Jason Daði - tengsl við bólusetningu 10 dögum áður?

Þeir sem fylgjast með því sem verið er að rannsaka í tengslum við nýju bóluefnin/líftæknilyfin sem aldrei hafa fengist samþykkt til notkunar á mannfólki fyrr, skoða atburðina að sjálfsögðu í ákveðnu ljósi. 

Það er staðreynd að verið er að rannsaka möguleg tengsl milli hjartavöðvabólgu (myocarditis) og þessara nýju bóluefna sem eru öll á skilyrtu leyfi (neyðarleyfi). Einkenni á hjartavöðvabólgu eru meðal annars brjóstverkur, höfuðverkur og andþyngsli. Hætta á blóðtappa hefur líka verið tengd við lyfin og einhverjar rannsóknir hafa verið gerðar á því. Blóðtappahættan er ástæða þess að yfirvöld hér heima og víðar hafa verið að hringla með aldurshópana og Astra Zeneca.

Danmörk hefur þegar greitt sínar fyrstu skaðabætur til þrítugrar konu vegna blóðtappa eftir Astra Zeneca bólusetningu. Astra Zeneca og Janssen eru sambærileg bóluefni, byggð á samskonar tækni. Danir ákváðu að nota ekki Janssen, en hér heima þótti sjálfsagt að nota það, þar á meðal á yngri hópa sem ekki máttu fá hið sambærilega Astra Zeneca.

EMA (European Medical Association) og CDC (Center for Disease Control) í Bandaríkjunum rannsaka nú möguleg tengsl milli hjartavöðvabólgu og þessara nýju lyfja. Fleiri tilkynningar þessu tengdu hafa borist en gert var ráð fyrir og því fór af stað rannsókn. Grunur um tengsl hefur styrkst segir meðal annars í þessari frétt. Hér eru nánari upplýsingar um málið sem ég tók saman fyrir ca. 10 dögum. (Reyndar er verið að skoða Pfizer sérstaklega en öll þessi lyf hafa verið tengd samskonar hættu). Og já, yfirvöld vissu af þessum rannsóknum fyrir þó nokkru.

Hér spyr einn sem nýlega hafði fengið Janssen hvort aðrir hefðu fundið fyrir verk í bringu á eftir. Sjá mynd:

10.júní var sagt frá því að leikmenn Breiðabliks hefðu fengið Janssen efnið þar á meðal Jason Daði. 
20. júní er síðan sagt frá því að Jason hafi lagst niður í miðjum leik og haldið fyrir brjóstkassann og verið fluttur af velli.

„Ég átti bara erfitt með and­ar­drátt og var illt í hausn­um. Sjúkraþjálf­ar­inn kom til mín, hjálpaði mér í gegn­um þetta og það er allt í góðu núna."
Samkvæmt fréttinni fer hann í frekari rannsóknir.  

Miðað við fréttina á fótbolti.net virðist mönnum hafa brugðið og því varla um að ræða vanalegan atburð.

Lyfjastofnun hafa borist 1740 tilkynningar um grun á aukaverkunum af Covid bóluefnum sem eru öll á neyðarleyfi (skilyrtu markaðsleyfi eins og þeir kalla það hér). Þar af eru 120 tilkynningar um alvarlegar aukaverkanir en alvarleg aukaverkun er skilgreind sem lífshættulegt atvik eða dauði.

Þrjár alvarlegar tilkynningar hafa borist stofnuninni vegna Janssen. Ómögulegt er að sjá hverjar þær eru þrátt fyrir að Lyfjastofnun beri að hafa allar þessar upplýsingar skiljanlegar og aðgengilegar. En þess í stað kýs hún að reisa fjórar súlur í tvennskonar litum (sjá neðar) og vegna mikillar gagnrýni undanfarið hefur hún bætt við smá upplýsingum á ensku sem er virkilega faglegt hjá stofnunni eða þannig! En sá fjöldi þöggunarsérfræðinga sem þar starfa kunna kannski ekki að þýða yfir á íslensku.

p.s. ég minni á þessa ræðu finnska þingmannsins um hættuna á bóluefnum.

Og hversu vel virkar annars Janssen gegn Covid? Sjá mynd neðar.

 

Jason kominn heim og líður vel – sjúkrabíll 11 mínútur á leiðinni