Má þá alltaf reyna að brjóta lögin?

„Eyvindur segir að algert brottfall verðtryggingar geti varla talist sanngjarnt í garð lánveitanda og því hljóti ákvæði greinarinnar að koma til skoðunar."

Má maður þá alltaf reyna að hagnast á ólögmætan hátt og ef það fattast (að lánin voru ekki erlend í alvörunni) að þá fær maður a.m.k  löglegan hagnað í staðinn?

Reyndar alveg galið að tala um sanngirni í þessu sambandi, fyrirtækin lugu því að neytendum að lánin væru  í erlendri mynt og er það þá ósanngjarnt að þau tapi? Nei, það er einmitt sanngjarnt að þau tapi gífurlega og eins að stjórnendum og/eða þeim sem bera ábyrgð á lögbrotinu verði refsað.

Lélegir og óheiðarlegir bissnessmenn tapa alltaf að lokum, þeir sjá til þess sjálfir.

Avant var þar að auki með 7-8% vexti á lán í „jenum" og „frönkum."! 

 

Lán mögulega áfram verðtryggð

Athugasemdir

[Jóhann Einarsson (IP-tala skráð) 16.6.2010 kl. 22:55]

Ég hef sjaldan lesið kjánalegri blog færslu en þessa hér. Þú virðist alveg líta framhjá því að þeir sem tóku lánin vissu að þeir voru að taka gengisáhættu. Þeir ætluðu sér að græða á því að fá lága vegsti og veðjuðu á það að krónan héldist áfram sterk. Þú (og nokkrir skoðanabræður þínir) virðist halda því fram að lánveitendur hafi gert lántökum eitthvað svona óhemju slæmt og á lántakendur séu saklausir einfeldningar. Þú virðist alveg líta fram hjá því að lántakar létu græðgina stjórna sér alveg jafnt og lánveitendur. Finnst þér sanngjarnt ef þeir skattgreiðendur sem fór barasta varlega meðan brjálæðið gekk yfir þurfi svo að borga þetta allt niður fyrir græðgis-púkana? Það má hins vegar færa rök fyrir því að það sé ekki holt fyrir samfélagið að fullt af fólki fari á hausinn og þess vegna þurfi að fella niður skuldir.

[Óskar Helgi Helgason (IP-tala skráð) 16.6.2010 kl. 23:13]

Heil og sæl; Þórdís Björk !

Jóhann Einarsson !

Þú ert; verulega ósanngjarn, í garð Þórdísar og hennar málafylgju allrar.

Það var einmitt; fyrir atorku hennar - sem margra annarra, að svindlið okraranna var upplýst, að nokkru, með dómnum, miðdegis.

Sjálfur; kann ég ekki skil, á myntkörfulánum svonefndum, en hefi í langan tíma gert mér ljóst, hversu viðurstyggilegt okrara kerfi íslenzku Bankanna, hefir leikið land og fólk og fénað allan, ágæti drengur.

Með beztu kveðjum; úr Árnesþingi /

Óskar Helgi Helgason    

[Þórdís Björk Sigurþórsdóttir, 16.6.2010 kl. 23:13]

Hvað þurfa skattgreiðendur að borga niður Jóhann?

Veit ekki með þig, en ég skrifaði aldrei undir lán í mynteiningum heldur voru lánin sögð vera erlend og látin líta þannig út á samningum. Það kallast blekkingar í viðskiptum og fyrir annað eins fara menn í tugthúsið.

Var til í að taka gengisáhættu á lánum sem voru sannarlega í erlendri mynt en ekki einhverjum heimtilbúnum ólöglegum vísitölum. Fyrir vikið krefst ég skaðabóta!

[Hemmi (IP-tala skráð) 16.6.2010 kl. 23:25]

Ég hef sjaldan lesið jafn kjánalegt komment og frá honum Jóhanni Einarssyni

Var það rangt að taka lán sem bankinn minn sagði að væri hagstætt? Á ég þá bara að hætta að versla mat í Krónunni og finna dýrustu búlluna?

Það vissu flest allir að þeir væru að taka gengisáhættu, en engum datt í hug að krónan myndi falla svona svakalega.

Og ekki koma með gremju þína á okkur, það vorum ekki við sem bjuggum til þessi ólöglegu lán. Og komdu með rök fyrir því að við séum sek um eitthvað varðandi þessi lán.

Og hvort það sé sanngjarnt ef að almenningur þarf að borga? Hvað eiga þeir að borga?

Önnur umræða sem er alveg óloþandi, er þegar menn eins og þú halda því fram að ef að krónan hefði styrkst og styrkst þá hefðum við ekkert aðhafst. Vissulega er maður sáttur ef vel gengur og allt virðist eðlilegt, enda hefði bankinn gert eitthvað viðeigandi ef hann kæmi illa út úr þessu, það er bara mjög eðlilegt að þegar vandræðin rigna yfir mann og framtíðin ekki björt þá fari maður yfir stöðuna og…"hey…hmmm þetta er hugsanlega ekki löglegur samningur"

Áttum við semsagt öll bara að segja "æjj ókei ég held bara áfram að borga og taka mig í…"?

[Sigurður Sigurðsson, 16.6.2010 kl. 23:45]

Ég get bara ekki skilið menn eins og Jóhann. Mér er það bara algerlega fyrirmunað.

Hann er eitthvað svekktur yfir því að lántakendur höfðu betur núna. Lántakar greiða tilbaka höfuðstól láns með samnigsvöxtum en án verðtryggingar. Fúlt fyrir lánveitenda en hann samdi lánasamningin og ber því ábyrgð á orðalagi hans.

 Lánveitendur verða að sætta sig við að hafa klúrðað þessum samningum og alþingi á ekki að vera að skipta sér af frjálsum samningum. 

Jóhann lánveitendur tóku áhættu með þessum lánveitingum enda gerðu þeir ráð fyrir að græða vel á gengismun og unnu markvisst að því að fella gengið.  

Ég skil heldur ekki þetta tal um græðgi, bara ekki séns. Hvað er að því að taka hagstæðara tilboði ef það býðst. Hverjum hefði dottið hug að gengi krónunar myndi hrynja. Ekki einu sinni Jóhanni sem geysist hér fram sem samviska og besservisser

[Íslendingur (IP-tala skráð) 17.6.2010 kl. 00:22]

Ef þetta er sá Jóhann Einarsson sem ég þekki til þá kemur ekki á óvart bullið úr þeim munni.

Jóhann, hver útbjó þessa samninga og bauð þessa vöru sem nú reynist ólögleg? Ekki lántakendur heldur sérfræðingar með menntun og reynslu, sprenglærðir í lögum og viðskiptum. Þeir eiga að skammast sín og rétt væri að fjármögnunarfyrirtækin sæki eitthvað af töpuðu fé til þessara einstaklinga persónulega, sem hafa haft há laun við að útbúa þessa ógjörninga.

Ég trúi að þessi niðurstaða eigi eftir að hleypa lífi í fasteigna og bíla viðskipti og hjálpa hjólum atvinnulífs að snúast. Ef Lýsing fer á hausinn þá er það Deutche bank sem tapar þar sem þeir hafa fjármagnað og ég græt það ekki.

kv. Íslendingur.

[Jón Bjarni Steinsson (IP-tala skráð) 17.6.2010 kl. 04:08]

Það er samt alveg rétt sem Jóhann er að segja, fólk um og yfir meðalgreind veit alveg að viðskiptum með gjaldmiðla fylgir áhætta...

[Sigurður Haraldsson, 17.6.2010 kl. 07:56]

Áhætta já en ekki kerfishrun! Það er ljóst að þið Jói og Jón eruð ekki með erlend lán ef svo er þá eruð þið fífl að reyna að verja ránastofnanirnar! Við greiðum til baka lánin með vöxtum það er eðlilegt ef ekki þá má taka af okkur eignir það er réttlæti!

                                                                Lyfi byltingin!

[Anna Einarsdóttir, 17.6.2010 kl. 10:27]

Ég ætlaði aldrei nokkurn tíma að fá lága vegsti Jóhann.  Mitt lán ber vexti. 

Jón Bjarni og Jóhann.  Starfsmenn lánastofnana fullyrtu á þessum tíma að gera mætti ráð fyrir sveiflu í gengi - jafnvel allt að 30%.  Á þessum tíma hafði almenningur trú á að starfsmenn banka og fjármálastofnana kæmu heiðarlega fram og gæfu góða ráðgjöf.  Almenningur hafði á þessum tíma ekki ástæðu til að ætla neitt annað.  Þessvegna er illt að væna fólk um græðgi þegar einungis var farið eftir ráðgjöf sérfræðinga - að því er talið var.

Takk Þórdís fyrir sérlega vönduð blogg. 

[Þórdís Björk Sigurþórsdóttir, 17.6.2010 kl. 10:59]

Jón Bjarni, alveg rétt, viðskipti með erlenda gjaldmiðla eru áhættusöm og það vita allir sem sem eru meðalgreindir en það kemur þessum lánum bara alls ekki við, þetta voru lán í íslenskum krónum bundin við heimatilbúna óskráða gjaldmiðla sem kallast myntkörfur.  Lastu ekki dómana?

[Jóhann Einarsson (IP-tala skráð) 17.6.2010 kl. 11:21]

Ég er alveg örugglega undir meðalgreind en ég vissi samt að krónan mundi hrynja. Það þarf ekki annað en að skoða örfá ár aftur í tímann til að sjá sambærilegar sveiflur. Þeir sem tóku þessi lán hljóta að hafa lesið skilmálana og vitað hvað þeir voru að skrifa undir. Þetta er eins og að kaupa hassmola á götuhorni í Berlín og hrópa svo "það var dópsalanum að kenna" þegar dómarinn dæmir verslun með hass lögbrot.

[Banjó (IP-tala skráð) 17.6.2010 kl. 11:42]

Hvaða máli skiptir skoðun þessara pappakassa...

Það er búið að dæma í þessu og tími til að fagna.

Ekki láta ullarsokka á mótþróaskeiði eyðileggja daginn...

[Elli (IP-tala skráð) 17.6.2010 kl. 13:06]

Mig langar aðeins að leggja til málanna.Ég er ekki með bílalán,ekki með neyslulán og ekki yfirdrátt,en ég dirfðist að koma mér þaki yfir höfuðið. Íslenska lánið ruddist fram sem ófreskja með hjálp verðtryggingar og óx og óx,gallinn var sá að launin stóðu í stað þar sem þau fylgja ekki vísitölunni.Ég dró lappirnar lengi með breytingar en eftir vandlega skoðun var ákveðið að setja helming í erlent lán. Skv, mínum útreikningum mátti gengið hækka að minnsta kosti um 40% og samt væri ég enn að sjá höfuðstólinn lækka við hverja greiðslu.Síðan gerðist eitthvað sem ég réði ekki við,það varð hrun.

Ég bið ekki um neina sérmeðferð,aðeins sanngjarna.Hef farið nokkrar ferðir í bankann og alltaf farið sneyptur þaðan aftur,skilaboðin undir rós eru:Éttu það sem úti frýs og borgaðu meðan þú getur vogað  þér að kaupa mjólk fyrir börnin þín. Sárastur varð ég þó þegar ég kom með tillögu að lausn sem ég taldi mig geta staðið við og var alfarið neitað.

Þá spurði ég hvort mitt eina úrræði væri að gefast upp og geta ekki meir,ekki stóð á svarinu. (Það er þitt mál,við höfum lögfræðinga og innheimtuúrræði við hirðum af þér það sem þú átt.)  Þetta finnst mér hroki af verstu sort.

[Gunnar Ársæll Ársælsson (IP-tala skráð) 19.6.2010 kl. 01:54]

Er þessi kannski einn af hinum seku?????
Eyvindur G. Gunnarsson
• Starfsmaður nefndar sem vann að endurskoðun vaxtalaga árið 2000. Sjá lög nr. 38/2001.
• Starfsmaður nefndar sem vann að breytingum á ákvæðum laga um verðbréfaviðskipti (almenn útboð verðbréfa) árið 2000. Sjá lög nr. 163/2000, um breytingu á lögum nr. 13/1996 um verðbréfaviðskipti.
• Falið af iðnaðarráðherra í janúar 2000 að semja frumvarp til laga um leit, rannsóknir og vinnslu kolvetnis. Sjá lög nr. 13/2001.
• Skipaður af iðnaðarráðherra árið 2003 varaformaður nefndar til endurskoðunar á vatnalögum nr. 15/1923.
• Skipaður af iðnaðarráðherra árið 2002 í nefnd um endurskoðun laga nr. 57/1998 um rannsóknir og nýtingu á auðlindum í jörðu.
• Starfaði með vinnuhópi um innleiðingu gagnsæistilskipunarinnar 23. maí 2006/109/EB. Sjá lög nr. 108/2007 um verðbréfaviðskipti.
• Starfaði með kauphallarnefnd við innleiðingu á tilskipun ráðsins 93/22/EBE. Sjá lög nr. 110/2007 um kauphallir.
• Falið af viðskiptaráðherra í október 2007 að gera drög að reglugerð um safnskráningu og varðveislu fjármálagerninga á safnreikningi. Sjá reglugerð nr. 706/2008.
• Formaður fastanefndar dómsmálaráðherra um happdrættismál sem falið var að semja lög um breytingu á lögum nr. 38/2005 happdrætti.