Þriggja daga bann fyrir mynd af sönnum atburði!

Nú eru menn farnir að ritskoða sjálfa sig. Það er staðreynd að Event 201 átti sér stað í október 2019 þar sem fram fór æfing, "pandemic excercise" fyrir kórónuveirufaraldur! Allar upplýsingar og myndbönd er að finna á heimasíðu John Hopkins Center for Health and Security. Já, aðeins nokkrum vikum áður en faraldurinn braust út í Kína og sagt var að leðurblaka hafi átt sök á smitinu. Leðurblakan, sem er hvorki fugl né fiskur, á að hafa verið á sjávarafurðamarkaði. Ég setti þessa mynd í "story" á facebook en nei "it goes against community standards" og bara beint í steininn! Ætlaði að hætta við að setja hana inn, en það var ekki hægt. Fékk sem sagt ekki tækifæri til að bæta mitt ráð. En þykir það ekki bara fínt í dag? Ritbann, ferðabann, samkomubann, sóttkví, einangrun, sóttvarnarfangelsi o.fl.

Eitt myndbandið frá Event 201 fjallar um það hvernig fjölmiðlar og samskiptamiðlar verði að vinna gegn falsfréttum og fleiru um hinn ókomna faraldur. Hugsið ykkur. Á þessum tíma var enginn faraldur skollinn á og menn eru með fyrirfram áhyggjur af því að það verði að koma í veg fyrir falsfréttir um kórónuveirufaraldur. Höfðu þeir ekki vit á því að birta ekki myndböndin á síðu eins þátttakanda ráðstefnunnar?

Talsmaður Kínverja á ráðstefnunni sagði upplýsingastjórnun mikilvæga því að einhverjir gætu haldið að veiran væri manngerð!

Ekkert á þessari meðfylgjandi mynd hér ofar er rangt. Þeir kannski muna ekki eftir ráðstefnunni og hvað þar kom fram. Talsmaður WHO sagði meðal annars að í komandi faraldri myndi mesta hættan stafa af  einkennalausum. Mæli með áhorfi á upptökurnar.

Þetta er í annað sinn sem facebook setur mig í bann. Í fyrra skiptið ætlaði ég að setja inn grínmynd í tengslum við nýjustu tegund kórónaveiruprófa í Kína, en það eru svokölluð "anal test."  Notkun þessar prófa í Kína er heilagur sannleikur en ekki mátti gera grín af þeim. Enda háalvarlegt mál sem Japanir báðu Kínverja opinberlega um að stöðva.

Bóluefnin eru ekki með markaðsleyfi - hlífið krökkunum!

„Bólu­efni Pfizer og Bi­oNTech er fyrsta bólu­efnið gegn Covid-19 til að fá markaðsleyfi fyr­ir börn und­ir 16 ára aldri." 

Fjölmiðlar endurtaka rangfærslur (eða bara lygi) í sambandi við þessi lyf. Ekkert þeirra er með markaðsleyfi, þau eru öll á skilyrtu leyfi /neyðarleyfi næstu árin. Tilraunum lýkur 2023. Blaðamenn sem þessar fréttir skrifa og fleiri, ættu að vita að þessi lyf sem aldrei áður hafa verið samþykkt til notkunar á mönnum fengu neyðarleyfi aðeins vegna þess að því var lýst yfir að Covid19 væri heimsfaraldur. Annars hefðu þau ekki verið samþykkt.

(Svar frá Lyfjastofnun 21. mars: „Þau þrjú bóluefni sem sem samþykkt hafa verið hérlendis gegn COVID-19 hefur öllum verið veitt skilyrt markaðsleyfi.")

Hér er frétt á CNN um efnið og segir: The US Food and Drug Administration has expanded the emergency use authorization for Pfizer's Covid-19 vaccine to include people ages 12 to 15.

„Það er ekki í burðarliðnum að hefja bólu­setn­ingu meðal barna hér á landi að sögn Þórólfs Guðna­son­ar sótt­varna­lækn­is. Lyfja­stofn­un Banda­ríkj­anna heim­ilaði í gær notk­un bólu­efn­is Pfizer fyr­ir börn frá 12 ára aldri."

Annað mátti heyra á Almannvarnarfundi 21. apríl þar sem Kamilla barnasmitsjúkdómalæknir hjá landlæknisembættinu segir að þau bíði spennt eftir niðurstöðum úr rannsóknum vegna 12 - 15 ára. Þeim rannsóknum er lokið og aftur það sem blaðamenn, yfirvöld og Lyfjastofnun kalla markaðsleyfi er neyðarleyfi. Ef þau ætla að bíða eftir markaðsleyfi, þá er það ekki á næstunni.

p.s. takið eftir að CNN talar um "people ages 12 to 15." Ætli þeim finnist óþægilegt að kalla þau börn í sömu andrá og talað er um  neyðarleyfi (emergency use) fyrir hóp sem WHO segir ekki vera í áhættu vegna Covid. Hver er neyðin fyrir þá sem ekki eru í hættu? 

Bólusetning 12-15 ára er yfirvofandi í tilraunaríkinu Ísrael þar sem því og fleiru var mótmælt um síðustu helgi. Sjá hér.

Glæpsamleg fyrirætlun íslenskra yfirvalda að ætla að nota íslensk börn sem tilraunadýr fyrir nýtt líftæknilyf (mRNA) gegn sjúkdómi sem þeim stafar ekki hætta af. Réttast væri að fá lögbann á þessa yfirvofandi athöfn. 

Tiltölulega lítill hópur barna tók þátt í Pfizer rannsókninni og 4-5 tilfelli voru skráð sem alvarlegar aukaverkanir en ekki gefið upp hverjar þær voru. Fann þetta og er að bíða eftir heimild til að linka á:

Trial gave it to 1,131 kids....small sample size. Also had 4 or likely 5 kids have a serious adverse side effect....what that was is not reported. Essential 1 in 226 kids according to this, IMO, small sample size.

Bólusetning barna ekki í burðarliðnum

Ertu verslunarvara? Já það virðist vera

Strikamerki er rétthyrnd mynd af svörtum línum af mismunandi þykkt sem inniheldur upplýsingar um vöru.

Ég er búin að fá fimm boð um að mæta í bólusetningarathöfn; tvö í AstraZeneca, eitt í Moderna og tvö í Pfizer.

Ég kom við í Höllinni í síðustu viku. Í fyrsta lagi langaði mig til að hitta mikið af fólki og Höllin er eini staðurinn sem leyfir ótakmarkaðan fjölda í sama rýminu í miðjum heimsfaraldri. Í öðru lagi mætti ég til að spyrja hvers vegna öll boðin með þremur mismunandi lyfjategundum væru með sama strikamerkið. Er strikamerkið ekki tengt varningnum, lyfinu í þessu tilfelli?

Hjúkrunarfræðingur á upplýsingaborðinu sagði það ekki passa en fékk að skoða strikamerkin og já þau voru öll eins, líka aukaskammtarnir. Sem sagt tengd manneskjunni, en ekki vörunni. Við Íslendingar erum öll með kennitölu, hvers vegna erum við komin með okkar eigið strikamerki í þessi tilfelli? Mitt er BOL423073392767. En þitt?

Hér má sjá myndir af öllum boðunum (smella á myndir til að sjá betur):

Mæla gegn notkun AstraZeneca og Janssen

Tilraunaríkið Ísrael - hví mótmæla Ísraelar?

Ríkisstjórn Ísraels tókst að sann­færa lyfjafyrirtækið Pfizer um að ganga að samskon­ar til­boði og for­stjóri ÍE og sótt­varna­lækn­ir reyndu að freista fyr­ir­tæk­is­ins með. Hér er því lýst að Netanyahu hafi hringt a.m.k 30 sinnum í forstjóra Pfizer til að gera samning um að ríki sitt yrði notað sem tilraun fyrir Pfizer. Þessi heimsókn Pfizer manna til Íslands um daginn var stórfurðuleg. Þeir virðast hafa flogið til landsins og síðan komist að því að of fá smit væru í samfélaginu til að við værum tilraunahæf. Þrátt fyrir að þessi samningur hafi ekki verið gerður er samt sem áður tilraun í gangi hér heima og bóluefnasamninga ríkisins við lyfjafyrirtækin má ekki birta almenningi eða þingmönnum. Líftæknilyfin Pfizer og Moderna og apa-kvefveirubólefnið Astra Zeneca og Janssen eru öll á neyðarleyfi og á rannsóknarstigi til ársins 2023. 

Ég sá myndir frá mótmælum í Ísrael um helgina og setti mig í samband við konu þar, Orly Wald, sem tók þátt í skipulagningu þeirra. Hún sagði mér að um fimm milljónir Ísraela (af 8,7) hefðu verið bólusettir, þar af hafi u.þ.b. hálf milljón farið gegn eigin vilja, eftir að hafa verið neydd til þess af vinnuveitenda.

Spurði hana hverju hafi aðallega verið að mótmæla: 

We are protesting against everything that is happening here. Loosing our human rights, the "green passport", the ignoring of the side effects and the vaccinating of children soon...(12-15) 100 doctors are saying not to vaccinate the children but nobody listens to them.

Þýðing: Við erum að mótmæla öllu því sem hér er að gerast, að missa mannréttindin, „græna passanum", aukaverkunum af bóluefnunum sem (yfirvöld) hunsa og yfirvofandi bólusetningu barna, 12 -15 ára. Um 100 læknar í Ísrael mæla gegn bólusetningu barna, en enginn hlustar á þá.

Hún sendi mér líka þessa skýrslu frá The Israeli People Committee (samtök sérfræðinga á heilbrigðissviðinu), um skráðar aukaverkanir af bóluefnunum. Fjölmiðlar líta ekki við skýrslunni, sagði hún.

Lesturinn er ógnvekjandi og segir meðal annars að aldrei áður hafi nokkuð bóluefni valdið jafnmörgum, jafnmikinn skaða. Hér er skýrslan.

Myndirnar eru frá mótmælunum og fleiri hér. Ljósmyndarinn er Ofir Gafkovich.

Orly vildi líka þakka fyrir að koma skilaboðunum áleiðis:
Thank you so much for this. We need the world to know what is happening here. It is crimes against the people. If you want, I can contact you with Dr. Pinkie Finestein. He is one of the leaders of the People's committee.

Spurði hana líka hvers vegna hún haldi að Ísrael hafi sóst eftir og hafi fengið samninginn við Pfizer:

Israel is the world s lab. What happens here with the vaccines and the green passport will happen all around the world. Bibi (B Netanyaho) is a high rank puppet of the elite.

12.000 fá Pfizer í vikunni

Fullbólusett en kemst ekki til Bandaríkjanna

Theódóra Sif Ólafsdóttir er ein þeirra sem hefur verið fullbólusett með Pfizer. Hún hélt því að hún væri frjáls sem fuglinn og gæti flogið út til dóttur sinnar, bandarísks eiginmanns hennar og barnabarna í Bandaríkjunum. Eitt barnabarnið er að útskrifast og Theódóra vildi vera viðstödd útskriftina. En nei, þú mátt ekki fara til Bandaríkjanna þrátt fyrir að vera fullbólusettur skv. bandarískum reglum. Það er ferðabann á milli Bandaríkjanna og Evrópu (Schengen ríkja). Svarið fékk hún frá bandaríska sendiráðinu sbr. myndina (smellið á hana til að sjá skýrar). En bandaríkjamenn mega þó koma hingað.

Sóttvarnarreglur snúast ekki um bólusetningu eða vörn gegn heimsfaraldrinum mikla. Annars yrði fólkið frjálst eftir sprauturnar.

Bólusettir eru að reka sig á vegg, frelsið kemur ekki alveg strax. Þeir þurfa enn að bera grímu, eru ekki undanþegnir samkomutakmörkunum, þurfa að framvísa neikvæðum PCR prófum vegna ferðalaga, geta átt það á hættu að veikjast af Covid og eins borið smit á milli manna. Breytingin er því hver?

Svikin við gamla fólkið

Gamla fólkið á hjúkrunarheimilum sem löngu er fullbólusett býr enn við strangar heimsóknarreglur og má t.d. ekki fá 18 ára og yngri börn í heimsókn. Gamla fólkinu og ættingjum þeirra var gefin fölsk von um betra líf eftir bólusetningu. Það mátti ekki fara í jóla-og áramótaboð til ættingja, nema að vera að heiman í fimm daga (sóttkví á heimilum ættingja).

„En ljósið blasir við okkur við enda ganganna og það eru einungis nokkrar vikur þar til bólusetning hefst og hafa íbúar hjúkrunarheimilanna verið settir í sérstakan forgang í bólusetningarferlinu." Svona skrifðu stjórnendur hjúkrunarheimila í aðsendri grein á vísi 16.des. sl þegar þeir kynntu hertar reglur fyrir jól-og áramót.

Nei, ekkert ljós bara blekking. Bólusetning snérist augljóslega ekki um vörn gamla fólksins.

 

Bara bólusett á þriðjudag

Astra Zeneca - eitt í dag, annað á morgun og allt annað næsta dag!

Fyrir rúmum mánuði sagði Kári að það væri heimskulegt og fáránlegt að láta 60 ára og eldri fá bóluefnið frá Astra Zeneca (AZ). Hann sagði að rannsóknir sýndu að efnið virkaði illa fyrir þennan aldurshóp.

26. apríl er síðan haft eftir Kára að fólk í áðurnefndum aldurshópi og bara allir eigi hiklaust að láta sprauta sig með AZ, því allt sé eins og blómstrið eina og sjálfur tók hann sprautuna og kenndi sér einskis meins en nennti þó ekki út með ruslið um kvöldið (fann til í handleggnum). Á þessum tíma var AZ ekki gefið yngri konum og því er athyglisvert að hann hvetji alla sem einn til að þiggja efnið þvert á þágildandi aldurstakmörk Landlæknisembættisins. 

Eftir sprautuna sagði Kári að EIN sprauta myndi veita 55% vernd.

27. mars segir sóttvarnarlæknir að TVEIR skammtar veiti 85% vernd hjá eldra fólki.

Í gær birtist frétt sem segir misræmis gæta hjá sjálfri Lyfjastofnun um virkni AZ, þar sem fram kemur að TVEIR skammtar veiti um 60% vörn og það stendur enn hjá Lyfjastofnun sbr. myndina ofar sem tekin er í dag.

Í dag kemur síðan frétt um rannsókn frá S-Kóreu sem segir að bara EIN sprauta af AZ veiti 86% vörn hjá eldra fólki en 60 ára (sjá efst frá Kára til samanburðar).

Í apríl, eftir hlé á notkun efnisins, var ákveðið að bjóða það körlum 55 - 60 ára. Þar áður mátti aðeins gefa það körlum eldri en 70 ára. Í lok apríl mátti gefa það körlum yngri en 60 ára ef þeir væru ekki með áhættuþætti. Í dag má gefa körlum á öllum aldri efnið.

Eins og flestir muna þá var AZ aðeins gefið fólki undir 60 ára í byrjun, 18 - 59 ára. Eftir stutta tilraun með efnið á yngri en 60 komust menn að því að blóðtappamyndun fylgdi efninu meðal yngri kvenna. Þá var ákveðið að gefa það aðeins konum eldri en 60 ára. Stuttu síðar var það lækkað niður í 55 ára.

Þrátt fyrri að enn sé miðað við 55 ára hjá konum skv. upplýsingum frá landlækni er nú verið að senda öllum aldursflokkum boð um AZ, þar á meðal konum 18 - 55 ára. Sem sagt þvert á þær reglur sem er að finna á síðu landlæknis. Í gær sagði Kamilla hjá Landlæknisembættinu að þeir sem ekki hefðu fengið aukaverkun af fyrri AZ skammti fengju boð um að koma í seinni skammtinn, en það eru meðal annars konur 18-55 ára. En 27. apríl sagði sóttvarnarlæknir að ekki eigi að nota efnið á konur 18-55 ára.

Nýjustu upplýsingar eru þær að stytta má tímann á milli AZ skammta.

Sá sem getur lært þennan texta orðrétt utan að, eins og ljóð í barnaskóla, fær vegleg verðlaun. Til dæmis sjóveikistöflur.

Hef velt því fyrir mér hvort yfirvöld heims séu að reyna að komast inn í einhvern lokaðan V.I.P. klúbb, en til að fá inngöngu þurfa þau að rugla, hringla og pönkast á þjóðum sínum sbr. opnun, lokun, enduropnun, endalausar breytingar á landamærum, fjölda sýnitaka, reglur í sóttkví, fjöldatakmörkunum, síbreytilegum markmiðum (hjárðónæmi, fletja kúrfuna, veirulaust samfélag, smitstuðul undir 1,5 o.s.frv.) Ef yfirvöld væru foreldrar og samfélögin börn þeirra, væru börnin eflaust orðin sjúk á sál og líkama.

Og hér er mynd úr Laugardalshöllinni en það er veirufrítt svæði. Veirur berast ekki manna á milli í íþróttahöllum heldur frekar í kirkjum, menntastofnunum, o.fl.

 

 

 

 

Einn skammtur veitir mikla vörn

Kamilla veit ekkert en veit samt - og sýktir fá líka bóluefni!

End­an­leg virkni sú sama segir Kamilla.

,,Kamilla sagði að marg­ar spurn­ing­ar hefðu borist í tengsl­um við þessa breyt­ingu. Hvort að jafn­gott væri að fá bólu­setn­ingu með tveim­ur mis­mun­andi bólu­efn­um og að fá tvo skammta af sama bólu­efni.

„Svarið við því er að við vit­um það ekki enn þá. Það er verið að rann­saka þetta en það er ekki búið að birta nein­ar niður­stöður úr þeim rann­sókn­um. Þeirra er að vænta í júní.“

Kamilla benti á að end­an­leg virkni bólu­efn­anna í lík­am­an­um  ætti að vera sú sama, þau færu ein­fald­lega mis­jafn­lega að því að koma örvun ónæmis­kerf­is­ins af stað."

Sem sagt, þau vita ekkert því engar rannsóknir eru til staðar, en Kamilla veit samt að endanleg virkni er sú sama. Hvers vegna er ekki landlæknir látinn svara fyrir þetta?  Hún hefur ekki mætt á síðustu þrjá fundi Almannavarna. Virðist hafa vit á því að halda sig fjarri og senda ungan lækni fyrir sig til að halda einhverju fram sem ekkert er vitað um. 

Kamilla hefði átt að bæta við því sem er rétt, rannsóknin er í gangi núna. Íslendingar eru að taka þátt í alþjóðlegri lyfjarannsókn sem endar 2023. Þá vitum við hvort mix&match aðferðin virkar eins vel eða illa og tveir skammtar af sömu tegund.

Samviskan hlýtur að naga einhverja lækna þessa dagana. Það er verið að gefa fólki sem ekki er í áhættu vegna Covid, lyf á tilraunastigi og já prófa að gefa því tvær mismunandi tegundir.

En það er svona þegar búið er að semja um hlutina fyrirfram með leynilegum bóluefnasamningum og fleiru. Íslensk yfirvöld hafa lofað því að nota fólkið sitt í tilraun, burt séð frá því hvort viðkomandi sé í áhættu fyrir sjúkdómnum eða ekki. 

Á Almanvarnarfundinum í dag kom líka fram að til stæði að bólusetja þá sem þegar hefðu fengið Covid. Spáið í þessi nýju gervilæknavísindi! En væntanlega er þetta partur af samningnum við lyfjafyrirtækin líka. Tékka hvernig tilraunabóluefnið fer í mannskapinn sem þegar er kominn með náttúrulegt ónæmi. Þetta er svona svipað eins og bólusetja manneskju sem nýlega hefur fengið hlaupabóluna með hlaupabóluefni. 

Lyginni líkast enda er þetta lygi.

 

 

Munu geta valið á milli bóluefna

Yfirlið eftir bólusetningu - algengt eða alls ekki algengt?

Yfirlið eru algengari hjá yngra fólki segir Ragnheiður eftir yfirlið dagsins í Höllinni í dag.

„Jú það var slatti í dag" seg­ir Ragn­heiður Ósk Er­lends­dótt­ir, fram­kvæmda­stjóri hjúkr­un­ar hjá Heilsu­gæslu höfuðborg­ar­svæðis­ins, um að nokkr­um fjölda fólks hafi verið fylgt afsíðis eða leiðbeint að legg­jast á gólfið við vegna viðbragða við bólu­setn­ingu í dag."

Þetta sagði Ragnheiður aftur á mótir í gær, en þá leið víst yfir einhverja líka:
„Þetta gerist alltaf annað slagið en það er ekki al­gengt. Mér skilst samt að það hafi verið nokkur til­vik í dag en þetta er alls ekki al­gengt," segir Ragn­heiður.

Hvort er þetta nú algengt eða alls ekki algengt?

Kannast einhver við þetta úr t.d. skólabólusetningum? Ekki ég.

Heyrði frá einum sem fékk Jansen efnið í dag, án þess að vilja það neitt sérstaklega. Hann sagði það nánast vera skyldu frá vinnustað!(lögbrot að skylda fólk  til að taka þátt í lyfjatilraunum sem þetta er). Bara meðan hann sat þarna og beið, þá voru 4-5 sem hnigu niður og ekki á meðan verið var að sprauta heldur á eftir þegar þeir voru að bíða í sínar 15 mínútur. Hann sagði líka að þetta hafi verið fullorðnir menn inn á milli og margir félagar hans sem fengu sinn skammt væru mikið veikir núna og þar á meðal hann sjálfur, með 39 stiga hita. 

Þarna er verið að hagræða sannleikanum, þetta er ekkert algengt! Enda segir þessi reynslumikla hjúkka það sjálf. Auk þess, ef fólk hefur tilhneigingu til að falla í yfirlið, þá er farið með það inn í sér herbergi, líka t.d. þá sem eru kvíðnir.

En þetta er eins og með aukaverkanirnar, það er allt saman alveg eðlilegt „því meiri aukaverkanir þeim mun betra...þá er líkaminn að mynda mótefni"!

En hvað með þá sem finna ekkert, eru þeir ekki að mynda mótefni? Hafið þið heyrt þessi rök í tengslum við t.d. inflúensusprautu? 

Hér er m.a.s. fyrrum þingkona að fara með þennan söng (hjá Bubba sem var veikur) og hún er ekki einu sinni vísindamaður!

Einhverjir finna alls ekkert eftir sprautuna, en það eru margar slæmar lýsingar á veikindum að sjá og heyra, meðal annars á facebook. 

Í dag 6.maí, hafa verið tilkynnt 883 tilfelli vegna gruns um aukaverkanir af Covid sprautum og þar af 56 alvarleg en skv. skilgreiningu Lyfjastofnunar er alvarleg aukaverkun:

,,Aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum og jafnframt aukaverkun eða óæskileg áhrif lyfs sem leiðir til dauða eða veldur ólæknandi eða langvarandi sjúkdómseinkennum hjá dýrum."

En þetta er allt mjög normalt segja þau. Nei, þetta er ekki normalt! Það er ekki algengt, eins og Ragnheiður sagði í gær, að það líði yfir fólk eftir sprautur og það er ekki normalt að verða mjög lasinn eftir bólusetningu. Miklar eða alvarlegar aukaverkanir eru frekar merki um eitrun í líkamanum heldur en að ónæmiskerfið sé bara að mynda mótefni. Berið bara saman við aðrar sprautur í gegnum tíðina, t.d. hjá skólakrökkum. Hafa mörg þeirra legið veik á eftir, jafnvel í einhverja daga, eða liðið yfir þau?

Til samanburðar voru 16 tilkynningar og þar af tvær alvarlegar vegna svínaflensubólusetningar árið 2009 en þá voru 75,000 manns bólusettir.

 17 af 20 veikir á leikskóla og augljóselga ekki viðbúið, annars hefðu ekki allir verið sendir á sama tíma. Þetta gerðist líka á hjúkrunarheimilunum, mannekla daginn og dagana á eftir bólusetningu starfsmanna!

Yfirlið algengari hjá yngri kynslóðum

Óhætt að bólusetja þungaðar konur - annað segir sóttvarnarlæknir Svía!

Þessi frétt er á Vísi og segir að óhætt sé að bólusetja ófrískar konur með líftæknilyfinu mRNA (Pfizer og Moderna) gegn Covid.

„Mesta reynslan og góð er af notkun mRNA bóluefnanna fyrir barnshafandi konur þar sem þau voru fyrst sett á markað." segir í tilkynningu frá Landlæknisembættinu. Hvar eru þessar upplýsingar eða rannsóknir að finna? Svíar bólusetja ekki þungaðar konur. Veit Anders Tegnell ekki af þessu?

Í tilkynningu landlæknis segir:

„Ekki er ráðlagt að bólusetja á fyrsta þriðjungi þegar líffæramyndum á sér stað."

En í lagi seinna? Mynduð þið taka lyf á meðgöngu sem hefði þessar leiðbeiningar? Er sem sagt einhver möguleiki á að lyfið geti haft áhrif á líffæramyndun? Og hvar eru rannsóknir um lyfið og barnshafandi konur? Nei einmitt, ekki til. Rannsóknin er í gangi - as we speak - og stendur yfir til 2023. Ófrískar konur eru hluti af tilraun íslenskra yfirvalda!

Og einhver lönd láta ekki bólusetja þungaðar konur segir líka í tilkynningu frá Landlækni. Hvaða lönd eru það og hver er ástæðan? Styðjast ríki heims ekki við sömu upplýsingar? Er þá líka óhætt að drekka áfengi, reykja og taka önnur lyf á seinni stigum meðgöngu? Þegar líffæramyndun hefur að mestu átt sér stað!

Lyfið Thalidomide sem barnshafandi konum í Þýskalandi var gefið við ógleði, átti líka að vera alveg öruggt. Eða réttara sagt, vissu vísindamenn á þessum tíma ekki að lyfjainntaka móður á meðgöngu gæti haft áhrif á fóstrið. Margir þekkja þessa sögu.

Ég heyrði fyrst um Thalidomide börnin þegar ég var á skíðum í Austurríki árið 1984. Þar mætti ég hópi fólks sem var áberandi vanskapaður, spurðist fyrir og komst að því að þetta voru Thalidomide börn. Þau eru fædd ca. 1958-1961.

Frá konu sem býr í Svíþjóð (þriggja daga gömul færsla):
„Langar að segja frá merkilegri upplifun i kvöld og við spiluðum þrisvar orð Anders Tegnell í fréttatíma sænska ríkissjónvarpsins í kvöld "stadsepidemolog" öðrum orðum sóttvarnarlæknir Svíþjóðar. Fréttin var út af kvörtun frá lækni og ekki nóg með það heldur var um að ræða barnshafandi kvenkyns lækni sem var á viku 32, 5 og setti sig í samband við fréttastofu SVT1 vegna þess að henni hafði verið neitað um bólusetningu þar sem að hún var barnshafandi og hafði unnið sem slík óvarin fyrir covid veirunni. Anders Tegnell sem er sóttvarnarlæknir Svía var spurður afhverju yfirvöld væru svona treg við að bólusetja barnshafandi konur Svar: Jú þar sem við vitum EKKERT um bóluefnið þá er það óþarfa áhætta (vi vet inget om vaccinet orðrétt) ... Ég spyr er þetta ekki nokk það sem við erum að ræða ....eða?"

Í desember sl. var Tegnell enn að bíða eftir gögnum um þungaðar konur. Landlæknir virðist vera kominn með eitthvað en ekki Tegnell.

Myndirnar eru af Thalidomide börnum. En áætlað er að þau séu u.þ.b. 10,000. Um 3000 eru enn á lífi. Lyfin áttu að vera alveg örugg en svona eru ráðleggingarnar í dag:

Thalidomide must not be taken by women who are pregnant or who could become pregnant while taking this medication. Even a single dose of thalidomide taken during pregnancy can cause severe birth defects (physical problems present in the baby at birth) or death of the unborn baby.

p.s. sendi fyrirspurn á landlæknisembættið og óskaði eftir upplýsingum sem sýna þessa góðu reynslu með Covid bólusetningar og þungaðar konur.

Glæpamenn skilja? - Bill & Melinda

„Bill og Melinda Gates hafa ákveðið að skilja eft­ir 27 ára hjóna­band.

Í sam­eig­in­legri til­kynn­ingu segja þau: „Við trú­um því ekki leng­ur að við get­um vaxið sam­an sem par."

Really? Og senda út svona kjánalega tilkynningu. 

Reikna með að flestir ef ekki allir blaðamenn hafi kynnt sér yfirvofandi málaferli þýska lögmannsins Reiner Fuellmich og fjölda annarra lögmanna um allan heim. Hugsanlega ein mikilvægustu málaferli sögunnar eru hér á ferðinni. Lögmennirnir telja sig hafa fullnægjandi sönnunargögn fyrir því að Covid-19 sé skipulögð glæpastarfsemi.

Fuellmich (mynd neðar) er helst þekktur fyrir að hafa unnið mál gegn Deutsche Bank og Volkswagen. Hér er viðtal við hann (á ensku).

„Góðgerðarstofnun Bill&Melinda Gates er sökuð um glæp, sjá hér frá ítalska þinginu. 

Bill og Melinda Gates að skilja