Öll börnin sem fengu kíghósta og hettusótt voru bólusett!

Greinin hefur verið uppfærð vegna nýrrar fréttar um mögulegt kíghóstasmit*

Ný bólusetningaherferð er hafin, nú með hinar hefðbundnu barnabólusetningar, eins og þær kallast. Töluvert hefur dregið úr aðsókn síðustu ár og fyrstu og algengustu viðbrögð á samfélagsmiðlum við fréttum af nýjum smitum eru: „mæðrum sem ekki fara með börnin sín í bólusetningar er um að kenna að sjúkdómarnir breiðist nú út.“ 

 

„Þykir ekki vænt um börnin sín“

Helstu fjölmiðlar sem þessa dagana eru í vitundarherfð um mikilvægi blaðamennsku dustuðu í vikunni covid-rykið af Kára Stefánssyni (og bláu Covid-gallaskyrtunni) og fengu hann í sjónvarpsviðtal. Kári sem er forstjóri ÍE, erlends fyrirtækis í eigu sömu fjárfesta og eiga stóran hlut í stærstu lyfjaframleiðendum, gaf til kynna að foreldrum sem ekki fara með börn sín í bólusetningar þætti ekki vænt um þau. 

Kári var ekki spurður út í bólusetningastöðu þeirra sem smitast hafa af „barnasjúkdómunum“ nýlega? Þá hefði læknirinn, vísindamaðurinn og síðast en ekki síst bissnessmaðurinn  líklegast lent í vanda, jafnvel reiðst eins og hann er þekktur fyrir. Ef árvekni ríkti hjá fjölmiðlamönnum hefðu þeir auðvitað spurt þessarar spurningar.

Smituðu börnin voru bólusett

Sú sem þetta skrifar hefur haft nokkuð fyrir því að fá svör frá landlæknisembættinu um þetta mikilvæga atriði. Og hvert var loks svarið frá sóttvarnalækni? Allt hafði fólkið fengið bólusetningar við kíghósta, og ENGINN sem var alveg óbólusettur var meðal þeirra smituðu. Dæmin endurspegla því ekki áróður yfirvalda og Kára enda koma bóluefnin ekki í veg fyrir smit.

Nánar tiltekið. Sex manns hafa greinst með kíghósta undanfarið, tveir á aldrinum 35-40 ára. Þeir voru bólusettir en meira en 10 ár liðin frá bólusetningu. Skiljanlega, enda þannig hjá okkur flestum sem erum orðin eldri en tuttugu og eitthvað vetra. 

Næst eru það fjögur börn á aldrinum 3-15 ára sem greindust með kíghósta. Eitt þeirra hafði fengið allar 5 sprauturnar, hin færri vegna aldurs (en þá í samræmi við bólusetningaáætlunina). Eitt barn var aðeins búið að fá eina bólusetningu en hefði átt að vera búið að fá 4. Sem sagt ekkert al-óbólusett barn var meðal hinna smituðu, barn sem skv. heilbrigðisyfirvöldum og Kára eiga að vera í mestri hættu á að veikjast og smita aðra.

(Bólusetningar hérlendis við kíghósta eru gefnar við 3, 5, 12 mánaða aldur og aftur 4 og 14 ára.)

*Í frétt frá því í gær segir frá leikkonu sem er grunuð um að vera með kíghósta og að hún sé bólusett (við kíghósta). 

„Hettusóttarbörnin“ voru líka bólusett

Þá kom fram í fréttum fyrir stuttu að skólabörnin í Hraunvallaskóla sem fengu hettusótt hafi verið bólusett við veikinni. Hinir tveir sem veiktust voru fullorðnir og ekki bólusettir, eins og raunin er meðal flestra fullorðinna Íslendinga (bólusetningar með MMR hófust ca. 1974 og flestir fæddir fyrir þann tíma höfðu fengið sjúkdómana). Aftur, ekkert barn sem skv. heilbrigðisyfirvöldum og Kára eiga að vera í mestri áhættu, smitaðist eða veiktist af hettusótt. (bólusetningahlutfall er nú um 89% hérlendis og því má reikna með að um 10% barna í Hraunvallaskóla séu óbólusett).

Ímyndið ykkur hvað þetta viðtal við vísindamanninn Kára hefði orðið öðruvísi ef blaðamennirnir hefðu haft fyrir því að fá þessar upplýsingar, bólusetningastöðu þeirra smituðu!

Vondir eða lesnir foreldrar?

Getur verið að fleiri foreldrar séu farnir að skoða söguna um almennar bólusetningar og svokallaða barnasjúkdóma eftir hina misheppnuðu Covid-bólusetningaherferð og m.a. þá staðreynd að dauðsföll af völdum mislinga og annarra smitsjúkdóma voru þegar að líða undir lok þegar bóluefnið kom á markað, m.a. með tilkomu aukins hreinlætis; betri pípu-og skolplagna, hreins vatns, betri næringar, betri kæli-og geymsluaðferða á matvælum o.fl. (minni fátækt - meiri velmegun).

Þetta með hreinlætið má einmitt sjá í grein Skúla G Johnsen fyrrv. borgarlæknis árið 1977 þar sem hann fjallar um að aukið hreinlæti o.fl. hafi valdið því að mislingar eru ekki lengur hættulegur sjúkdómur, og það árið 1977.

Með öðrum orðum, er verið að eigna lyfjafyrirtækjunum eitthvað sem þau ekki eiga?  Sjá td. mynd  hér neðar úr skjali Sóttvarnastofnunar Bandaríkjanna, bls. 85. (Bólusetningar við mislingum hófust hér á landi 1976).

Ekkert bóluefni kom t.d. á markað vegna skarlatsóttar en hún fjaraði sömuleiðis út (eða dauðsföll vegna hennar), sjá neðar. Bólusetningar við taugaveiki urðu ekki almennar á vesturlöndum, og ekki er bólusett við veikinni hér á landi. Aftur á móti er boðið upp á hana, sé viðkomandi að ferðast til vanþróaðra landa þ.s. hreinlæti er bágborið og ekki hægt að tryggja hreint vatn.

  Kári að sinna lagalegu skyldum 

 

Til að skilja hvaðan málflutningur Kára kemur, og um leið hversu ófaglegt það er af fjölmiðlafólki að fá hann sem álitsgjafa á bólusetningum, þá verður að hafa í huga, að Kári er að sinna sínu starfi.

Erlenda fyrirtækið Íslensk erfðagreining, er eins og áður segir í eigu sömu fjárfesta og eiga stóran hlut í stærstu lyfjaframleiðendum. Lyfjaframleiðendur verða lögum samkvæmt að skila hagnaði til fjárfesta sinna. Engin lög er um að þau þurfi að gæta að heilsu neytenda. Þetta kom m.a. fram í viðtali Frosta Logasonar við breskan hjartalækni nýlega.

Athugasemdir

[Ásgrímur Hartmannsson, 27.4.2024 kl. 16:35]

Voru þessi börn kannski bólusett við hinu alræmda Kína-kvefi líka?

Grunsemdir...

Annars kemur kíghóstinn og hettusóttin öll að utan, með "umsækjendum um alþjóðlega vernd," eins og það á víst að kalla þá.

[Kristín Inga Þormar, 28.4.2024 kl. 00:05]

Ég vil byrja á því að þakka Þórdísi fyrir sín beinskeyttu skrif í gegnum árin.

DV.is birti í dag "frétt" um að næsti heimsfaraldur verði væntanlega af völdum flensuveiru.

Ég spyr, hvaðan kemur þessi fréttaflutningur, og hvaðan koma sannanirnar fyrir því að þetta sé rétt?

Staðreyndin er bara sú að allt þetta er haugalygi, og ég er alveg tilbúin að sanna fyrir öllum að ég sé að segja sannleikann.

Ég er á Facebook undir eigin nafni, og eins hér á Moggablogginu þar sem ég hef skrifað mikið um það sem verið er að gera mannkyninu undir því yfirskyni að "verið sé að bjarga mannkyninu".

Tökum bara þessi hryllilegu 17 heimsmarkmið Sameinuðu þjóðanna sem verið er að innleiða hér á landi á fullum krafti.

Hefur fólk einhverja hugmynd um hvert og eitt þeirra þýðir í raun?

[Jósef Smári Ásmundsson (IP-tala skráð) 28.4.2024 kl. 06:56]

Öll börn eru bólusett við kíghósta . Þessi bólusetning dugar í nokkur ár og á að verja börnin meðan þau eru viðkvæmust . Eftir því sem ég veit best voru það einungis fullorðnir einstaklingar sem hafa fengið þennan kíghósta hér. Ung börn eru ekki í neinni hættu ef þau hafa verið bólusett.

[Þórdís Björk Sigurþórsdóttir, 28.4.2024 kl. 09:51]

Jósef, ég hafði fyrir því að spyrja einmitt um bólusetningastöðu þeirra smituðu, 4 barna með kígjósta og 2 barna með hettusótt, þau voru öll bólusett (nema eitt hafið fengið bara eina). Ekkert óbólusett barna smitaðist, eins og ég skrifa í pistlinum skv. svari sóttv. læknis. 

[Jósef Smári Ásmundsson (IP-tala skráð) 29.4.2024 kl. 07:15]

Þórdís. Það eru þrjár bólusetningar fyrstu 18 mánuði ( 1,5 ár). Á þessu fyrstu mánuðum eru börnin viðkvæmust . Síðustu tvær sprautur eru við kíghósta, hettusótt og fleiri sjúkdómum í einni sprautu. Þú segir í færslunni að  3 börn á aldrinum 3- 15 ára hafi fengið kíghósta( svolítið ónákvæmt) og jafnfram að  (Bólusetningar hérlendis við kíghósta eru gefnar við 3, 5, 12 mánaða aldur og aftur 4 og 14 ára.), sem er einfaldlega rangt. Þú hefðir nú getað gúgglað þetta í stað þess að hafa gyrir því að hringja í landlækni.

[Þórdís Björk Sigurþórsdóttir, 29.4.2024 kl. 08:51]

Þetta er beint frá sóttvarnalækni (landlæknisembættinu). Ég segi fjögur börn, betra að lesa vel textann. 3, 5, og 12 mánaða aldur.

Næst eru það fjögur börn á aldrinum 3-15 ára sem greindust með kíghósta. Eitt þeirra hafði fengið allar 5 sprauturnar, hin færri vegna aldurs (en þá í samræmi við bólusetningaáætlunina). Eitt barn var aðeins búið að fá eina bólusetningu en hefði átt að vera búið að fá 4. Sem sagt ekkert al-óbólusett barn var meðal hinna smituðu, barn sem skv. heilbrigðisyfirvöldum og Kára eiga að vera í mestri hættu á að veikjast og smita aðra.

(Bólusetningar hérlendis við kíghósta eru gefnar við 3, 5, 12 mánaða aldur og aftur 4 og 14 ára.)