The Great Reset tekur um það bil 2 ár!

,,Áætlan­ir um af­hend­ingu bólu­efna við Covid-19 breyt­ast stöðugt og nær dreif­ingaráætl­un hér­lend­is ein­ung­is til loka mars, að sögn sótt­varna­lækn­is. Sem stend­ur er út­lit fyr­ir að bólu­efni fyr­ir 30.000 manns komi til lands­ins á fyrsta árs­fjórðungi en það get­ur breyst." (Þórólfur Guðnason mbl. 6.jan.). 

Ég fylgist vel með hinum ýmsu konum og mönnum á twitter, þar á meðal stjórnmálmönnum ýmissa ríkja, og þar finnst meðal annars sú kenning að það megi ekki bólusetja sem flesta sem fyrst því að á bak við þennan mikla heimsfaraldur (heildardánartíðni flestra þjóða er ekki hærri 2019 heldur ívið lægri en undanfarin ár, þar á meðal á Íslandi, sjá hér.) er the Great Reset í gangi, að koma efnahagi þjóða á hausinn og byggja upp á ný þar sem auðhringarnir vilja koma upp nýju stofnanaumhverfi „alþjóðasamfélagsins" þar sem þeir eru jafnréttháir þjóðríkjum. Sjá þessa fínu samantekt. 

Skilst að "lockdown" hrunið eigi að taka um það bil tvö ár og það vita menn í innsta hring. Jafnvel Kári Stefánsson sem sagði í febrúar að samfélagið yrði á hliðinni í tvö ár. Hvers vegna? Átti ekki bóluefnið að koma fljótlega um áramótin 2019/2020?  Og stóri bróðir Bill Gates er líka alltaf að teygja á því og talar nú um 2022.

Það er ekki hægt að klára faraldurinn strax ef endurræsingin mikla á að taka tvö ár. Því þarf að skammta bóluefni og draga fólk á asnaeyrunum. Lokaspretturinn alltaf að lengjast, ný afbirgði spretta upp, nýjar hættur. Bíða eftir almennilegu hruni svo hægt verði að endurreisa, build back better syngja þjóðarleiðtogar allir í kór, líka Katrín Jakobsdóttir. Sjá twitter 14.des.sl.

Klaus Schwab, höfundur bókarinnar á myndinni er ekkert að fela og búinn að gefa út bókina. Hann er stofnandi World Economic Forum sem fjallað er um hér ofar. Hann sér líka fyrir sér að krakkar séu ekki að flækjast í skólann heldur sitji heima og læri fyrir framan skjái. Sjá ca.mín.04.

Afhendingaráætlanir bóluefna breytast stöðugt

Athugasemdir

[Ingólfur Sigurðsson, 6.1.2021 kl. 13:01]

Takk fyrir fróðlega grein. Þú ert vel upplýst Þórdís og greinarnar góðar oft hjá þér. Ekki er RÚV að segja frá þessu, enda samsekir og meðvirkir eins og framast er unnt. Það sama má segja um DV og flesta aðra fjölmiðla, helzt skilningsglæta á Útvarpi Sögu. 

Þetta er í samræmi við undarlega heimsmynd sem við manni blasir. Þær eru merkilegar fréttirnar frá Svíþjóð. Þar var verið að loka sjónvarpsstöðvum sem leyfðu sér að gagnrýna yfirvöldin útaf kófinu og innflytjendamálum, en svona lokanir á tjáningafrelsinu eiga sér aðeins stað í einræðisríkjum og fasistaríkjum. Fólk ætti að hugsa sinn gang. Samt er ekki sagt frá þessu í RÚV, enda talið innanbúðarmál. Bogi fréttastjóri er sérlegur aðdáandi alls sem sænskt er og gagnrýnir ekki vandamálin sem þar eru fjölmörg. Svíar eru á undan öðrum norðurlöndum í þessari öfugþróun, við ættum að passa okkur og gera uppreisn gegn fasískum kerfisöflum hér á landi, einsog Pírötum og Samfylkingunni áður en það verður um seinan.

Gústaf Skúlason á Útvarpi Sögu er heimildamaðurinn fyrir þessu. Hann hefur staðið sig vel, miklu betur en þeir á RÚV eða DV eða Stöð 2.

Annars er þetta Great Reset, ekki samsæriskenning heldur staðreynd. Fólk getur bara gúgglað það sjálft. Þetta er hrollvekjandi. Þetta er réttlætt með því að þessir bankastjórar og auðjöfrar eigi að hafa vit fyrir fólki út af mengun og mannréttindabrotum. Það er einsog framtíðarsagan 1984 eftir George Orwell sé að verða að veruleika. Nú þarf öðruvísi búsáhaldabyltingu, byltingu gegn Soros og gjörspilltu embættismönnunum sem stjórna fyrir pólitíkusana í löndunum. 

Ef kreppan dregst á langinn gæti orðið af slíkri byltingu, þá sættir fólk sig ekki við hvað sem er.

[Tómas Ibsen Halldórsson, 6.1.2021 kl. 15:02]

Það er svo merkilegt Ingólfur að Klaus Schwab stofnandi WEF hefur talað um það og nefnt fyrirbærið The Great Reset og í viðtali nefnt það að fólk muni verða mjög reitt.

Fyrir mörgum árum byrjaði BG að tala um að bólusetja þurfi alla heimsbyggðina fyrir kórónuveirunni. Eru þetta tilviljanir??? eða eru menn að undirbúa það sem þeir ætla sér að verði á jörðinni??? Þegar þessir menn láta út úr sér hluti sem ætti að hræða fólk þá er eins og enginn taki eftir því sem þeir eru að segja og fjölmiðlar þegja þunnu hljóði yfir því sem frá þeim kemur, þá geta þeir sagt þegar spádómar þeirra rætast "ég var búinn að segja ykkur það". Það er ekki nema þegar BG tilkynnir "örlæti" sitt er hann og stofnun hans leggur til hundruð milljarða króna í tiltekin verkefni eins og bólusetningar á stúlkum í Afríku og Asíu sem á að vernda þær frá farsóttum en veldur í stað þess dauða og örkumlun hjá milljónum þeirra, þá fjalla fjölmiðlar um góðsemi BogM Gates.

Þessir menn og þetta fólk er ekki að hugsa um hag almennings, þeir eru að vinna að eigin hag og eigin hugsana, þeim er alveg sama um almenning. Það versta er að almenningur sér það ekki, nema fáeinir sérvitringar eins og ég og þú og nokkrir fleiri.

[Þórdís Björk Sigurþórsdóttir, 6.1.2021 kl. 15:17]

Ekki frekar en Klaus feli áætlanir sínar með bókaskrifum, þá setur John Hopkins heimsfaraldursæfingu þeirra félaga á vefinn hjá sér. Þar er líka talað um hvað fólk á eftir að verða reitt, að það þurfi að stjórna fjölmiðlum, fá heilbrigðisstarfsfólk með í lið o.fl. Horfið á þetta ef þið hafið ekki þegar gert það.
https://www.centerforhealthsecurity.org/event201/

[Guðmundur Ásgeirsson, 7.1.2021 kl. 01:22]

Þið verðið að gera ykkur grein fyrir því að "hvaðsemþaðerkallað" er nokkuð sem er alltaf og sífellt í gangi.

Mistökin sem allar samsæriskenningar um þetta gera er að reyna að setja á það tímamörk, eins og "þetta mun taka tvö ár" eða reyna að spá um tiltekna dagsetningu eins og spáin um heimsendi 2012 sem aldrei kom.

Það þjónar engum tilgangi að eltast við samsæriskenningarnar, því það eina sem þær gera er að afvegaleiða fólk frá því að þetta er alltaf og sífellt í gangi. Ekki í bókum eða greinum heldur raunveruleikanum.

Sjáið bara söguna gerast í rauntíma, frekar en reyna að lesa hana úr bókum um fortíðina eða óljósum framtíðarspádómum.

[Ingólfur Sigurðsson, 7.1.2021 kl. 06:47]

The Great Reset er ekki í gangi alltaf Guðmundur. Það er eitthvað sem er í gangi núna og gefur Trump og hans stuðningsfólki réttlætingu á valdaráni.

Ef þú viðurkennir að þetta sé alltaf að gerast í raunveruleikanum eru samsæriskenningarnar ekki lengur samsæriskenningar heldur veruleiki. Frekar en að vera óvirkur áhorfandi eða fórnarlamb glæpsamlegra afla vill maður fylgjast með samsæriskenningum og spádómum sem segja fyrir um það sem gerist.

Það þjónar einmitt miklum tilgangi að eltast við samsæriskenningar á okkar tímum þegar þær annaðhvort lýsa raunveruleikanum betur en opinberu fjölmiðlarnir sem hafa bannað sannleikann eða fara nálægt því.

Ekki allar samsæriskenningar setja tímamörk á spádóma, það er ekki svo.

Nostradamus er til dæmis virtur, hann hefur gegnt hlutverki í dulspeki mannkynsins, og hvort sem hægt er að lesa allt útúr spádómum hans eða ekki hefur hann gegnt hlutverki fyrir fólkið sem hefur tekið mark á honum, einsog Kristur fyrir fólkið sem trúir á hann. 

Ég segi:Takið mark á sumum samsæriskenningum, þær eru að rætast. Það þarf að velja og hafna úr þeirri flóru.