Sjúklingurinn er sem sagt nýbólusettur á aldrinum 12 - 59 ára?

„Ein­stak­ling­ur­inn sem ligg­ur á gjör­gæslu er und­ir sex­tugu, með und­ir­liggj­andi áhættuþætti og hef­ur verið í aðhlynn­ingu á Covid-19-göngu­deild Land­spít­al­ans. Þetta staðfest­ir Run­ólf­ur Páls­son, yf­ir­lækn­ir á smit­sjúk­dóma­deild spít­al­ans. 
Sjúk­ling­ur­inn telst óbólu­sett­ur en Run­ólf­ur bend­ir á að ein­stak­ling­ar sem voru bólu­sett­ir fyr­ir viku telj­ist einnig óbólu­sett­ir enda séu áhrif bólu­setn­ing­ar­inn­ar ekki kom­in fram fyrr en að tveim­ur til þrem­ur vik­um liðnum." (mbl.is)

Þannig að hann er nýbólusettur, les maður á milli línanna, á aldrinum 12 - 59 ára með undirliggjandi sjúkdóma? Ath. búið er að bólusetja 12-15 ára með undirliggjandi sjúkdóma. Síðasti bólusetningardagur í Höllinni var 14. júlí þannig að það hljóta að vera a.m.k. tvær vikur síðan nema þetta hafi verið sérstök ósk um bólusetningu fyrir þá sem alls ekki gátu beðið.

Uppfært: hér er orðrétt svar frá Runólfi:
„Þetta byggir á upplýsingum sem við fengum um að þessi einstaklingur hafi einungis fengið fyrri skammt bóluefnis af tveimur fyrir einni viku síðan. Það tekur 2 vikur að fá fullnægjandi svörun við bóluefninu. Einstaklingar eru taldir fullbólusettir þegar a.m.k. 2 vikur eru liðnar frá gjöf seinni skammtsins af tveimur. Þetta er sem sé flokkað svona þó að gjöf bóluefnis sé auðvitað bólusetning. Það má auðvitað deila um þetta orðaval."

Samt er verið að boða ófrískar konur í þessar sprautur á morgun, margar hverjar sem eiga stutt eftir af meðgöngunni. Er áhættan þess virði í ljósi þess sem nú er að koma fram í helstu fjölmiðlum (lengi búið að vera í umræðunni annars staðar) í sambandi við þann mikla vanda sem konur stríða nú við með blæðingar sínar. Þær hafa stofnað hóp þar sem þær tala margar hverjar í örvæntingu um þessar breytingar og önnur veikindi eftir sprauturnar, þar á meðal blæðingar á meðgöngu!

Ef þetta er rétt mat hjá mér (sem það er eftir uppfærsluna) þá eru allir þeir átta sem nú liggja inni fullbólusettir (nema einn sem er nýlega bólusettur/hálfbólusettur).  Meiriháttar gott bóluefni/líftæknilyf sem var verið að prófa á Íslendingum eða þannig! Enda segir í samningi ESB við Pfizer að hættan á því að framleiðsla bóluefnis mislukkist sé mjög mikil. Þeir vissu þetta og hafa þurft að setja þetta skriflega í samning (og rukka fyrirfram) svo þeim yrði ekki stefnt.

Enginn læknir, vísindamaður eða sérfræðingur hefur svarað þessari grein sem unnin er upp úr gögnum læknatímaritsins NEJM (New England Journal of Medicine), þrátt fyrir margar fyrirspurnir, bara pass! Enda vita þeir ekkert hvað var verið að selja þeimm ekki frekar enn menn vissu hvað þeir voru að kaupa með Decode bréfunum hér áður. Trúðu bara bisnesskallinum Kára sem sagði þessi lyf koma í veg fyrir SMIT í 90% tilfella. 

Myndin sem fylgir var í Mogganum í gær. Ég hefði líka skrifað infertility drug á sprautuna. Til að vekja enn meiri úlfúð.

p.s. hér er grein eftir Guðrúnu Bergmann sem fjallar um innihaldið í þessum lyfjum, Grafen Oxíð (sbr. myndina í Mogga).

Óbólusettur í áhættuhópi á gjörgæslu

Athugasemdir

[Leifur (IP-tala skráð) 28.7.2021 kl. 13:37]

..."telst obólusettur".....en búinn að fá í sig sprautuefnið, kannski....

[Daníel Sigurðsson, 28.7.2021 kl. 14:53]

Skondið að sjúklingurinn teljist óbólusettur ef hann var bólusettur fyrir viku!

Við vitum nefninlega að alvarlegar aukaverkanir vegn bóluefnanna geta komið fram miklu fyrr og það jafn vel áður en viðkomandi er staðinn uppúr stólnum. 

Fréttin er semsagt í skötulíki þar sem hún er sett í þannig búning að fljótt á litið fer lesandann ekki að gruna að um alvarlega aukaverkun gæti verið að ræða vegna bóluefnisins.  Er þetta hugsanleg enn einn feluleikurinn í upplýsinga-sirkusnum?

[Þórdís Björk Sigurþórsdóttir, 28.7.2021 kl. 16:11]

Síðasti bólusetningardagur var 14.júlí eða fyrir tveim vikum. Nema þetta sé e.k. sérósk um sprautur t.d. hjá 12-15 ára þar sem foreldrar þurftu sérstaklega að biðja um og mæta á heilsugæslu eða annað.

[Guðmundur Ásgeirsson, 28.7.2021 kl. 21:50]

Þetta er rétt metið hjá þér.

Það hefur komið fram að viðkomandi hafi fengið sprautu en teljist samt ekki fullbólusettur þar sem ekki nógu langt er liðið frá sprautunni til að ná skilgreiningunni.

Við það má bæta að einnig hefur komið fram að viðkomandi sé "á miðjum aldri" undir sextugu. Það hlýtur að þýða að hann sé a.m.k. ekki undir fertugu. Með þær upplýsingar ættirðu að geta þrengt tímasetninguna betur en í pistlinum.

Þessu var svo slegið upp í fjölmiðlum með fyrirsögnum sem voru undantekningalaust orðaðar þannig að þær kveiktu þá hugmynd að sá eini sem er á gjörgæslu sé "óbólusettur". Allt til þess fallið að styðja nýja áróðurinn um að bólusetning sé mikilvæg til að koma í veg fyrir "alvarleg veikindi", eftir að þeim mistókst að koma í veg fyrir útbreiðslu smita.

Þetta tilvik og sú staðreynd að hin bólusettu er að valda smitum hjá hlutfallslega fleiri óbólusettum en þeir eru hlutfallslega í samfélaginu, verður svo notað þannig að hægt sé að benda á þetta og segja "sko, sjáiði, þetta kemur fyrir ykkur ef þið þiggið ekki sprauturnar". Þrátt fyrir að staðreyndin sé sú að hin bólusettu eru að valda þessu tjóni á samfélaginu með hegðun sinni, vegna þess að stjórnvöld lofuðu þeim "eðlilegu lífi" eftir sprauturnar.

[Þórdís Björk Sigurþórsdóttir, 28.7.2021 kl. 23:00]

 ég sendi honum fyrispurn, spurði hvers vegna hann segir þetta asvona.