Er endaröðin betri en aðrar raðir - röð valdamanna?

„Víðir Reyn­is­son var kampa­kát­ur og ný­kom­inn af há­lend­inu þegar mbl.is náði tali af hon­um í Jans­sen-röðinni fyr­ir utan Laug­ar­dals­höll í dag."

Víðir var sem sagt að taka þátt í nýjustu gervilæknavísindatilrauninni, að fá bóluefni við sjúkdómi sem hann hefur nýlega sigrast á. Hann vonast m.a.s. til þess að með sprautunni fái hann bragð-og lyktarskynið til baka (ca. sex og hálfum mánuðum síðar, flestir endurheimta skynið nokkrum vikum síðar, 21,6 dagur er meðaltalið). Þannig að næst þegar þið fáið inflúensu, þá er sniðugt að fara í flensusprautu á eftir. Eða þegar börnin fá hlaupabólu, bóka þá hlaupabólusprautu skömmu síðar.

Það var verið að ræða það í heita pottinum í gærmorgun hvort endaröðin væri fyrir valdafólkið og hvort það sé ekki örugglega líka bóluefnaröð. Ekki eitt þeirra hefur setið annars staðar. Hér koma myndirnar, tvær af Þórólfi, fyrri og síðari skammtur, Víðir, Svanhildur, Katrín, Guðni forseti. 

Hvað með alla hina ráðherrana, alþingismenn og fyrrum forseta?

Víðir fékk Janssen og þríeykið fullbólusett

Athugasemdir

[Eggert Guðmundsson, 7.7.2021 kl. 16:03]

Mjög líklega er þetta röðin þar sem lyfleysa er gefin í tilrauninni, enda hefur ekkert af þríeykinu haft neinar aukaverkanir og Þórólfur hafði að orði að hann hafi ekki fundið neinn mun og kvartaði eilítið undan því.

[Guðmundur Ásgeirsson, 7.7.2021 kl. 16:25]

Hvers vegna er verið að sprauta bóluefni í einstaklinga sem hafa nú þegar smitast og myndað mótefni? Hvernig samræmist það þeim vísindum sem ónæmisfræði byggist á?

[Þórdís Björk Sigurþórsdóttir, 7.7.2021 kl. 16:51]

Það samræmist þeim ekki Guðmundur og heldur ekki nýju gervivísindin um hjarðaónæmið en nú segir WHO að náttúrulega ónæmi teljist ekki með.

[Þorsteinn Siglaugsson, 7.7.2021 kl. 20:05]

Þetta er aðeins enn eitt dæmið um hversu skarpur Víðir Reynisson er. Áður hefur frést af honum baksa við að hnýta á sig smekk eftir matinn, þurrka sér áður en hann fer í sturtu og setja á sig sólarvörn eftir að hann kemur úr sólbaði.