Ekki heimild til að upplýsa um bólusetningarstatus þess látna?

„Um er að ræða sjúk­ling á sjö­tugs­aldri en að sögn Önnu Sigrún­ar Bald­urs­dótt­ur, starf­andi for­stjóra Land­spít­al­ans, hef­ur stofn­un­in ekki heim­ild til að veita frek­ari upp­lýs­ing­ar um and­látið að svo stöddu."

Hvaða frekari upplýsingar ætti fólk svo sem að vilja fá fyrir utan það hvort viðkomandi hafi fengið bólusetningu við sjúkdómnum sem hann lést úr eða ekki. Það er búið að sprauta meiripart þjóðarinnar með þessum efnum, það hlýtur að varða almenning hvort lyfin komi ekki heldur í veg fyrir dauða af Covid.

Hafi hann verið bólusettur, er svikamyllan endanlega hrunin. Fyrst átti þetta „bóluefni" að mynda ónæmi hjá sprautuþegum, síðan átti að það að koma í veg fyrir mikil veikindi. Þá kom í ljós að svo var ekki. Sjá t.d. hér. Fjórir af fimm í öndunarvél voru bólusettir. Og síðan deyr einn sem er töluvert yngri en meðalaldur látinna  af covid (84 ára) áður en bólusetningarnar hófust. Gefum okkur að hann hafi verið bólusettur því annars væri eflaust búið að upplýsa um að hann væri óbólusettur, svona til að reyna að ná nokkrum hræðum í viðbót í sprauturnar.

En það sem ekki má koma í ljós er að langtum fleiri eru að deyja af völdum C19-lyfjanna en um er rætt og fleiri en tilkynningar til Lyfjastofnunar. Takið eftir hversu margir hafa verið bráðkvaddir síðustu mánuði. Og engin uppfærsla af dánartölum Hagstofunnar frá 15. apríl. Nýjar tölur hefðu átt að koma í júlí. Engar flensutölur, engar dánartölur. 

Fyrir víst veit ég að tveir læknar hafa spurst fyrir (og þá líklega hjá landlækni) hvernig standi á þessari auknu dánartíðni þessa mánuðina. En ekki einu sinni þeir fá svör. Þetta er alls staðar eins í heiminum, dauðsföll hafa hækkað mikið síðan að sprautugjafirnar hófust sem áttu að verja fólk fyrir faraldri sem leysti inflúensuna af hólmi. Alls staðar er reynt að þagga niður, en gæti verið erfiðara á litla Íslandi þegar uppi er staðið. 2000 konur búnar að hópa sér saman sem eiga það sameiginlegt að glíma við hormónatruflanir eftir sprauturnar, fósturlát, ofsablæðingar, engar blæðingar o.fl.

Er kannski í lagi að spyrja bara beint? Er verið að reyna gelda þjóðina og fækka gamalmennum og sjúklingum. Hvers vegna þurfti að gefa gamla fólkinu þriðju sprautuna á 8 mánuðum og það með eldri útgáfunni af Pfizer sem talið er verja lítið gegna Delta. Fær það fjórða skammtinn þegar sú uppfærsla kemur. Einhver þarf a.m.k. að taka við þessu efni öllu.

Andlát vegna Covid-19

Almenningur veit meira en Rúna hjá Lyfjastofnun!

„Rúna seg­ist ekki meðvituð um nein til­felli á Íslandi þar sem ein­stak­ling­ur hafi lam­ast vegna bólu­setn­ing­ar Moderna. Hún tek­ur þó fram að ekki hafi marg­ir á Íslandi verið bólu­sett­ir með því bólu­efni."

Hvað með önnur Covid - bóluefni? Þetta svar hér til vinstri fékk Sunna Baxter á Instagammi sínu frá vinkonu sem er í endurhæfingu eftir heilablóðfall (ekki eftir bólusetningu) „og þar eru tveir aðrir sem eru lamaðir eftir bólusetningu."

(smella á mynd til að sjá betur).

Það sem menn kalla „örvunarskammt" er tilraun með svokallaða mix&match aðferð, blöndun tveggja ólíkra efna, nokkuð sem aldrei var rannsakað en íslenskir læknar og vísindamenn hika ekki við að prófa á ungu fólki. Já, þetta var mikið af yngra fólki sem fór í Janssen því að logið var að því að einn skammtur myndi duga (einmitt þrátt fyrir 60% vörn!). Það átti alltaf að prófa þessa aðferð og það var gert og á að halda áfram með þrátt fyrir að WHO vari meira að segja við því.

Þess má geta að Moderna sem þegar hefur skipt um nafn og „kennitölu" hefur aldrei áður framleitt nokkuð bóluefni. 

Og það er ekki búið að tilkynna atvikið með 19 ára stúlkuna til Lyfjastofnunar, segir Rúna, en hlýtur að vera gert enda er þetta nýskeð. Sjá mynd.

Uppfært hjá Mogga: „Í skrif­legu svari Land­spít­al­ans kem­ur einnig fram að stofn­un­in geti ekki sagt af eða á um þetta til­tekna mál." Ef ekkert væri til í fréttinni, þá myndi LSH einfaldlega segja: „Nei ekkert er til í þessum sögusögnum."

Þetta eru nýlegar upplýsingar frá Lyfjastofnun. Fimm tilfelli af hjartavöðvabólgu, fimm af gollurhússbólgu og 600 tengdar tíðarbreytingum:

Sæl Þórdís,

Vegna persónuverndar-
sjónarmiða er okkur ekki heimilt að veita upplýsingar um einkamálefni einstaklinga sem sanngjarnt er og eðlilegt að leynt fari. Nákvæmari aldursskiptingu en neðangreint getum við því ekki gefið.

Hjartavöðvabólgur: Samtals hafa 5 tilkynningar borist vegna hjartavöðvabólgu:

• 2 einstaklingar á aldrinum 12-17 ára, 
• 2 fullorðnir einstaklingar 18-65 ára
• 1 eldri einstaklingur á aldursbilinu 65 ára til 74 ára 
• 1 eldri einstaklingur 65+. 

Gollurshússbólgur: Samtals hafa 5 tilkynningar borist vegna gollurshúsbólgu. Öll tilfellin áttu sér stað hjá fullorðnum einstaklingum (18-65 ára). 

Lyfjastofnun getur ekki gefið upp nákvæman fjölda tilkynninga sem varðar röskun á tíðahring vegna þess að enn er verið að yfirfara þær tilkynningar sem hafa borist síðastliðna daga. Þetta eru í kringum 600 tilkynningar í heildina sem varða röskun á tíðahring en það er óstaðfestur fjöldi þangað til þær hafa verið yfirfarnar af sérfræðingum okkar og skráðar í samevrópskan gagnagrunn um aukaverkanir (Eudravigilance).

p.s. Lyfjastofnun gat sem sagt ekki veitt nánari upplýsingar um aldur á gollurshússbólgu en 18-65 ára. Enda kemur fólki það ekki við hvort viðkomandi sé 18 ára og eigi lífið framundan eða 65 og á leið af vinnumarkaði!

Ath. smella þarf á myndirnar til að sjá betur.

 

 

Engin tilkynning borist um lömun fyrir neðan mitti

Er þetta hjarðónæmið Þórólfur og Kári?

11. júní 2021. „Við erum komin með gott hjarðónæmi, það er alveg klárt en við erum kannski ekki komin með alveg fullt hjarðónæmi í þessa yngstu aldurshópa, ég myndi gjarnan vilja sjá svona 60-70% þátttöku þar og við erum bara að ná því núna á næstu tveimur vikum eða svo," sagði Þórólfur.

Þetta sagði sóttvarnarlæknir sem sagt 11. júní. Eftir þann tíma voru unglingar niður í 16 ára boðaðir og þar var um 80% þátttaka.

Þessi „bóluefni" hljóta að fá öll þau verðlaun og viðurkenningar sem mögulega er hægt að fá. Þetta er línurit yfir fjölda smita. Línan sem fer beint upp eftir 90% þátttöku 16 ára og eldri í lyfjatilrauninni er sem sagt HJARÐÓNÆMIÐ sem vísindamennirnir voru að tala um.

Kári bóluefnasali

27. mái 2021. „Ég átta mig ekki al­menni­lega á því hvað maðurinn er að fara vegna þess að reynslan núna, til þessa dags, er sú að þessi bólu­efni verja okkur við öllum þeim af­brigðum sem við þekkjum,“ segir Kári...Það eru alls­konar skrýtnir hlutir sem geta geta gerst en eins og stendur þá bendir reynslan til þess að þessi bólu­efni komi til með að nægja til að veita okkur hjarðó­næmi," bætir Kári við."

Já, ég kem til með að elta þessi lítilmenni uppi og minna þá á lygina sem þeir tóku þátt í gagnvart þjóð sinni. Þeir höfðu akkúrat ekki neitt i höndunum til að lofa þjóðinni hjarðónæmi.

 

Samningur ESB og Pfizer

Samningurinn sem ESB og Pfizer gerðu í nóv. 2020 segir einmitt:

„Samningsaðilar skilja að þróun öruggra og virkra bóluefna er afar flókin framkvæmd og líkurnar á að hún misheppnist eru mjög miklar. Þess vegna verða gerðir fyrirframgreiddir kaupsamningar við nokkra leiðandi bóluefnaframleiðendur, til að hámarka líkurnar á að fá a.m.k eitt öruggt bóluefni."

En þeir lofuðu hjarðónæmi og náðu að lokka um 90% 16 ára og eldri til að taka þátt í ólöglegri lyfjatilraun með lyfjum sem hafa valdi meiri skaða en nokkuð annað bóluefni. Meira um það síðar.

Næsta lygi: „þetta kemur í veg fyrir alvarleg veikindi." Já er það? „Alls eru nú 32 inniliggjandi á Landspítalanum. Fimm eru í öndunarvél af þeim eru fjórir bólusettir." Þessi lyf koma nefnilega til með að valda sjálfsónæmi hafa margir læknar sagt sem taka ekki þátt í lygi Big Pharma, t.d. þessi hollenska kona.

Ný afbrigði gætu hægt á baráttunni um heilt ár

Bæjarstjóri í Frakklandi neitar að hlýða reglum Macrons - ,,lögreglan hefur annað að gera“

Þegar forseti Frakklands kynnti áform um að setja ný lög þar sem veitingahús, strætisvagnar, matvöruverslanir, kvikmyndahús o.fl. verði að krefja mannskapinn um „heilsupassa," leið ekki langur tími þar til Frakkar voru mættir út á götu, þar á meðal prestur sem hvatti fólk til að sýna kjark og berjast á móti.

„Gangi þér vel með þetta Macron" skrifaði ég enda eru Frakkar komnir út á götu þegar bensínlítrinn hækkar um tíkall eða svo.

Eins ætlar forsetinn sér að setja skyldubólusetningu á heilbrigðisstarfsfólk. Ef það hlýðir ekki, fær það ekki greidd launin sín. Og hvað gerði heilbrigðisstarfsfólk í Marseille? Það gekk út! Dagleg mótmæli hafa verið í Frakklandi síðan forsetinn kynnti þessi áform, meðal annars í dag. 

Bæjarstjóri óhlýðnast reglunum

Bæjarstóri í litlum bæ á Frönsku Ríveríunni, Frejus, ætlar að hunsa þessar fáránlegu (grotesque) reglur og segir að það sé bæjarstjórans að stjórna lögreglunni í bænum. Hann segir lögregluna hafa annað og betra að gera en að fylgja eftir „heilsupassakoðunum." Starf lögreglunnar sé fyrst og fremst að gæta öryggis borgaranna.

Markmiðið með yfirvofandi lagasetningu er að fá fleiri til að bólusetja sig gegn Covid en þátttaka Frakka í lyfjatilrauninni er rétt um 50%. 

Bæjarstjórinn í Frejus segir að hann vilji sjá Macron slaka á í þessu fallega umhverfi, anda aðeins og róa sig. 

Er Kári Stefánsson fullbólusettur eða verður hann úti í Grímsey?

Það var viðtal við Kára Stefánsson í þættinum Pallborðið í fyrradag.

Á mínútu 12 segir Birgir fréttamaður við Kára: „Þú ert fullbólusettur, hvað heldurðu að þurfi að bólusetja þig oft við þessari veiru?"

Er Kári fullbólusettur? Ég sendi auðvitað línu á Birgi og spurði hvar hann hefði þær upplýsingar. Birgir svaraði: „Hann sagði við mig, nú þegar ég er bólusettur þá fer ég aftur í ræktina. Ég hef hans orð fyrir því."

Já en Kári sagði aldrei að hann væri fullbólusetur, að hann væri bólusettur segir Kári síðar í þættinum, sem sagt eftir að Birgir segir: „nú ert þú fullbólusettur...".   

Það hefur eitthvað lítið farið fyrir síðari sprautunni hjá Kára. Þegar hann fékk sinn fyrsta skammt fór það ekki framhjá nokkrum manni. Myndir í öllum fjölmiðlum og viðtöl og alveg sér facebook færsla frá honum þar sem hann hvatti landsmenn til að „þiggja björgina." Hann lýsti því hvernig hann slapp við að fara út með ruslið um kvöldið o.s.frv.

Síðan hefur ekkert heyrst af bólusetningum forstjóra Íslenskrar Erfðagreiningar. Fjölmiðlar hafa verið duglegir að birta fréttir af ráðamönnum fá sinn síðari skammt, t.d. sóttvarnarlækni, forseta, landlækni, heilbrigðisráðherra. En ekkert af sjálfum bóluefnasalanum Kára sem sagði í nóv. 2020 að þessi nýju lyf væru algjört nammi og að þau kæmu í veg fyrir smit í 90% tilfella.

Á svipuðum tíma og bóluefnasalinn sagði þetta í Mogganum var undirritaður samningur milli Pfizer og ESB þar sem fram kom á bls. 54 að líkurnar á því að framleiðsla á virku bóluefni misheppnaðist væru mjög miklar. Sjá mynd neðar. Þrátt fyrir að í ljós hafi komið að bóluefnasalinn hafi farið með tóma þvælu í fjölmiðlum, þá eru fréttamenn enn að spyrja hann ráða. Svona svipað og að leita ráða hjá bílasala sem nýlega seldi manni ónýtan bíl.

Næsta lygi er að fólk verði ekki eins veikt. Jú jú, fullt af bólusettu fólki á spítala, einmitt vegna þess að það er veikt! Enda spretta nýju afbrigðin upp eftir að bólusetningar hefjast, sama sagan alls staðar í heiminum. Munið breska afbrigðið sem varð til um leið og Bretar fóru að sprauta? Meira um það síðar.

Og hér segir sjálfur sóttvarnarlæknir Bandaríkjanna að gagnvart Delta afbrigðinu sé enginn munur á óbólusettum og bólusettum. "Let that sink in" og látið lærisvein hans, Björn Rúnar Lúðvíksson, endilega vita.

 

Heitar umræður á facebook síðu Kára

Kári skrifaði færslu á facebook á föstudaginn sl. Þar spunnust heitar umræður eftir að hann lagði til að skerða ætti réttindi þeirra óbólusettu en síðan sá hann eftir því og dró það til baka (kannski munað að hann ætti jafnvel sjálfur eftir að fá seinni skammtinn enda kominn á áttræðisaldur). Mér sýndist að það hefðu verið komnar líflátshótanir og fleira á vegginn hjá honum, sem hann hreinsaði út ásamt öðrum ummælum einhverju síðar. En Kári svaraði þó nokkrum spurningum með upplýsingum sem hann átti ekki að vera með undir höndum en ekki minni einföldu spurningu sem snéri að honum og er hér ofar á myndinni (smella til að sjá betur): Ertu fullbólusettur Kári...?  No comment.

Er ekki sjálfsagt að maður sem vill senda konur og menn út í Grímsey sýni sjálfur sinn „heilsupassa?" Nú má vel vera að hann hafi fengið sinn síðari skammt en við sem fylgjumst með WHO leikritinu viljum bara fá það staðfest, sérstaklega núna þegar yfirvöld ætla að reyna að sannfæra „óbólusetta" um að taka þátt í ólöglegri lyfjatilraun. Við viljum heldur ekki sitja uppi með Kára úti í Grímsey eða annars staðar. Nóg verður að gera hjá okkur með vaktaskiptin hjá „tengdó á Sóltúni." 

Þegar maður skoðar þennan viðauka sem var heilbrigðisyfirvöldum og innherjum aðgengilegur frá upphafi þá er skiljanlegt að hjartalæknir hafi passað að mamma gamla fengi ekki svoleiðis sprautu. En barnabörnin hans, verða þau með í tilrauninni?

Janssen verst, AstraZeneca litlu skárra

Útlendingurinn á mótmælunum við ráðuneytið - hver er konan?

Síðastliðinn fimmtudag voru mótmæli við heilbrigðisráðuneytið þar sem C19 bólusetningum barna og unglinga var mótmælt enda hefur það nú þegar komið fram skv. tölum Lyfjastofnunar að áhættan af lyfjunum er meiri en ávinningurinn.

Þessi útlenda kona var mætt áður en skipuleggjendur sjálfir mættu. Hver er hún? Hún var með tvær til þrjár grímur, ullarhúfu (15 stiga hiti úti), sólgleraugu og skilti sem á stóð á fullkominni íslensku: Hópur af háværum fávitum. Hún virtist alveg áhugalaus um málefnið og stóð þarna eins og stytta í hæfilegri fjarlægð.

Það eina sem hún sagði þegar hún var spurð í út í skiltið (kannski ekki vitað hvað stóð á því); mig langar bara að mótmæla í friði eins og þú, mig langar bara að mómæla í friði eins og þú....ég á rétt að mótmæla í friði. Sjá myndband hér og hér.

Með fullri virðingu fyrir útlendingum en er þetta það besta sem sprautufíklarnir gátu sent frá sér?  Nánast mállausan og grímuklæaddan einstakling. Er verið að nota hana? Hver gerði skiltið? Hún virtist alveg meinlaus svo það sé tekið fram. Framburðurinn líkist því sem maður heyrir frá fólki sem er frá Úkraínu eða Austur-Evrópu. Hún hljóp svo í burtu þegar ræðurnar voru búnar, upp útitröppur ráðuneytisins og þaðan til vinstri út á bílaplanið ólíkt öllum hinum sem mættu, þeir komu hvergi nærri dyrum ráðuneytisins. Á bakhlið biðu fjórar mótorhjólalöggur og fyrir framan ráðuneytið stóð öryggisvörður.

 
Mótmælin voru annars frábær og hér neðar er mynd af skipuleggjendunum - engar grímur enda höfum við ekkert að fela, nöfn okkar birtust í auglýsingu Moggans. Frá vinstri: Hrólfur Hreiðarsson, Valgerður Snæland, Martha Ernsdóttir, Þórdís Sigurþórsdóttir og Erna Böðvarsdóttir.

Fjölmiðlar sýndu viðburðinum mismikinn áhuga. RÚV sagði ekki múkk, enda voru engar óspekktir eða handtökur sem þeir gátu nýtt sér, bara flottar ræður og upplýsingar sem ríkisfjölmiðilinn hefði ekki vogað sér að segja frá eins og t.d. úr ræðu Helga Arnar Viggóssonar sem fjallaði um rannsókn sem sýndi sláandi tölur fósturláta meðal kvenna eftir sprauturnar.

Stundin hringdi og vildi vita hvað auglýsingin í Mogganum hefði kostað. Kona frá RÚV hringdi sem ég man ekki hvað heitir eða hvort hún hafi kynnt sig og spurði hvort ég væri sama Þórdís og væri tengd Iceland Resources sem væri að fara að grafa eftir gulli. Nei, ekki ég. En aldrei að vita. Verðið á gulli hækkar og hækkar. Fjölmiðlar voru sem sagt álíka forvitnir um okkur og við um dularfullu konuna með skiltið. Hver er konan?

  

Er verið að nota lyfleysu og tók sóttvarnlæknir þátt í að blekkja þjóð sína?

„Þórólf­ur Guðna­son sótt­varna­lækn­ir ætl­ar ekki að leggja til harðar aðgerðir inn­an­lands að svo stöddu. Hann tel­ur að nú verði að reyna að ná fram hjarðónæmi í sam­fé­lag­inu gegn Covid-19 með því að láta kór­ónu­veiruna ganga áfram."

Nú þarf að ganga á manninn sem „lofaði" þjóð sinni ásamt Kára Stefánssyni bóluefnasala, hjarðónæmi. Fólk var svipt frelsi og boðið að endurheimta það með því að taka þátt í ólöglegri lyfjarannsókn, þ.e.a.s. ekki upplýst um að það væri að taka þátt í rannsókn sem stendur til 2. maí 2023 (Pfizer).

Í samningi ESB og Pfizer kemur skýrt fram að framleiðsla á bóluefni sé mjög líkleg til að misheppnast. Yfirvöld höfðu því engar forsendur til að að lofa einu né neinu eða gefa til kynna að hjarðónæmi væri handan við hornið!

Sóttvarnarlæknir gaf meðal annars í skyn að unga fólkið fengi að fara á þjóðhátíð ef bólusetningar gengju vel. Ætlið þið að segja manni að hann læknirinn sjálfur hafi virkilega haldið að líftæknilyf sem ekki innihalda veiklaða veiru eins og hefðbundin bóluefni, gætu leitt til hjarðónæmis! Og því þurfti 1,4 milljónir skammta af Pfizer, hvorki meira né minna.

Nígeríusvindlarar er ekki nógu sterkt orð yfir þetta fólk sem fékk fálkaorðu og sérstakar álagsgreiðslur en lýgur að þjóð sinni, lokkar hana í lyfjarannsókn með lyf sem öll eru undanþágu, fela og þagga niður alvarlegar aukaverkanir o.fl.

Þau vissu öll að upp hefðu komið alvarleg tilfelli hjá ungu fólki, hjartavöðvabólga, og að FDA og heilbrigðisyfirvöld í Bretlandi hefðu sett viðvörun á lyfin vegna þess kvilla.

En áfram var haldið að boða unglinga þessa lands í ólöglega rannsókn í Laugardagshöllinni sem margir héldu að þeir væru að fara á þjóðhátíð fyrir vikið. Og sveitarfélögin tóku fullan þátt, þau sendu lista yfir unga fólkið í unglingavinnunni á heilbrigðisyfirvöld sem hóaði í það eins og um væri að ræða starfstengda bólusetningu. Persónuvernd hvað?

Sama dag, já sama dag og Laugardalshöllin fór í frí og búið var að boða alla unglingana niður í 16 ára, var sagt frá því að tilfelli um hjartavöðvabólgur hefðu komið upp hér á landi. Í dag eru tilfellin sem tilkynnt hafa verið til Lyfjastofnunar átta talsins. Ath. okkur var sagt að líkurnar á þeirri alvarlegu aukaverkun væru einn á móti milljón! Þvílíkir loddarar! 

Hverjir fá lyfleysu?

Þetta skjal liggur inni á EMA, Lyfjastofnun Evrópu (en ekki hjá Lyfjastofnun Íslands) og fannst fyrir tilviljun. Viðauki - samantekt á eiginleikum lyfs. Þar segir á bls. 18: Til að staðfesta verkun og öryggi Comirnaty skal markaðsleyfishafi leggja fram lokaskýrslu klínískra rannsókna fyrir slembiröðuðu, blinduðu (observer blind) rannsóknina C4591001 með samanburði við lyfleysu. Tímamörk 2023.

Samanburð við hvaða lyfleysu? Þetta svar fékk ég frá Runólfi Pálssyni yfirlækni hjá LSH, spurði hann hvort verið væri að nota lyfleysu. Í stuttu máli, hann er ekki alveg með svarið, eða orðrétt:

Runólfur: „Fólk hefur ekki fengið lyfleysu. Þetta ákvæði á væntanlega við upplýsingar um allar prófanir sem framleiðandi hefur staðið fyrir.
Valtýr Thors er í leyfi en ég sendi erindi þitt engu að síður til hans.
Kær kveðja, RP"

Þórdís: „Sæll Runólfur og takk fyrir svarið, þú segir „væntanlega" - ertu sem sagt ekki viss? Þið eruð að bólusetja ófrískar konur. Allar double-blind rannsóknir fela í sér lyfleysu ekki satt? Ef verið væri að nota eldri prófanir, hvað er þá t.d. gert í sambandi við ófrískar konur sem ekki voru prófaðar?"

Runólfur: „Ég nota þetta orðalag því ég hef ekki kynnt mér nægilega vel hvað liggur að baki þessu ákvæði. Framleiðendur bóluefnanna þurfa auðvitað að gera ítarlega grein fyrir niðurstöðum prófana til að fá leyfi til notkunar þeirra.
Bólusetningarnar eru reyndar ekki á forræði okkar á Landspítala. En það er einmitt rétt hjá þér að lyfjaprófanir fela jafnan í sér lyfleysu.
RP"

Forstjóri Lyfjastofnunar fékk þessa fyrirspurn sama dag en ekki komið svar.

Gefum okkur að átt sé við eldri rannsóknir og þá þessa stóru sem fram fór áður en byrjað var að bólusetja almenning fyrir u.þ.b. 7 mánuðum. Við hvað er verið að bera saman bólusetningar barnshafandi kvenna, mjólkandi mæðra, sambland tveggja ólíkra bóluefna, og bólusetningar á þeim sem þegar hafa fengið Covid? Það voru engar rannsóknir gerðar á þessum hópum. Er þá verið að nota lyfleysu í þeim hópum eða eins og Runólfur segir, lyfjarannsóknir fela jafnan í sér lyfleysu og þessi rannsókn er enn í gangi og lýkur 2023. 

Í læknatímaritinu NEJM er ritrýnd grein á rannsókn óléttra kvenna þar sem fram kom (ef vel er skoðað) að 82% þungaðra kvenna misstu fóstur ef bólusettar á fyrri hluta meðgöngu. NEJM, New England Journal of Medicine er eitt helsta læknatímarit heims. Þessi gögn lágu sem sagt fyrir þegar ákveðið var að boða óléttar konur hér heima fyrir tveimur vikum. Engir læknar að lesa NEJM hér heima eða?

Að lokum, hlustið á þetta lag sem við spiluðum aftur og aftur á mótmælunum við heilbrigðisráðuneytið í vikunni. Segi meira frá þeim síðar og útlenska atvinnumótmælandum sem var á staðnum allan tímann. Farið ekki langt!

 

Ætlar ekki að leggja til harðar aðgerðir

63% dauðsfalla tengd Covid eru bólusettir einstaklingar

Á sama tíma og Bretar voru uppteknir af framhjáhaldi heilbrigðisráðherra síns, (myndbandið er ekki fyrir viðkvæma!) þá gaf PHE (Public Health of England) út skýrslu sem sýnir meðal annars að 63% Covid- dauðsfalla eru meðal bólusettra einstaklinga.

Taflan sýnir að frá 1.febrúar til og með 21. júní, hafa 9571 Delta-Covid smit greinst hjá þeim sem eru 50 ára og eldri. Af þeim hafa 8025 greinst síðustu 28 daga. 

Göngin sýna jafnframt að óbólusettir einstaklingar eldri en 50 ára eru aðeins 10% af heildarsmitunum, 37% eru fullbólusettir og 40% hálfbólusettir og höfðu fengið skammtinn a.m.k. 21 dögum fyrir greiningu. 

"But the data shows that people over the age of 50 who are unvaccinated account for just 10% of the alleged confirm Covid cases, whilst those who are fully vaccinated account for 37% of the alleged confirmed cases. A further 40% of the alleged cases are people who had received one dose of a Covid-19 vaccine at least 21 days prior to their alleged confirmed Covid-19 infection."

p.s. þessi færsla var skrifuð fyrir nokkrum vikum en fann við skoðun að hún var aldrei birt. 

 

Fjölmiðillinn BILD biður börn afsökunar á fréttaflutningi sínum um Covid

Stærsti dagblað 
Þýskalands BILD biður þýsk börn fyrirgefningar á fréttaflutningi sínum um Covid síðustu 18 mánuði. 

Eftir að hafa þolað Covid-19 faraldurinn í rúmlega 18 mánuði virðist ástandið í Evrópu og sérstaklega Þýskalandi versna. Nú þegar Evrópa berst við fjórðu bylgju sýkinga sem stafar af Delta afbrigðinu, mótmæltu um 200 þúsund manns í París og öðrum frönskum borgum á laugardag „heilsupassa" sem þurfa mun til að komast inn á marga opinbera staði ef yfirvofandi lagasetning þess efnis gengur eftir.

Frakkar eru ekki þeir einu sem mótmæla, líka Þjóðverjar og Ítalir.

Í ljósi slakrar stefnu þýsku stjórnarinnar á veirunni og áframhaldandi óróa sem stigmagnast nú í mörgum borgum Evrópu, sendi þýska blaðið BILD frá sér afsökunarbeiðni fyrir að hafa skaðað samfélagið með umfjöllun sinni um faraldur Covid-19 undanfarna 18 mánuði.

Í 5 mínútna yfirlýsinu sagði Julian Reichelt, aðalritstjóri BILD:

„Milljónir barna í þessu landi sem við öll berum ábyrgð á sem samfélag, við þau vil ég segja það sem sambandsstjórn okkar og kanslari hafa ekki þorað að segja hingað til: Við biðjumst fyrirgefningar. Við biðjum ykkur fyrirgefningar á að í eitt og hálft ár af pólitík, hefur ykkur verið fórnað."

„Til fórnarlamba ofbeldis, vanrækslu, einangrunar og einmanaleika. Allt til þessa dags hafa stjórnmálin og fjölmiðlar sagt frá því, eins og eitur, og veitt þér þá tilfinningu að þú sért lífshættulegur samfélagi okkar. Þú ert það ekki, ekki láta sannfæra þig um það. Við verðum að vernda þig, ekki þú okkur."

Julian Reichelt, aðalritstjóri BILD.

Við könnumst við þetta; þú getur drepið ömmu og afa ef þú heldur þér ekki fjarri og núna ... ef þú ferð ekki í bólusetningu og úðar á þig spritti og klæðist grímu. Viltu hafa líf þeirra á samviskunni þú hættulegi smitberandi krakki!

p.s. ekki hægt að útiloka að fjölmiðillinn geri þetta í ljósi þess að mörg dómsmál virðast yfirvofandi.

Hvernig geta mRNA bóluefnin valdið ófrjósemi í konum?

Konur eru sjaldnast bólusettar gegn Covid snemma á meðgöngu nema helst ef þær vita ekki sjálfar af þunguninni.

Hér á landi segir landlæknir að óhætt sé að bólusetja ófrískar konur eftir fyrstu 12 vikurnar. Engar rannsóknir voru gerðar á barnshafandi konum áður en lyfin fengu neyðarleyfi/skilyrt samþykki. Pfizer var prófað á rottum sbr. þennan íslenska viðauka. „Engin áhrif sem tengdust bóluefninu komu fram á frjósemi kvendýra, meðgöngu eða þroska fósturvísis, fósturs eða afkvæmis. Engar upplýsingar liggja fyrir um Comirnaty (Pifzer) hvað varðar flutning bóluefnisins yfir fylgju eða útskilnað í mjólk. 6." Sjá bls. 10 í viðaukanum.

Hér á landi var nú samt ákveðið að gefa mjólkandi mæðrum efnin og bólusetja konur á síðari stigum meðgöngu. Sjá dæmi neðar. (Meira um þennan viðauka síðar sem fannst óvart við leit af innihaldsefnum lyfjanna. Slóðin liggur á Lyfjastofnun Evrópu og sýnir svart á hvítu að rannsókn er í gangi til ársins 2023 og þá beri að skila inn gögnum, sjá bls. 19.)

Broddprótín eru nauðsynleg til framleiðslu á fylgju

Mike Yeadon vísindamaður starfaði í um 20 ár hjá Pfizer og gengdi þar sömuleiðis yfirmannsstöðu. Hann varaði við Covid bólusetningu hrausts fólks, barna og barnshafandi kvenna og útskýrir að mRNA bóluefnin/líftæknilyfin geti blokkað prótín sem nauðsynlegt er fyrir framleiðslu á fylgju.

Dr. Yeadon fullyrðir að ef bóluefnið virkar þannig að það myndi ónæmissvörun gegn syncytin-1, verði líkamanum falið að ráðast á syncytin-1 sem fræðilega gæti leitt til ófrjósemi hjá konum í ótilgreindan tíma. Broddprótín eins og þessi innihalda syncytia-homologous prótein sem eru nauðsynleg við myndun fylgju hjá spendýrum og því mannfólki.

Yeadon fullyrðir einnig að mRNA bóluefnin frá BioNTech/Pfizer innihaldi pólýetýlen glýkal (POG) og um 70% manna þróa mótefni gegn þessu efni sem þýðir að margir geti fengið ofnæmi, og hugsanlega banvæn viðbrögð við bólusetningunni.

Þessar fullyrðingar Yeadons er að finna í fjölda greina, meðal annars þessari samantekt þar sem „fakt-tékkarar" fá einnig athygli.

Bendi einnig á þessa samantekt sem unnin er upp úr gögnum læknatímaritsins New England Journal of Medicine þar sem fram kemur við nánari skoðun gagnanna að rúmlega 80% kvenna misstu fóstur ef þeim voru gefin bóluefnin á fyrri hluta meðgöngu.