Grímulaust og iðandi mannlíf á Flórída!

„Ind­verj­ar náðu þeim vafa­sama heiðri í dag að fara fram úr Bras­il­íu þegar kem­ur að fjölda kór­ónu­veiru­smita. Alls voru greind 168 þúsund ný smit á Indlandi í gær. Í Bras­il­íu eru staðfest smit 13,48 millj­ón­ir. Flest staðfest smit eru aft­ur á móti í Banda­ríkj­un­um. Sér­fræðing­ar hafa varað við því að lík­ur séu á að nýj­um smit­um muni fjölga áfram á Indlandi þar sem fjöl­menn­ar grímulausar sam­komur hafa verið tíðar undanfarið.

Hvaða máli skipta smit, einkennalaus eða ekki? Er fókið veikt eða hvað? Munið þegar fjölmiðlar fjölluðu daglega um einkennalaus inflúensusmit? Nei, ekki ég heldur.

Hvert ríkið í Bandaríkjunum á eftir öðru slakar nú á aðgerðum án þess að smitum fjölgi, eða ástandið versni.

Sjáið lífið á Flórida. Iðandi grímulaust mannlíf á ströndinni og fjöldi fólks á götum úti. Flórída er líka eitt af þremur ríkjum sem hefur gefið skít í bóluefnavegabréfin (sem byrjað var að undirbúa áður en Covid hófst, sjá hér). En þessi nýja tegund vegabréfa er eitt af því sem notað hefur verið til að fá fólk til að taka þátt í bóluefnatilraunum, svo það geti ferðast á ný! Við sáum hvað gerðist á Bretlandi þar sem mikill fjöldi hefur verið bólusettur. Landinu var lokað fyrir páska, ferðalög bönnuð, 1.apríl!

Anthony Fauci botnar heldur ekkert í því hvers vegna smitum fækkar eftir að grímuskylda var felld úr gildi í Texas.

Í Montreal, Kanada virðist líka sem unga fólkið vilji endurheimta frelsi sitt, mikill fjöldi hunsar útgöngubann.

Með þessu bloggi fylgja skilaboð frá Mike Yeadon fyrrum vísindamanni hjá Pfizer... „hlægið bara að þessum yfirvalda-fíflum."

Og hér neðar eru önnur skilaboð frá honum varðandi bólusetningar:...„það þarf ekki að bólusetja fólk sem ekki er í áhættu vegna sjúkdóms...eða ungt og frískt fólk...þvílíkt rugl!"

En eins og fram hefur komið ætla íslensk yfirvöld sér að bólusetja unga fólkið hér á landi. Svokallaðir læknar virðast ætla að taka þátt í glæpnum; að gefa ungu fólki ófullrannsökuð líftæknilyf á tilraunastigi gegn sjúkdómi sem því stafar ekki hætta af! „Áhætta versus ávinningur?" „Ekki skaða?"

 

Grímulausar fjöldasamkomur

Þórólfur, Þórdís og Þórdís sýna fordæmi - afþakka bólusetningu!

Heilbrigðisstarfsfólk fékk sent boð um að mæta í bólusetningu í Laugardagshöll á föstudaginn síðasta. Boðið var upp á Moderna.

Fram kom í fréttum að sóttvarnarlæknir hefði fengið boð um að mæta en afþakkað. Hann sagðist vilja sýna gott fordæmi og láta aðra sem væru að vinna með sjúklingum, ganga fyrir. Mikið offramboð virðist hafa myndast af efninu sem hlýtur að þýða að töluvert margir heilbrigðisstarfsmenn hafi ekki þegið boðið. Heilsuvera sendi út fjölda sms - skilaboða til þeirra sem eru á skrá sem sjúkraþjálfarar, sálfræðingar, fótasnyrtifræðingar o.fl. „Aukaskammtar - Fyrstur kemur fyrstur fær." Brunaútsala á Moderna sem læknar og hjúkkur vildu ekki.

Skilaboðin sem meðfylgjandi myndir sýna fékk vinkona mín Þórdís H. Benediktsson sem er kennari og skráður sjúkranuddari en hefur ekki starfað sem nuddari í rúman áratug. Eins hafði hún fengið boð um að mæta í Pfizer eftir helgi. Þórdís hefur ekki nokkurn áhuga á að taka þátt í tilraunastarfsemi lyfjafyrirtækjanna vegna veirupestar sem flestir fá væg einkenni af sbr. til dæmis skilgreiningu Alþjóðaheilbrigðisstofnunarinnar. Þórdís sem ekki starfar með sjúklingum og hefur ekki starfað sem nuddari í langan tíma fékk sem sagt boð um þiggja ósótta skammta sem Þórólfur sóttvarnarlæknir og augljóslega fleiri heilbrigðisstarfsmenn vildu ekki. Líftæknifyrirtækið Moderna hefur aldrei áður framleitt bóluefni og Moderna er það lyf sem hefur leitt til hlutfallslega flestra alvarlegra aukaverkana hér á landi. Þórdís vildi sýna fordæmi og ekki þiggja bóluefni á tilraunastigi sem ENGINN veit hver langtímaáhrif eru á.

Sjálf hafði ég afþakkað bólusetningu með simpansaveirubóluefninu frá AstraZeneca fyrir nokkrum vikum. Vildi meðal annars sýna gott fordæmi með því að þiggja ekki ófullrannsakað lyf sem aldrei hefur verið notað á mönnum fyrr og er þar að auki ekki hefðbundið bóluefni. Nokkrum dögum síðar var gert hlé á bólusetningu með AstraZeneca vegna fjölda tilkynninga um alvarlegar aukaverkanir, þar á meðal hér á landi. Stuttu síðar var ákveðið að bjóða efnið eldra fólki sem áður hafði ekki mátt fá það. Tilkynning um dauðsfall sem möguleg aukaverkun vegna AstraZeneca er að minnsta kosti ein hér á landi en þeirri frétt virðist hafa verið haldið frá almenningi í nokkurn tíma, eða um það bil tíu daga.

Þórólfur sagðist vilja bíða þar til röðin kæmi að honum í aldri. Aftur á móti var það algjör óþarfi, nóg var til af Moderna og flestir þeir sem boðaðir voru í afgangana eru yngri en hann. Athyglisvert er að svo mikið afgangsefni hafi verið daginn sem heilbrigðisstarfólk átti að mæta í Laugardagshöllina. Skyldi landlæknir hafa mætt? Varla. Annars hefði það líklega komið í fjölmiðlum eins og með Kára. (ekki komið svar við fyrirspurn til hennar).

Sóttvarnar-og landlæknir stýra sóttvarnaraðgerðum og hvetja almenning til að þiggja boð í bólusetningu þegar það býðst, þar á meðal ungt fólk, allt niður í 18 ára sem starfar á hjúkrunarheimilum. 18 ára eru ekki í áhættu vegna Covid (og búið er að verja gamla fólkið), en Þórólfur og Alma eru komin í þann aldurshóp sem telst áhættumeiri. Hvers vegna mættu þau ekki fyrst nóg var til? Vildu þau ekki Moderna? Á frekar að bjóða það fólki sem ekki einu sinni starfar í heilbrigðisgeiranum? Er þetta ekki annars stórhættuleg drepsótt þó að hér hafi reyndar enginn dáið eða legið á spítala vegna sóttarinnar í marga mánuði (fyrir utan einn skipverja frá Brasilíu sem var á sjúkrahúsi í nokkra daga.)

Í öðrum ríkjum, hafa ráðamenn sýnt fordæmi og tekið bóluefnið. Til dæmis ákvað heilbrigðisráðherra Ástralíu að taka AstraZeneca í hvatningarskyni fyrir aðra. Ráðherrann endaði reyndar á sjúkrahúsi daginn eftir með húðsýkingu (a.m.k. opinbera skýringin)! Hér á landi virðist þurfa minni hvatningu, nema þá helst meðal heilbrigðisstarfsfólks sem margt hefur aðgang að betri upplýsingum en hinn almenni borgari sem hefur hlustað á hræðsluáróður þríeykisins og Kára Stefánssonar í heilt ár og byggir sínar ákvarðanir á því.

Það er því frekar aumingjalegt af sóttvarnarlækni að hafa ekki mætt í höllina til að verja sig sem fyrst gegn veirunni sem hann segir vera alveg stórhættulega og liggja í laumi hér og þar! 

,,Tilviljun ræður öllu í þessu lífi, hún er hinn eini sanni guð.“

Heiti þessarar greinar, Tilviljun ræður öllu í þessu lífi, hún er hinn eini sanni guð er tilvísun í orð Kára Stefánssonar forstjóra ÍE/Amgen en Amgen hefur fyrir tilviljun verið í nánu samstarfi við Astra Zenca.

  Ég hlusta aðeins á útvarp þegar ég er í bílnum og fyrir tilviljun þurfti ég að fara á bílnum í morgun og renndi í gegnum útvarpsstöðvarnar. Fyrir tilviljun datt ég inn á Pétur á útvarpi Sögu sem var að fjalla um fjögurra stjörnu Foss fangabúðirnar og dóminn um ólögmæti nauðungarvistunnar á þeim bæ. Maður nokkur hringdi inn í þáttinn og var á þeirri skoðun að þessi dómsmál og aðdragandi þeirra væru líklega samsæri gegn heilbrigiðisráðherra eða ríkisstjórninni, svo fljótt gerðist þetta allt saman, sagði hann. Sem sagt, að lögmenn hefðu vitað af ólögmætinu og verið tilbúnir með mál til að fara með fyrir dómstóla. 

  Málið sem Jón Magnússon lögmaður kærði fyrir hönd mæðgnanna  kom að minnsta kosti til vegna tilviljunar. Ég sá fyrir tilviljun frásögn konu sem ég þekki á facebook sem sagði frá því að hún og dóttir hennar hefðu verið fluttar í Foss fangabúðirnar í lögreglufylgd í rútu frá Leifsstöð eftir komu frá Serbíu, þangað sem þær fóru til að vera við jarðaför. Tveimur dögum áður hafði ég fyrir tilviljun lesið að að þeir sem væru skikkaðir í far­sótt­ar­hús eigi rétt á að bera sitt mál und­ir dóm­stóla og vænta úr­sk­urðar líkt og gild­ir um gæslu­v­arðhald. Það leið ekki langur tími þar til að ég var búin að hafa uppi á lögmönnum sem höfðu nýlega auglýst þjónustu sína í þessu sambandi, og ég rekist á fyrir tilviljun, og kom upplýsingum áfram til mæðgnanna. Þar með var málið komið í hendur Jóns Magnússonar sem vann málið fyrir mæðgurnar sem ég vona að fái greiddar skaðabætur frá ríkinu fyrir ólögmætt varðhald. Að loka 13 ára ungling inni á herbergi í marga daga hefði einhverntímann verið kært til barnaverndayfirvalda!

  En fyrir tilviljun hafði ég skrifað þessa færslu nokkrum dögum áður þar sem ég sagðist vilja bjóða mig fram til að láta reyna á lögmæti varðhalds í svokölluðu sóttvarnarhúsi. Kannski var þetta því ómeðvitað og tilviljannakennt samsæri. Ég trúi reyndar ekki á tilviljanir; allt á sér örsök og afleiðingu. Nema að tilviljun sé leið Guðs, æðri máttar, örlaganna, stjarnanna eða annað til að sýna okkur að ekkert er í raun tilviljun. Eins og vísindamaðurinn Einstein virðist hafa talið.

 

Líkir Brynjari Níels við Trump

Nefgrímur fyrir ósmitaða!

„Brögð eru að því að ósmitaðir beri veiruna milli manna í nef­kok­inu." 

Þetta sagði Björn Ingi Jóns­son, verk­efna­stjóri al­manna­varna á Suður­landi, í sam­tali við mbl.is.

Viljið þið skila því til hans Björns að það eru komnar nýjar grímur á markaðinn fyrir ósmitaða. 

Síðan er hægt að kaupa fjórfaldar grímur sem ná yfir munn og nef ef þú ert t.d. með indverska afbrigðið sem er tvöföld veira!

 

Hópsmitið á vinnustað í Mýrdal

Svar frá Lyfjastofnun um aukaverkanir - andlát vegna AstraZeneca

,,Fyrst ber að nefna að þær tölur sem birtast á vefnum snúa að tilkynningum um grun um aukaverkun og ekki er víst að tilkynningarnar endurspegli raunverulegar aukaverkanir af bóluefnunum en það er metið í hverju tilfelli fyrir sig. Nánar í þeim fyrirvörum sem fram koma á vefnum um notkun tölulegu upplýsinganna sem þar birtast.

 

Comirnaty (BioNTech/Pfizer):

26 alvarlegar tilkynningar hafa borist.

• 14 þeirra varða andlát. 13 andlát vörðuðu aldraða einstaklinga, 12 þeirra með staðfesta undirliggjandi sjúkdóma. Eitt andlátið varðaði einstakling sem ekki var aldraður en með marga undirliggjandi sjúkdóma.
  
  
• Af hinum 10 þá varða 8 sjúkrahúsvist (þar af 2 lífshættulegt ástand).
  
  
• Fjórar tilkynningar teljast klínískt mikilvægar og þar með flokkaðar sem alvarlegar*.

 

COVID-19 Vaccine Moderna:

5 alvarlegar tilkynningar hafa borist.

• 4 tilkynningar varða sjúkrahúsvist.
  
  
• Ein tilkynning telst klínískt mikilvæg og þar með flokkuð sem alvarleg*.

 

Vaxzevria (AstraZeneca):

12 alvarlegar tilkynningar hafa borist.

• Ein tilkynning varðar andlát eldri einstaklings.

• 9 tilkynningar varða sjúkrahúsvist (þar af 1 lífshættulegt ástand).
  
  
• Tvær tilkynningar teljast klínískt mikilvægar og þar með flokkaðar sem alvarlegar*.

 

*Tilkynningar sem metnar eru sem klínískt mikilvægar geta varðað ýmis einkenni, t.d. blóðtappa þar sem ekki kom til innlagnar á sjúkrahús.

 

Í allri umfjöllun um tilkynningar vegna gruns um aukaverkun er mjög mikilvægt að fram komi að þegar tilkynningar berast Lyfjastofnun er ekki vitað hvort um orsakasamhengi milli bólusetningar og tilkynntra tilvika sé að ræða. Slíkt er metið í hverju tilfelli fyrir sig.

 

Kveðja, 

 

Samskiptadeild / Communications Department

Lyfjastofnun / Icelandic Medicines Agency"

Fyrst var AstraZeneca gefið yngra fólki (yngra en 65 ára) þar sem það þótti ekki öruggt eldra fólki, hafði ekki verið prófað á eldri hópum (reyndar hafði Pfizer ekki prófað sitt á eldri hópum heldur).

Tilkynningar um alvarlegar aukaverkanir fóru síðan að berast vegna blóðtappa í yngra fólki. Stuttu síðar var hætt að nota efnið á yngra fólki og í gang fór eldsnögg rannsókn sem sýndi fljótlega að efnið væri skothelt fyrir eldra fólk. 

25. mars var síðan hafist handa á ný með að bólusetja eldri hópa með Astra og þetta var í tilkynningu frá Landlækni:

Ekki hefur borið á alvarlegum aukaverkunum hjá öldruðum einstaklingum í Bretlandi þar sem mikill fjöldi hefur verið bólusettur og áhrif bólusetningar hjá þessum aldurshópi á smittíðni, innlagnir og dauðsföll vegna COVID-19 hafa verið góð í Englandi Opnast í nýjum glugga og Skotlandi Opnast í nýjum glugga. Því hefur verið ákveðið að nota þetta bóluefni fyrir einstaklinga eldri en 70 ára í samræmi við þessar niðurstöður. Þegar kemur að bólusetningu 60-69 ára er einnig líklegt að þetta bóluefni verði í boði fyrir a.m.k. hluta þess aldurshóps.

Það næsta sem gerist er að eldri einstaklingur hér heima deyr vegna efnisins. 
Þetta er sannkölluð tilraun sem þjóðin tekur þátt í. Hvað skyldu margir hafa rokið í bólusetningu ef ekki hefði verið búið að hræða úr þeim líftóruna? Meðalaldur látinna hér heima vegna Covid er 88 ár.

 

 

 

Bretar undir þrítugu fá ekki AstraZeneca

Óskilijanleg frétt

„Fimm af sex kór­ónu­veiru­smit­um sem komu upp utan sótt­kví­ar í gær greind­ust á Suður­landi. Hópsmitið er talið mega rekja til ferðalangs, sem bú­sett­ur er á Íslandi. Viðkom­andi er með mót­efni fyr­ir veirunni og þarf því ekki að sæta sótt­kví."

Hefur eitthvað skolast til hér?
Er sá sem rekja má hópsmitið til með mótefni við veirunni? Er ferðalangurinn „viðkomand?i"

 

Hópsmit talið tengjast ferðamanni með mótefni

Engir heilbrigðisstarfsmenn hér á landi hafa látist - í hverju felst þessi munur?

„Lækna­fé­lag Íslands kall­ar eft­ir því að laga­stoð fyr­ir ýtr­ustu sótt­vörn­um verði tryggð."

„Sam­kvæmt töl­um Am­nesty In­ternati­onal hafa yfir 17.000 heil­brigðis­starfs­menn látið lífið við störf sín í far­aldr­in­um. Slíkt er óþekkt nema helst í stríði eða styrj­öld­um,“ seg­ir formaður læknafélagsins.

En hér á landi? Ekki hefur maður heyrt eitt einasta dæmi þess að  heilbrigðisstarfsmaður hafi látist vegna Covid. Hér er meðalaldur látinna 88 ár. Ein ung manneskja lést vegna veikinnar og það var Ástrali sem við vitum lítið um en nefnt hefur verið að viðkomandi hafi verið með alvarlegan sjúkdóm.

Hver getur skýringin verið? Miðað við þennan fjölda látinna starfsmanna í heilbrigðisgeiranum, mætti ætla að að minnsta kosti einn heilbrigðisstarfsmaður hefði dáið úr sjúkdómnum hér heima. Eða veikst alvarlega. Gerðist það?

Hvers vegna er reynslan frá öðrum löndum allt önnur en hér heima? 

Og þetta er lýsing WHO á veikinni:

Most people infected with the COVID-19 virus will experience mild to moderate respiratory illness and recover without requiring special treatment.  Older people, and those with underlying medical problems like cardiovascular disease, diabetes, chronic respiratory disease, and cancer are more likely to develop serious illness.

Og svona skilgreindi landlæknir Bretlands veikina:

,,Most people will not get this virus at all. Of those who get symptoms, the vast majority will have a mild or moderate disease. The great majority of people, even in the highest risk groups, will not die."

-Chris Whitty Mars 2020."

 

Er þetta lýsing á alvarlegum heimsfaraldri? Og fæstir starfsmenn smitsjúkdómadeildar LSH höfðu verið bólusettir í byrjun mars skv. þessari frétt. Hvers vegna ekki? Var nauðsynlegra að bólusetja alla 100 ára og eldri og 18 ára starfsstúlkur á elliheimilum?

Miðað við þessar skelfilegu tölur um dauðsföll heilbrigðisstarfsmanna í útlöndum, þá er þetta mjög undarlegt. Enginn heilbrigðisstarfsmaður hefur látist hér heima og síðan voru þeir margir hverjir aftar í bólusetningaröðinni en 100 ára og eldri, og það heilbrigðisstarfsmenn á smitsjúkdómadeild LSH!! Fá þeir Ivermectin sem talin er vera góð meðferð við Covid?

p.s. man ekki heldur eftir að hafa heyrt fréttir um dauðsföll heilbrigðisstarfsmanna á Norðurlöndunum.

 

 

„Alvarleg aðför að sóttvörnum landsins“

Landlæknir Breta ítrekar að börnum stafi ekki hætta af faraldrinum

Blaðamannafundur frá Bretlandi. Landlæknir Breta ítrekar að börnum stafi nánast engin hætta af faraldrinum. Látið það berast til þeirra sem standa fyrir hræðsluáróðrinum með breska afbrigðið og börnin. Það er hægt að sjá ummæli Bretana við fundinn.

https://www.facebook.com/watch/live/?v=206336117930711&ref=notif&notif_id=1617638712494826&notif_t=live_video

Peter McCullough læknir - meðferð gegn Covid var þögguð niður!

Var að hlusta á þennan bandaríska lækni, Peter McCullogh, sem heldur því fram að það séu og hafi verið til margskonar lyf og meðferðir fyrir Covid sjúklinga, en þeir alltaf sendir heim eftir jákvætt PCR próf, með engar leiðbeiningar eða ráð fyrir meðferð sjúkdómsins. Hann segir þetta skandal og að allar upplýsingar um meðferðir og lækningu hafi verið þaggaðar niður.

McCullough told the committee about a typical patient journey—stories they had already heard from family members and friends. High risk patients, over age 50 and with medical problems go to testing centers or urgent care clinics acutely ill, are handed a positive COVID-19 test result and are told to go home and wait in fear until they cannot breath any longer and then succumb to panicked hospitalization and isolation from family members, some of whom never see their loved ones again.

Aðrir áhugaverðir punktar komu fram hjá honum, t.d. að hjarðónæmi í Texas væri í kringum 80%, einkennalausir smiti ekki, náttúruleg sýking af Covid veiti varanlegt og fullkomið ónæmi (og því út í hött að bólusetja þá sem hafa veikst), að bólusetja heilbrigt fólk undir fimmtugu væri algjörlega á skjön við læknavísindin, og ýmislegt fleira.

Mér varð hugsað til þessarar íslensku konu sem var látin liggja heima fárveik í 44 daga. Fékk hún enga meðferð, engin lyf? 

McCullough segir líka að upplýsingar sem hann setti á vefinn um lækningu og meðferðir gegn Covid, hafi verið hent út.

Í raun frábært dæmi um "fakt-tékk" internetsins í dag. Auðvitað er ekki verið að stöðva bara falsvísindi heldur virðist markmiðið líka vera að loka á upplýsingar um (snemm)meðferðir eða aðra lækningu sem virka gegn Covid. Eina sem internetið leyfir afskiptalausa umfjöllun á, er ný tegund bóluefnis sem ekki hefur verið notað á mönnum fyrr og er enn á rannsóknarstigi. (Follow the money!)

Skilst að Ivermectin sé eitt þessara lyfja sem gagnast mjög vel við sjúkdómnum, nokkuð sem íslenskur læknir í Svíþjóð hefur skoðað vel. Honum var gert að eyða út færslum um lyfið.

Og ekki mátti Lýsi hf. auglýsa vöru sína sem vörn gegn veiru, þó að við vitum öll að Lýsi er það meðal sem hefur varið okkur gegn veikindum í áraraðir. En Lýsi hf. mátti ekki fullyrða það, en í lagi þykir að fullyrða að lítt prófað tilraunabóluefni sé fullkomlega öruggt, þrátt fyrir ýmsar aukaverkanir sem hafa verið mun fleiri en reiknað var með. Lyfjastofnun heldur upplýsingum um tegund aukaverkana þétt að sér, þær eru ekki tilgreindar á síðu þeirra. Það tíðkast aftur á móti í öðrum ríkjum, þ.e.a.s. að gera grein fyrir tegund aukaverkana, ekki bara birta súlur í bláu og fjólubláu!

p.s. twitter leyfir mér t.d. ekki að setja inn þetta myndband með Cullough. Why not? Er hann falsvísindamaður?  Hámenntaður læknir!

Landlæknir Breta skýrir veiruhættuna svona....

,,Sóttvarnarlæknir fer fram á að ákvörðun hans um að fólkið sæti sótt­kví á sótt­kví­ar­hót­eli verði staðfest. Það sé mat hans og ráðherra að aðgerðin gangi ekki lengra en nauðsyn­legt er til að hefta út­breiðslu kór­ónu­veirunn­ar og vernda lýðheilsu."

 

Svona lýsir landlæknir Breta, sem einnig er faraldsfræðingur, pestinni: 

 

,,Most people will not get this virus at all. Of those who get symptoms, the vast majority will have a mild or moderate disease. The great majority of people, even in the highest risk groups, will not die."

-Chris Whitty Mars 2020."

 

Hljómar þetta eins og stórhættulegur heimsfaraldur og hvernig kemur þessi lýsing heim og saman við allar skelfilegu fréttirnar sem hafa borist frá Bretlandi?

 

Svona hljóðar lýsing Alþjóðaheilbrigðisstofnunarinnar á sjúkdómnum:

"Most people infected with the COVID-19 virus will experience mild to moderate respiratory illness and recover without requiring special treatment.  Older people, and those with underlying medical problems like cardiovascular disease, diabetes, chronic respiratory disease, and cancer are more likely to develop serious illness."

 

Og svo ein staðreynd héðan af Íslandi. Ekkert barn eða ungmenni hefur þurft að leggjast inn á spítala vegna Covid, ekkert. Ekki heldur af breska afbrigðinu. Ekkert barnanna í Laugarnes-eða Laugalækjaskóla er veikt. Núll.

 

Önnur staðreynd. Búið er að bólusetja gamla fólkið. Um það snérust sóttvarnaraðgerðir í upphafi, verja þá gömlu.

 

Einn liggur á spítala vegna Covid, og það er skipverji á súrálsskipi frá Brasilíu. Hann er sagður vera með brasilíska afbrigðið sem Brasilíubúar kannast sjálfir lítið við.

 

Jón Ívar læknir hefur skoðað gögn frá Noregi um spítalainnlagnir barna sem sýna að börnum stafi ekki hætta af breska afbrigðinu. 

 

Ef breska afbrigðið væri jafn hættulegt og sóttvarnarlæknir og landlæknir halda fram, sem segjast styðjast við rannsóknir frá Noregi, hefði til dæmis forsætisráðherra Noregs sem er alltof feit og þar af leiðandi í áhættuhópi ekki verið með partý og brotið reglurnar.

 

Það hefur verið áberandi hversu margir ráðamenn og stjórnmálamenn í heiminum hafa brotið sóttvarnarreglur. Kannski vegna þess að þeir vita hver hin raunverulega hætta er. Þetta er oft sama fólkið og heldur uppi hræðsluáróðri sem er í engum takti við hættuna. 

 

 

Uppfært: skv. þessari frétt viriðst skipverjinn sem lá inni vera útskrifaður. 

 

Þórólfur hefur skilað inn kröfugerð