Þriggja daga bann fyrir mynd af sönnum atburði!

Nú eru menn farnir að ritskoða sjálfa sig. Það er staðreynd að Event 201 átti sér stað í október 2019 þar sem fram fór æfing, "pandemic excercise" fyrir kórónuveirufaraldur! Allar upplýsingar og myndbönd er að finna á heimasíðu John Hopkins Center for Health and Security. Já, aðeins nokkrum vikum áður en faraldurinn braust út í Kína og sagt var að leðurblaka hafi átt sök á smitinu. Leðurblakan, sem er hvorki fugl né fiskur, á að hafa verið á sjávarafurðamarkaði. Ég setti þessa mynd í "story" á facebook en nei "it goes against community standards" og bara beint í steininn! Ætlaði að hætta við að setja hana inn, en það var ekki hægt. Fékk sem sagt ekki tækifæri til að bæta mitt ráð. En þykir það ekki bara fínt í dag? Ritbann, ferðabann, samkomubann, sóttkví, einangrun, sóttvarnarfangelsi o.fl.

Eitt myndbandið frá Event 201 fjallar um það hvernig fjölmiðlar og samskiptamiðlar verði að vinna gegn falsfréttum og fleiru um hinn ókomna faraldur. Hugsið ykkur. Á þessum tíma var enginn faraldur skollinn á og menn eru með fyrirfram áhyggjur af því að það verði að koma í veg fyrir falsfréttir um kórónuveirufaraldur. Höfðu þeir ekki vit á því að birta ekki myndböndin á síðu eins þátttakanda ráðstefnunnar?

Talsmaður Kínverja á ráðstefnunni sagði upplýsingastjórnun mikilvæga því að einhverjir gætu haldið að veiran væri manngerð!

Ekkert á þessari meðfylgjandi mynd hér ofar er rangt. Þeir kannski muna ekki eftir ráðstefnunni og hvað þar kom fram. Talsmaður WHO sagði meðal annars að í komandi faraldri myndi mesta hættan stafa af  einkennalausum. Mæli með áhorfi á upptökurnar.

Þetta er í annað sinn sem facebook setur mig í bann. Í fyrra skiptið ætlaði ég að setja inn grínmynd í tengslum við nýjustu tegund kórónaveiruprófa í Kína, en það eru svokölluð "anal test."  Notkun þessar prófa í Kína er heilagur sannleikur en ekki mátti gera grín af þeim. Enda háalvarlegt mál sem Japanir báðu Kínverja opinberlega um að stöðva.

Athugasemdir

[Guðmundur Ragnar (IP-tala skráð) 12.5.2021 kl. 16:27]

Er ekki kominn tími til að mynda samskipta hóp á Telegram eða samsvaradi, ekki FB. Ég er þreyttur sjálfsritskoðun á þar.

[Ari Tryggvason, 12.5.2021 kl. 18:21]

Já, sjálfsritskoðun er sú öflugasta. Afleiðingarnar af því sem maður sér getur verið svo ótrúleg að afleiðingarnar stýra því sem maður sér. Þetta er því miður sífellt að gerast í þessum farsa sem við lifum í nú. 

Í raun og veru dugir manni að hafa þokkalegt innsæi, skynsemi og eitthvað af heilbrigðum tilfinningum til að sjá, að eitthvað mikið er að í öllu þessu fári. Allar þær misvísandi upplýsingar/skoðanir sóttvarnarlæknis hér heima og starfsbróður hans í USA; vísindi í dag - óvísindalegt í gær o.s.fr. o.s.fr. Svo maður minnist ekki á helgislepjuna yfir fjöldabólusetningum í Höllinni, því líkt og annað eins, dogmatísk halelúja-slepja sem er eins fjarri vísindum sem frekast má vera. Sumir hafa líkt þessu við sögulega atburði. Mér varð nú öllum lokið þegar kammersveit á vegum Sinfó mætti að spila í einhvers-konar undirfurðulegri stemmningu með tango-spili og lagavali sambærilegu í búðum 3.ja ríkisins. Fiðlu - og sellótónarnir í hinu sökkvandi Titanik koma einnig uppí hugann. 

Þrátt fyrir Event 201-staðreyndina er erfitt að hnika fólki úr áróðursútópíunni.

Þessi barátta gegn "upplýsingaóreiðu" hlýtur að vekja hverjum óbrjáluðum manni ugg. 7.maí síðastliðinn var þessi frétt: https://www.ruv.is/sjonvarp/spila/frettir-kl-19-00/27717/95bq8v/fraeda-almenning-um-falsfrettir

Hafðu þökk fyrir þetta, Þórdís. 

[Þröstur (IP-tala skráð) 12.5.2021 kl. 19:16]

Er sjálfur á Telegram enda virðist fólk vera að flýja þangað af öllum öðrum ritskoðuðu samfélagsmiðlum.. 

Fólk er búið að kyngja áróðri bæði ríkis og fjölmiðla án gagnrýnis í meira en ár núna. Það er ekkert að ég tel sem fær þetta fólk til að staldra aðeins við og skoða hlutina útfyrir kassann sem það er komið í. 

Sá þetta hérna á netinu fyrir nokkru og finnst það vel við í dag.

“It's easier to fool people than to convince them that they have been fooled.”

― Mark Twain

[Guðmundur Ásgeirsson, 13.5.2021 kl. 01:29]

Þetta blogg er greinilega ekki ritskoðað.