Ákall til Breta að fara í sprautu!

Bretland var það land í Evrópu sem sagt var að ætti í mestum vanda með farsóttina. Önnur ríki notuðu Bretland oft sem dæmi til réttlætingar á hörðum reglum og útgöngubanni. Við sáum fjölda þannig frétta í íslenskum fjölmiðlum. Við sáum aftur á móti ekki frétt þar sem sagt var frá því að dánartölurnar hafi verið ýktar, sjá hér. Hvers vegna ekki?

Það hlýtur því að skjóta skökku við að reka þurfi Bretana í sprautu gegn þessum stórhættulega heimsfaraldri. Ekki vilja þeir deyja eða drepa aðra! Hvers vegna fara ekki fleiri viljugir í sprautuna? Er skýringin kannski sú að Bretar upplifa annan raunveruleika heldur en fjölmiðlar og yfirvöld sýna? Svona eins og hér heima, þar sem verið er að stinga fólki í sóttvarnarfangelsi, en ekki nokkur hræða hefur látist af covid í marga mánuði og varla nokkur maður á spítala í marga mánuði. Og börnin lítið eða ekkert lasin af breska afbrigðinu! Hverjir eru að flytja okkur falsfréttir og hverjir ekki?

Og sjáið þessi nýju gervivísindi frá NHS á Bretlandi; miklu öruggara að æfa ónæmiskerfið í að verja sig með bóluefnum heldur en að sýkjast náttúrulega. Það er nefnilega þannig í dag, að þeir sem segjast treysta eigin ónæmiskerfi eiga það á hættu að vera kallað samsærisfólk. Fólk sem efast um að ungt og hraust fólk, hvað þá börn eigi að fá bóluefni á tilraunastigi, er ráðlagt að leita sér hjálpar, já bara tékka sig inn á geðveikraspítala og sturta í sig valíum! Dómarar sem fara að lögum, eru einmanna vesalingar skv. forstjóra erlends fyrirtækis, samstarfsaðila AstraZeneca.

Spáið í þennan nýja raunveruleika, þvílík þvæla og úrkynjun og brenglun á vísindum. WHO hefur nýlega breytt skilgreiningu sinni á hjarðónæmi. Fyrir ekki löngu var hægt að ná fram hjarðónæmi bæði með bólusetningu og náttúrulegri sýkingu. En núna, aðeins með bóluefnum (og það bóluefnum sem þarf stöðugt að endurnýja fyrir nýjum afbrigðum),sjá mynd neðar. 
Og ef maður fylgist með Bretunum á twitter sér maður alls konar svona fréttir, já allir veikir eða nei ananrs Covid deildin tóm.

Noregur staðfestir bóluefnalánið til Íslands

Nýtt þrefalt afbrigði á Indlandi fundið!

Frelsið er ekki alveg handan við hornið og Laugardagshöllin verður líklega bóluefnamiðstöð næstu árin og hótel landsins nýtt sem fangageymslur. Fyrir ca. þremur vikum var sagt frá tvöföldu afbrigði sem fannst á Indlandi sem nýlega hefur líka fundist á Bretlandi. Nú er komið nýtt þrefalt indverskt afbrigði, hvorki meira né minna, sem bóluefnið sem verið er að sprauta í landsmenn þessa dagana virkar líklega ekki gegn og því þarf nýtt fyrir þetta þrefalda í einhverjar vikur þar til fjórfalda afbrigðið finnst....

Þúsundir landsmanna bíða með öðrum orðum í röðum eftir að fá bóluefni sem er þegar möguelga gagnslaust! 

Á sama tíma og tvöföld og þreföld afbrigði spretta fram og smittölur í hæstu hæðum, fjölmenna Indverjar enn til að baða sig o.fl. Bara eins og enginn heimsfaraldur sé í gangi! Og þrátt fyrir fáa túrista á Goa ströndinni, þá eru Indverjar þar í fríum, skv. vinum mínum sem þar starfa.

 

„Þeir geta hæglega borið veiruna áfram“

Ég sakna inflúensunnar!

Ekki er vitað til þess að hin árlega inflúensa hafi áður horfið, og það um allan heim nema kannski í Kína þar sem Covid-19 er horfið. Við tók farsótt sem er með sömu einkenni og forveri hennar, fyrir utan kannski þetta með lyktar-og bragðskynið (nánar um það neðar). Það kom alltaf í fréttum þegar flensan kom til landsins. Maður las fréttina og fletti svo í rólegheitum yfir á næstu blaðsíðu eða skrollaði niður, eftir að internetið kom. Þessi frétt um flensu kom til dæmis í Vikublaðinu árið 2007: 

Nokkrar fjölskyldur á Akureyri greindust með inflúensu um helgina. Þar með er þessi árvissi faraldur staðfestur og búast má við einhverjum veikindum á næstu vikum....Fólk verður almennt mun veikara af inflúensu en kvefpestum og veikindin taka lengri tíma. Heilu fjölskyldurnar eða bekkjardeildirnar leggjast í einu...Ekki er nauðsynlegt að leita til læknis til staðfestingar á inflúensusmiti...

Maður tók stundum eftir því í vinnunni að Magga á næsta borði eða Guðmundur væru hálfræfilsleg, kannski að fá sér heitt te inni á kaffistofu. Svo mættu þau jafnvel ekki til vinnu næstu daga. Komu svo aftur, hálfdrusluleg ennþá, með trefil um hálsinn eða eitthvað. Mæður voru líka oft frá vinnu vegna barnanna. Síðan hurfu aðrir starfsmenn í einhverja daga og svona gekk þetta fyrir sig. Þegar fólkið mætti aftur til vinnu spurðu samstarfsmenn stundum: „Ertu búinn að jafna þig?" Og svo var farið að ræða eitthvað annað. 

Inflúensan er hættulegur sjúkdómur og getur dregið þá gömlu og veiku til dauða og sumir glíma við langvarandi eftirköst.

En þetta var aldrei þannig að maður hrykki í kút við fréttir af komu flensunnar eða við að sjá samstarfsmenn sína eitthvað slappa eða hóstandi. Ekki krafðist maður þess heldur að þeir hypjuðu sig heim eða í sýnatöku. Og aldrei var það þannig að allir á vinnustaðnum væru sendir heim eða látnir leita til heilsugæslunnar í rannsókn til að kanna hvort þeir væru kannski með inflúensuna án þess að vita af því, og þá hvaða afbrigði. (Spáið í það, maður hefur stundum fengið flensu en ekki haft hugmynd um hvers lenskt afbrigðið væri). Og aldrei reyndi maður að rekja sína inflúensu til ákveðins aðila. Fólk var einfaldlega ekki hrætt við þennan árlega faraldur, hann var bara hluti af lífinu. Enginn var með grímu fyrir andliti eða spritt á borðum. Og fólk sat þétt saman á kaffistofunni, líka þeir sem voru eitthvað slappir. Þeir voru ekki einu sinni sendir yfir á næsta borð. Það voru heldur ekki daglegar fréttir af fjölda smita eða viðtöl við veikt fólk. Landið var opið og fólk ferðaðist á milli staða, þeir sem voru veikir héldu sig heima, hinir voru í vinnu eða skólanum.

En þetta eru breyttir tíma, komin ný pest og flensan horfin, eða a.m.k. hefur ekkert flensutilfelli greinst frá því í apríl 2020 skv. landlæknisembættinu. Einkennin af Covid-19 eru þó hin sömu (hiti, beinverkir, hósti, slappleiki, stundum kvef o.s.frv.) og læknar eiga oft í erfiðleikum með að greina á milli þeirra. En það er þetta með lyktar-og bragðskynið sem virðist öðruvísi. En þekkist þó samt sem áður með inflúensuna.

Ég fann aftur á móti frétt um rannsókn eða könnun í National Geographic þar sem fram kemur að 60% þeirra sem höfðu greinst Covid jákvæðir hefðu misst lyktar-og bragðskyn en jafnframt voru 18% þeirra sem höfðu reynst Covid neikvæðir sem geindu frá því sama. Þetta er eitthvað sem er áhugavert að skoða og fylgjast með frekar.

En ég sakna flensunnar, það var eitthvað svo normalt að vera veikur og hressast svo, sjá aðra veikjast og hressast. Enginn forstjóri erlends fyrirtækis að hræða líftóruna úr fólki, krefjast þess að láta loka landinu og loka fólk inni, annars gæti maður drepist. Engar dánartilkynningar eða sjúkraflutningar vegna inflúensu þrátt fyrir að 10-20 manns deyi árlega af völdum hennar. Fólk dó úr elli. Og aldrei heyrði maður að flensutölur hefðu verið ýktar, það var frekar að læknar reyndu að róa mannskapinn.

 

21 smit innanlands – þrjú utan sóttkvíar

Fær Ísland greitt per sjúkling eins og t.d. Spánn?

Hvaða ríkisstjórn er tilbúin að setja efnahagskerfi sitt á hliðina vegna sjúkdóms sem aðallega dregur til dauða þá gömlu og veiku, sjúkdóms sem hefur leyst hina árlegu inflúensu af hólmi? Síðan hvenær er ríkisstjórnum svo annt um gamla fólkið! Það hlýtur að vera einhver fjárhagslegur hvati. Annað getur bara ekki verið. Erum við að fá sambærilegar greiðslur frá ESB sbr. myndina?  Við erum a.m.k. bundin bandalaginu með bóluefnakaup. Það verður áhugavert að sjá leynilegu bóluefnasamningana þegar þeir verða gerðir opinberir.

Mikið hefur verið deilt um þetta t.d. í Bandaríkjunum í byrjun faraldurs, þar sem spítalar fengu margfalt greitt fyrir C19 sjúklinga (ekki skrítið því að flensan sé horfin), minna höfum við heyrt um þetta hvað Evrópu varðar. Ef við förum á vef stjórnarráðsins á Spáni má sjá skjalið hér ofar sem útlistar greiðslum til spítala fyrir C19 sjúklinga, €43.400 ef þeim tókst að koma þeim á gjörgæslu, €5000 fyrir >72 klst, €93 fyrir hvert PCR próf o.s.frv.

 

Hér er komið rannsóknarverkefni fyrir blaðamenn og þá á ég ekki við þá sem starfa á helstu fjölmiðlum enda fá þeir fjölmiðlar ríkisstyrki og segja ekki einu sinn frá nýlegri frétt í Telgraph sem sýnir að C19 dánartölur á Bretlandi voru ýktar um fjórðung. Það sama er að segja um CDC í Bandaríkjunum. Kannski var eitthvað til í því sem forseti Belarus hélt fram, að honum hafi verið boðin vegleg fjárhæð til að koma á hörðum sóttvarnaraðgerðum. Hér er líka grein Guðrúnar Bergmann sem segir frá falsi og mútugreiðslum tengdum C19.

 

Yfir 20 smit í gær

Þarf að sannfæra Bandaríkjamenn - þeir sem fóru svo illa út úr faraldrinum?

,,Í frétt frétta­veit­unn­ar AP seg­ir að stjórn­völd­um í Banda­ríkj­un­um bíði nú það verk­efni að sann­færa þann hluta þjóðar­inn­ar sem er síður áfjáður í að láta bólu­setja sig. Nokk­ur mun­ur er á bólu­setn­ing­ar­hlut­föll­um eft­ir ríkj­um."

Þetta er umhugsunarvert. Í landi sem á að hafa farið hræðilega illa í heimsfaraldri þarf að sannfæra fólk að fara í bólusetningu gegn sjúkdómnum. "Let that sink in."

Eða var þessi háa tala kannski lygi? Sjá hér.

Fram kom í seinni fréttatíma rúv sl. þriðjudagskvöld að aðeins 6% Rússa væru bólusettir og að líkleg ástæða væri lítill hvati þar sem lítið hefði verið um lokanir og sóttvarnaraðgerðir. "Let that also sink in." Er verið að loka fólk inni og takmarka frelsi þess og líf til að fá það til að taka bóluefni á tilraunastigi?

Er sjúkdómurinn eitthvað minna hættulegur í Rússlandi en í Bretlandi, Bandaríkjunum og víðar?

Hér heima þarf engan eða fáa að sannfæra. Sóttvarnarlæknir, landlæknir og borgarstjóri segjast ekki vilja, þrátt fyrir boð, fara strax í bólusetningu. Og fólk æpir yfir sig af hrifningu; „þið eruð svo frábært fordæmi." Talandi um sértrúarsöfnuð! Læknar vilja fæstir taka tilraunalyf fyrir sjúkdómi sem yfirgnæfandi líkur eru á að lifa af. Og síðan eru þeir ekkert sérstaklega hræddir við veikina, annars hefði þetta fólk drifið sig í Höllina við fyrsta útkall. Það var nóg til af efni og slatti fór til spillis daginn sem heilbrigðisstarfsfólk átti að mæta.

Look at what they do not what they say...

Helmingur Bandaríkjamanna fengið bólusetningu

Ragga nagli og sóttvarnirnar - ,,af misjöfnu þrífast börnin best?"

„Kórónaveiran fer greinilega ekki í manngreinarálit og tók sér bólfestu í Naglanum sem hefur státað sig gegnum tíðina af að vera annálað hreystimenni sem fær varla hor í nös,“ segir Ragga nagli á Facebook síðu sinni.Ragga segir að þrátt fyrir grímunotkun, óhóflegan handþvott, stöðuga sprittun, tveggja metra reglu, olnbogaskot og félagslega einangrun hafi henni samt tekist að næla sér í Covid. Hún sé nú að takast á við höfuðverk, háan hita, beinverki og slappleika."

Ég þekki ekki þessa konu en fannst áhugavert það sem hún segir um nánast manískar sóttvarnir. Þetta barst í tal meðal félaga minna í gær, þar sem við sátum þétt saman, grímu-og sprittlaus og höfum haft þann háttinn á síðustu ca. 10 eða 15 laugardaga. Um er að ræða hóp fólks sem á einn eða annan hátt tengist viðspyrnu öfgafullra sóttvarnaraðgerða stjórnvalda. Innsti kjarni er ca. 100 manns. Það sem er áhugavert er að ekkert okkar virðist hafa fengið covid, að einum undanskildum sem hafði víst fengið veiruna en ekki komist að því fyrr en síðar þegar hann fór í mótefnamælingu. Hann sagði að einkennin hefðu verið væg. Maður í eldri kantinum sem hresstist fljótt.

Spurning hvort við séum komin með mótefni án þess að vita, því við eigum það flest sameiginlegt að hunsa þessar aðgerðir eftir fremsta megni. Teljum það einfaldlega varasamt að hlýða þessum fíflagangi stjórnvalda sem ganga lengra og lengra því nær sem við komumst upphaflega markmiðinu, að verja gamla fólkið. Sem var augljóslega bara blekking! Það eru komin ný markmið; veirulaust samfélag og hjarðónæmi sem aðeins er hægt að ná með bólusetningum, segir WHO núna. Áður var skilgreiningin sú, að einnig væri hægt að ná hjarðónæmi með náttúrulegri sýkingu. Þau breytast ört vísindin þessa dagana sbr. þetta með Þórólf og grímurnar. 

Eða, erum við kannski betur varin fyrst við höfum ekki vanið okkur á að blokka öndunarveginn með bréfi eða tuskum, baða okkur upp úr spritti (ónæmiskerfið þarf nefnilega bakteríur og vírusa til að haldast sterkt) og forðast annað fólk eins og heitan eldinn, út af sjúkdómi sem virðist einna helst draga til dauða þá sem eru þegar við grafarbakkann.

Þetta gæti a.m.k. verið áhugavert rannsóknarefni. Væri hægt að mæla hópinn og sjá hvort hann sé kominn með svokallað T-frumu ónæmi eða finna út hvers vegna hann veikist síður af þessum bráðsmitandi sjúkdómi?

Fólkið í hópnum á það líka sameiginlegt að vilja ekki sjá tilraunabóluefnið gegn covid og kannski getur vísindasamfélagið á einhvern hátt nýtt sér þennan hóp til rannsókna í framtíðinni. Því hefur til dæmis verið haldið fram að þeir sem taki inn bóluefnið verði líklegri til að veikjast frekar í næstu pestum. Það væri a.m.k. hægt að nota hópinn í einhverskonar samanburðarrannsókn.  

Ragga nagli með Covid: „Krossum fingur“

"They didn´t isolate the virus"

„Veir­an er úti í sam­fé­lag­inu og get­ur skotið upp koll­in­um þegar minnst var­ir (sóttvarnarlæknir)."

Það er mikið talað um að bóluefnin virki kannski ekki á hitt og þetta afbrigði, t.d. þetta indverska sem nú hefur komið til Englands?

Og hér má lesa að bólusettir eru að veikjast eftir sem áður. Síðan þarf líklega að taka þriðju sprautuna...!

Þessi opinberi starfsmaður í Kína segir: "they didn´t isolate the virus" (þeir hafa ekki einangrað veiruna).

Merkilegt, og svo er inflúensan horfin.

Hljómar eins og eitthvað Nígeríusvindl. Er þessi á myndinni nokkuð forstjóri Pfizer? Sá sem seldi hlutabréfin sín í fyrirtækinu á réttum tíma?

Áminning fyrir helgina

Skaðabótamál hafin í Danmörku - 37 umsóknir hafa borist danska ríkinu

37 umsóknir um skaðabætur vegna AstraZeneca og Pfizer hafa borist danska ríkinu skv. þessari frétt.

Lyfjafyrirtækin þurfa engar bætur að greiða, þau eru stikkfrí. Ríki heims taka á sig tjónið sem einnig þurftu að greiða fyrir tilraunalyfin fyrirfram, burt séð frá því hvort þau verði notuð eða fari í ruslið! Hvenær byrjar „ballið" hér heima? A.m.k. tveir látnir, sem ekki voru við grafarbakkann, vegna Astra Zeneca, ein rúmlega sjötug, önnur tæplega fimmtug. Nei, ekki komið í fjölmiðlum. (Það má vera að sú síðarnefnda hafi fengið annað bóluefni en AstraZeneca en dauðsfallið tengist a.m.k. Covid bólusetningu).

Einkavæða gróðann, almannavæða tapið...

Hafið þið annars fylgst með lögmanninum þýska Reiner Fuellmich og næstu Nuremberg réttarhöldunum?

Mæla gegn AstraZeneca vegna alvarlegra aukaverkana

Dauðsföll ranglega skráð 25% hærri í Bretlandi - lygin að koma fram!

Ein helsta fréttin á twitter í gærkvöldi og í dag er frétt Telegraph sem segir að 25% skráðra Covid dauðsfalla á Bretlandi voru ekki vegna Covid. Þetta þýðir að dauðatölurnar frá Bretlandi sem meðal annars hafa verið notaðar til að hræða mannskapinn hér á landi hafa verið ýktar um fjórðung, eða einhverja tugi þúsunda! Fjölmiðlakonur og menn hér heima eru örugglega búin að sjá fréttina en verða að halda kjafti því annars gæti fólk farið að spyrja sig hvað annað er hugsanlega rangt í sambandi við fréttaflutning hinna svokölluðu áreiðanlegu fjölmiðla sem hafa einnig fengið það hlutverk að leiðrétta „falsfréttir" eins og ég hef til dæmis verið að birta hér á bloggi mínu. Getur verið að þegar allt kemur til alls að hinir „áreiðanlegu" meginstraumsfjölmiðlar séu að flytja falsfréttir og taka þátt í að ýkja hættuna af faraldrinum? Hvers vegna kemur þessi merkilega Telegraph frétt ekki hér heima?

Hvað með „breska" afbrigðið og börnin? Sóttvarnarlæknir, fjölmiðlar og forsætisráðherra hafa sagt okkur að það leggist þyngra á börn. Hvar eru veiku börnin?
Barnasmitsjúkdómalæknirinn Valtýr S. Thors hefur reyndar þegar sagt að hættan sé ekki meiri. Og Jón Viðar Einarsson læknir tók að sér að rýna í tölur frá Noregi sem áttu að sýna hættuna af breska afbrigðinu skv. sóttvarnarlækni. Það var tóm lygi, sjá hér. Hvers vegna kemur það ekki í fréttum? Jón Viðar er læknir, sérfræðingur og vísindamaður frá Harvard!

Þetta er reyndar ekki eina lygin sem Telegraph hefur sagt frá. Hér er önnur frá því í nóvember sl. þar sem segir að ríkisstjórn Bretlands hafi notað falskar tölur til að réttlæta hertar reglur og útgöngubann. 

Sambærileg frétt var frá Bandaríkjunum sem sýnir að CDC (Center for Disease Control), sjá mynd neðar, hafi hljóðlátlega lækkað dánartölur vegna Covid.

Hér heima hafa dánarorsakir fyrir 2020 ekki verið birtar, ekki sjálfsvígstölur og ekki heldur inflúensutölur. Einu tölurnar sem eru alltaf up-to-date eru covid tölurnar. Allt sundurgreint, sundurliðað, með myndum og gröfum! En sjáið í samanburði tölur og upplýsingar um aukaverkanir af Covid bólusetningum! Eruð þið einhverju nær? Hverjar eru allar þessar aukaverkanir? Nei einmitt, það kemur ekki fram. Enda kemur ykkur það ekki við. Haldið áfram að rýna í tölur um smit á landamærum og hversu margir eru í sóttkví vegna faraldurs sem hefur verið stórlega ýktur, allt frá upphafi, sbr. nýjustu fréttir frá Bretlandi.

Heilbrigðisráðuneyti Þýskalands í vanda - dæmi um góðan blaðamann!

Þetta viðtal er þýtt af Guðrúnu Bergmann og er dæmi um góðan blaðamann. Getið þið ímyndað ykkur ef þríeykið fengi svona spurningar í beinni á almannavarnafundi? En beittustu spurningarnar þar koma auðvitað frá Birni Inga eða þannig!

 

HEILBRIGÐISRÁÐUNEYTI Í VANDA

Það virðast fleiri heilbrigðisráðuneyti en okkar vera í vanda með að greina frá því á hvaða rökum lokanir og aðrar takmarkanir á ferðafrelsi fólks eru byggðar. Talsmaður þýska heilbrigðisráðuneytisins [i], Oliver Ewald, lenti í klemmu þegar hann fékk spurningu frá blaðamanni sem spurði hann að því á hvaða vísindum lokanirnar væru byggðar.

Um er að ræða sjálfstætt starfandi blaðamann að nafni Boris Reitschuster [ii], sem virðist fylgja starfi sínu vel eftir, en fréttina um þetta mál er aðfinna á vefmiðlinum notrickzone.com [iii] ogþetta þýðing á henni.

Eins og staðan er í dag er þýska stjórnin að skoða hertari lokunaraðgerðir. Frelsi hefur því verið tekið af dagskrá um óákveðinn tíma á meginlandi Evrópu – líkt og hér.

EKKI EIN RANNSÓKN

Á blaðamannafundi sem haldinn var þann 9. apríl síðastliðinn spurði Reitschuster talsmann þýska heilbrigðisráðuneytisins, Oliver Ewald, hvort hann gæti vísað í eina rannsókn sem sýndi fram á að lokanir skili árangri í að hefta úrbreiðslu farsóttar. Hér á eftir fara samskipti þeirra:

Reitschuster: „Herra Ewald, blaðamaður hjá WZ skrifaði í fréttagrein að þýska stjórnin hefði engar sannar fyrir áhrifum lokana. Spurning mín er því: Hvaða vísindalegu rannsóknir hafið þið? Takk fyrir.“    

Ewald reynir að víkja sér undan þessari eldfimu spurningu.

„Herra Reitschuster, þú veist að það er grundvallarregla, að við metum ekki athugasemdir blaðamanna og ég mun því halda mig við hana.“

Reitschuster neitar að taka við þessari skýringu.

„Það er smá misskilningur herra Ewald. Ég kom bara með tilvitnun og fylgdi henni svo eftir með sér spurningu. Sú spurning hefur ekkert að gera með tilvitnun mína. Ég skal með glöðu geði endurtaka spurningu mína; hvaða vísindalegu rannsóknir…“

Myndatexti: „Hvernig gat fólk leyft þessu að ganga svona langt?“

Áður en Reitschuster nær að ljúka máli sínu, grípur Ewald sem greinilega er pirraður fram í fyrir honum:

„Þegar þú lest eina setningu úr þessari tilvitnun hér og biður mig um að meta hana, án þess að setja hana í samhengi við nokkuð, get ég engu svarað.“

Reitschuster neitar að gefast upp og þrýstir á svar við þessari einföldu spurningu:

„Í engu samhengi við setninguna, spyr ég þig í þriðja sinn, hvaða vísindalegu rannsóknir hefur þýska stjórnin? Takk fyrir.“

Við vitum öll að það eru engar rannsóknir til sem styðja við lokanir, svo Ewald talsmaður heilbrigðisráðuneytisins þýska er því komin í klípu. Þögnin sem fylgir í nokkrar sekúndur er svo mikil að það má heyra saumnál detta. Að lokum svarar Ewald, sem lítur nú út eins og hann sé að springa:

„Ég hef sagt það sem ég hef um það að segja.“

Reischuster: „Nákvæmlega ekkert.“

Þessi viðbrögð koma frá þýsku ríkisstjórninni, sem líkt og svo margar þjóðir – þar með talið Ísland – hafa byggt lokanir sínar á – engu!

„Fylgið vísindunum“, er sagt við íbúana. Því miður eru engin vísindi á bak við Covid-19 lokanirnar.

Ef þér fannst þessi grein áhugaverð deildu henni þá endilega með öðrum.

 

AÐRAR GREINAR UM SVIPAÐ MÁLEFNI:

Athugasemdir við bóluefnið frá Pfizer – Athugasemdir við ný sóttvarnarlög – 31 ástæða fyrir því að ég læt ekki sprauta mig – Aukaverkanir bóluefnanna – Þvingunum beitt við bóluefnasamninga – Hvers vegna fækkar smitum – Covid spurningar án svara – Gengið á mannréttindin – Hvað er verið að fela? – Grímur eða ekki grímur

Mynd: Myndin af Ewald er úr fengin úr greininni á notrickzone.com og teiknimyndina fékk ég senda frá vini.

Heimildir:

[i] https://www.bundesgesundheitsministerium.de/en/en.html 

[ii] @reitschuster á Twitter

[iii] https://notrickszone.com/2021/04/11/german-ministry-of-health-spokesman-cant-cite-one-single-scientific-study-showing-lockdowns-are-effective/