Hvers vegna eru bólusettu börnin með "long covid"?

Rann­sak­end­ur hafa skoðað langvar­andi ein­kenni Covid-19 í ís­lensk­um börn­um. Komust þeir að því að langvar­andi ein­kenni vegna sjúk­dóms­ins eru al­geng meðal þeirra og hafa áhrif á lífs­gæði barn­anna. Þetta kemur fram í viðtengdri frétt.

Rannsakendur voru m.a. barnalæknarnir Valtýr Thors og Ásgeir Haraldsson. Báðir mæltu þeir með því að íslensk börn fengju Covid bóluefni þrátt fyrir að hafa lokið eða um það bil verið að ljúka rannsókn þar sem fram kom að smit meðal barna á Íslandi hafi verið skoðuð í þremur smitbylgjum og leitt í ljós að smit í skólum væru fátíð, innlagnir barna engar á rannsóknartímabilinu og sjúkdómurinn væri ekki alvarlegur meðal barna.

Samt sem áður mæltu barnalæknarnir tveir (ásamt fleiri læknum), Valtýr og Ásgeir eindregið með því að börnin fengju þetta nýja tilraunalyf sem þó var vitað að hefði alvarlegar aukaverkanir.

Í eftirfylgnihluta rannsóknarinnar hjá þeim félögum kemur síðan fram að íslensku börnin væru að glíma við "long-covid" sem vissulega myndi flokkast sem alvarlegur/ir kvillar, þar á meðal hjartsláttatruflanir. Þegar þessi hluti rannsóknarinnar er gerður hafði meirihluti barna hér á landi fengið bóluefnið sem þeir mæltu með. En í rannsókninni er enginn samanburður milli hópanna eða minnst á sprauturnar. Eins og þær væru ekki til.

„Rann­sak­end­ur telja mik­il­vægt að skoða áhrif langvar­andi ein­kenna vegna Covid-19 á börn frek­ar og skoða fyr­ir­byggj­andi aðgerðir", segir í niðurlagi fréttar mbl.is. Voru bóluefnin sem þeir mæltu með ekki fyrirbyggjandi aðgerð - ef ekki hvað voru þau þá?

Rannsóknarniðurstöður eru í takt við áframhald Covid-narratífsins. Ekki má minnast á skaðann sem sprauturnar hafa valdið, læknar segja að veikindin séu vegna Covid pestarinnar, burt séð frá því hvort viðkomandi hafi verið mikið eða lítið sem ekkert veikur af henni (mælst jákvæður). Og landlæknir telur að umframdauðsföll séu vegna Covid, og það eftir mörg hundruð þúsund gefna sprautuskammta!

Þetta mátti heyra snemma í ferlinu, munið handboltakonuna Ragnheiði Júlíusdóttur? Hún var þrísprautuð en með "long covid"? Það stemmir ekki við áróðurinn, þ.e. að sprauturnar ættu að koma í veg fyrir mikil veikindi. Í hvaða áhættu var ung og hraust íþróttakona með Covid? Hvers vegna þurfti hún að fá svona sprautur?

Samanburðarrannsókn á sprautuðum og ósprautuðum einstaklingum  er eina vitið í þessum efnum. Í október átti ég og Helga Birgisdóttir hjúkrunarfræðingur og ljósmóðir fund með heilbrigðisráðherra. Hann tók vel í að framkvæmd yrði samanburðarrannsókn á heilsu barna, sprautuðum og ekki sprautuðum. 

Að rannsaka heilbrigði fólks eftir Covid án þess að skoða bólusetningastöðu er einskis virði og í raun fölsun á sögunni. Það er verið að velta veikindum af sprautum (í mörgum tilfellum a.m.k.) yfir á pestina sjálfa og það m.a. hjá fólki sem er margsprautað með lyfinu sem átti að koma í veg fyrir veikindi.

 

Hér má einnig sjá fyrirlestur Valtýs frá árinu 2020 um skaðleysi covid á börn. Ekki löngu síðar hvatti hann til þess að börnin fengju covid-sprautur.



Conflicts of interest:

Í seinni hluta rannsóknarinnar kemur fram: 
VT (Valtýr Thors) has undertaken consultancy work for Pfizer and Sanofi. All funding related to these activities is paid to his employers, Landspitali University Hospitals Reykjavik, Iceland. 

En í fyrri hluta rannsóknar:
The authors have no funding or conflicts of interest to disclose.

Sem sagt Valtýr verið í ráðgjafastörfum fyrir Pfizer og Sanofi eftir fyrri hluta rannsóknar. Fær ekki greiðslur fyrir það persónulega, heldur LSH.

Í dag er hann orðinn yfirlæknir barnalækninga hjá LSH.  

Langvarandi einkenni Covid-19 meðal íslenskra barna

Endurspegla orð lækna og yfirvalda innihald bóluefnasamninga?

Neðangreinda samhljóðandi klausu er að finna í samningum ESB ríkjanna (bls.48) og Suður-Afríku(bls.21) við Pfizer um Covid-bóluefnakaup. Samninga ríkjanna hefur ekki mátt opinbera, þar á meðal þann íslenska. Sumir samningar hafa þó ratað á internetið, mismikið yfirstrikaðir. Samningar ESB og S-Afríku eru lítið sem ekkert yfirstrikaðir. Útgáfutími er 2021 en ekki sést hverjir undirrita. Ísland var með í bóluefnakaupum ESB í gegnum Svíþjóð. (Samningur S-Afríku er til á pdf. og get ég sent með t-pósti þeim sem óska).

Lesið þessa klausu vel og vandlega og rifjið síðan upp - er þetta það sem heilbrigðisyfirvöld hér og annars staðar sögðu fólkinu sínu?

The Participating Member State acknowledges that the Vaccine and materials related to the Vaccine, and their components and constituent materials are being rapidly developed due to the emergency circumstances of the COVID-19 pandemic and will continue to be studied after provision of the Vaccine to the Participating Member States under the APA (innsk. Advance Purchase Agreement). The Participating Member State further acknowledges that the longterm effects and efficacy of the Vaccine are not currently known and that there may be adverse effects of the Vaccine that are not currently known. Further, to the extent applicable, the Participating Member State acknowledges that the Vaccine shall not be serialized.

Sem sagt, þróuð á miklum hraða, verða áfram rannsökuð eftir afhendingu, ekkert vitað um langtímaáhrif og langtímaaukaverkanir.

Skoðum t.d. hvað Bryndís Sigurðardóttir smitsjúkdómalæknir á LSH sagði í desember 2020:

„Litlar aukaverkanir eru af bóluefni gegn kórónuveirunni... Aukaverkanirnar líði hjá á nokkrum dögum. Þær séu ekki jafn miklar og afleiðingar COVID-19 geti verið. Mikilvægt sé að fólk þiggi bólusetningu því þannig verndi þeir ekki aðeins sjálfan sig heldur einnig þá sem eru veikastir fyrir.“

Bóluefnin voru aldrei rannsökuð með tilliti til þess hvort þau vernduðu gegn smiti manna á milli. Þetta kom fram í yfiheyrslum á Evrópuþinginu í október 2022. Samt sögðu yfirvöld að þau myndu leiða til hjarðónæmis. Fljótt kom í ljós að það gerðu þau ekki, smittíðnin bara jókst eftir að meirhluti landsmanna hafði fengið sprauturnar! Allt tal um hjarðónæmi með nýju líftæknilyfi var því hreinn tilbúningur, og auk þess endurspegluðu hvatningarorð lækna og yfirvalda aldeilis ekki það sem stendur í samningum um milljarða kaup á sprautuefni.

Voru læknar og annað heilbrigðisstarfsfólk blekkt eða fengu þau að sjá samningana og tóku þátt í að ljúga því að samborgurum sínum, sem flestir treysta, að bóluefnin væru örugg og áhrifarík og betra að fá þau en Covid, líka börn og ófrískar konur?

Hverjir undirrituðu samninga fyrir Íslands hönd? Og hverjir lásu þá? 

Faðir fer í mál við Pfizer, 17 ára sonur hans lést af völdum C-19 "bóluefnisins"

Að morgni 27. september 2021, 33 dögum eftir að  hinn 17 ára gamli Sean Hartmann, var bólusettur með COVID-19 mRNA "bóluefninu" frá Pfizer, fann móðir hans hann látinn í svefnherbergi sínu.

 

Í dómsmálinu, sem Western Standard segir frá, er byggt á því að C-19 "bóluefnið" frá Pfizer hafi valdið dauða Sean Hartman.

 

Sean Hartman lést aðeins 33 dögum eftir að hafa fengið fyrstu sprautuna af Pfizer og fyrir var hann fullkomlega heilbrigður drengur án undirliggjandi sjúkdóma. Sean fékk COVID-19 sprautu til að fá að spila áfram íshokkí, en til þess varð hann að vera "bólusettur".

 

Faðir Sean fór með hann á bráðamóttöku fjórum dögum eftir fyrsta skammtinn þar sem hann var með brúna hringi í kringum augun, útbrot í andliti og verk í hægri öxl.

 

Í mars sl. neituðu stjórnvöld í Kanada foreldrum drengsins um bætur þrátt fyrir þá staðreynd að hinn áður heilbrigði Sean dó eftir að hafa fengið COVID-19 bóluefnið frá Pfizer.

 

Bandaríski meinafræðingurinn Dr. Ryan Cole úrskurðaði hins vegar í júlí sl. að Sean hafi látist af völdum COVID-19 bóluefnisins. Cole skoðaði vefi hans og fann gaddaprótein í nýrnahettum.

 

Í málinu er m.a. krafist 35,6 milljóna dala í skaðabætur frá Pfizer auk alls kostnaðar. Eru málaferlin m.a. byggð á því að Pfizer hafi ekki upplýst um áhættuna er tengdist öryggi og notkun "bóluefnisins", niðurstöður prófana hafi verið falsaðar og áhætta af notkun "bóluefnisins" takmarkist ekki bara við hjartavöðvabólgu og gollurhússbólgu, eins og Pfizer hafi nú loks viðurkennt.

 

Hér má sjá nánar um niðurstöðu Dr. Rayn Cole

 

 

 

Kanada: 74% þrísprautaðra með ónæmisbrestsheilkenni (VAIDS)

Nýjustu opinberu Covid-19 tölurnar frá ríkisstjórn Kanada eru sannarlega skelfilegar. Þær sýna að tví-og þrísprautaðir íbúar í Kanada hafa nú tapað að meðaltali rúmlega 70% af getu ónæmiskerfis síns samanborið við náttúrulegt ónæmiskerfi ósprautaðs fólks.

 

Svo mikill er skaðinn að tölurnar sýna að tvísprautaðir eru að meðaltali 3,8 sinnum líklegri til að smitast af Covid-19 og 3,3 sinnum líklegri til að deyja af Covid-19 en ósprautaðir.

 

En staðan er enn verri fyrir hinn þrísprautaða hvað varðar hættu á dauða. Opinberar tölurnar sýna að þeir eru að meðaltali 3,7 sinnum líklegri til að smitast af Covid-19 og 5,1 sinnum líklegri til að deyja af völdum Covid-19 en ósprautaðir.

 

Þessar tölur, sem hægt er að hlaða niður hér benda því til þess að bæði tví- og þrísprautaðir íbúar Kanada hafi nú orðið fyrir svo miklum skaða á ónæmiskerfnu vegna Covid-19 sprautunnar að þeir hafi nú þróað með sér áunnið ónæmisbrestsheilkenni (VAIDS- Vaccine Acquired Immunodeficiency Syndrome).

Nóbelsverðlaun fyrir Covid sprautur - enn ein verðlaunin í Covid bransanum

Vísindamenn frá Ungverjalandi og Bandaríkjunum með grímur fyrir andlitum hlutu Nóbelsverðlaunin í ár í læknisfræði fyrir þróun á mRNA-tækni sem nýtt var við þróun á bóluefnum gegn covid.

 

Þó svo að þetta meinta bóluefni hafi verið það skaðlegasta í sögu bóluefna síðustu áratugi fær það nóbelsverðlaun(aldrei borist fleiri tilkynningar um aukaverkanir af neinu öðru bóluefni). Yfir 6000 tilkynningar til Lyfjastofnunar Íslands, rúmlega 300 alvarlegar þar á meðal hjá börnum sem voru í núll áhættu af Covid (og talið er að lítil prósenta sé tilkynnt). Næstum 8000 ALVARLEGAR aukaverkanir höfðu verið tilkynntar til yfirvalda í Noregi í apríl sl. 

Tilkynningum um aukaverkanir lyfja fjölgaði verulega í Svíþjóð á síðasta ári, í rúmlega 99.000 samkvæmt tölfræði sænsku Lyfjastofnunar, segir í frétt frá stofnuninni. Það er tíföldun frá því sem eðlilegt er. Meirihlutinn, eða 90.732 tilkynningar, varðaði grunaðar aukaverkanir af Covid-19 bóluefni. Aðeins 8.479 voru fyrir önnur lyf.

Covid tíminn var vel verðlaunaður iðnaður, hér er nokkur dæmi um "hæpið":

1. Forstjóri Astra Zeneca riddarakross 2022

2. Þríeykið fálkaorða 2020 

3. Kári Stefánsson/Decode úflutngingsverðlaun forseta Íslands des. 2020, þrátt yfir að Decode sé alútlenskt fyrirtæki í eigu Amgen.

4. Davíð O. Arnar yfirlæknir hjartalækninga riddarakross 2023(er að rannsaka leynda hjartagalla með Decode eftir sprautuherferðirnar).

5. Ragnheiður Ósk yfirhjúkka fálkaorða 2022

6. Fyrsta hjúkkan til að fá Covid sprautu í Bandaríkjunum fékk viðurkenningu frá Biden forseta og nafnspjald hennar og sjúkrahúsfatnaður fer á Smithsonian safnið í Washington DC, einnig valin kona ársins 2022.

8. Tilkynning á vef Stjórnarráðs Íslands um fyrsta Íslendinginn sem fékk Covid sprautu. Honum færður blómvöndur.

7. Forstjóri Pfizer Albert Bourla hlaut ísraelsku vísindaverðlaunin The Genesis Prize árið 2022 og þar með 1 millón bandaríkjadala.

 

Þúsundir fleiri dæma má finna um allan heim um Covid verðlaun og viðurkenningar, t.d. í Singapore, yfir 100 þúsund.

 

En nóbelsverðlaunalyfið Ivermectin sem snemma var sýnt að virkaði vel gegn Covid, var uppnefnt hestalyf af FDA (hestar fá það líka eins og t.d. pensilín) og forstjóri Lyfjastofnunar kærði Kalla Snæ lækni fyrir dreifingu á lyfinu. Og forstjóri Lyfjastofnunar fékk hve margar sprautur sjálf-einhver sem sá hana fara í "bólusetningu"? 

 

Annað kvöld,4.okt. verður málþing á Grand Hótel þar sem meðal fyrirlesara verður bandaríski læknirinn Pierre Korry og höfundur bókarinnar The War on Ivermectin. Um er að ræða einn allra fremsta sérfræðing heims í meðferð Covid sjúklinga og sprautuskaðaðra. Pierre er meðstofnandi FLCCC (flccc.net) og án efa einn þeirra lækna sem bjargað hefur hvað flestum mannslífum í faraldrinum.

Þarna verður hægt að sjá að heilbrigðismál geta verið rótpólitísk. Ráða vísindi för eða peningar? Og afhverju eru þessir nóbelsverðlaunahafar með grímur á sér, fengu þau ekki uppfinninguna beint í skrokkinn?

Hlutu Nóbelsverðlaunin fyrir bólefni gegn Covid-19

Bandaríkin: 73 bóluefni fram til 18 ára aldurs - 54% með langvinnan sjúkdóm

Grein þessi er byggð á skrifum SASHA LATYPOVA á substack síðu hennar. Sasha mun koma hingað til lands og halda fyrirlestur á málþingi samtakanna FRELSI OG ÁBYRGÐ á Grand Hótel þann 4. október nk. Sá fyrirlestur fjallar þó ekki um bóluefni almennt heldur Covid sprautuefni.

 

Bandarískum börnum eru gefin 73 bóluefni fram til 18 ára aldurs. Þetta var áður en hinum eitruðu mRNA sprautum var bætt við fjöldann. Einstaklingur á fertugsaldri hefur í dag fengið 24. Foreldrar þeirra fengu 6. Afar og ömmur 3.

 

Frá því árið 2015 eru 54% bandarískra barna með ævilangan, langvinnan sjúkdóm. Ég (Sasha) hræðist þá hugsun hver þessi tala er í dag eftir að börn voru sprautuð með Covid mRNA erfðabrotstækninni. Fyrir 30 árum var þessi tala þegar komin í 20%. Fyrir sextíu árum í 12%. Fyrir áttatíu árum var hún aðeins 1,8%.

 

Undir lok 19. aldar var það þegar orðið ljóst að bólusetningar voru sannaðar sem miðalda fals og svindl.

 

Þessi niðurstaða frá 19. öld hefur verið staðfest með könnun frá 2019/2020 á landsvísu í Bandaríkjunum það sem skoðað var mjög stórt gagnasafn um sjálfsgreint heilsuástand.

Könnunin útskýrir hvernig hægt sé að komast aftur í 1,8% hlutfall langvinnra sjúkdóma, ekki aðeins fyrir börn heldur alla einstaklinga. 

 

Í könnuninni eru færð rök fyrir því að næstum ALLIR langvinnir sjúkdómar í nútímanum tengist bólusetningaskaða. Vitandi það sem ég veit núna, þá álít ég líka að offitufaraldurinn, sérstaklega offita barna, sé ekki algjörlega matar-/lífsstílstengdur heldur sé að miklu leyti knúin áfram af bóluefnum sem eyðileggur örverur í bæði mönnum og dýrum.

 

Hér má lesa þessa könnun: Health versus Disorder, Disease, and Death: Unvaccinated Persons Are Incommensurably Healthier than Vaccinated .

 

Í útdrætti könnunarinnar er því haldið fram að bólusetningar séu EKKI að færa íbúa í átt að betri heilsu, eins og Alþjóðaheilbrigðismálastofnunin og bandaríska heilbrigðisráðuneytið hafa haldið fram, heldur í átt að faröldrum ævilangra lamandi langvinnra sjúkdóma.

 

Þá er hér önnur nýleg grein um barnabóluefni, því meira sem þau eru gefin, því meiri ungbarnadauði.

 

Að lokum eru hér upplýsingar um nýlegt grimmdarverk sem lýst er í þessari færslu af Dr. Nass en HHS (Health and Human Services í Bandaríkjunum) ætlar að þvinga hættulegar sprautur í alla nýbura undir yfirskininu „vernd gegn RSV“ (eitthvað sem að sögn drepur 25 (0,125%) nýbura á ári í Bandaríkjunum), en er langt frá því að vera ein helsta dánarorsök nýbura. Í klínískri rannsókn á þessum hættulegu sprautum dóu fleiri tilraunasprautuð börn en börn sem voru ekki sprautuð í tilraunaskyni.

 

 

Við þessa grein Söshu má bæta við að helstu bóluefni komu til sögunnar þegar hinir ýmsu faraldrar voru þá þegar á undanhanhaldi. En takið eftir að ekkert bóluefni kom fyrir skarlatsótt en samt dó faraldurinn út. Eru lyfjafyrirtækin að taka kredit fyrir eitthvað sem ekki er þeirra, að þau hafi útrýmt sjúkdómum sem voru við það að deyja út vegna ýmissa annarra þátta, t.d. hreins vatns? Sjá mynd.

 

Starfsfólk Pfizer fékk sérstaka framleiðslulotu af bóluefninu

Yfirmaður hjá Pfizer hefur upplýst að starfsfólk lyfjafyrirtækisins hafi fengið „sérstaka lotu“ af Covid-19 bóluefni, sem var verulega ólíkt bóluefninu sem dreift var til almennings.

Þetta opinberaðist við yfirheyrslur í öldungadeild ástralska þingsins þar sem talsmaður Pfizer upplýsti að lyfjafyrirtækið hafi flutt inn sérstaka lotu af COVID-19 bóluefnum sem eingöngu var notuð í bólusetningar á starfsfólki Pfizer.

Það var ástralski öldungadeildarþingmaðurinn Malcolm Roberts sem leiddi yfirheyrslur yfir yfirlækni Pfizer í Ástralíu, Dr. Krishan Thiru, og yfirmanni eftirlitsvísinda, Dr. Brian Hewitt. Spurningar Roberts leiddu að lokum til þess að Dr. Thiru viðurkenndi að starfsmenn Pfizer hefðu ekki fengið venjulegt bóluefni.

Þá vitum við það, hvað með hér heima? Fengu ekki allir sömu loturnar? Munið að landsmenn sem fengu strikamerkið* sent í sms  var ekki kallað í Höllina samkvæmt stafrófsröð eða tilviljanakennt, heldur voru ákveðnir árgangar og starfstéttir boðaðir á ákveðnum dögum og tíma. Það þótti einnig mjög göfugt að bíða eftir að röðin kæmi að sér.

Þessu tengt þá sýnir t.d. þessa danska rannsókn að um 5% lotanna tengist meirihluta alvarlegra tilkynntra aukavakerkana, m.a. dauðsföll.

Hér má sjá upptöku úr ástralska þinginu þar sem þetta kemur fram

 

*strikamerkið var tengt við kennitölu viðkomandi en ekki bóluefnið, þannig fengu þeir sem boðaðir voru í ýmis konar tegundir af bóluefni alltaf sama strikamerkið burt séð frá tegund bóluefnis sem boðað var í. Manneskjan var því vörumerkið en ekki bóluefnið. Þeir sem enn eiga strikamerkin geta skoðað þetta (þ.e.a.s ef þeir ekki sinntu t.d. fyrsta boði og fengu fleiri boð í kjölfarið).

Jafn margir ungir Bandaríkjamenn létust eftir sprautuherferð og í 12 ára Víetnamstríðinu

Bandaríska þingkonan Marjorie Taylor Greene ræddi um aukaverkanir eftir Covid-sprauturnar á bandaríkjaþingi í síðasta mánuði.

Þar kynnti hún samantekt úr gagnagrunninum VAERS (Vaccine Adverse Event Reporting System) þangað sem Bandaríkjamenn tilkynna aukaverkanir af völdum bóluefna. Það er Sóttvarnarstofnun Bandaríkjanna(CDC)sem heldur utan um gagnagrunninn.

Greene sýnir hvernig sjúkdómar eins og hjartabólgur stórjukust eftir sprautuherferð með Covid „bóluefnum.“  

Hún sýnir líka fram á að fjöldi dauðsfalla í kjölfar bólusetninganna sé miklu meiri en fjöldi dauðsfalla í kjölfar inflúensubólusetninga.

Það létust 60.000 ungir Bandaríkjamenn í 12 ára stríði í Víetnam, en COVID-19 bóluefnið drap sama fjölda ungra Bandaríkjamanna á aðeins 12 mánuðum.

Hafa skal í huga að Bandaríkjamenn voru margir hverjir, sérstaklega árið 2021, skyldaðir til að fara í Covid-sprautur til að halda starfinu, t.d. flugmenn, slökkviliðsmenn, heilbrigðisstarsfólk, háskólanemar, íþróttafólk, o.fl. Hér á landi var aldrei bein skyldubólusetning en gríðarlega pressa var á margar stéttir og dæmi var um að fólk hafi verið rekið úr starfi fyrir að hafna sprautu. Mikla staðfestu þurfti til að fara gegn straumnum í þessum máli, með öllum þeim svívirðingum sem því fylgdi.

Aftur á móti var engin skylda hjá ráðuneytum, Alþingi, Landlæknisembættinu, Lyfjastofnun o.fl. Endilega spyrjið forstjóra Lyfjastofnunar hversu margar Covid sprautur hún er búin að fá!

Þá setti t.d. elliheimilið Grund það skilyrði fyrir ráðningu starfsfólks að viðkomandi væri „bólusettur“ og það löngu eftir að ljóst var að þessi efni kæmu ekki í veg fyrir útbreiðslu smita.

Hér má horfa á kynningu þingkonunnar:

 

 

Starf sóttvarnalæknis er að hylma yfir skaðann af sprautunum

Guðrún Aspelund sóttvarnalæknir var eini umsækjandinn um stöðu sóttvarnalæknis eftir að Þórólfur hvarf frá. Skiljanlega, hvaða læknir hefur taugar í að vinna gegn þjóð sinni og valda henni skaða með efnum sem hafa ranglega verið markaðssett sem bóluefni? 

Sóttvarnalæknir er ekki að vinna fyrir Íslendinga, ekki frekar en landlæknir, heilbrigðisráðherra eða Kári Stefánsson sem er forstjóri fyrirtækis í eigu erlenda líftæknifyrirtækisins Amgen þar sem stærstu hluthafar eru þeir sömu og Pfizers, þ.e. Vanguard Group Inc. og Black Rock Inc. Þetta bendir Þorgeir Eyjólfsson á í Twitter færslu.

Guðrún segir í Mogganum að hún kannist ekki við rannsóknir sem sýni fram á að ungt bólu­sett fólk þjá­ist af auka­verk­un­um eins og hjarta­vöðva­bólgu í meira mæli en fólk sem sýkt­ist af veirunni. 

Auðvitað kannast hún við þær, en hennar ferli væri lokið ef hún myndi voga sér að segja að svo mikið sem eitt barn hefði hlotið hjartabólgur eða blóðtappa í bæði lungu eftir sprauturnar. Þetta er nýjasta rannsóknin frá Sviss sem sýnir hversu algengar hjartabólgur eru eftir þessar sprautur. Það er hennar starf að fylgjast með rannsóknum þrátt fyrir allt.

Hér er viðtal á Stöð 2 við unglingsdreng sem fékk blóðtappa „vegna Covid“ en svo vildi til að hann hafði nýlega farið í Pfizer sprautur. Covid var kennt um, yfirvöldum er sagt að gera það. Sama á við með umframdauðsföllin. Ekkert má vera vegna sprautuefnanna, allt verður að skrifa á Covid. Þetta er handritið sem þeim er fengið í hendurnar og ber að fara eftir, annars eru þau búin að vera.

19 ára íslensk stúlka sagði frá því vorið 2021 að hún hefði lamast daginn eftir Moderna sprautu. Eina ástæðan fyrir því að það kom í fréttum er að hún sagði sjálf frá því í sakleysi sínu á samfélagsmiðlum. Hvað varð um hana? Hvers vegna mælti ung stelpa með „bólusetningum“ þrátt fyrir að hafa lamast af þeim? Ég skal segja ykkur hvað handritið segir.

„Fagmenn“ tala við hana og segja henni að hún megi alls ekki hræða fólk frá því að fara í sprauturnar. Og svo heyrist ekki meir í viðkomandi. Hún á síðan rétt á skaðabótum frá ríkinu, reyndar rétt eins og allir sem skaðast af efnunum þó að ríkið hafi enn ekki staðið við þær skuldbindingar sínar.

Guðrún Aspelund mætti í viðtal til Arnþrúðar á Sögu fyrir einhverjum vikum. „Hún hlýtur að hafa villst þar inn, kannski haldið að þetta væri Bylgjan,“ hugsaði ég.

Arnþrúður spurði hana út í alvarlegar aukaverkanir og fullyrti Guðrún að engar alvarlegar aukaverkanir hefðu komið í ljós meðal barna eftir sprauturnar.

Ekki það? En samt hefur Lyfjastofnun verið tilkynnt um 13 alvarleg tilfelli meðal barna og tugi „ekki alvarlegra.“ Við vitum að aðeins brot af tilvikum er tilkynnt til yfirvalda, það á við um allan heim. Margfaldið því tilkynnt tilvik með einhverjum tugum prósenta.  

Hvers vegna fékk „tengdó“ ekki Covid sprautu?

Það kom í fréttum í mars 2021 að verið væri að rannsaka hver hafi lekið sjúkragögnum frá elliheimilinu Sóltúni um að tengdamóðir landlæknis og móðir hjartalæknis hefði verið sú eina á heimilinu sem ekki fékk Covid sprautur.

Það fór af stað rannsókn, ekki hvers vegna gamla konan hafði ekki fengið „vörn gegn sjúkdómi sem gömlu fólki stóð mesta hættan af“, heldur hver hafði lekið upplýsingunum. Málið er að það var enginn leki, fiskisagan flaug fljótt um að sjálf tengdamóðir landlæknis hafi ekki fengið „bólusetningu“. 

Ef Sóltún væri banki og „tengdó“ hefði selt í „Sjóði 11“ rétt fyrir hrun en ekki hitt gamla fólkið sem líka hafði sett sparnað sinn í sjóðinn, þá yrði málið rannsakað sem möguleg innherjasvik. „Tengdamóðir“ bankastjórans var sú eina sem náði að selja í tæka tíð og viti menn, sá sem átti að hafa sagt frá málinu frá var rekinn úr „bankanum og bankastjórinn situr enn.“ 

Að lokum. Samkvæmt handritinu verða yfirvöld að segja að Covid sé líklegra til að valda hjartabólgum en sprauturnar. 

Bandaríski hjartalæknirinn Peter McCullough útskýrir hér í stuttu máli að um sé að ræða tvo ólíka sjúkdóma, hjartabólgur af völdum Covid annars vegar og hjartabólgur af völdum „bóluefnanna“ hins vegar og að sá síðarnefndi sé mun alvarlegri. Hjartabólga í börnum er ekki væg heldur tifandi tímasprengja.

 

 

Kannast ekki við rannsóknirnar

Froðusnakkurinn Kári Stefánsson

„Auðvelt að vera klár eftir á“ er fyrirsögn á grein Moggans sem fjallar um viðtal Kára Stefánssonar á Bylgjunni þar sem hann segir að eftir á að hyggja hefði bara átt að „bólusetja" 50 ára og eldri. (Þetta er ekki bóluefni heldur líftæknilyf sem aldrei hafði áður verið notað á mannfólki.)

Það var ekki erfitt að vera klár frá byrjun. Kári er froðusnakkur og segir það sem hentar hverju sinni, ókjörinn ráðgjafi íslenskra heilbrigðisyfirvalda sem starfar fyrir erlenda fyrirtækið Amgen, eiganda ÍE. Hann er sölumaður. Það voru margir vísindamenn sem upplýstu um hættuna frá byrjun, en voru hunsaðir af fjölmiðlum og fleirum.

Kári froðusnakkur fékk að vaða uppi í helstu fjölmiðlum og hræða fólk til hlýðni, fá það til að sprauta sig með hættulegu „bóluefni“ sem stóðst ekki kröfur um það sem á ensku kallast Good Manufacturing Practices og því ekki hægt að kalla lyf eða bóluefni. Þetta voru allt svik frá upphafi og Kári bóluefnasali tók þátt í glæpnum.

Ekki einu sinni Alþjóðaheilbrigðismálastofnunin (WHO) reyndi að halda því fram að C-19 hafi verið stórhættulegur sjúkdómur eins og Kári segir að hefði mátt reikna með í upphafi.

Hér er upphaflega skilgreining WHO (henni var breytt síðar en ekki hvað varðar hættuna).

Coronavirus disease (COVID-19) is an infectious disease caused by a newly discovered coronavirus.

Most people infected with the COVID-19 virus will experience mild to moderate respiratory illness and recover without requiring special treatment.  Older people, and those with underlying medical problems like cardiovascular disease, diabetes, chronic respiratory disease, and cancer are more likely to develop serious illness.

 

Sem sagt, flestir fá væg einkenni af pestinni og munu ná sér án sérstakrar meðferðar, samkvæmt WHO, helsta ráðgjafa íslenskra yfirvalda.

Boðaði hjarðónæmi - en aldrei var prófað hvort „bóluefnið“ kæmi í veg fyrir smit

 

Kári froðusnakkur sem vildi fá Pfizer til að nota íslensku þjóðina sem tilraunadýr (sem þau voru þrátt fyrir allt), staðhæfði í viðtali við Morgunblaðið í nóvember 2020, að „bóluefnin“ væru feikilega góð:

„Þetta bólu­efni hef­ur alltaf þótt feiki­lega lof­andi,“ seg­ir Kári um fregn­ir af bólu­efni sem fram­leitt er af lyfja­fyr­ir­tæk­inu Pfizer og líf­tæknifyr­ir­tæk­inu Bi­oNTech. Hef­ur bólu­efnið í 90% til­vika komið í veg fyr­ir Covid-19-smit í þriðja fasa lyfjaþró­un­ar­inn­ar. „Það þykir feiki­lega góður ár­ang­ur, betri en ár­ang­ur­inn af flest­um in­flú­ensu­bólu­efn­um. Því er þetta af­skap­lega góð niðurstaða,“ seg­ir Kári.  

Hvernig gat hann sagt að efnið kæmi í veg fyrir smit í 90% tilvika? Það var aldrei prófað! Þetta viðurkenndi yfirmanneskjan, J. Small, hjá Pfizer í yfirheyrslum á Evrópuþinginu í október 2022. Hún sagði að enginn tími hafi gefist til þess. Hér má sjá þessa merkilegu játningu.

Þessi játning Pfizer staðfestir að allt tal um að ná hjarðónæmi var aldrei byggt á vísindum, það hafði aldrei verið rannsakað hvort sprautuefnið kæmi í veg fyrir útbreiðslu smita. „Að bólusetja sig fyrir aðra; ömmu og afa á Grund og Siggu frænku með sykursýkina“, var ekki byggt á vísindum. En áfram var haldið að ljúga að fólkinu á meðan landlæknir sat frá upphafi „bólusetninga“ og skráði niður smit meðal „bólusettra“. Frá þessari smitskráningu landlæknis var sagt frá á vef Lyfjastofnunar en var síðar tekið niður. Fréttina má þó finna á vefnum way-back-machine. Morgunblaðið sagði einnig frá á sínum tíma.

Kári froðusnakkur sagði í viðtalinu á Bylgjunni að meta þyrfti áhættuna þegar gefin eru lyf, og að í ljós hefði komið að hjartabólgur væri „sjaldgæf aukaverkun“.

Nei hún er ekki sjaldgæf Kári froðusnakkur. Fjöldi rannsókna hefur sýnt að hún er algeng, ásamt blóðtöppum, heilablóðfalli, lömunarsjúkdómum, augnsjúkdómum o.fl.

Hér er nýjasta rannsóknin frá Sviss sem sýnir hversu algeng hjartabólga er hjá sprautuþegum (búin að senda Kára hana).

Hvað höfum við lært? Treystið ekki froðusnakknum Kára, lesið það sem helstu fjölmiðlar þegja um, lesið það sem þeir segja sem eiga ekki hagsmuna að gæta í formi peninga eða stjórnmála. 

Berið saman það sem „samsæriskenningasmiðir“ fjölluðu um annars vegar og „vísindi“ Kára froðusnakks og þríeykisins hins vegar. Hverjir eru með betri ferilskrá?

 

 

 

„Auðvelt að vera klár eftir á“