Blaðamenn hljóta friðarverðlaun Nóbels - WHO og Thurnberg meðal keppinauta

Birt á frettin.is

 

Tveir blaðamenn, þau Maria Ressa frá Filippseyjum og Dimitrí Múratov frá Rússlandi hlutu  friðar­verðlaun Nó­bels í ár. Þetta var tilkynnt af norsku Nó­bels­stofn­un­inni í Osló nú í morgun. Verðlaun­in hrepptu þau fyr­ir bar­áttu sína fyr­ir tján­ingarfrelsinu í heima­lönd­um sínum.

Nefndin tilkynnti að þau væru full­trú­ar allra fjölmiðlamanna sem standi fyr­ir tján­ing­ar­frelsinu í heimi þar sem bæði lýðræðið og fjöl­miðlafrelsi á undir högg að sækja.

Verðlaunin eru samtals 10 milljónir sænskra króna og voru Ressa og Múratov valin úr 329 manna hópi. Þeir sem einnig voru sagðir koma til greina eru þau Greta Thurnberg umhverfissinni, fjölmiðlasamtökin Reporters Without Borders (RSF) og Alþjóðaheilbrigðisstofnunin. 

 

Bretland: Háskólanemar berjast gegn fjarnámi - "Keep it Real"

Birt á frettin.is

Svo virðist sem háskólastjórnendur í Bretlandi séu að reyna að knýja fram róttækar breytingar í menntamálum með leynilegum hætti og notfæri sér faraldurinn til að gera fjárnám varanlegt. Fjarnám hefur í dag mjög lítið með lýðheilsu að gera. Nú er þetta orðin tilraun til að framlengja háskólalokunum varanlega, reynsla sem leiddi til einangrunar og óánægju margra háskólanema. 

Nokkrir nemendur hafa tekið upp á því að berjast á móti þessari þróun. Joe Wilthshire, nemandi í King´s College í London ákvað að nú væri nóg komið og fór af stað með Instagram herferð gegn fjarnámi. Hann segir að hefðbundin samskipti við jafnaldra og fyrirlesara sem oft leiða til ævilangra tengsla muni tapast ef þetta haldi svona áfram. Herferðin gengur undir nafninu "Keep it real" og hefur hlotið mikinn stuðning meðal nemenda auk nemendaráðs háskólans.

Víða í Bretlandi hafa svipaðar hreyfingar undir forystu nemenda sprottið upp. Við háskólann í Manchester söfnuðust yfir 8.000 undirskriftir í ágúst sl. gegn fjarnámi. Við háskólann í Warwick hafa næstum 2.000 nemendur skrifað undir áskorun þar sem þess er krafist að tekin verð upp hefðbundin kennsla á ný.

Tekið er fram að einhverjir nemendur kunni vel við fjarnám en að þeir séu í miklum minnihluta og eins að nemendur hafi aldrei verið hafðir með í ráðum varðandi þessa þróun yfir í fjarnám sem eins og áður segir virðist lítið hafa að gera með lýðheilsu.

Fleiri og fleiri nemendur lýsa nú óánægju sinni með þróunina. Hefðbundin kennsla, þar sem nemendur mæta í skólann hefur verið einkenni menntunar King´s College. „Þeir geta bara ekki snúið baki við henni án nokkurs samráðs við nemendur," segir Wilthshire sem mætti þrisvar í skólann á sínu fyrsta námsári.

 

Nánar má lesa um málið hér. 

 

 

 

Dagblaðið fékk afhenta yfirstrikaða tölvupósta um uppruna veirunnar

Breska ríkisstjórnin hefur verið gagnrýnd fyrir að neita að opinbera póstsamskipti milli fremstu vísindamanna heims um uppruna Covid-19 veirunnar.

Breska dagblaðið Daily Mail nýtti sér upplýsingalög í landinu og kallaði eftir 32 tölvupóstum um leynilegan fjarfund breskra og bandarískra heilbrigðisyfirvalda sem haldinn var snemma í faraldrinum. Breski vísindamaðurinn Patrick Vallance, einn helsti ráðgjafi bresku ríkisstjórnarinnar, var meðal fundargesta.

Dagblaðið fékk afhenta póstana en embættismenn höfðu strikað yfir nánast hvert einasta orð.

Áður en þessi umræða breskra og bandarískra yfirvalda fór fram, voru nokkrir af áhrifamestu vísindamönnum heims sem töldu að veiran hafi að öllum líkindum orðið til á rannsóknarstofu, en aðeins nokkrum dögum síðar gerðu vísindamennirnir lítið úr þeirri kenningu, sögðu hana mjög ólíklega og töluðu jafnvel um samsæriskenningu.

Kjarni málsins er að vísindasamfélagið reyndi að hefta umræður um upphaf faraldursins á þeim tíma þegar nýjar sannanir komu fram um tengsl Bandaríkjanna við áhættusamar rannsóknir á leðurblökuveirum í Wuhan, þar sem fyrsta Covid-19 tilfellið greindist seint á árinu 2019.

Alla greinina má lesa hér.

 

Íþróttafólk í Ástralíu verður skyldað í bólusetningu

Yfirvöld í Victoria í Ástralíu hafa bætt íþróttamönnum á listann yfir þá hópa sem fylkið ætlar að skylda í Covid-19 bólusetningu. Þeim hópi tilheyra einnig þeir sem starfa í kringum íþróttamennina, svo sem þjálfarar, aðstoðarmenn og fjölmiðlafólk. Áætlunin felur í sér að tvíbólusetja 1,25 milljónir manns fyrir lok nóvember mánaðar.

Þetta kynnti fylkisstjórinn Daníel Andrews sl. föstudag á sama tíma og fylkið glímir við útbreiðslu Delta afbrigðisins.

Íþróttafólkið þarf að fara í sína fyrstu sprautu fyrir 15. október og þá síðari fyrir 26. nóvember, ætli það að halda starfi sínu.

Fylkið er það fyrsta í Ástralíu til að kynna jafn viðtæka áætlun um skyldubólusetningu, en áður hafði það skyldað starfsmenn hjúkrunarheimila. 

Andrews sagði einnig að honum þætti harla ólíklegt að óbólusettir íþróttamenn erlendis frá fengju að koma inn í landið.

Serbneski tennisleikarinn Novak Djocovik er einn þeirra sem fengi þá líklega ekki að taka þátt í Grand Slam keppninni í Ástralíu næstkomandi jánúar þar sem hann neitar að taka bóluefnið.

Reuters segir frá.

 

 

 

 

 

England og Wales: 63% aukning á dauðsföllum unglingsdrengja frá því að bólusetningar hófust

Birt á frettin.is

Skoðun á opinberum gögnum ONS (Office for National Statistics) hefur leitt í ljós að frá því að byrjað var að gefa unglingum á Englandi og Wales Covid-19 bóluefni hefur orðið 63% aukning á dauðsföllum meðal unglingsdrengja, og eina vikuna var aukningin nánast 700%.

Veftímaritið The Expósé sem er mjög iðið við að skoða opinber gögn og skýrslur á Bretlandi sagði frá því 1. október sl. að ONS gögn sýndu að 47% aukning hafi orðið á dauðsföllum af öllum orsökum meðal unglinga á aldrinum 15-19 ára, síðan byrjað var að gefa Covid-19 bóluefnið.

Athugun The Exposé leiddi í ljós að opinber gögn ONS sýndu að á tímabilinu 26. júní 2020 - 18. september 2020 hafi verið 148 dauðsföll meðal unglinga á aldrinum 15 - 19 ára.

ONS gögn sýna aftur á móti að á tímabilinu 25. júní 2021 - 17. september 2021 hafi orðið 217 dauðsföll meðal unglinga á aldrinum 15 - 19 ára, sem þýðir að dauðsföll meðal unglinga eldri en 15 ára voru 47% fleiri en á sama tímabili árið 2020.

Frá og með 27. júní á þessu ári hafa yfir 147.000 einstaklingar yngri en 18 ára fengið að minnsta kosti einn skammt af Covid-19 bóluefni.

Gögnin og grein The Exposé má skoða hér. Og taflan neðar sýnir dauðsföllin.

 

 

Bóluefnavegabréf rúmlega milljón Ísraela að renna út

Birt á frettin.is

Rúmlega milljón Ísraelar eiga nú á hættu að missa bóluefnavegabréf sín þar sem þeir hafa ekki farið í þriðju sprautuna.  Það þýðir að þeim verður meinaður aðgangur að öllum innanhús viðburðum. Þeir sem geta sýnt fram á nýlega sýkingu af Covid eru þó undanþegnir banninu. Þúsundir Ísraela hafa farið í þriðju sprautuna eftir að ríkisstjórn landsins uppfærði skilgreininguna á því hvað telst vera „fullt ónæmi."

Ísrael sem var fyrsta ríkið til að nota Pfizer bóluefnið notaði örvunarskammta til að komast hjá lokunum í ágúst sl. þegar virkni bóluefnisins tók að dvína og smitum snarfjölgaði, sérstaklega meðal eldri borgara sem tóku að fylla sjúkrahúsin í Ísrael vegna mikilla Covid veikinda.

Financial Times segir frá.

Hér má sjá hvernig smitum fjölgaði í Ísrael yfir sumartímann þrátt fyrir að vera það ríki sem komið er einna lengst í bólusetningum.

,,Forsætisráðherranum var stýrt af lobbýistum Astra Zeneca og Pfizer"

Birt á frettin.is

 

Gladys Berejiklian forsætisráðherra Nýja Suður Wales í Ástralíu, sagði af sér embætti í gær. Ástæðan fyrir afsögninni er sögð vera rannsókn á meintri spillingu hennar. Stofnunin ICAC ætlar að rannsaka samband hennar og Daryl Maguire sem er fyrrum stjórnmálamaður í Nýju Suður Wales og hvort hagsmunaárekstrar hafi orðið milli einkalífs og starfs Berejiklian.

 

Ástralski stjórnmálamaðurinn og viðskiptafrömuðurinn Clive Palmer sem talinn er sjöundi ríkasti maður Ástralíu lýsti því  yfir við blaðamenn fyrir tveimur vikum að Gladys Berekjiklian hafi verið stýrt af lobbýistum í Sydney sem fái milljónir greiddar, bæði frá Astra Zeneca og Pfizer, fyrir að stjórna lokunaraðgerðum í fylkinu og að koma bólusetningaráætlunum í gegn. Sagði hann þessar upplýsingar byggjast á eigin vitneskju og að hann myndi staðhæfa þetta með glöðu geði.

 

Hér er upptaka með Clive Palmer þar sem hann heldur þessu fram.

 

Í gær var það einnnig tilkynnt að landamæri Ástalíu myndu opnast á næstu vikum.

 

 

.

Hulin ráðgáta í Skotlandi: 25% aukning í hjartaáföllum

Heilbrigðisstarfsmenn eru furður lostnir yfir mikilli aukningu hjartaáfalla i vesturhluta Skotlands.

Siðastliðið sumar var 25% aukning á sjúklingum sem flytja þurfti með hraða á sjúkrahúsið Golden Jubilee Nationa Hospital í Clydebank, nálægt borginni Glasgow. Sjúklingarnir voru með stíflaðar slagæðar og skert blóðflæði til hjartans.

Vanalega tekur sjúkrahúsið, sem er það stærsta af sinni tegund í Bretlandi, á móti 240 sjúklingum á mánuði með þessa tegund hjartaáfalls (N-STEMI), en fjöldinn var rúmlega 300 á mánuði í maí, júní og júlí á þessu ári. 

Dagblaðið The Times segir frá.

 

 

Körfuboltamaðurinn Jonathan Isaac vill ekki fara bólusetningu

Tímaritið Rolling Stones birti nýlega grein sem segir frá hinum 24 ára körfuboltaleikmanni Jonathan Isaac en hann spilar með Orlando Magic í NBA deildinni. Tímaritið talar um samsæriskenningar í búningsklefunum, "anti-vaxxers," súperstjörnur sem eru að reyna forðast Covid bólusetningu. 

Hér svarar Isaac umfjöllun blaðsins í viðtali og segir blaðið hafa gefið ranga mynd af sér. „Ég er ekki á móti bóluefnum, ekki á móti lyfjum, ekki á móti vísindum. Ég komst ekki að minni niðurstöðu varðandi þessa bólusetningu með því að lesa sögu blökkumanna eða með því að horfa á Donald Trump á blaðamannafundi. Ég ber mikla virðingu fyrir öllu heilbrigðisstarfsfólki."

Hann segir jafnframt að bólusetningar eigi að vera val hvers og eins og að engan skuli þvinga eða neyða til að fara í bólusetningar. „Ég skammast mín ekki fyrir að segja að  mér líður ekki vel með að taka þetta bóluefni á þessari stundu og þegar kemur að því að setja lyf í líkamann á það að vera persónuleg ákvörðun hvers og eins." 

En þessa dagana er mikil bólusetningarherferð í gangi í Bandaríkjunum og mörgu heilbrigðisstarfsfólki sem ekki vill láta bólusetja sig verður sagt upp störfum á næstu dögum, til dæmis í New York ríki.

Það verður að teljast nokkuð sérstakt að í miðjum heimsfaraldri skuli fjölda heilbrigðisstarfsmanna verið sagt upp störfum.

 

 

Dr. Maria Gonzales

Dr. Maria Gonzales er bráðalæknir og starfar hjá velferðarráðuneyti Bandaríkjanna (US Dept. Health and Human Services) Hún hefur uppljóstað um skelfilegar afleiðingar Covid bóluefnanna. Hún segir meðal annars að ungt fólk hafi verið að glíma við hjartavandamál tengd bóluefnunum en það sé ekki skráð í sjúkraskýrslur því stjórnvöld vilji ekki að upp komist um þann blákalda veruleika og segir að bóluefnin séu full af „skít." og langt frá því að vera örugg og bólusettum sé ekki að vegna betur en óbólusettum.

Dr. Gonzales upplýsir einnig um 15 ára heilbrigðan ungling sem fékk blóðtappa í kjölfar sprautunnar og segir mjög óvenjulegt fyrir svo ungan og heilbrigðan einstakling, en fyrir skemmstu varð íslenskur unglingur fyrir því sama eftir að hafa verið bólusettur með Covid bóluefninu og fékk blóðtappa í bæði lungun.

Læknirinn er síðan spurður hversu algengt það er að fólk komi á spítalann vegna alvarlegra aukaverkana í kjölfar sprautunnar og hún segir það vera mjög algengt. Eins kemur fram að læknum og heilbrigðisstarfsfólki sé lögum samkvæmt skylt, rétt eins og hér á landi, að tilkynna um grunaðar aukaverkanir.

Dr. Gonzales segir svo harmi slegin frá vinkonu sinni sem að starfaði á spítalanum og hafði náð að komast í gegnum faraldurinn án þess að veikjast. Hún vildi ekki fara í bólusetningu vegna trúar sinnar, en var svo í raun þvinguð af spítalanum samþykkti að lokum til að halda starfi sínu. Bóluefnin fóru mjög illa í hana hún veiktist alvarlega í kjölfarið og lést svo stuttu síðar.

Læknirinn vekur svo athygli á lyfinu Ivermectin sem er aukaverkanalaust lyf og hefur virkað vel gegn Covid í mörgum löndum. Spítalanum er bannað að nota lyfið en sama er uppi á teningnum hér á landi þar sem hefur orðið til nokkurskonar „neðanjarðarheilbrigðiskerfi" þar sem lyfið gengur manna á milli með krókaleiðum og hefur það víst náð að bjarga mörgum frá alvarlegum veikindum samkvæmt áreiðanlegum heimildum frettin.is.