Ragnheiður segir yfirlið ekki algeng eftir bólusetningu!

„Björn Rúnar Lúðvíksson læknir bend­ir á að yf­irlið séu til­tölu­lega al­geng viðbrögð við alls kon­ar inn­grip­um lækn­is­fræðinn­ar, og þá sér­stak­lega eru yf­irlið al­geng ef um er að ræða inn­grip sem kosta sárs­auka. Með inn­grip­um mein­ar Björn til dæm­is nál­arstung­ur eða ef ein­hverju er stungið upp í eða inn í nefið á fólki. „Í hvert skipti sem við erum með ein­hver inn­grip þá eru yf­irlið fylgi­kvilli," seg­ir hann."

Hef heyrt fáa kvarta yfir því að bólusetningar valdi sársauka. En það er að líða yfir töluvert marga í Höllinni þessa dagana. Þekki einn sem fékk Janssen fyrir nokkrum vikum og bara á meðan hann sat þarna, hnigu sex manns niður. Miðaldra karlmenn þar á meðal.

Stinga upp í nefið segir læknirinn? Hvað með Covid sýnatökurnar? Pinnarnir fara ansi langt upp í nef eða enni og ofan í kok. Líður yfir marga í sýnatökum?
Eitt sinn leið yfir mig á flugvelli í Bandaríkjunum, eftir langa bið í röð. Var svo heppin að þýskur læknir var rétt fyrir aftan mig. Hann var með þrúgusykur og gaf mér og sagði að blóðþrýstingurinn hefði fallið. Geta þessi yfirlið tengst blóðþrýstings- og/eða blóðsykursfalli? Hér er skjáskot af lýsingu á yfirliði einnar sem fór í bólusetningu (smella á myndina til að sjá betur):

„Að sögn Ragn­heiðar Óskar Er­lends­dóttur, fram­kvæmda­stjóra hjúkrunar hjá Heilsu­gæslu höfuð­borgar­svæðisins, gerist það alltaf annað slagið fólk falli í yfir­lið í bólu­setningu.

„Þetta gerist alltaf annað slagið en það er ekki al­gengt. Mér skilst samt að það hafi verið nokkur til­vik í dag en þetta er alls ekki al­gengt,“ segir Ragn­heiður."

„Björn seg­ir að al­mennt í öll­um bólu­setn­ing­um sé talið að um 3% verði fyr­ir yf­irliði. Hann seg­ir þá að yngra fólk, 11 til 18 ára, sé gjarn­ara á að verða fyr­ir yf­irliði en hann hef­ur ekki skýr­ing­ar á af hverju það er en um sé að ræða ein­hvers kon­ar lífeðlis­fræðileg­ar ástæður."

Athugasemd

Það er ekki búið að bólusetja marga í aldurshópnum 11-18 ára. 12-15 ára er alls ekki byrjað og þegar þetta er skrifað hafa ekki margir 16-18 ára fengið sprauturnar. En skilst að einhverjir þeirra séu boðaðir í dag. Þannig að þarna eru flestir yfir 18 ára sem er að líða yfir. Að staðhæfa að þetta hafi ekki með sjálft bóluefnið að gera, getur einfaldlega verið rangt hjá lækninum. Enda eru þetta bóluefni/líftæknilyf sem ekki er vitað mikið um. Ragnheiður og Björn ættu að ræða málin og kannski komast að samskonar niðurstöðu. Algengt eða ekki algengt? Þau eru bæði reynslurík. Það væri áhugavert að fá að vita hversu margir hafa fallið í yfirlið af öllum þeim sem hafa fengið Covid bólusetningu. Einhver skráning hlýtur að vera á því.

Ég spurði Helgu Birgisdóttur hjúkrunarfræðing hvort þetta væri algengt, hér er svarið:

 

„Hefur ekkert með bóluefnin að gera“

Athugasemdir

[Sigríður Jónsdóttir (IP-tala skráð) 15.6.2021 kl. 10:47]

Óhörnuð ungmenni, börn og aðrir samviskusamir þegnar er orðnir hræddir og kvíðnir og meðvitaðir um aukaverkanir. Þrýstingurinn er orðin svo mikill allstaðar frá og búið að spila inn á samvisku og heiðarleika fylla það af sekktarkennd oh koma því inn hjá fólki að það sé að bregðast ef það fer ekki. Það vill engin bregðast. 

Ég set alla ábyrgð á fjölmiðla því þeir eru þeir einu sem hafa vald til þess að stöðva þetta. I guðanna bænum stigið fram og aðstoð okkur að bjarga börnunum okkar. 

[Þórdís Björk Sigurþórsdóttir, 15.6.2021 kl. 11:23]

Þetta er bara ömurlegt, og þau vita lítið sem ekkert. Er einmitt að setja saman blogg núna um konur hér heima sem eru að undra sig á miklum tíðarverkjum og breytingum á blæðingum.

[Geir Ágústsson, 15.6.2021 kl. 12:25]

Árið 2018 skrifaði maður að nafni Þórólfur Guðnason eftirfarandi (feitletrun mín):

"Fá lyf undirgangast eins viðamiklar og strangar rannsóknir hvað öryggi og árangur varðar og bóluefni áður en þau eru tekin í almenna notkun. Áður en bóluefni eru sett á markað eru þau rannsökuð hjá mörg þúsund einstaklingum til að kanna árangur þeirra og öryggi. Þessar rannsóknir geta hins vegar misst af mjög sjaldgæfum aukaverkunum og því er einnig fylgst náið með hugsanlegum aukaverkunum bóluefna eftir að þau hafa verið tekin í almenna notkun. Með þessu móti er hægt að finna mjög sjaldæfar aukaverkanir og endurmeta notkun bóluefnanna. Niðurstöður slíkra rannsókna hafa sýnt að alvarlegar aukaverkanir bóluefna sem notuð eru hjá börnum í almennum bólusetningum eru mjög fátíðar, eða um ein aukaverkun á hverjar 500.000-1.000.000 bólusetningar. Þetta þýðir að á Íslandi má búast við einni alvarlegri aukaverkun á um 40 ára fresti. Fjöldi aukaverkana er þannig óverulegur í samanburði við þann árangur sem sést af bólusetningum."

Viðmið geta greinilega breyst ansi hratt.

[Geir Ágústsson, 15.6.2021 kl. 12:31]

Tengill:

https://www.laeknabladid.is/tolublod/2018/04/nr/6693

[Þorsteinn Siglaugsson, 15.6.2021 kl. 22:17]

Yfirlið er ákaflega fátíð aukaverkun bólusetninga. Hér er t.d. talað um "a handful of people" af milljónatugum sem þiggja bólusetningu í Bandaríkjunum á hverju ári. 
https://www.everydayhealth.com/flu/the-facts-on-flu-vaccine-risks/

Samkvæmt tölfræðinni líður yfir 3% fólks einhvern tíma á ævinni.

Niðurstaða: Það er lygi að það líði almennt yfir þrjá af hverjum hundrað sem fá bólusetningu.