokum, ekki má heldur nefna lyf sem gætu virkað gegn Covid sýkingu eins og Ivermectin. Bendi á baráttu læknisins Guðmundar Karls eða Kalla Snæ.

Uppfært: Barnshafandi tónlistarkona greinist með veiruna. Hvaða afbrigði skyldi það vera? Þetta er nú meira bóluefnið og búið að taka áhættuna að bólusetja ófríska konu sem t.d. Svíar gera ekki.

En er undarlegt að fólk spyrji? 

 

 

 

(Tekið af Kórónuveiran Covid-19 hópnum).

Bíða með bóluefnið

Færeyskur ráðherra hafnar bólusetningu - hver er staðan hér heima?

Kjarninn sagði frá því að færeyskur ráðherra og "óvinur" Jóhönnu Sigurðardóttur, neiti að fara í bólusetningu þrátt fyrir stefnu ríkisstjórnarinnar. 

En hver er staðan hér heima? Hversu margir ráðherrar og þingmenn hafa mætt í Höllina?

 

Það sem ég hef séð:

Bjarni Ben.

Katrín Jak.

Brynjar Níels. (og Bubbi vinur hans sem er reyndar ekki á þingi).

 

Fleiri? Einhverjir anti-vax þingmenn eða ráðherrar?
Skrái þetta allt í Excel.

 

Stór bóluefnavika framundan

Ókeypis ís fyrir 12 - 15 ára sem mæta í bólusetningu!

Lyfjaframleiðendur og meðvirk yfirvöld heims sem þeim þjóna, haga sér nú eins og bankarnir íslensku sem oft hafa reynt að lokka fermingarkrakka og fleiri í viðskipti til sín; ókeypis stuttermabolir, handklæði og sparibaukar úr plasti.

Valley Health System sem er með nokkrar heilsugæslustöðvar í Bandaríkjunum býður nú krökkum 12 - 15 ára (aldurshópur sem ekki er í áhættu vegna covid) upp á íspinna ef þau mæta og fá bóluefni sem er á neyðarleyfi. 

Íslendingar sem gjarnan herma eftir Ameríkönum; fá krakkarnir Emmes fyrir að taka þátt í lyfjarannsókn sem stendur til ársins 2023?

Hér neðar er stærri mynd og slóðin á Valley Health. Það er allskonar skemmtilegt í gangi með markaðssetningu bóluefnanna. McDonalds borgar t.d. sínu starfsfólki fyrir að mæta. Ohio býður upp á lotterí (sjá mynd). Og í Bretlandi býðst bólusettum kleinuhringur svo dæmi séu tekin. Fullt af ókeypis dóti sem þarf að bjóða fólki til að taka þátt í að verja sig gegn heimsfaraldrinum!

Er ávinningurinn enn meiri en áhættan? Bóluefni á skilyrtu leyfi!

Öll þau bóluefni / líftæknilyf sem hér hafa verið tekin í notkun eru á skilyrtu leyfi (undanþágu, í USA á neyðarleyfi). 

Hvað er skilyrt markaðsleyfi?

Á EES-svæðinu er mögulegt að veita lyfjum skilyrt markaðsleyfi þegar önnur úrræði koma ekki að gagni til að leysa bráðan heilbrigðisvanda. Undir slíkum kringumstæðum liggur fyrir minna magn rannsóknargagna um lyfin en þegar um hefðbundin markaðsleyfi er að ræða, en umsækjanda er gert að skila frekari gögnum síðar.

Skilyrt markaðsleyfi er þannig veitt ef ávinningur af því að lyf eða bóluefni sé aðgengilegt sem fyrst er meiri en áhættan af því að einhver gögn um viðkomandi lyf séu ekki enn tiltæk. Útgáfu skilyrtra markaðsleyfa er beitt í COVID-19 faraldrinum til að bregðast eins fljótt og mögulegt er við þeirri heilsuógn sem af honum stafar. Hins vegar þurfa fyrirliggjandi gögn að sýna svart á hvítu að ávinningur lyfjanna/bóluefnanna sé meiri en áhættan af notkun þeirra. Þegar skilyrt markaðsleyfi hafa verið veitt þurfa lyfjafyrirtæki að senda inn viðbótargögn úr rannsóknum innan fyrirfram skilgreindra tímamarka. Gögnin eru ýmist niðurstöður nýrra rannsókna eða rannsókna sem eru í gangi þegar skilyrtu markaðsleyfin eru veitt. Mat á hugsanlegum aukaverkunum liggja einnig til grundvallar. Þessi gögn þurfa að staðfesta að ávinningur lyfjanna sé meiri en áhættan af notkun þeirra.

Lyfjastofnun kýs, á upplýsingasíðu sinni, að gefa ekki upp hverjir þessir fylgikvillar eru en í gær kom fram á Almannavarnarfundi að rannsaka eigi dauðsföll og blóðtappa sem grunur liggur á að tengist bóluefnunum. En þannig rannsókn fór líka fram í janúar. 

Ég fylgist með málinu í öðrum löndum. Þetta eru allt sömu frasarnir, eins og þau séu öll með sama handritið. Og alltaf er sagt; dauðsföllin eða veikindin tengjast líklega ekki þessum undanþágulyfjum. Nú er EMA að fara af stað með rannsókn í Ísrael þar sem grunur leikur á um tengsl Pfizer efnisins og bólginna hjartavöðva í ungu fólki, sem eru auðvitað í miklu minni áhættu gegn Covid heldur en nokkurn tímann aldraðir og sjúklingar. Að það skuli vera haldið áfram að bólusetja ungt fólk á meðan að niðurstöður þessarar rannsóknar liggja ekki fyrir, hlýtur að teljast algjört ábyrgðarleysi, jafnvel glæpsamlegt.

Í dag hafa 1276 tilkynningar um aukaverkanir borist Lyfjastofnun, þar af 80 alvarlegar. En alvarleg aukaverkun er skilgreind af Lyfjastofnun sem lífshættulegt atvik, lömun, dauðsfall o.fl.

Í gær kom fram í fréttum að 20 tilkynningar um hugsanlega tengd dauðsföll hefðu borist Lyfjastofnun. Hver eru þá hin 60? Ef þetta er eins og í öðrum löndum, þá er dauðsföllum vegna bóluefnanna sópað undir teppið. Þróun dauðsfalla hjá 80 ára og eldri er alls staðar sú sama eftir að bólusetningar hófust, sjá hér frá starfsmanni NHS á Englandi (ónæmiskerfið hrynur eftir bólusetningu). Sjá línurit yfir dauðsföll.

Hér er samansafn lýsinga á veikindum meðal bólusettra Íslendinga. Eru þetta flensueinkenni?

Bara það að Lyfjastofnun skuli ekki senda frá sér upplýsingar um tilkynntar aukaverkanir sýnir auðvitað að málið þolir ekki dagsljósið. Hef ítrekað sent beiðnir um sundurliðun en ekkert svar borist síðustu vikur og því hef ég sent kvörtun til umboðsmanns Alþingis. Það er óskandi að þessi gögn sem Lyfjastofnun geymir ofan í skúffu hjá sér sýni enn að ávinningurinn sé meiri en áhættan, sem ég efast stórlega um.

Það líður ekki sá dagur sem við, sem reynum að vakta þessar upplýsingar, fáum ekki skilaboð um andlát, lömun í andliti, blóðtappa (nýjustu skilaboð greina frá blóðtappa í milta), o.fl.

Enn er logið að lyfin séu með markaðsleyfi!

,,Fjög­ur bólu­efni eru með markaðsleyfi á Íslandi en Moderna er aðeins notað á höfuðborg­ar­svæðinu vegna þess að það kem­ur í mjög stór­um ein­ing­um til lands­ins og er þess fyr­ir utan mjög ljós­næmt."

Ekkert þessar lyfja hefur fengið markaðsleyfi enda öll enn á rannsóknarstigi. Þau eru með SKILYRT LEYFI. Svar frá Lyfjastofnun:

Sæl Þórdís 

Öllum fjórum bóluefnunum sem notuð eru hérlendis hefur verið veitt skilyrt markaðsleyfi.

Kveðja,

Samskiptadeild / Communications Department

 

Skilyrt markaðsleyfi jafngildir undanþágu. Dæmi um umsókn.

 

Hvað er skilyrt markaðsleyfi?

Skilyrt markaðleyfi gera lyfjayfirvöldum í EES ríkjum mögulegt að flýta aðgengi að lyfjum þegar brýn þörf er á þeim, til dæmis í neyðarástandi eins og yfirstandandi heimsfaraldur hefur skapað. Undir slíkum kringumstæðum liggur fyrir minna magn rannsóknargagna um lyfin en þegar um hefðbundin markaðsleyfi er að ræða, en umsækjanda er gert að skila frekari gögnum síðar.

Skilyrt markaðsleyfi er þannig veitt ef ávinningur af því að lyf eða bóluefni sé aðgengilegt sem fyrst er meiri en áhættan af því að einhver gögn um viðkomandi lyf séu ekki enn tiltæk. Hins vegar þurfa fyrirliggjandi að sýna svart á hvítu að ávinningur lyfjanna/bóluefnanna sé meiri en áhættan af notkun þeirra. Útgáfa skilyrtra markaðsleyfa tryggir að umrædd lyf/bóluefni uppfylli fyllstu kröfur EES-ríkja um öryggi, virkni og gæði og að þau séu framleidd á samþykktum og vottuðum framleiðslustöðum þar sem lyfjafræðileg gæði eru tryggð. Eftir að skilyrt markaðsleyfi hafa verið veitt þurfa lyfjafyrirtæki að senda inn viðbótargögn úr rannsóknum innan fyrirfram skilgreindra tímamarka. Þessi gögn þurfa að staðfesta að ávinningur lyfjanna sé meiri en áhættan af notkun þeirra.

Byrjað að bólusetja árgang 1983

Svíinn Lars Bern varar við bóluefnunum - þýtt viðtal fyrir alla að lesa!

Svíinn Lars Bern sem er með gráðu í verkfræðilegri eðlisfræði frá Chalmers háskóla og doktor í efna(hvarfa)verkfræði varar við Covid bóluefnunum.

Töluverð vinna fór í að þýða viðtalið og vonandi gefa menn sér tíma til að lesa. 

Umrædd rannsókn er að sögn Lars Bern birt í áreiðanlegum miðli og ætti að hafa þær afleiðingar að WHO myndi gera alvarlegar athugasemdir við áframhaldandi notkun núverandi bóluefna, en hann er ekki vongóður um að það verði raunin.

Lars byrjar á að fjalla um niðurstöður bandarískra og kínverskra vísindamanna hjá Salk institute i La Jolla í Kaliforníu. Þeir leita svara við því hvers vegna þessi pest er ekki eins og venjuleg flensa sem leggst á öndunarfærin. Covid leggst líka á æðakerfið í sumum tilfellum og það getur valdið alvarlegum veikindum í hjarta, heila, nýrum og fleiri líffærum. Það er talað um langvarandi veikindi af Covid sem geta orðið vegna skemmda á æðakerfinu.

Þegar bóluefnin voru þróuð hafði ekki tekist að einangra veiruna og því einbeittu vísindamenn sér að broddpróteininu á öreindum veirunnar, þ.e. topparnir á veirunni sem hún er nefnd eftir. Talið var að hlutverk broddpróteinanna væri að virka eins og lyklar sem opnuðu fyrir viðtöku veirueindanna í frumur sjúklinganna. Og að ef hægt væri að virkja broddpróteinin kæmi það í veg fyrir að veiran smitaði frumur sjúklingsins.

Staðreyndin er sú að það hefur ekki tekist að einangra veiruna og því hefur ekki verið hægt að búa til hefðbundið bóluefni sem byggir á dauðum veirum sem notaðar eru til að búa til ónæmi hjá sjúklinginum. Þess í stað hefur verið einblínt á að reyna að búa til ónæmi gegn broddpróteinunum sem tekist hefur að einangra og það er sú hugmyndafræði sem öll þessi nýju bóluefni byggja á. mRNA efnin sem koma frá Pfizer og Moderna notast við einfaldan Helix (gormlaga eind), RNA Helix, sem er pakkað inn í lípsóm, sem gengur í samband við frumur sjúklingsins og setur af stað framleiðslu á broddpróteinum í pseudoplasma frumanna. Í svokölluðum Vector bóluefnum er notast við DNA keðju af dauðum Adena veirum og sem gengur í samband við kjarna frumanna hjá sjúklinginum og setur í gang framleiðslu á broddpróteinum.

Þannig að hugmyndafræðin á bak við báðar gerðir bóluefnanna byggir á því að búa til broddprótein og að þá muni ónæmiskerfið ráðast á broddpróteinin sem aðskotaefni og mynda mótefni. Það er þannig sem bóluefnin eiga að virka. Ef maður síðan sýkist af Corona munu mótefnin ráðast á broddpróteinin og varna því að veiran komist inn í frumurnar. Það er hugmyndin bak við bóluefnin.

Vandamálið er aftur á móti, að ef maður sýkist af Corona fær maður fyrst flensu, þ.e. öndunarfærasýkingu en ef maður er óheppinn fer pestin yfir á annað stig og ræðst á æðakerfi líkamans og veldur bólgum í æðakerfinu og stundum blæðingum sem getur valdið blóðtappa í lungum og sjúklingurinn lendir í andnauð. Áður var talið að veiran væri völd að þessu en nú er komið í ljós að það eru broddpróteinin sem valda usla í æðakerfinu. Broddpróteinin hafa tvö hlutverk í þessu samhengi. Annars vegar að aflæsa ACE2 viðtöku í frumunum þannig að veiran kemst inn í frumurnar. Hins vegar ráðast broddpróteinin sjálf á innri vegg æðanna á seinni stigum sjúkdómsins og það er þetta sem getur verið lífshættulegt við þennan sjúkdóm. Það er þetta sem gerir sjúklingana alvarlega veika.

Nú hafa lyfjafyrirtækin ákveðið að framleiða bóluefni með einmitt þetta broddprótein sem er svona hættulegt. Hættulegra en veiran sjálf. Og það eru broddpróteinin sem geta leitt fólk til dauða. Nú mætti ætla að þá yrðu allir fárveikir sem hafa fengið bóluefnin út í blóðrásina en ein skýringin er að broddpróteinin festa sig utan á frumurnar en fara ekki út í blóðrásina og afleiðingarnar verða ekki eins hörmulegar. En í sumum tilfellum sleppa broddpróteinin inn í blóðrásina (bendir einn rannsakandinn á) og að það sé ástæða þess að jafnvel ungt, hraust fólk verður alvarlega veikt og fær blóðtappa eftir að fá í sig bóluefnin. Hann bendir líka á að það er viss hætta á að nálin lendi í æð og þá fer efnið út í blóðrásina og þá er hætt við að broddpróteinin dreifi sér um æðakerfið. Það er þess vegna sem sprautað er í vöðva í upphandlegg þar sem ekki eru stórar æðar. Þetta skýrir hvers vegna þessi efni eru að valda óvenju mörgum alvarlegum aukaverkunum.

Það er hans skoðun að lyfjafyrirtækin hafi þróað efnin á alröngum forsendum, án neins skilnings á tvöföldu hlutverki broddpróteinanna. Það var talið að broddpróteinin væru aðeins meinlausir „lyklar" til að opna fyrir viðtöku efnanna en það er rangt. Broddpróteinin sjálf eru lífshættuleg! Þetta hefur verið sannreynt með því að setja broddpróteinin í tóma skel af annarri veiru (þ.e. engin veira, aðeins broddprótein) og gera dýratilraunir. Þetta olli alvarlegum bólgum í æðakerfi dýranna. Það sýndi sig að það voru eingöngu broddpróteinin sem ollu veikindunum. Broddpróteinin reyndust vera afar virk og það er staðreynd að það eru broddpróteinin sem valda seinni stigum Coronasjúkdómsins, ekki veiran.

Þegar vel tekst til, setjast broddpróteinin utan á frumurnar og ónæmiskerfið drepur frumurnar og myndar þannig ónæmi gegn broddpróteinunum og getur varið sjúklinginn ef hann smitast af Coronaveirunni.

Lars Bern er þeirrar skoðunar að það ætti alfarið að hætta að nota þessi efni sem nú eru notuð og þróa önnur hættuminni bóluefni. En óhemju miklum fjármunum hefur verið varið í þróun núverandi efna og það eru ekki miklar líkur á að það verði raunin. Þvert á móti er slegið þagnarmúr um hættu efnanna og það er algert hneyksli.

 

Samantekt á öðru sem Lars fjallar um:

Það kemur fram að fólk getur áfram smitast af Corona þótt það hafi fengið i sig bóluefnin.

Hann fer líka inn á þöggunina um aukaverkanir efnanna og að það sé staðið slælega að því að fylgjast með aukaverkununum. Aðallega sé vitað um þá sem verða fárveikir eða deyja eftir að fá efnin í sig. Það eru tiltölulega fáir sem fá broddpróteinin út í blóðrásina með þeim hörmulegu afleiðingum sem því fylgir. En enginn veit hversu lengi broddpróteinin verða framleidd í líkamanum og hvaða langtímaafleiðingar verða af efnunum.

Það er hans skoðun að mRNA efnin séu heldur hættuminni en Vector-efnin en hann tekur skýrt fram að það er aðeins hans tilgáta.

Hann getur sér þess til að fólk með lélegt æðakerfi geti varið sig gegn árás broddpróteinanna að einhverju leyti með því að taka inn C-vítamín til að styrkja æðakerfið.

Hann talar líka um að það séu til þekkt lyf, Hydroxychloroquine og Ivermectin sem gera gagn gegn Coronaveirunni en að þeim hafi verið sópað undir teppið til að greiða götu bóluefnanna. Engum hafi hingað til tekist að bjóða lyfjabatteríinu byrginn.

Á síðari stigum sjúkdómsins, ef broddpróteinin hafa ráðist á æðakerfið gera þessi lyf ekki gagn, þar eð þau eru veiruhamlandi. En þá eigi að nota kortison gegn bólgunum sem broddpróteinin valda.

Hann vill ekki mæla með né gegn bóluefnunum. En mælir eindregið með því að fólk kynni sér málið eins ítarlega og það getur og taki síðan upplýsta ákvörðun. Hann ætlar allavega að hinkra með að taka við efninu, þrátt við að vera hátt á áttræðisaldri og þar með í áhættuhópi.

Hann vill ekki taka afstöðu til þeirrar tilgátu að efnin geti breytt erfðaefni viðtakenda varanlega.

Lyfjaiðnaðurinn hefur mikla hagsmuni í húfi og lítill áhugi á að athyglin beinist að alvarlegum aukaverkunum efnanna. Það sé ómögulegt að treysta opinberum tölum. Hvort tveggja sé kerfisbundið staðið að því að ýkja tölur um dauðsföll og „smit" vegna Coronaveirunnar og að þagga niður aukaverkanir vegna bóluefnanna. Sömuleiðis bendir hann á hversu óáreiðanleg PCR prófin eru. Það er hægt að handstýra niðurstöðum þeirra og það segir ekkert um hvort fólk er veikt.

Hann bendir líka á nýlegt dæmi um það hvernig tölfræðin er fölsuð. Nú eru sagðar ýktar fregnir um hörmulegt ástand vegna pestarinnar á Indlandi en í raun eru þar svipaðar dánartölur og í Svíþjóð, miðað við fólksfjölda. Dánartíðni var yfir meðallagi í stuttan tíma í fyrra en er nú undir meðallagi og það skýrist af því að margir þeirra sem dóu í fyrra voru veikburða gamalmenni.

Hann þakkar líka því að heilbrigðisstarfsfólki hefur farið mikið fram. Áður hafi meðferðin gengið út á að meðhöndla öndunarfærin en nú sé ljóst að það séu bólgur í æðakerfinu vegna árása broddpróteinanna sem séu vandamálið. Og þá gerir súrefni og öndunarvélar ekkert gagn, heldur þarf að nota kortison t.d. astmalyf. Þetta var þegar komið í ljós í fyrra en var þaggað af lyfjaiðnaðinum til að trufla ekki framvindu bóluefnanna.

Þýðing: Anna Gulla Rúnarsdóttir.

 

 

 

Malaví fargar bóluefni AstraZeneca