Alvarlegum tilkynningum fjölgar um fjórar milli vika

Tilkynntar aukaverkanir vegna Covid bólusetninga eru nú 3210, þar af 205 alvarlegar. Tilkynningum um alvarlegar aukaverkanir hefur því fjölgað um fjórar frá því í síðustu viku. 

Alvarleg aukaverkun er skilgreind sem óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum.

Hér er sundurliðuð tilkynning frá Lyfjastofnun.

Ekki hefur fengist svar frá Lyfjastofnun hversu margar tilkynningar hafa borist í aldurshópnum 12-15 ára en síðari bólusetning hjá þeim hópi er nánast lokið.

Yngra barnið ekki með virkt smit?

„Valtýr barnalæknir seg­ir að mjög vel hafi gengið að meðhöndla börn­in tvö. Að sögn hans fékk eldri dreng­ur­inn fyrri spraut­una af bólu­efni gegn veirunni áður en hann veikt­ist og er nú með virkt smit. Yngra barnið er lík­lega ekki með virkt smit og því um fylgi­kvilla sjúk­dóms­ins að ræða."

Nú jæja, búið að viðurkenna að unglingurinn hafi fengið „vörnina miklu gegn heimsfaraldrinum." Er hann kominn með hjartavöðvabólgu? Það vona ég svo innilega ekki, líka læknanna og yfirvalda vegna sem voru oftar en einu sinni vöruð við þessum alvarlega kvilla hjá ungu fólki eftir „bóluefnið."

En yngra barnið er líklega ekki með „virkt" smit. Er barnið þá með óvirkt smit sem þýðir reyndar að það sé ekki með smit? En var það smitað áður og þá komið með mótefni sem myndi sýna fram á fyrri sýkingu? 

Merkilegt að læknir geti ekki tekið vafann af því hvort um sé að ræða virkt ekki óvirkt smit (ekki smit). Er barnið eða var það með Covid? Já eða nei?

Hafið þið ekki örugglega heyrt talað um óvirkt flensusmit eða óvirkt hlaupabólusmit?  

Tveggja ára barn á gjörgæslu vegna fylgikvilla

Athyglisverður tímapuntkur!

„Valtýr Stefánsson Thors barnalæknir segir til­fellið leiðin­legt en þó hafi verið viðbúið að á ein­hverj­um tíma­punkti far­ald­urs­ins myndi barn leggj­ast inn á spít­ala vegna veirunn­ar."

Já einmitt og akkúrat á þeim tímapunkti sem búið að er sprauta gervibóluefni í unga fólkið sem veldur þeim meiri skaða en veiran sjálf. En ekki má gefa upp hvort barnið hafi fengið lyfjagjöfina hvers aukaverkanir skulu þaggaðir í hel.

"Upplýsingafulltrúinn" nýi hjá LSH, Andri Ólafsson, svarar engu en hann er kominn á full laun hjá ríkinu fyrir að halda kjafti eins og fleiri, t.d. hjá Lyfjastofnun sem ekki þora að svara póstum undir nafni. Það eru margir á fullum launum hjá ríkinu í dag fyrir að halda kjafti og passa að fólk komist ekki að sannleikanum. Verði þeim að góðu.

Gott að hafa „þrautþjálfaðan reynslubolta" í einu svoleiðis djobbi!

Líðan drengsins stöðug

Ekki verður hægt að taka á móti börnum á New York sjúkrahúsi

Sjúkrahús í norður hluta New York mun þurfa að hætta að taka á móti börnum þar sem hluti ljósmæðra og annað starfsfólk spítalans hefur ákveðið að hætta störfum frekar en að hlýða skipunum ríkisins um skyldubólusetningu heilbrigðisstarfsfólks.

Þróunin undirstrikar þá áskorun sem margar heilbrigðisstofnanir standa nú frammi fyrir, bæði skort á heilbrigðisstarfsfólki og andstöðu þess við Covid bólusetningar. New York Times segir frá.

 

 

Tilkynntum alvarlegum aukaverkunum fjölgar daglega

Tilkynningar til Lyfjastofnunnar um grunaðar aukaverkanir vegna Covid bóluefna eru nú 3164 talsins, þar af 201 alvarleg. Alvarleg aukaverkun telst vera andlát, lífshættulegt ástand, sjúkrahúsvist o.s.frv. Þeim tilkynningum hefur fjölgað daglega undanfarið.

Þessa dagana er verið að bólusetja 12-15 ára á höfuðborgarsvæðinu með síðari skammti og í vikunni sem leið var það sama gert víða á landsbyggðinni.

Ekki fengust svör við því frá Lyfjastofnun í síðustu viku, þrátt fyrir ítrekanir, hversu margar tilkynningar hafa alls borist fyrir hópinn 12-15 ára. Í síðustu viku sagði mbl.is frá því að sex alvarlegar tilkynningar hefðu borist vegna barna.

 

Á síðu stofnunarinnar má sjá að tilkynningar tengdar móðurlífi eru nú 823, 13 tengdar þungun, 146 augum eða sjón, 105 hjarta o.s.frv.

Svíþjóð undirbýr bótagreiðslur vegna bóluefnaskaða

Birt á frettin.is 

Geir Ágústsson skrifar frá Danmörku:

Mikil áhersla er lögð á að reyna aftengja dauðsföll, lamanir, hjartabilanir, stanslausar blæðingar meðal kvenna, ofþreytu og annað slíkt sem fólk hefur orðið fyrir í kjölfar Covid sprautu frá sjálfum lyfjunum. Er það liður í áróðursherferð yfirvalda víðast hvar til að ná því markmiði að sprauta sem flesta.  

Sum staðar hafa menn þó áttað sig á því að sprauturnar eru ekki eins saklausar og okkur er sagt. Í Svíþjóð hafa yfirvöld nýlega tilkynnt að þau séu að undirbúa greiðslu bóta vegna aukaverkana frá sprautum. Úr fréttatilkynningu sænskra yfirvalda: 

Ekkert orsakasamhengi en bætur færðu nú samt

„Alvarlegar aukaverkanir bóluefnisins gegn Covid eru sjaldgæfar en sem einstaklingur ættir þú að vera viss um að fjárhagslegar bætur séu greiddar ef tjón verður. Með frumvarpi þessu skuldbindur ríkið sig til að greiða bætur vegna tjóns vegna viðurkennds bóluefnis gegn Covid, í þeim tilvikum þar sem bóluefni nær ekki til sænsku lyfjatryggingarinnar eða ef fjármunir sænsku lyfjatryggingarinnar duga ekki, segir Lena Hallengren félagsmálaráðherra.“   

Ekkert orsakasamhengi, en samt er verið að útbúa sérstakt bótakerfi fyrir fólk með aukaverkanir vegna sprautu?  Ekki rímar það mjög vel. Danir hófu raunar að greiða konum bætur vegna aukaverkana í maí.   

Á meðan vita lyfjafyrirtækin alveg að það er ekkert víst að þau fái endalaust leyfi til að framleiða áhættusöm bóluefni og selja fyrir svimandi fjárhæðir án ábyrgðar á afleiðingunum. Þau hafa því hafið kapphlaup um að fá leyfi til að sprauta allt niður í 5 ára börn. Hér skal delta-afbrigðið og tilhæfulaus óttinn í kringum það notað til að þrýsta á yfirvöld að stimpla hraðar en venjulega. 

Fullorðið fólk á vitaskuld að ráða því hvort það lætur sprauta sig með nýstárlegum ófyrirsjáanlegum efnum í von um að mega faðma og ferðast á ný (og fær svo jafnvel ekki að gera neitt slíkt þegar á hólminn er komið). En nú eru börnin komin á skotskífuna og þá þarf almenningur að spyrna við fótum. 

Hér á landi höfðu Sjúkratryggingum borist átta umsóknir um bætur fyrir um tveimur vikum. Fréttablaðið sagði frá.

 

66 fleiri andlát fyrstu sjö mánuðina en að meðaltali síðustu ár

Hagstofa Íslands birti nýlega dánartölur fyrir fyrstu 32 vikur ársins 2021.
 
Fyrstu 32 vikur ársins dóu að meðaltali 45,6 í hverri viku. Síðustu fjögur ár, 2017-2020, dóu að meðaltali 43,6 í hverri viku. Að jafnaði dóu flestir í aldursflokknum 85 ára og eldri yfir tímabilið 2017-2021. Tíðasti aldur látinna fyrstu 32 vikur þessa árs var 89 og 90 en 86 ára fyrir sömu vikur áranna 2017-2020. Í aldursflokknum 70 ára og eldri gætir leitni hækkunar á fjölda látinna árið 2021 fyrir vikur 26 til 32, en fyrir sömu vikur árin 2017-2020 gætti lækkunar. 

Heildarfjöldi látinna 2021 fyrstu 32 vikurnar er 1460 manns. Sama tala fyrir árið 2020 var 1381, 1365 fyrir árið 2019, 1425 fyrir 2018 og 1405 fyrir árið 2017. Meðaltal áranna 2017-2020 var því 1394 manns. Á þessu ári er fjöldinn 1460 manns. (1460 - 1394 = 66.)

Því smá sjá að 66 fleiri hafi dáið á fyrstu 32 vikum ársins en fyrir meðaltal áranna 2017-2020. 

Í fyrra, á árinu sem kórónuveirufaraldurinn hófst, lækkaði dánartíðni í 628 per 100,000 íbúa frá 629 per 100,000 á árinu 2019. 

Athygli vekur að 66 fleiri skuli hafa látist á fyrstu 32 vikum þessa árs en að meðalatali undafarin ár. Í fyrra létust þó 28 einstaklingar með lögheimili á Íslandi af Covid, þar af 14 á Landakoti. Á fyrri helmingi þessa árs hefur aðeins einn einstaklingur með lögheimili hér á landi látist af Covid.

Samkvæmt svari frá Landlæknisembættinu hefur enginn Íslendingur látist af völdum inflúensu frá því í apríl 2020, eða um það bil frá þeim tíma er Covid faraldurinn hófst. Að jafnaði látast um 10 - 20 manns af völdum inflúensu ár hvert.

Hvað veldur þessum „umfram" dauðsföllum og þá aðallega meðal eldri hópa sem finna má í tölum Hagstofunnar á þessu ári? Ekki er það inflúensan og ekki er það Covid. Ætla mætti að dauðsföll meðal eldri borgara hefðu átt að lækka eftir að bólusetning við Covid hófst og eins fyrst að inflúensan hefur ekki látið sjá sig í um það bil eitt og hálft ár. 

Engar hugsanlegar skýringar á þessum auknu dauðsföllum er að finna í gögnum Hagstofunnar, en gæti skýringu verið að finna í þeim andlátum sem tilkynnt hafa verið til Lyfjastofnunnar á þessu ári í kjölfar Covid bólusetninga? Í upplýsingum frá Lyfjastofnun er tekið fram að ekki sé grunur um orsakatengsl milli andláta og bólusetninga. En þar er að minnsta kosti hugsanlega að finna 31 „umfram" andlát. Reikna má með að andlát sé frekar tilkynnt til stofnunarinnar ef sterkur grunur leikur á um tengsl andláts og lyfs heldur en að heilbrigðisyfirvöld og/eða aðstandendur sendi tilkynningu til Lyfjastofnunar ef sá látni var við það að gefa upp öndina þegar lyfjagjöfin fór fram.  Þetta þarfnast að minnsta kosti skýringar heilbrigðisyfirvalda. 

Fram kemur í skýrslu Hagstofunnar að rétt sé að benda á að talningar á dánum fyrir árið 2021 eru bráðabirgðatölur og eru líklegar til að vera vanmat á fjölda dáinna, aðallega vegna síðbúinna dánartilkynninga.

 

Bresk stjórnvöld hunsa vísindin - fara þvert á ráðleggingar um bólusetningar ungmenna

Þessi frétt á BBC segir að JCVI vísindanefndin  mæli gegn bólusetningum ungmenna, meðal annars vegna hættunnar á hjartavöðvabólgu. 

Viðvörun var einmitt sett á lyfin fyrir nokkrum vikum vegna hættunnar, þó að íslensk yfirvöld hafi þagað um hættuna þar til bólusetningaátaki 16 ára og eldri var lokið. Faglegt, ekki satt? Gott að landlæknir, sóttvarnarlæknir o.fl. hafi fengið álagsgreiðslur. Það er örugglega ekki auðvelt fyrir lækna að þegja yfir því að ungmennum stafi hætta af lyfjum sem þau mæla heilshugar með. En gott að tengdó, og móður hjartalæknis hafi verið kippt út úr bóluefnaveislunni.

Yfirvöld víðsvegar í heiminum segja hættuna af hjartavöðvabólgu litla en það er alls ekki víst. Erfitt getur verið fyrir almenning að greina sjúkdóminn en sérfræðingar þekkja þó einkennin. Fékk barn hjartasérfræðings hér á landi hjartavöðvabólgu eftir bólusetningu? Sjá hér. Helstu einkennin eru mæði, brjóstverkur og sterkur hjartsláttur.

JCVI er sem sagt ráðgjafanefnd breskra stjórnvalda í bólusetningum og eins áður segir mælir hún gegn C-19 bólusetningu ungmenna. Breska ríkisstjórnin ætlar samt sem áður að bólusetja krakkana. Hingað til hefur ríkisstjórnin farið eftir ráðleggingum JCVI. Hér sjáum við gott dæmi um að vísindin og læknisfræðin ráði ekki för, ekki frekar en hér á landi. Það er einfaldlega búið að ákveða að sprauta hvert einasta mannsbarn niður í 6 mánaða aldur og það oftar en einu sinni og oftar en tvisvar, burt séð frá allri skynsemi og skaða. Hvort þeim sem í raun stjórna þessu átaki muni takast þetta er svo annað mál. 

Síðan er áhugavert að skoða hversu litla vörn bóluefnin veita, en Bretar hafa verið að nota Astra Zeneca að mestu. Samkvæmt þessari samantekt er smitvörn meðal fólks yfir fimmtugu aðeins 15% og 27% meðal fólks undir fimmtugu á Bretlandi. 

Þótt vörn gegn dauðsföllum sé viðunandi meðal fólks yfir fimmtugu, eða 74%, er hún aðeins 22% meðal fólks undir fimmtugu. Þetta sýnir hversu vafasamt það er að vera yfirleitt að bólusetja yngra fólk - þar fer áhættan vegna aukaverkananna að skipta verulegu máli. Hér sjáum við einfaldan útreikning byggðan á opinberum gögnum. Sjá líka mynd ofar.

 

Læt hér fylgja með eina af „uppáhalds" spurningum mínum til Kára vísindamanns, tekin af facebook síðu hans. Vísindamaðurinn og bóluefnasalinn nennti ekki einu sinni að svara manninum sem mældist með ekkert mótefni eftir Astra Zeneca. Lausnin verður líklega: Fáðu þér „örvunarskammt" af annarri tegund. Smellið á myndina hér neðar til að sjá betur. Þetta misheppnaða bóluefni sem inniheldur kvefveiru úr simpönsum verndaði ekki heldur apana sem tóku þátt í rannsókn hjá framleiðendum lyfjanna. Sjá hér.

p.s. annað dæmi um lygina með Delta afbrigðið og börnin. Er sóttvarnarlæknirinn okkar að vinna fyrir þjóðina og fylgja vísindum eða?

 

 

 

 

 

Delta veldur ekki alvarlegri veikindum hjá börnum

Fárveik eftir Moderna og enn veikari af Covid nokkrum vikum síðar

Beta Ósk er 37 ára förðunarfræðingur og þriggja barna móðir. Hún fór í Moderna bólusetningu í maí og júní með þriggja vikna millibili. Eftir síðari sprautuna varð hún fárveik, fékk 40 stiga hita, mikla beinverki og höfuðverk. Hún var rænulaus í um tvo sólarhringa.

Ætla mætti því að Beta hefði myndað sterkt og gott mótefni gegn Covid. Skilaboðin frá heilbrigðisyfirvöldum voru þau að veikindi eftir bólusetningu þýddi að líkaminn væri að mynda ónæmi, þeim mun meiri einkenni þeim mun sterkara átti ónæmið að vera. En viti menn, nokkrum vikum síðar greindist Beta með Covid og lá á spítala í 13 daga.

„Ég greindist 2. ágúst með Covid eftir að hafa verið í sóttkví frá 31. júlí. Mig grunar að ég hafi smitast í Smáralindinni. Fékk tiltölulega væg einkenni en var alltaf eins og ég væri með smá flensu. Ég smitaði fimm ára gamla dóttur mína og systurson 14 ára. Tíu ára sonur minni smitaðiast ekki. Hin tvö fengu bæði væg einkenni og jöfnuðu sig fljótt en ég eins og áður segir, var ég alltaf dálítið slöpp, eins og með væga flensu. U.þ.b. 14 dögum eftir að ég greindist með Covid hneig ég niður og endaði í andnauð og var flutt á spítala þar sem ég lá í 13 daga, þar af þrjá daga í einangrun. Fékk svæsna lungnabólgu, sveppasýkingu í hálsinn, var mæðin og svimaði þegar ég stóð upp. Fljótlega eftir að ég kom á spítalann fékk ég mikið verkjakast, verkjaði fyrir brjóstið og gat ekki hreyft fótleggina. Ég svaf mest fyrstu sólarhringana.  Ristill og þarmar hættu að starfa og það var einhvern veginn allt að mér. Ég mun ekki þiggja fleiri Covid bólusetningar og mun ekki senda börnin mín í þessar sprautur enda hefur eitt þeirra þegar fengið Covid og því komin með náttúrulegt ónæmi."

Fékkstu einhverjar aðrar aukaverkanir eftir sprauturnar, eitthvað tengt tíðarhringnum eins og svo margar konur eru að glíma við þessa dagana eftir bólusetningar?

„Ég fékk tvisvar blæðingar sem ég hefði ekki átt að fá þar sem ég fæ getnaðarvarnarsprautu og því á ég ekki að fá blæðingar."

Hér koma hlekkir á fleiri frásagnir kvenna og eins karlmanns eftir þessar lyfjagjafir. Allar birtar með leyfi.

„Engar blæðingar fjórum mánuðum eftir Pfizer"

„Læknar vilja ekki gefa mér seinni sprautuna."


„Er eins og níræð kona eftir AstraZeneca."


„Fárveikur eftir Janssen og fékk Covid."

„Stanslaust taugastríð eftir AstraZeneca."

„Ef ég sé eftir einhveru í þessu lífi..."

„Var sjaldan veik en nú fæ ég allar pestir"

„Magga Stína: „bóluefnið er árás á hormónakerfið"

 

 

 

 

 

 

 

Montana ríður á vaðið og bannar skyldubólusetningu - Go Montana!

Nú þegar ýmis stórfyrirtæki í Bandaríkjunum krefjast þess að starfsfólk sé bólusett við C-19, þá er eitt ríki, Montana, sem sker sig úr og bannar einfaldlega skyldubólusetningar. Þar voru nýlega sett lög sem segja að skyldubólusetning fyrir atvinnu sé mismunun (discrimination) og brot á mannréttindum ríkisins. 

Íbúar Montana eru um ein milljón og þar hefur um helmingur fullorðinna verið bólusettur gegn C-19.

Þarna er líka komið annað dæmi sem sýnir að þessar bólusetningar með hinum skaðlegu og að því er virðist gagnlitlu lyfjum séu pólitískt fyrirbæri. Montana er stjórnað af repúblikönum og hafa hægri ríkin verið með mun lakari reglur en hin sem stjórnað er af demókrötum. Mér sýnist í fljótu bragði að öll þau ríki sem ekki eru með grímuskyldu séu hægri ríki.

Texas aflétti t.d. öllum höftum í mars sl. Þetta er rannsóknarverkefni út af fyrir sig. Hvernig getur það staðist að veirufaraldur, og viðbrögð við honum, séu að einhverju leyti pólitísk?

Við sjáum þetta reyndar hér heima líka, vinstri flokkar (VG, Samfylking, Sósíalistar) eru ólmir í að fá í sig gervibóluefni og sprauta því í börnin sem eru ekki í hættu vegna pestarinnar. Er þetta fólk almennt hræddara um líf sitt eða fílar það bara að hlýða og láta aðra hlýða, sama hversu vitlaust málefnið er. Samfélagsleg ábyrgð? Nei, ekki með þetta efni sem búið er að sýna fram á að ekki komi í veg fyrir smit, veikindi, eða dauða. En samt rígheldur það í málefnið. 

Vitað er til þess að a.m.k. einn skólastjóri framhaldsskóla, Fjölbraut í Garðabæ, hafi sent út hvatningarbréf til nemenda skólans um að fara í C-19 bólusetningu. Hann var bara að hlýða Víði (skilst að hann sé tengdur „samfó".)  Síðan er það samfylkingarborgin Reykjavík sem er að skoða hvort ekki eigi að skylda í einhverjum tilfellum starfsfólk til að fara í C-19 lyfjagjöf, aðallega þá sem vinna með gamla fólkinu sem núna er þríbólusett með „bóluefninu." Hér er graf sem vinstri menn geta skoðað. Línan hægra megin er hjarðónæmið sem þjóðinni var lofað eða þannig. 

p.s. kannski ekki spurning um hægri/vinstri eins og við þekkjum það, heldur þetta með að ráðskast með fólk og skikka það til gera eitthvað sem það hefur ekki áhuga á.