Bólusetja krakka við kvefi? - Trump vill 10 trilljónir USD í bætur frá Kína!

„Tim Spector, sem leitt hef­ur rann­sókn á ein­kenn­um Covid-19 í Bretlandi, seg­ir að Delta-af­brigðið geti verið „meira eins og slæmt kvef" fyr­ir yngra fólk. Jafn­vel þó að ein­stak­ling­ar verði ekki mikið veik­ir geti þeir smitað aðra."

Þannig að unga fólkið er í stórhættu út af kvefpest sem búast má við hér bráðlega miðað við hræðsluáróður Ingileifar hjá hinu erlenda fyrirtæki Íslenskri Erfðagreiningu. Hún er ein af þeim sem vill sprauta unga fólkið. (Er ÍE og/eða HÍ nokkuð að gera rannsókn á hjarðónæmi eða öðru tengdu lyfjunum?)

Um að gera að sprauta í krakkana mRNA líftæknilyfi á neyðarleyfi með tilheyrandi aukakverkunum og veikindum, til að þau fái ekki kvef og smiti ekki þá sem þegar hafa látið blekkjast og tekið lyf við síbreytilegri kórónuveiru (sem aldrei hefur tekist hingað til að gera og ekki heldur núna eins og heyra má og sjá.) 

En hafið þið eitthvað heyrt af gömlu góðu flensunni? Það hefur enn ekki verið skráð eitt einasta tilvik af flensu frá því vorið 2020 og athugið að inflúensa er skráningarskyldur sjúkdómur.

Munið hvað breska afbrigðið átti að vera hættulegt krökkunum? Já einmitt, ekki eitt barn eða ungmenni veiktist alvarlega og Jón Ívar Einarsson læknir og Harvard prófessor var ekki lengi að fakt-tékka upplýsingaóreiðu yfirvalda sem reyndu að hræða foreldra og börn. 

Trump vill skaðabætur frá Kína

Annars er Trump farinn að tjá sig á ný og mælir meðal annars gegn bólusetningu unga fólksins. „Efnin eru hættuleg unga fólkinu." Trump segir líka að krefjast eigi 10 trilljóna USD í bætur frá Kína og að hann sé viss um að veiran hafi sloppið út af rannsóknarstofu í Wuhan. Kína hefur hagnast gífurlega á Covid fárinu segir fyrrum forsetinn í þessu viðtali við Fox. Margt annað kemur fram í vitaðlinu. Og sjáið partinn með Biden. Er þetta virkilega foresti Bandaríkjanna?

p.s. myndin efst er af heilbrigðisráðherra Breta, Matt Hancock, sem einhverjir Bretar vilja meina að sé nýja veiruafbrigðið. Fyrir utan að vera ráðherra heilbrigðismála, á hann hlutabréf í lyfjafyrirtæki. Sjá einnig hér.

Einkenni Delta-afbrigðisins kunni að vera óhefðbundin

Finnskur þingmaður lætur þingið heyra það - hættið að blekkja fólkið!

Finnski þingmaðurinn Ano Turtiainen hélt þessa ræðu í finnska þinginu þann 9. júní síðastliðinn. Í henni varaði hann finnska þingmenn og fjölmiðla við því að ef þau héldu áfram að blekkja íbúa landsins með því að ljúga að þeim að bóluefnin væru örugg, væru þau af ásettu ráði flækt í hina ýmsu glæpi og sá alvarlegasti af þeim væri þjóðarmorð. Ræðan er á finnsku með enskum texta. 

Guðrún Bergmann rithöfundur tók að sér að þýða alla ræðuna á íslensku. 

Gefum þingmanninum orðið:

„Virðulegi forseti, skýrsla nefndarinnar fjallar um ýmsar áskoranir er varða öryggi Finnlands. Hún fjallar hins vegar ekki um mjög alvarlega áskorun sem snýr að öryggi Finnlands og finnsku þjóðarinnar einmitt núna. Hér vísa ég til hinna svokölluðu COVID bóluefna, sem hafa einnig aðgreint þjóðina í tvo hópa; þá sem eru meðvitaðir og þá sem eru afvegaleiddir.

Kæru þingmenn, ég mun nú veita ykkur eftirfarandi upplýsingar, svo að þið getið aldrei héðan í frá borið fyrir ykkur vanþekkingu eftir að hafa heyrt þessar upplýsingar um þá hættu sem finnskir ríkisborgarar eru berskjaldaðir fyrir. Hér í Finnlandi er nú verið að sprauta íbúa landsins með eitri sem dulbúið er sem COVID bóluefni.

Hlustið vel! Ekkert af þessu sprautaða eitri sem dulbúið er sem COVID bóluefni hefur markaðsleyfi í Finnlandi, einungis skilyrt markaðsleyfi frá Lyfjastofnun Evrópu (EMA). Í skilmálum skilyrta leyfisins kemur skýrt fram að heimildin sé skilyrt og ég vísa hér í þá: „Fyrirliggjandi upplýsingar verða að sýna fram á að ávinningur lækningalyfsins sé meiri en hættan sem af því stafar." (Innsk: það sama á við hér heima þó að Landlæknir, Lyfjastofnun, yfirvöld og fjölmiðlar ljúgi því að efnnin séu með markaðsleyfi.)

Í öðru lagi, kæru samstarfsmenn, hafa þrátt fyrir endurteknar frásagnir fjölmiðla, ekki opinberlega komið fram neinar tölur um andlát af völdum COVID í Finnlandi. Samkvæmt THL (sambærilegt við CDC í Bandaríkjunum og Lyfjastofnun hér á landi) verða ekki birtar upplýsingar um dánarorsakir árið 2020 fyrr en árið 2022. (Innsk. það hefur ekki verið gert hér á landi heldur).

Samkvæmt Fimea (sambærilegt við VAERS í Bandaríkjunum og Lyfjastofnun hér á landi) hafa 78 einstaklingar látist af völdum COVID bóluefnanna í Finnlandi, auk þess sem skráðar hafa verið 1.306 alvarlegar aukaverkanir og enn á eftir að vinna úr 3.630 tilkynningum. Um 57% prósent af þeim eru taldar vera vegna alvarlegra aukaverkana, en þær upplýsingar koma frá Fimea (www.fimea.fi).

Í þriðja lagi, kemur líka fram í þessu skilyrta markaðsleyfi fyrir þessi eiturefni sem eru dulbúin sem COVID bóluefni að: „Sá sem beitir lyfinu verður að geta veitt yfirgripsmiklar klínískar upplýsingar í framtíðinni." Kæru samstarfsmenn, þessi tilvitnun kemur beint af vefsíðu Evrópsku lyfjastofnunarinnar (European Medicines Agency -EMA). Ég hef endurtekið það oft hér að um er að ræða tilraun á mannfólki.

Það er brot á Nuremberg siðareglunum að hafa ekki sagt Finnum að þetta sé tilraun á mannfólki. Með þessari ræðu hef ég gert ykkur öllum, svo og fjölmiðlunum, grein fyrir að þetta sé tilraun á mannfólki og að afleiðingar hennar séu hræðilegar. Til samanburðar má geta þess að bóluefnatilraunin með Pandemrix (svínaflenskubóluefnið) var stöðvuð eftir 32 sinnum færri aukaverkanir en komnar eru fram nú. Ég spyr ykkur því öll: Hversu margir þurfa að deyja eða skaðast alvarlega áður en við hættum þessu drápi á fólki?

Kæru samstarfsmenn, þið vitið nú af þessari gífurlegu öryggisógn sem þjóð okkar stendur frammi fyrir og að ókosturinn við sprauturnar er mun meiri en ávinningur af þeim. Þið hafið því ekki lengur afsökun fyrir því að stíga ekki fram til að bjarga þjóð okkar.

Að lokum vil ég segja að ef þið haldið áfram að blekkja íbúa landsins með því að ljúga að þeim að bóluefnin séu örugg og hafi markaðsleyfi, eruð þið af ásettu ráði flækt í marga glæpi, en sá alvarlegasti af þeim er þjóðarmorð. Enn á ný minni ég alla sem hér eru á, að glæpur er talinn vísvitandi þegar hann er framinn af ráðnum hug. Nú vitið þið það öll. Takk fyrir!"

Þannig lauk Ano Turtiainen harðorðri ræðu sinni. Þetta er nú annað en þingmennirnir hér heima, allir meðvirkir og aumkunarverðir. Reyndar voru Brynjar Níelsson og Sigríður Anderson þau einu sem mótmæltu ofbeldinu og voru hálfrekin úr flokknum fyrir vikið. Búið er að reka Turtiainen úr stjórnmálaflokknum sem hann var í. Það var gert nokkrum dögum áður en hann flutti ræðuna á þinginu vegna umræðu hans um svipuð mál á samfélagsmiðlum. Í framhaldi stofnaði hann sinn eigin eins manns stjórnmálaflokk og situr áfram á þingi.

Áfram Ano!! Hann er líka kraflyftingamaður, sá besti frá Finnalndi skilst mér, varið ykkur því á honum!

Fjórir flugmenn British Airways deyja á einni viku - fólk ræðir orsakatengsl við bóluefnin

Flugfélagið British Airways hefur tilkynnt um nýleg andlát fjögurra flugmanna sinna. Þeir dóu allir á einni viku.

Flugmennirnir höfðu að öllum líkindum fengið Covid bóluefni og nú eru menn að ræða á samfélagsmiðlum hvort þetta tengist mögulega efnunum, sem eins og við höfum heyrt, hafa verið tengd við blóðtappa og bólgur í hjartavöðvum (myocarditis). Þessi tengsl bóluefnanna við hjartamein eru bæði í rannsókn hjá CDC (Sóttvarnarstofnun Bandaríkjanna) og EMA (European Medical Agency) vegna óvenju margra tilkynninga í Ísrael, aðallega meðal yngri karlmanna. Er blóðtappahættan meiri í flugi?

Flugfélagið segir að engin tengsl séu á milli dauðsfallanna en tekur ekki fram hvernig flugmennirnir dóu. Sjá mynd ofar og hér er hlekkur á tilkynningu félagsins á twitter þar sem umræða fer einnig fram. Athygli vekur að Julie hjá British Airways segir: "that the four deaths are linked..." Linked to what? Á íslensku myndi þetta vera: „það er ekkert til í því sem haldið er fram á samfélagsmiðlum, að þessi fjögur dauðsföll tengist."  Tengist hverju? Umræðan á samfélagsmiðlum er sú að þeir hafi hugsanlega dáið vegna nýlegrar bólusetningar og að það standi yfir neyðarfundur hjá félaginu. Flugfélagið segir sem sagt EKKI að dauði þeirra tengist ekki bólusetingum eins og rætt er um á samfélagsmiðlum (enginn að ræða hvort dauðsföllin sjálf tengist og hvað er eiginlega átt við með því?). Reuters "fact-check" hefur þetta um málið að segja. Hér er fjallað nánar um málið en ekki hefur verið sagt frá þessu í helstu fjölmiðlum svo ég hafi tekið eftir. 

Did they die from the jab? og aðeins meira. Hér er líka tilkynning 33 ára flugmanns til VAERS (Vaccine Adverse Event Reporting System) um alvarleg einkenni eftir Pfizer.

Uppfært. Hér er annar pistill um málið og upptaka.

Þessu tengt:

Bresk vísindanefnd mælir gegn bólusetningu yngri en 18 ára

Bresk vísindanefnd, Joint Committee on Vaccination and Immunisation (JCVI), sem fer með bólusetningaráætlun Bretlands, mælir gegn því að 18 ára og yngri verði bólusett gegn Covid skv. þessari frétt í The Times.

JCVI mælti einnig með því um daginn að þeir sem eru yngri en 40 ára verði bólusettir með öðru en AstraZeneca.
 
Nefndin ályktar nú að áhættan með bólusetningu unglinga sé ekki þess virði þar sem Covid valdi afar sjaldan vandamálum meðal þess hóps:
(JCVI) will not recommend mass jabs for all teenagers, having concluded the risks are not worth the gains from preventing a disease that very rarely causes serious problems in the young.

Þetta er nokkuð merkilegt því það stóð a.m.k til að bólusetja unga Breta. 

Hér á landi heyrist ekki múkk frá læknum eða sérfæðingum fyrir utan Ingileifu hjá Íslenskri Erfðagreiningu sem hvetur til  bólusetninga á börnum og ungmennum þó að enginn hafi kosið hana til að fara með heilbrigðismál í landinu. Hún hvetur til þess jafnvel þótt hún og yfirmaður hennar, Kári Stefánsson, hafi áður sagt að börn væru ekki í hættu.

Á hvaða skoðun skyldi til dæmis eiginmaður landlæknis vera, hjartalæknirinn sem virðist hafa látið hlífa móður sinni á Sóltúni við bólusetningu? Hvernig gengur annars lögreglurannsóknin um lekann mikla? Hvers vegna var gamla konan sú eina á Sóltúni sem ekki fékk vörn gegn heimsfaraldrinum?

Skyldi hjartalæknirinn mæla með eða gegn bólusetningu ungmenna með líftæknilyfi sem er á rannsóknarstigi næstu tvö árin? Sérstaklega nú þegar verið er að rannsaka hjartavöðvabólgu (myocarditis) meðal unga fólksins. Best ég sendi honum línu og spyrji!

Fyrr í þessari viku voru ungmenni hér heima fædd 2003 og 2004 boðuð í Laugardalshöllina. Þetta gera yfirvöld þrátt fyrir að þau hafi vitað að EMA (European Medical Association) og CPC (Center for Disease Control) í Bandaríkjunum séu að rannsaka hjartavöðvabólgu meðal ungra karlmanna.

Neyðarfundur var boðaður hjá CDC út af málinu og grunur um orsakasamband styrkist segir í þessari frétt.

Byrjað að bólusetja ungmenni

Er Covid-passinn svona?

„Hægt verður að nálg­ast vott­orð fyr­ir bólu­setn­ingu gegn Covid-19, nei­kvætt PCR-próf og vegna fyrri sýk­ing­ar af Covid-19 á QR-kóðaformi á Heilsu­veru í kvöld. QR-kóðakerfið hef­ur fengið vinnu­heitið Covid-pass­inn."

Er passinn ekki svona?

,,Er verið að reyna að gelda okkur?"

Í facebook hópnum mæðra tips er verið að ræða möguleg áhrif bóluefnanna á blæðingar kvenna. Hópurinn telur um 22 þúsund konur og því ætti að vera í lagi að birta lýsingarnar. Fjölmiðlar hafa unnið þannig síðustu árin, þ.e.a.s. birt blogg, færslur einstaklinga á samskiptamiðlum og umræður í ýmsum hópum.

Umræðan á þar að auki erindi við almenning, sérstaklega í ljósi þess að Lyfjastofnun, yfirvöld og fjölmiðlar reyna svo augljóslega að þagga niður aukaverkanir bóluefnanna. Lyfjastofnun hefur nýlega brugðist við gagnrýni og birt upplýsingar á ensku sem hún segist senda til Evrópu. Væri kannski í lagi að hafa heitin á íslensku? Eru þau ekki með neinn þýðanda? 

En hvað skyldu margar konur hafa hlaupið til og farið í bólusetningu ef upplýsingar um mögulega fylgikvilla, meðal annars miklir tíðarverkir (með eða án blæðinga) og breytingar á blæðingum hefðu verið skráðar á síðu Lyfjastofnunar, en ekki bara fjórar súlur?

Einnig bendi ég á staðhæfingu Jóns Magnúsar Jóhannessonar læknis sem brást illa við auglýsingu um aukaverkanir í Morgunblaðinu og sagði meðal annars að áhrif á blæðingar kvenna væru ekki ein af aukaverkunum bóluefnanna. Sjá fyrstu mynd. 

Þá hafði nýlega birst frétt á BBC um að konur væru að kvarta undan þessum fylgikvillum. DV kom líka með frétt þess efnis.

„Er verið að reyna að gelda okkur?"

Þannig spyr ein í hópnum og önnur tekur undir spurninguna? Sjá mynd nr. 2. Upphaflega spurningin á þræðinum er: „Eru fleiri með stingandi túrverki eftir Janssen?" Sjá neðstu mynd.

Micheal Yeadon sem er vísindamaður með meiru og var aðstoðarforstjóri hjá Pfizer í mörg ár hefur meðal annars varað við því að lyfin geti valdið ófrjósemi. Og hann er ekki sá eini. Því er áhugavert að fylgjast með þöggun Lyfjastofnunar, Jóns Magnúsar læknis (sem er kannski bara ungur og óreyndur og veit lítið um hvað hann er að tala sbr. leðurblökukenninguna sem hefur ekki elst mjög vel) og fleirum. 

Hér neðar eru lýsingar kvenna í hópnum sem vonandi verða til þess að málið fái frekari athygli. Mun senda Lyfjastofnun pistilinn líka.

Og þessu máli tengt. Lyfin voru aldrei rannsökuð á barnshafandi konum en samt eru þau gefin á meðgöngu. Í upphafi ráðlagði landlæknisembættið konum að taka bóluefnið eftir 12. viku en nýlega breytti landlæknir um skoðun. Aðeins ætti að gefa það þunguðum konum sem eru í áhættuhópum. Hugsið ykkur ábyrgðarleysi landlæknis sem er kona þar að auki. Hún er ráðeggja eitthvað út í loftið sem hún hefur ekki hundsvit á. Öll bóluefnin eru á rannsóknarstigi til ársins 2023. ATH! smellið á myndirnar til að sjá skýrar.
p.s. hér má líka lesa lýsingar á annars konar veikindum Íslendinga eftir sprauturnar.

  

25 þúsund skammtar gefnir í vikunni

Ragnheiður segir yfirlið ekki algeng eftir bólusetningu!

„Björn Rúnar Lúðvíksson læknir bend­ir á að yf­irlið séu til­tölu­lega al­geng viðbrögð við alls kon­ar inn­grip­um lækn­is­fræðinn­ar, og þá sér­stak­lega eru yf­irlið al­geng ef um er að ræða inn­grip sem kosta sárs­auka. Með inn­grip­um mein­ar Björn til dæm­is nál­arstung­ur eða ef ein­hverju er stungið upp í eða inn í nefið á fólki. „Í hvert skipti sem við erum með ein­hver inn­grip þá eru yf­irlið fylgi­kvilli," seg­ir hann."

Hef heyrt fáa kvarta yfir því að bólusetningar valdi sársauka. En það er að líða yfir töluvert marga í Höllinni þessa dagana. Þekki einn sem fékk Janssen fyrir nokkrum vikum og bara á meðan hann sat þarna, hnigu sex manns niður. Miðaldra karlmenn þar á meðal.

Stinga upp í nefið segir læknirinn? Hvað með Covid sýnatökurnar? Pinnarnir fara ansi langt upp í nef eða enni og ofan í kok. Líður yfir marga í sýnatökum?
Eitt sinn leið yfir mig á flugvelli í Bandaríkjunum, eftir langa bið í röð. Var svo heppin að þýskur læknir var rétt fyrir aftan mig. Hann var með þrúgusykur og gaf mér og sagði að blóðþrýstingurinn hefði fallið. Geta þessi yfirlið tengst blóðþrýstings- og/eða blóðsykursfalli? Hér er skjáskot af lýsingu á yfirliði einnar sem fór í bólusetningu (smella á myndina til að sjá betur):

„Að sögn Ragn­heiðar Óskar Er­lends­dóttur, fram­kvæmda­stjóra hjúkrunar hjá Heilsu­gæslu höfuð­borgar­svæðisins, gerist það alltaf annað slagið fólk falli í yfir­lið í bólu­setningu.

„Þetta gerist alltaf annað slagið en það er ekki al­gengt. Mér skilst samt að það hafi verið nokkur til­vik í dag en þetta er alls ekki al­gengt,“ segir Ragn­heiður."

„Björn seg­ir að al­mennt í öll­um bólu­setn­ing­um sé talið að um 3% verði fyr­ir yf­irliði. Hann seg­ir þá að yngra fólk, 11 til 18 ára, sé gjarn­ara á að verða fyr­ir yf­irliði en hann hef­ur ekki skýr­ing­ar á af hverju það er en um sé að ræða ein­hvers kon­ar lífeðlis­fræðileg­ar ástæður."

Athugasemd

Það er ekki búið að bólusetja marga í aldurshópnum 11-18 ára. 12-15 ára er alls ekki byrjað og þegar þetta er skrifað hafa ekki margir 16-18 ára fengið sprauturnar. En skilst að einhverjir þeirra séu boðaðir í dag. Þannig að þarna eru flestir yfir 18 ára sem er að líða yfir. Að staðhæfa að þetta hafi ekki með sjálft bóluefnið að gera, getur einfaldlega verið rangt hjá lækninum. Enda eru þetta bóluefni/líftæknilyf sem ekki er vitað mikið um. Ragnheiður og Björn ættu að ræða málin og kannski komast að samskonar niðurstöðu. Algengt eða ekki algengt? Þau eru bæði reynslurík. Það væri áhugavert að fá að vita hversu margir hafa fallið í yfirlið af öllum þeim sem hafa fengið Covid bólusetningu. Einhver skráning hlýtur að vera á því.

Ég spurði Helgu Birgisdóttur hjúkrunarfræðing hvort þetta væri algengt, hér er svarið:

 

„Hefur ekkert með bóluefnin að gera“

Hvað með hjartamein hjá unga fólkinu?

Var hann búinn að sjá þetta með hjartavöðvabólguna sem fjölmiðlar fjalla ekki um nema Útvarp Saga? Grunur um orsakasamband styrkist.

Niðurstöðurnar styrkja trú á bóluefnunum

Neyðarfundur hjá CDC vegna hjartavöðabólgu í ungum mönnum

Erlendir fjölmiðlar segja frá því að sóttvarnaryfirvöld (CDC) Bandaríkjanna hafi boðað  til neyðarfundar vegna hjartavöðvabólgu (myocarditis og pericarditis) hjá ungu fólki, sérstaklega ungum karlmönnum vegna nýju bóluefnanna / líftæknilyfjanna.

Tilkynningarnar eru fleiri en reiknað var með eftir síðari skammta af Moderna og Pfizer, eða 226 talsins. 15 tilfelli varða gjörgæslu, 15 sjúkrahúsvist, 41 viðvarandi einkenni og 167 hafa náð sér.

Rannsókn fór af stað fyrir nokkrum vikum í Ísrael en þar rannsakar EMA (European Medical Association) sömu aukaverkanir. Sérstaklega hefur borið á veikindum meðal 16 - 19 ára karlmanna / unglinga. Ísraelar sem gerðu samning við Pfizer voru fyrstir til að bólusetja ungt fólk og því er komin ákveðin reynsla þar. 

Tekið er fram að yfirvöld hafi ekki áhyggjur og að þetta sé ekki mjög algengt en hvers vegna boða þau þá neyðarfund? Og merkilegt að áfram skuli vera haldið að nota efnin sem bæði eru á neyðarleyfi, á yngri kynslóðum sem eru í afar lítilli hættu vegna Covid. Hvers vegna er ekki staldrað við meðan á rannsókn stendur? 

Grunur um orsakatengsl styrkist segir þessi miðill.

Hér er viðtal við bandaríska lækninn, Jane Ruby, sem segir ástandið í Ísrael vegna hjartameina meðal unga fólksins mun verra en opinberar tölur segja.

p.s. auðvitað eru helstu fjölmiðlar hér heima búnir að sjá þessar fréttir. Sjáum hvort þeir segi eitthvað, sértaklega núna þegar verið er að boða unga fólkið í bólusetningu með Pfizer.

 

 

48 tilfelli í rannsókn?

,,Land­lækn­ir, sótt­varna­lækn­ir og Lyfja­stofn­un hafa mót­tekið mat óháðra rann­sókn­araðila, sem tóku til sér­stakr­ar rann­sókn­ar fimm and­lát­stil­felli í kjöl­far bólu­setn­inga hér á landi. Sem fyrr bend­ir ekk­ert til þess að or­saka­sam­hengi sé á milli and­láta og bólu­setn­inga." 

Á síðu Lyfjastofnunar eru komnar nýjar upplýsingar um aukaverkanir á útlensku. Þannig að þeir sem skilja pínulitla útlensku eru mjög lucky. Þar stendur 48 investigations. Sérstök uppsetning! Alls konar aukaverkanir taldar þarna upp og svo "investigations" inn á milli. Sjá mynd og svo neðar á þessari síðu. Og engin andlát - hvað varð um andlátin sem hafa verið tilkynnt?

En auðvitað eigum við rétt á að fá upplýsingar um það hverjir óháðu rannsóknaraðilarnir eru. Bara óska eftir þeim upplýsingum. Síðan þarf að senda fyrirspurn um allt þetta fólk sem er að fá álagsgreiðslur vegna Covid. Og hvernig áfallateymið virkar sem fer heim til fólks.

En hvernig skýrir landlæknir þessa hækkun dauðsfalla?

Hér eru tilkynningar sem EudraVigilence hefur fengið frá Evrópu, en þangað sendir Lyfjastofnun sínar skv. myndinni ofar. En Lyfjastofnun sundurliðar ekki eftir tegund lyfs, bara allt í einum graut. Varla sendir hún þetta þannig? 

p.s. Eins og Ísrael eru menn að sjá fleiri tilkynningar vegna hjartavöðvabólgu í Bandaríkrjunum en búist var við hjá unga fólkinu. 

Sérstök rannsókn kynnt bráðlega