Friðrik Ómar vill ,,gula stjörnu" á óbólusetta

Tónlistamaðurinn Friðrik Ómar vill að þeir sem ekki hafa fengið Covid bóluefni sitji heima hjá sér; fari ekki á bari, ekki í verslanir, tónleika, leikhús o.fl. Allir ættu að sýna vottorð, skrifar Friðrik Ómar, hvert sem er farið og á hann þar væntanlega við bólusetningapassa sem margar Evrópuþjóðir hafa tekið í notkun.

Athyglisvert er að heyra svona málflutning frá manni sem tilheyrir hópi sem hefur hefur verið ofsóttur og útskúfaður árum saman.

Látum vera ef þetta svokallaða bóluefni stæði undir nafni og hefði hér myndað ónæmi í samfélaginu eins og yfirvöld lofuðu. En nei, ekkert hjarðónæmi og ,,lausnin" er, fleiri sprautur af sama efninu sem kemur ekki í veg fyrir smit, ekki veikindi og ekki dauða af völdum Covid.

En í þessu sambandi og þá sérstaklega hvað varðar tónleika má nefna að þurft hefur að fella niður fjölda tónleika erlendis þar sem bólusettir tónlistarmenn hafa greinst með Covid, hver á fætur öðrum.

Athugasemdir

[Guðmundur Ásgeirsson, 7.11.2021 kl. 19:59]

Hvernig ætli honum þætti að vera spurður um kynhneigð við inngang að listviðburði eða afþreyingu?

Ástæða þess að ég nefni þetta til samanburðar er að í lögum um persónuvernd falla bæði upplýsingar um heilsufar og lyfjanotkun undir sömu skilgreiningu og upplýsingar um kynlíf manna og kynhneigð: viðkvæmar persónuupplýsingar.

Óheimilt er að nota viðkvæmar persónuupplýsingar nema að ströngum skilyrðum uppfylltum. Aðgangur að listviðburðum og afþreyingu er ekki meðal þeirra skilyrða. Að sjálfsögðu koma slíkar upplýsingar einkaaðilum ekki við.

Aðskilnaðarstefna er mannréttindabrot, alveg sama hvaða hópur verður við útskúfun með þeim hætti.

Getur verið að hagsmunir tónlistarmanns af tekjuöflun hafi borið almenna skynsemi ofurliði í þessu tilviki?

[Daníel Sigurðsson, 7.11.2021 kl. 21:07]

Friðriki Ómar væri hollt að lesa pistil nafna síns Ómars Geirssonar á bloggi hans í dag undir heitinu: Óbólusettir skýra ekki faraldurinn.

Í þessum pistli finnst mér Ómar koma skilmerkilega að orði hvað hina óbólusettu varðar. Að öðru leyti læt ég annað í pístli hans liggja á milli hluta.

[Heiðar Þór Leifsson (IP-tala skráð) 7.11.2021 kl. 22:07]

Þeir fyrrum ofsóttu ofsækja.

Stöðug hringrás í átt til glötunar.

[Halldór (IP-tala skráð) 8.11.2021 kl. 10:36]

Væri ekki nær að fara merkja aðila eins og hann þ.e.a.s þá sem heimta mannréttindabrot, með rauðu svo við getum forðast viðkomandi í framtíðinni.

[Geir Ágústsson, 12.11.2021 kl. 22:43]

Þeir eru að hlusta á manninn í Austurríki sýnist mér. Heilu héröðin stefna þar í að verða gúlag.