Lögleysan afskrifuð

„Guðjón Rúnarsson framkvæmdastjóri SFF: „Þessar tölur sýna að afskriftir til einstaklinga og heimila nema nú 52 milljörðum króna vegna fasteignaveðlána og bílalána."

Flott að bjóða mannskapnum upp á ólögleg lán og gefa síðan til kynna að það sé verið að létta undir með einstaklingum og heimilum með því að skila hluta af ólöglega gróðanum. Dæmi um þá brenglun sem hefur viðgengist hér á landi síðustu misseri.

27 milljarðar afskrifaðir

Athugasemdir

[Hvumpinn, 8.12.2010 kl. 12:15]

Hárrétt hjá þér og aulagangur fjölmiðlamanna með ólíkindum að lepja þetta upp hrátt.  Ólögleg lán hækkuðu (hækkunin er þarmeð illa fengið fé) og þetta heitir leiðrétting en ekki "afskrftir" til skuldaranna.

[Crónan (IP-tala skráð) 8.12.2010 kl. 12:33]

Þegar tveir aðilar gera með sér ólöglegan samning, eru báðir aðilar að brjóta lög, ekki bara annar aðilinn. Ólögmætið snýr því ekki síður að þeim einstaklingum og fyrirtækjum sem tóku lánin. Þegar krónan styrktist fannst fólki fínt að græða á því. Brenglunin felst ekki síður í því að sumt fólk virðist afneita með öllu að það tók áhættumeiri lán og borgaði því lægri vexti en íslensk lán buðu upp á.

Á endanum lendir þetta fiasco þeirra aðila sem gerðu með sér samninginn svo á öllum hinum sem ekki tóku þátt í þessu.

Mitt mat er að fólk sem telur að aðrir beri alla ábyrgð á sínum fjármálagjörningum eigi ekki að hafa fjárræði.

[Jónas Jónasson, 8.12.2010 kl. 12:39]

Þessi fétt lýsir helvíts hrokanum í þessu hyski sem fengu niðurstöðu eftir pöntun frá Hæstarétti þann 16 september. Svo má passa sig á endurútreikningi bankans líka þar sem er verið að reyna að veiða alla í sömu gildruna aftur á fáfræði og skilningsleysi lántakandans. Það er að koma í ljós að flestir útreikningar bankana eru rangir og að sjálfsögðu reynt að fá fólk til að skrifa undir ranga útreikninga.

[Jónas Jónasson, 8.12.2010 kl. 12:40]

Crónan hringdu á 112 og láttu sækja þig strax!!

[Þórdís Björk Sigurþórsdóttir, 8.12.2010 kl. 12:42]

Crónan, viltu meina að almenningur hafi mátt vita að lánin væru ólöglega gengistryggð lán í ísl. krónum en ekki lán í erlendri mynt eins og þau voru alltaf kynnt og seld. Því var meira að segja haldið fram fyrir rétti af lögmanni eignaleigufyrirtækjanna að lánin væru erlend og það er enn talað um að þau hafi verið erlend, m.a. í þessari frétt (ath. það er löngu búið að dæma að lánin hafi ekki verið erlend).  ..."... liggur fyrir að erlend bílalán og samningar hafa verið færð niður um 30 milljarða króna."

En á þessu má skilja að þú hafir vitað að lánin hafi verið ólögleg, þú ert vonandi ekki lögmaður sem þagði allan tímann, vitandi um lögbrotið.

[Hrúturinn (IP-tala skráð) 8.12.2010 kl. 14:22]

Það er verið að skila ÞÝFI. En þetta er ein og afmörkuð aðgerð. Af hverju er ekki ráðist að kjarna vandans? Inn í grefi refanna? Það vilja refirnir ekki út af því að þá geta þeir ekki stolið með SJÁLFVIRKUM hætt í skjóli spilltra stjórnvalda. Hina séríslensku verðtryggingu verður að afnema! Þó hækka þyrfti vexti á móti þá er það skárra. Þá veit fólk að hverju það gengur. Núna eru fasteignalánin okkar að hækka út af hækkun opinberra gjalda og orkuverðshækkana. Á sama tíma eru fasteignir að lækka í verði. Á meðan almúginn tekur ekki til varna heldur hann áfram að bíta í skottið á sér eins og heimskur rakki!

[Chaos (IP-tala skráð) 8.12.2010 kl. 21:24]

Fólk vildi þessa samninga, valdi þessa samninga, kaus þessa samninga og SKRIFAÐI UNDIR þessa samninga. Svo varð fólk að gjalda fyrir heimsku sína þegar krónan lækkaði í verði, en viti menn, þá kemur björgun frá eigin heimskupörum úr lausu lofti. Samningarnir dæmdir ólöglegir. Þvílík heppni!

[Þórdís Björk Sigurþórsdóttir, 9.12.2010 kl. 08:54]

Merkilegt að þeir sem telja neytendur vera samseka skrifa ekki undir nafni. Samningarnir voru alltaf ólöglegir en færðir í löglega „búninga" eins og Hæstiréttur orðaði það 16.6.2010.

[Chaos (IP-tala skráð) 9.12.2010 kl. 09:12]

Sá sem kaupir sér happadrættismiða frá Nígeríu er heimskur. Breytir engu þó þeim sé síðan seinna bjargað fyrir horn með því að kaupin verði dæmd ólögleg. Heimskan og skömmin situr samt eftir.

[Þórdís Björk Sigurþórsdóttir, 9.12.2010 kl. 10:04]

Gott að þú gáfaði nafnlausi maður hafir vitað að eftirlitsskyldar fjármálastofnanir hafi verið að bjóða ólöglegar vörur með aðstoða FME, Neytendastofa og stjórnvalda.

[Þórdís Björk Sigurþórsdóttir, 9.12.2010 kl. 10:18]

leiðrétting: með aðstoð FME, Neytendastofu ...

[Chaos (IP-tala skráð) 9.12.2010 kl. 17:43]

Hvort að fólk vissi að samningarnir væru ólöglegir ER EKKI POINTIРog skiptir ekki máli í því sem ég er að segja. Það að samningarnir voru dæmdir ólöglegir breytir ekki því sem STENDUR skrifað í samningunum og fólk skrifaði svo undir sjálviljugt. Ef það sem stendur í samningunum er ósanngjarnt, afhverju skrifaði fólk þá undir? 

[Þórdís Björk Sigurþórsdóttir, 9.12.2010 kl. 20:16]

Ertu til í að taka dæmi um eitthvað sem stendur í myntkörfulánsbílasamningi sem fólk hefði átt að sjá að væri sanngjarnt eða ósanngjarnt. Ég átti reyndar við ólöglegt. Spyr hvort fólk hefði mátt vita að lánin væru ólögleg.