Þórdís Björk Sigurþórsdóttir

18.4.2021 | 13:29

Ragga nagli og sóttvarnirnar - ,,af misjöfnu þrífast börnin best?"

„Kórónaveiran fer greinilega ekki í manngreinarálit og tók sér bólfestu í Naglanum sem hefur státað sig gegnum tíðina af að vera annálað hreystimenni sem fær varla hor í nös,“ segir Ragga nagli á Facebook síðu sinni.Ragga segir að þrátt fyrir grímunotkun, óhóflegan handþvott, stöðuga sprittun, tveggja metra reglu, olnbogaskot og félagslega einangrun hafi henni samt tekist að næla sér í Covid. Hún sé nú að takast á við höfuðverk, háan hita, beinverki og slappleika."

Ég þekki ekki þessa konu en fannst áhugavert það sem hún segir um nánast manískar sóttvarnir. Þetta barst í tal meðal félaga minna í gær, þar sem við sátum þétt saman, grímu-og sprittlaus og höfum haft þann háttinn á síðustu ca. 10 eða 15 laugardaga. Um er að ræða hóp fólks sem á einn eða annan hátt tengist viðspyrnu öfgafullra sóttvarnaraðgerða stjórnvalda. Innsti kjarni er ca. 100 manns. Það sem er áhugavert er að ekkert okkar virðist hafa fengið covid, að einum undanskildum sem hafði víst fengið veiruna en ekki komist að því fyrr en síðar þegar hann fór í mótefnamælingu. Hann sagði að einkennin hefðu verið væg. Maður í eldri kantinum sem hresstist fljótt.

Spurning hvort við séum komin með mótefni án þess að vita, því við eigum það flest sameiginlegt að hunsa þessar aðgerðir eftir fremsta megni. Teljum það einfaldlega varasamt að hlýða þessum fíflagangi stjórnvalda sem ganga lengra og lengra því nær sem við komumst upphaflega markmiðinu, að verja gamla fólkið. Sem var augljóslega bara blekking! Það eru komin ný markmið; veirulaust samfélag og hjarðónæmi sem aðeins er hægt að ná með bólusetningum, segir WHO núna. Áður var skilgreiningin sú, að einnig væri hægt að ná hjarðónæmi með náttúrulegri sýkingu. Þau breytast ört vísindin þessa dagana sbr. þetta með Þórólf og grímurnar.

Eða, erum við kannski betur varin fyrst við höfum ekki vanið okkur á að blokka öndunarveginn með bréfi eða tuskum, baða okkur upp úr spritti (ónæmiskerfið þarf nefnilega bakteríur og vírusa til að haldast sterkt) og forðast annað fólk eins og heitan eldinn, út af sjúkdómi sem virðist einna helst draga til dauða þá sem eru þegar við grafarbakkann.

Þetta gæti a.m.k. verið áhugavert rannsóknarefni. Væri hægt að mæla hópinn og sjá hvort hann sé kominn með svokallað T-frumu ónæmi eða finna út hvers vegna hann veikist síður af þessum bráðsmitandi sjúkdómi?

Fólkið í hópnum á það líka sameiginlegt að vilja ekki sjá tilraunabóluefnið gegn covid og kannski getur vísindasamfélagið á einhvern hátt nýtt sér þennan hóp til rannsókna í framtíðinni. Því hefur til dæmis verið haldið fram að þeir sem taki inn bóluefnið verði líklegri til að veikjast frekar í næstu pestum. Það væri a.m.k. hægt að nota hópinn í einhverskonar samanburðarrannsókn.

	Ragga nagli með Covid: „Krossum fingur“
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 21:34 | Facebook

Athugasemdir

Þér gæti þótt þessi grein á Kjarnanum áhugaverð:

Sóttvarnayfirvöld fylgja ekki rannsóknum sem benda til þess að andlitsgrímur virki ekki

Svo langar mig að bjóða þér upp á gestaþraut. Ef þú getur fundið og bent á stoð í sóttvarnalögum fyrir reglugerðarákvæði um grímuskyldu, hefur þú sigrað þrautina. Verðlaunin eru pakki af einnota "sóttvarnar"grímum. Ef þér mistekst eru sárabótarverðlaunin að það er engin grímuskylda.

Guðmundur Ásgeirsson, 18.4.2021 kl. 15:26