Reglur samt brotnar!

Það er ekkert sem segir í reglugerðinni að það megi vera fleiri en tíu í hverju rými ef notaðar eru grímur. Væri kannski í lagi ef sóttvarnarlæknir myndi þekkja sjálfa reglugerðina og þarna er Svandís grímulaus standandi of nálægt fréttamanninum og allt of margir í rýmninu. Afsögn?

„Það eru marg­ir hérna inni, það er hár­rétt hjá þér,“ sagði Þórólf­ur Guðna­son sótt­varna­lækn­ir spurður út í fjöld­ann á vett­vangi. „Þess vegna er mjög mik­il­vægt að all­ir séu með grím­ur til dæm­is, og séu sem styst hér inni,“ bætti hann við en viðstadd­ir báru ein­mitt all­ir grímu nema mögu­lega rétt þegar þeir brugðu sér í viðtal."  

p.s. hvers vegna voru vopnaðir sérstveitarmenn á staðnum?

„Klárlega of margir í fréttamannahólfinu“

Tíu í hverju rými segir reglugerðin

,,‍Reglu­gerð um tak­mörk­un á sam­kom­um vegna far­sótt­ar tók gildi 10. des­em­ber 2020 og gild­ir til og með 12. janú­ar 2021. Þangað til mega ein­ung­is 10 koma sam­an, tveggja metra regla er í gildi og grímu­skylda þar sem ekki er hægt að koma henni við."

Það er rangt að reglurnar segi að tíu megi koma saman, það mega vera 10 í hverju rými.  

„Ættum að reyna að einbeita okkur að Pfizer núna“

Er þetta bundið við tilraunaverkefnið?

Þetta eru fleiri skammtar en tilkynnt var um upphaflega?

Er þetta bundið við að Ísland verði tilraunaverkefni? Og ef svo, fá Íslendingar eitthvað fyrir að taka þátt? Kannski Pfizer stuttermabol?

Bóluefni á leið til landsins

Gott hjá prestinum!

,,Lög­regl­an á höfuðborg­ar­svæðinu hafði af­skipti af fjöl­menni í kirkju í miðborg­inni á ell­efta tím­an­um í gær­kvöldi. Til­kynnt hafði verið um hugs­an­legt brot á sótt­varn­ar­lög­um og þegar lög­reglu­menn komu á vett­vang töldu þeir um 50 manns sem voru að ganga frá kirkju og um 70-80 manns inni í kirkj­unni. Sam­tals höfðu því verið á annað hundrað manns í kirkj­unni. Tekið er fram að bæði hafi verið um börn og full­orðna að ræða." 

Kínverska löggan bara mætt til að telja..

Ég er ánægð með þennan prest. Lét hann það nokkuð á sig fá þó að kínverska lögreglan væri í messunni?

Kemur fram í dagbókinni hvort söngur eða hátt tala hafi heyrst?

Lögreglan taldi 120-130 manns í kirkju

Gleðilega jólahátíð - Betlehemstjarnan skæra!

Ég er ekki í þjóðkirkjunni og hef aldrei verið nein sérstök jólamanneskja. Tók háskólgráðu í búddískum fræðum í Bandaríkjunum, í skóla sem stofnaður var af tíbetskum munki. En eins og margir vita hafa Tíbetar verið ofsóttir af Kínverjum og landi þeirra, trúarbrögðum og siðum verið stolið. Búddisminn lifir þó áfram í öðrum hlutum heimsins. 

Það fór um mig óhugur þegar hér fóru að sjást merki þess að verið væri að ráðast á jólin og okkar helstu þjóðsagnarpersónur, jólasveinana. Margir telja þetta vera tilfallandi og hafa eitthvað með leðurblökuveiruna í Kína að gera, en ekki ég. Tíu manna samkomubann í kirkju (en verslunamiðstöðvar fullar), jafnvel Hallgrímskirkju, jafngildir lokun. Reglur um jólahald sem WHO hefur sent út og farið er eftir hér á landi eru stórfurðulegar svo ekki sé meira sagt. Munum þegar landinu var lokað fyrir Falun Gong iðkendum árið 2002 þegar forseti Kína heimsótti landið. Tugir Falun Gong iðkenda voru lokaðir inni í Njarðvíkurskóla og snúið við, hundruðum var snúið við á leið til landsins víðsvegar í heiminum. Icelandair á að hafa stuðst við farþegalista frá kínverskum stjórnvöldum. Falun Gong iðkendur í augum kínverskra stjórnvalda eru hættulegir fyrir það eitt að vera friðsamir og andlega hugsandi. Iðkunin er bönnuð í Kína. Það er eitthvað í sambandi við þessar lokanir sem nú eiga sér stað víðsvegar um heiminn og hófust í Wuhan í Kína sem lagði línurnar fyrir restina af heimsbyggðinni, sem minnir á aðgerðirnar hér heima árið 2002.  

Núna kl.18.22 myndast Betlehmstjarnan á himni (Júpíter og Satúrnus verða sem ein í fyrsta sinn í mörg hundruð ár.)
Ég eyði þessum merkilega tímapunkti og aðventu í Kjósinni með nöfnu minni, Þórdísi H. Benediktsson stjörnuspekingi með meiru (langafabarni Einars Ben. heimspekings og ljóðskálds). Áður en ég lagði af stað til hennar sótti ég tösku til að taka með. Við mér blasti þessi mynd sem hér fylgir, en þess má geta að varla finnst nokkuð kristilegt á mínu heimili og hef ég ekki hugmynd um hvaðan þessi mynd kemur eða hvernig hún komst inn á mitt búddíska heimili. Dalai Lama, leiðtogi Tíbeta í útlegð, hefur alltaf talað fyrir því að virða beri trúarbrögð hvers annars. Ég lít á myndbirtinguna sem skilaboð og gef mér það að þetta sé Betlehemstjarnan sem þarna glittir í fyrir ofan engilinn.

Gleðilega jólahátíð öll sömul, stöndum vörð um okkar gildi og helgu dóma. 

Virka skimunarpinnarnir á Brexit afbrigðið?

Pinnarnir sem notaðir eru í Leifsstöð, virka þeir á þetta nýja Brexit afbrigði og má líka rekja það til leðurblökunnar í Wuhan?

En erfðabreytta bóluefnið, virkar það á þetta nýja bráðsmitandi afbrigði? Því England var jú eina landið í Evrópu sem var byrjað að bólusetja.

Einn greinst á Íslandi með nýja afbrigðið

Samfélagið á hliðinni í tvö ár sagði Kári

,,Í þokka­bót virðist ESB hafa hafnað mörg hundruð millj­ón­um skammta af bólu­efni sem nú vanti."

Getur verið að menn séu að draga Íslendinga og aðra Evrópubúa á asnaeyrunum?

„Ég held að samfélagið okkar verði alveg á hliðinni í tvö ár" (Kári 28. mars).

Hvers vegna í tvö ár? Búið var að tryggja bóluefnið ekki satt?

Áhugavert væri að heyra nú hvers vegna Kári taldi að samfélagið ætti að vera á hliðinni í tvö ár.

Bill Gates, dregst vonandi ekki lengur en til 2022.

ESB missti af bóluefnislestinni

Embættismenn fyrirskipa öldruðum í sóttkví og sýnatöku!

Sam­ráðshóp­ur um starf­semi hjúkr­un­ar­heim­ila mæl­ir alfarið gegn því að íbú­ar fari í boð til ætt­ingja og vina á aðventu, jól­um eða ára­mót­um. Tekið er fram í leiðbein­ing­um til hjúkr­un­ar­heim­ila að eft­ir slíkt boð þurfi íbúi að fara í sótt­kví með ætt­ingja á hans heim­ili og sýna­töku að sótt­kví lok­inni, áður en heim­ild verður veitt til þess að hann fái að koma aft­ur inn á hjúkr­un­ar­heim­ilið. Undir bréfið skrifar Neyðarstjórn Hrafnistu. Á heimasíðu Hrafnistu segir að tilmælin séu komin frá Landlækni og sóttvarnaryfirvöldum. Á bréfinu sjálfu segir aftur á móti að tilmælin séu frá Almannavörnum og sóttvarnaryfirvöldum. Þríeykinu sem sagt.  

Ekki nóg með að núverandi reglugerð heilbrigðisráðherra um sóttvarnarreglur sé líklega brot á stjórnarskránni heldur eru embættismenn farnir að semja sín eigin tilmæli um sóttkví og sýnatökur og senda út eins og ekkert væri sjálfsagðara.

Hér er þríeykið að fyrirskipa útgöngubann á hjúkrunarheimilum yfir jól og áramót. Ef íbúar ætla sér að skreppa til ættingja verða þeir að vera í burtu í fimm daga a.m.k. og ekki snúa aftur nema þeir geti sýnt fram á neikvætt PCR próf! Þetta kemur auðvitað í veg fyrir að fólk sem ekki getur verið lengi frá hjúkrunarheimilinu af ýmsum ástæðum, geti skroppið í jóla- eða áramótaboð til ættingja sama hversu margir eru á því heimili, jafnvel bara maki þess. 

Skv.reglugerð heilbrigðisráðuneytissins eru þeir skyldaðir að fara í sóttkví sem hafa umgengist einstaklinga með Covid-19 og eins þeir sem koma til landsins (val á milli sóttkvíar eða sýnatöku og smitgáttar). 

En í þríeykislögregluríkinu Íslandi eru sett fram tilmæli um að fólk sem ekki hefur verið sýnt fram á að hafi komist í snertingu við smit, sé sett í sóttkví bara sí svona og sýnatöku. Annars megi það ekki koma aftur heim til sín! Eins kemur fram í bréfi Hrafnistu að ekki verði hægt að bjóða maka eða öðrum ættingjum að borða með íbúum yfir hátíðirnar.

Og já, í gær fundust sem sagt fimm ný smit og enn ríkir neyðarástand á landinu samkvæmt nýja-norms litakorti Almannvarna (Smáralind og Kringlan reyndar pakkfull). Og þá er nauðsynlegt að loka gamla fólkið inni yfir jól og áramót!

Það ber auðvitað engum að fara eftir þessu rugli. Fólkið má skreppa í jólaboð og fara aftur heim til sín þegar það vill án þess að láta skipa sér í sóttkví eða sýnatöku samkvæmt einhverjum tilmælum embættismanna.

Fá ekki að fara í heimsóknir um jól

Enn meiri aðför gegn okkar íslensku hefðum og hátíðarhaldi

Áramótabrennum aflýst. Annað dæmi um aðför gegn okkar íslensku hefðum og hátíðarhaldi í skjóli heimsfaraldurs (þrjú ný smit hér heima í gær). Reglugerð ráðherra segir tíu manns í RÝMI. Svæði í kringum brennu getur ekki talist rými nema hún sé höfð innandyra eða girt af með einhverjum hætti. Ef yfirvöldum væri alvara með reglugerðinni og fjöldatakmörkum væri búið að loka Smáralind og Kringlunni þar sem fjöldamörk í alrými eru vissulega brotin alla daga (engin undanþága er veitt fyrir verslunarmiðstöðvar í reglugerð) en menn kjósa að líta undan enda miklir fjármunir í húfi. Yfirvöld einbeita sér aftur á móti að því að loka kirkjum (10 manna hámark jafngildir lokun), hætta við áramótabrennur, skipa fólki að vera mest 10 saman í jólaboðum þar sem gestir eru minntir á nálægðarmörk. Eins þykir yfirvöldum rétt að svívirða jólasveina okkar Íslendinga og nota þá til að hrella krakka sem trúa á þá. Eru ekki enn allir með í að hlýða nýju íslensku kommúnistastjórninni?

Og í þessari frétt sýnist mér að verið sé að hugsa um banna flugelda, láta sveitarfélögin um það. (vegna baráttu við farsótt!!).

Áramótabrennum á höfuðborgarsvæðinu aflýst

Jólasveinahandritið sem þríeykið var með!

Þarna sjáum við nokkurn veginn handritið sem þríeykið og RÚV var að nota í fréttatímanum sl. föstudagksvöld og voru eins og kjánar. Fjallaði um það hér í bloggi.

En úr fréttinni sem ég tengi þessa bloggfærslu við segir veirufræðingurinn Maria Van Kerk­ho­ve hjá WHO:,,Það sé hins veg­ar ekk­ert að ótt­ast þar sem hann (jólasveinninn) er með mót­efni. Hann þarf þó ennþá að spritta sig vel og þvo sér oft um hend­urn­ar þar sem hann get­ur borið veiruna með sér á hönd­un­um."

Þið hafði heyrt þetta áður, ekki satt?

,,Fólk getur verið með veiruna á höndunum og borið hana á milli þó það sjálft sé ónæmt. Svo við hvetjum einnig þá sem eru búnir að fá Covid að fara varlega hvað varðar sóttvarnir.“ segir Alma."

En jólasveinarnir notaðir óspart til að hræða og heilaþvo börnin. Og svo þessi "skítugi" jólasveinn sem smitaði allt gamla fólkið í Belgíu.

Einhverjir hagsmunir hljóta að vera í húfi fyrst veirufræðingar og læknar (Alma og Þórólfur) eru tilbúin að nota helstu jólaímynd barna til að hræða þau og hrella. 

 

 

 

Jólasveinninn er með mótefni