Inflúensubólusetningar og innlagnir á sjúkrahús

„Það eru marg­ir sem segja að þetta (inflúensubólusetning) virki ekki því þeir hafi samt fengið in­flú­ensu, en bólu­setn­ing­ar eru mis­góðar milli ára og koma ekki í veg fyr­ir smit held­ur draga úr al­var­leg­um ein­kenn­um.“ Svo segir Guðrún Aspelund sóttvarnarlæknir í tengdri frétt.

Eftirfarandi fyrirspurn var send sóttvarnalækni fyrir nokkru varðandi einmitt þetta, til að forvitnast um það hvernig fylgst sé með því hvort bóluefnið komi í veg fyrir eða dragi úr veikindum fólks:

 

„Heldur embættið eða LSH utan um tölfræði er tengist inflúensubólusetningum og innlögnum sökum flensunnar? M.o.ö. inflúensubólusetningastöðu þeirra sem þurfa að leggjast inn vegna flensunnar, þar á meðal börn?

 

Ef svo, hver er inflúensubólusetningastaða þeirra innlögðu á þessu ári (ef til eru tölur yfir síðustu ár, mættu þær gjarnan fylgja með). Sundurliðað eftir fullorðnum og börnum.

Ef ekki, hvernig er fylgst með því hvort inflúensubólusetningar komi í veg fyrir alvarleg flensutilfelli og /eða innlagnir á sjúkrahús?"

Mun setja svarið inn hér þegar það berst. Sérstaklega er áhugavert að fá svör varðandi börnin, en nýlega hafa foreldrar barna 6 mán. til fjögurra ára verið hvattir til að koma með börn sín í inflúensusprautu, nokkuð sem áður þekktist ekki og ekki heldur að barnshafandi konur væru að fá bólusetningar af einhverju tagi, en nú er sagan önnur. Þær eru hvattar til að fá Covid-sprautur, inflúensusprautur, kíghósta og mögulega einhverjar fleiri sprautur á meðgöngu.

Íslendingar ekki duglegir að fara í inflúensubólusetningar

213 Íslendingar létust úr Covid þrátt fyrir 95% bólusetningahlutfall

„Dán­artíðni hér á landi hef­ur lækkað jafnt og þétt síðasta ára­tug­inn ef árið 2022 er und­an­skilið en þá hækkaði dán­artíðnin nokkuð. Seg­ir land­læknisembættið að það megi að mestu rekja til fjölda and­láta vegna covid-19, sem voru alls 213 á ár­inu." Þetta segir í tengdri mbl frétt.

„Fagfólkið" hjá landlæknisembættinu mætti útskýra hvers vegna svo margir létust af Covid, þegar bólusetningahlutfall eldri hópanna (þeirra sem helst létust) var um 95%. Flestir höfðu fengið fjóra skammta af svokölluðu bóluefni.

Ef hundurinn þinn væri þrí- eða fjórsprautaður við Rabies og fengi svo Rabies og myndi auk þess deyja úr sjúkdómnum þá myndu einhverjir klóra sér í hausnum og spyrja spurninga.

En hey, ekki með covid sprauturnar en einstaklingur telst fullbólusettur eftir 2 skammta segir á síðu landlæknisembættis sem auðvitað á fullt í fangi með að útskýra fyrirbærið.

Munum að íslenskur læknir er til rannsóknar fyrir að skrá fjögur andlát á Covid-sprautur. Alveg eins og starfsfólk Sóltúns var til rannsóknar þegar það spurðist út að tengdamóðir þáverandi landlæknis og núverandi heilbrigðisráðherra, var sú eina á Sóltúni sem ekki fékk sprautuna. Aldrei var rannsakað hví sú gamla hafi ekki fengið sprautuna eins og allt hitt gamla fólkið. Bara hver „lak" (eins og það fréttist ekki að allt gamla fólkið hafi fengið sprautu við hátíðlega athöfn á elliheimili nema tengdamóðir landlæknis og móðir hjartalæknis!) Ljóst er að Alma Möller og eiginmaður hennar, hjartalæknirinn, voru innherjar!

Og sjáið upplýsingarnar hjá embættinu. Faglegar ekki satt? Uppfærslu hætt. Hvenær var henni hætt, á hvaða tímabili eru landsmenn tví,-þrí-og fjórbólusettir? Linkur á bólusetningar 2023" neðst. Úps, virkar ekki.

Á maður að sjá það á þessum upplýsingum sem ekki er auðvelt að finna, fyrir það fyrsta? „Staðan í dag." Í dag hvenær?

Ath. að ómögulegt hefur reynst að fá upplýsingar um hversu margar sprautur þeir fengu sem sagðir eru hafa dáið úr covid.(Við vitum fyrir víst, að ef þeir covid-látnu hefðu verið ósprautaðir, væri það í öllum fjölmiðlum, daginn út og inn.)

 

Ólíkar dánarorsakir karla og kvenna

Barnalæknir eða sölumaður lyfjafyrirtækja? - Fyrri hluti

Eftir Helga Örn Viggósson:

 

 

Í stuttu máli: Að undanförnu hafa fjölmiðlar birt fréttir í sífellu um hinn árlega RSV “faraldur” og gert mikið úr, og gefið tveim barnalæknum ótakmarkað pláss til að prómótera “byltingarkenndar” nýjar lausnir frá stóru lyfjafyrirtækjunum, sem hafa farið á “Warp Speed” í gegnum leyfisveitingaferli lyfjastofnanna sem eru í vösum hagsmunaaðila. Enn eina ferðina á að gera börnin okkar og barnshafandi konur að tilraunadýrum, með illa rannsökuð efni. Óháðir sérfræðingar sem greint hafa klínísku rannsóknirnar að baki þessum lyfjum og gögnin síðan þau fóru fyrst í umferð erlendis fyrir rúmu ári, vara við þessum efnum, telja að þau komi til með að auka dánartíðni nýbura og valda alvarlegum aukaverkunum. Klínískar tilraunir Moderna með mRNA útgáfu af RSV “bóluefni” fyrir börn voru nýverið stöðvaðar vegna neikvæðrar verndar og alvarlegra aukaverkanna.

 

Valtýr Thors, barnalæknir, sá sami og beitti sér einna mest lækna í fjölmiðlum fyrir því að bólusetja ung börn gegn kóvid, þrátt fyrir vitneskju sína um að þeim væri engin hætta búin af sjúkdómnum [1] og að sprauturnar fælu í sér mikla áhættu á margvíslegum alvarlegum aukaverkunum, hefur ásamt félaga sínum Ásgeiri Haraldssyni keyrt mikla söluherferð [2,3,4,5] fyrir því að íslensk stjórnvöld kaupi rándýrt splunkunýtt illa rannsakað einstofna mótefni fyrir smábörn og bóluefni fyrir barnshafandi konur gegn RS kvefveirunni.

 

Alveg eins og í kóvid, þá hafa ríkisstyrktir íslenskir fjölmiðlar gagnrýnislaust birt söluræður þessara manna í viðtölum og greinum að undanförnu. Það má reyndar sjá margar aðrar hliðstæður við kóvid í þessu háskaleikriti, sem undirstrikar mikilvægi þess að kóvid-uppgjör fari fram án frekari tafa, ekki síst í ljósi þess að nú eru börnin okkar megin skotmarkið, sem okkur ber heilög skylda til að vernda.

 

Rétt er að taka það fram að RS veirusýking er tiltölulega væg kvefpest hjá langflestum börnum. Í alvarlegum tilvikum nær sýkingin í neðri öndunarfæri og getur valdið bráðri berkjungabólgu (bronchiolitis) - aðrar veirur geta einnig orsakað hana. Í grein í Læknablaðinu segir:

 

"Dánartíðni vegna bráðrar berkjungabólgu er mjög lág. Í Bandaríkjunum er dánartíðnin tvö börn af hverjum 100.000 lifandi fæddum. Það eru helst börn sem eru miklir fyrirburar og/eða með undirliggjandi sjúkdóma sem látast vegna bráðrar berkjungabólgu." [6]

 

Sem sagt, 0,002% líkur á andláti, hér á landi hefur ekkert barn látist sl. 10 ár af völdum RS kvefveirunnar skv. dánarmeinaskrá. Velþróaðar meðferðir eru fyrir hendi til að hafa stjórn á sjaldgæfum alvarlegum tilfellum og aðeins börn sem eru mjög veik fyrir eru í einhverri hættu. Þetta þýðir einfaldlega að almennar ónæmisaðgerðir með áhættusömum efnum er ekki hægt að réttlæta með nokkrum hætti - það væri hrein geggjun!

 

En skoðum nánar það sem er verið að reyna að selja okkur núna; tökum fyrst fyrir einstofna mótefnið (monoclonal antibody), nirsevimab (Beyfortus), sem markaðsett er af AstraZeneca og Sanofi, sem fengu flýtimeðferð í gegnum leyfisveitingarferlið, þar sem mikilvægum öryggisprófunum var sleppt, líkt og með kóvid tilraunaefnin. Staðreynd sem hlýtur að reisa rauð flögg í hugum flestra. Lyfjafyrirtækin, sem hafa eftirlitstofnanir eins og FDA og EMA í vasanum, virðast ætla að teika “COVID-19 Operation Warp-Speed” vagninn inn í framtíðina, gera það að normi að ekki þurfi að prófa lyf almennilega áður en þau fara á markaðinn, s.s. nota almenning, í þessu tilfelli nýfædd börn, sem tilraunadýr.

 

"Byltingakennt" og önnur lýsingarorð, sem sölumenn notaðra bíla myndu veigra sér við að nota, hafa komið fram í áðurnefndum söluræðum og VT nefnir töluna 80% færri spítalainnlagnir vegna RS kvefveirunnar, ef þessu nýja lyfi yrði sprautað í öll nýfædd börn á Íslandi strax eftir fæðingu, sem virðist vera markmið söluherferðarinnar. Þarna er hann að vísa í upplýsingar frá lyfjafyrirtækinu, ekki úr raunveruleikanum.

 

Þetta minnir óneitanlega á þegar Pfizer sagði okkur að hlutfallsleg áhættuminnkun alvarlegra sýkinga með mRNA bóluefninu þeirra væri 95%, þegar raunáhættuminnkunin var 0,84%, skv. bráðabirgðaskýrslunni úr klínísku tilrauninni þeirra, sem aldrei var lokið við. Ég skrifaði grein [7] í janúar 2021 þegar mér ofbauð sölumennska Kára Stefánssonar, sem líkti kóvid bóluefnunum strax í kjölfar fyrstu fréttatilkynninganna frá framleiðendunum, löngu áður en það kom á markaðinn, við nammi og notaði lýsingarorð eins og "gífurlega”, “stórkostlega” og “feikilega”, eitthvað sem ábyrgur læknir myndi aldrei láta út úr sér. Við vitum öll núna að það var lítið eða ekkert að marka neitt af því sem kom frá Kára og Pfizer, hreinar blekkingar eins og blasir við ef skjölin úr klínísku tilraununum þeirra eru skoðuð; skjölin sem FDA og Pfizer vildu fela fyrir almenningi í 75 ár en dómstóll ákvað annað. [8]

 

Rétt er að halda því til haga að saga þróunar á ónæmislyfjum gegn RSV, þá aðallega bóluefnum, er þyrnum stráð svo vægt sé til orða tekið, þar sem efnin hafa ávallt leitt til neikvæðrar niðurstöðu, helst vegna sjúkdómseflandi mótefnamögnunar, sem þýðir að þau sem hafa verið sprautuð veikjast miklu verr af sýkingunni, oft lífshættulega, sem sprautan átti að verja gegn heldur en þau sem sluppu við sprautuna. [9] Fyrir kóvid var saga þróunar bóluefna gegn kórónuveirum brennd sama marki nema hvað tilraunir komust aldrei upp úr dýrafasanum, ekki fyrr en þeim fasa var sleppt á forsendum meints neyðarástands vegna kóvid, en öðru máli gegndi með RSV, þar sem börn dóu í tilraununum, sem leiddi til þess að þróunin var stöðvuð í langan tíma.

 

Það er byltingarkennt að ætla að sprauta öll heilbrigð nýfædd börn með synetísku mótefni, því hvorki það né fjöldamótefnagjöf hefur fyrr verið viðhaft í sögu læknisfræðinnar (venjulegar mótefnagjafir hafa yfirleitt aðeins verið gefnar í neyðartilfellum). Ekki síst þegar að baki liggja lélegar rannsóknir eins og hér um ræðir, þar sem þátttakendur voru svo fáir að ómögulegt væri að grípa allar sjaldgæfar alvarlegar aukaverkanir. Fyrir kóvid hefði það einnig þótt byltingakennt að hleypa lyfi á markaðinn þar sem grundvallar öryggisprófanir vantar og engin langtíma gögn (það hefur þó viðgengist hvað bóluefni fyrir börn varðar).

 

Tólf nýburar í lyfhópnum, sem tóku þátt í klínísku tilraununum fyrir nirsevimab (Beyfortus) dóu [10], þrátt fyrir ströng skilyrði um heilbrigði fyrir þátttöku. Samkvæmt greiningu sem birt var í september sl. í japanska læknisfræðitímaritinu Med Check höfðu nýburar sem fengu lyfið hærri dánartíðni heldur en placebo-hópurinn, sem tengdist skaðlegum áhrifum lyfsins m.a. segamyndun (blóðtappa). Japönsku vísindamennirnir áætluðu að uppsöfnuð dánartíðni í einni klínísku rannsókninni fyrir nirsevimab væri 751 dauðsföll á 100.000 mannsár, sem er talsvert hærra en ungbarnadauði meðal almennings í hverju landi sem tók þátt í klínísku rannsókninni. Niðurstaða þeirra var: “Nirsevimab should not be used in any infants including for universal immunization.” [11, 12]

 

Skýrsla franskra yfirvalda sem gerð var af franska lyfjafyrirtækinu Sanofi (annar framleiðenda Beyfortus), um árangurinn af Beyfortus sprautuherferðinni þar í landi í fyrra, er frekar dökk, jafnvel þó hún geti vart talist hlutlaus. [13]:

 

Í skýrslunni segir frá þremur vöggudauðsföllum (SIDS - sudden infant death syndrome). Nýfætt barn fannst lífvana 2,5 klst. eftir Beyfortus sprautu. Nýfætt barn sem sprautað var á öðrum degi lífsins, lést 10 dögum síðar. Nýburi sem þurfti gjörgæslu við fæðingu en náði sér og fékk þá Beyfortus sprautuna. Tveimur og hálfum mánuði eftir sprautuna sýktist barnið af RSV (sem sprautan átti að vernda gegn) og dó þrem dögum síðar. Frönsku vísindamennirnir komust að þeirri niðurstöðu að efast væri um tengslin milli tilkynntra dauðsfalla og Beyfortus en að ekki væri hægt að útiloka tengslin. Þær ráðlögðu hins vegar að það þyrfti að fylgjast vel með hvort lyfið ylli SIDS.

 

Aðrar alvarlegar aukaverkanir sem getið var um í skýrslunni voru m.a. eftirfarandi:

 

• 7 öndunarfæra-, hjarta- og lungnasjúkdómar.

• 4 meltingarfærasjúkdómar.

• 10 húð- og undirhúðsjúkdómar.

• 3 taugakerfissjúkdómar, þar á meðal 1 heilablóðfall og 2 tilfelli af lágþrýstingi.

• 1 með alvarlegan nýrnasjúkdóm.

• 9 „almennir kvillar,“ þar með talið hraðtaktur, alvarleg flensulík einkenni og hiti.

• 11 tilfelli af áverkum, eitrun og fylgikvillum sprautunnar.

• 1 með alvarlega nýrnasýkingu.

• 4 frávik á sprautustað.

• 148 tilvik um alvarlega óvirkni lyfsins, þar sem nýburar fengu RSV sýkingu stuttu eftir að hafa verið sprautuð. Mörg ungbarnanna sem fengu RSV sýkingu voru lögð inn á sjúkrahús. (Líklega sjúkdómseflandi mótefnamögnun)

 

Fram koma í skýrslunni 21 tilfelli sem voru “athyglisverð”, þar á meðal tvö dauðsföll vegna SIDS, heilablóðfall sem átti sér stað í þriggja daga gömlu ungbarni daginn sem það fékk Beyfortus sprautuna sína, og tvö tilfelli af bráðri mæði, sem er mjög stutt öndun sem oft stafar af hjartasjúkdómum eða tengdum vandamálum.

 

Margt fleira sem kom fram í skýrslunni sem vekja ætti áhyggjur en það sem var ekki síður athyglisvert var að franskir fjölmiðlar sem fjölluðu um hana sögðu að niðurstaðan væri “traustvekjandi”.

 

Læt staðar numið hér að sinni. Hafi mér tekist að vekja foreldra, afa og ömmur ungbarna til hugsunar um hversu mikilvægt er að kynna sér vel öll efni sem sölumenn lyfjafyrirtækjanna vilja sprauta í börnin okkar áður en það er of seint, þá er tilganginum náð. Í seinni hluta greinarinnar ætla ég að fara yfir það sem vísindin segja okkur um RSV bóluefnið frá Pfizer, sem ekki er síður varasamt.

 

 

Heimildir: 

1. SARS-CoV-2 Infections in Icelandic Children: Close Follow-up of All Confirmed Cases in a Nationwide Study - https://pubmed.ncbi.nlm.nih.gov/35797713/
2. Hægt að fækka innlögnum barna um 80 prósent - https://www.mbl.is/frettir/innlent/2024/12/13/haegt_ad_faekka_innlognum_barna_um_80_prosent/
3. RS veiran – blikur á lofti - https://www.visir.is/g/20242663571d/rs-veiran-blikur-a-lofti
4. Vill að íslensk stjórnvöld fjárfesti í mótefni við RS-veirunni - https://www.ruv.is/frettir/innlent/2024-12-14-vill-ad-islensk-stjornvold-fjarfesti-i-motefni-vid-rs-veirunni-430966
5. Byltingarkennt mótefni mögulega komið fyrir næsta faraldur - https://www.visir.is/g/20242664143d/byltingarkennt-motefni-mogulega-komid-fyrir-naesta-faraldur
6. Bráð berkjungabólga – yfirlitsgrein - https://www.laeknabladid.is/tolublod/2011/03/nr/4138
7. Kári fakttékkaður - https://krossgotur.is/ad-vera-vitur-fyrirfram/
8. The Pfizer Papers: Pfizer's Crimes Against Humanity - https://a.co/d/4VJ5uUq
9. RSV Vaccines for Children: Still Crazy After All These Years - https://www.malone.news/p/rsv-vaccines-for-children-still-crazy
10. Twelve Infants Die During Clinical Trials for FDA-Endorsed RSV Drug - https://thevaccinereaction.org/2023/06/twelve-infants-die-during-clinical-trials-for-fda-endorsed-rsv-drug/

11.Nirsevimab (Beyfortus®): for RSV infection prevention - https://medcheckjp.org/wp-content/uploads/2024/09/Eng-no-30.pdf

12.‘Should Not Be Used in Any Infants’: Higher Death Risk in Beyfortus RSV Shot Clinical Trials https://childrenshealthdefense.org/defender/death-infants-clinical-trials-beyfortus-rsv-shot/

13. Franska Sanofi skýrslan - https://childrenshealthdefense.org/wp-content/uploads/Engligh_version_French-Beyfortus-PV-report.pdf

 

Tilfellum RS-veiru fjölgar verulega

"Öruggt og áhrifaríkt" mótefni fyrir nýbura frá Astra Zeneca!?

„Seg­ir Guðrún Aspelund að nú sé hins veg­ar komið nýtt mót­efni (við RS-veiru)sem hafi verið notað í fyrsta skipti í fyrra­vet­ur í nokkr­um lönd­um í Evr­ópu.... Þetta er mót­efni þannig það eru eng­ar auka­verk­an­ir,“ segir Guðrún í viðtengdri frétt.

Aðeins fífl myndu ráðleggja að öllum nýburum yrði gefið nýtt og „byltingarkennt" mótefni og það frá Astra Zeneca.

RS-veirusýkingar eru mjög algengar. Nær öll börn fá RS veirusýkingu fyrir 2ja ára aldur. Oftast eru þær ekki alvarlegar en sum börn eiga á hættu að verða alvarlega veik.

Sem sagt, sum börn eiga á hættu að verða mikið veik og þá er lausnin að gefa öllum nýburum sem fæðast á "flensutímum" nýtt mótefni!

Það þarf að skoða fyrir hverja þetta heilbrigðisstarfsfólk er að vinna. 

Erfitt hefur reynst að fá upplýsingar frá LSH, sem er opinber stofnun, um hvaða lyfjafyrirtæki hafa greitt laun eða styrki til spítalans (t.d. fyrir vinnu starfsfólks þess).

Í rannsókn þeirra Valtýs Thors og Ásgeirs Haraldssonar barnalækna á Covid og börnum kemur fram að Valtýr hafi fengið greiðslur frá Pfizer og Sanofi en þær ekki runnið til hans heldur LSH. Börnin sem ekkert urðu veik af Covid skv. fyrri hluta rannsóknarinnar fengu síðan "long-covid" eftir að læknarnir hvöttu til þess að börnin fengju covid sprautur seinni part árs 2021. Ekki minntust læknarnir einu orði á sprauturnar í rannsókn sinni, eins og þær væru ekki til, heldur röktu þeir veikindi barnanna beint til veirunnar sem þau höfðu lítið eða ekkert orðið veik af. 

Nú vilja barnalæknarnir og Guðrún Aspelund að nýburar verði sprautaðir með nýju mótefni frá Astra Zeneca. Aðeins nokkrum árum eftir að hætta þurfti að nota Covid bóluefnið þeirra sökum hættu á blóðtappa. Í vor skilaði Astra Zeneca síðan inn leyfinu. 

Skv. svari frá heilbrigðisyfirvöldum hefur ekkert barn dáið af völdum RS veirunnar frá árinu 2014. Spurt var: „hversu mörg börn hafa dáið á Íslandi per ár síðustu 10 árin(sundurliðað per ár 2014 til 2023)vegna RS-veirunnar?"

Engar langtíma upplýsingar eru til um nýju efnin og áhrif þeirra, Beyfortus(nirsevimab-alip). Og takið eftir að ekki hefur einu orði verið minnst á framleiðandann í fréttum eða viðtölum við læknana. Astra Zeneca!

Hver skammtur kostar rúmlega 70 þús. íslenskar krónur.

 

 

 

 

 

 

 

 

Veirusýkingin fer „hratt upp“

Halla hefði þurft að heilsa Trump í París!

Halla forseti hefði þurft að heilsa Trump eins og aðrir leiðtogar gerðu, hefði hún þegið boð Frakklandsforseta.

Halla ákvað að óska Trump ekki til hamingju með kosningasigurinn, af einhverjum ástæðum. Það hefði orðið frekar vandræðalegt að þurfa að heilsa forsetanum, hafandi ekki sent hamingjuóskir. 

Hér má sjá Trump heilsa fjölda leiðtoga í París sem allir virðast taka vel á móti honum. Viðburðurinn í París var um helgi og varla hefði Halla veitt stjórnarmyndunarumboði þá, sem hún sagði ástæðu þess að hafa ekki þegið boðið.

Þurfti að svara boði fyrir kosningarnar

Er Valtý Stefánssyni Thors treystandi?

„Til­finn­ing hans (Valtýs barnalæknis) er sú að meira sé um al­var­leg veik­indi nú af völd­um RS-veirunn­ar en í hefðbundnu ár­ferði." Svo segir í tengdri frétt.

Tilfinning? Er Valtýr ekki yfirlæknir barnalækninga á barnaspítalanum? Það hlýtur að vera auðvelt að nálgast nákvæmar upplýsingar um innlagnir og fleira í tengslum við veikindin. Og hver er hugsanleg ástæða fyrir aukningunni að mati læknisins?

Læknirinn vill gefa börnunum og barnshafandi konum meiri lyf og bóluefni. Nýtt lyf og nýtt bóluefni fyrir RS-veiru. Um er að ræða tvennt: Mótefnagjafa (nirsevimab) sem framleiddur er af Astra Zeneca og Sanofi fyrir nýbura. Og bóluefni frá Pfizer, ABRYSVO fyrir barnshafandi konur og aðra.

Við höfum góða reynslu af Astra Zeneca ekki satt? Íslendingar fengu um 60 þúsund skammta af Covid bóluefninu þeirra, en fljótlega var hætt að nota efnið í nágrannalöndum og síðan hér vegna hættu á blóðtappa. Astra Zeneca afturkallaði leyfið fyrir bóluefninu fyrr á þessu ári, um svipað leyti og fyrirtækið viðurkenndi fyrir breskum dómstólum að efnið gæti valdið lífshættulegum blóðtöppum. Munum að bóluefnið átti að vera „næstum hættulaust."

En árið 2022 fengu Astra Zeneca og Sanofi samþykkt lyfið nirsevimab í Bretlandi og síðan í Kanada og Bandaríkjunum 2023 og er lyfið ætlað nýburum. 

Valtýr hefur unnið ráðgjafastörf(consulting work)fyrir Sanofi og Pfizer. Er manninum treystandi til að ráðleggja lyf og bóluefni frá þeim fyrirtækjum fyrir nýbura og ófrískar konur? Greiðslurnar fóru reyndar til LSH, en skömmu síðar fékk Valtýr stöðu yfirlæknis á spítalanum. 

Mæltu með sprautum fyrir börn í engri hættu

Valtýr og Ásgeir Haraldsson, báðir barnalæknar, gerðu árið 2021 rannsókn á íslenskum börnum sem sýndi að þeim stafaði ekki hætta af Covid. Nokkru síðar mæltu þeir með því að börnin yrðu nú samt bólusett. Rannsókn þeirra kollega hélt áfram og viti menn, börnin sem ekkert urðu veik af Covid voru komin með "long-Covid", þar á meðal hjartsláttartruflanir. Nánar má lesa um málið hér.

Samtökin Heilsuvon, hagsmunasamtök fólks sem hafa skaðast af Covid sprautum, fá fjölda frásagna af ýmsum skaða svo sem heilaæxli,lömun, blindu o.fl.

Læknar vita EKKERT hvað veldur lömun

Nýlegt dæmi er af ungu barni hvers móðir fékk Covid sprautu snemma á meðgöngu. Móðirin, áður fullhraust, hefur verið veik meira eða minna síðan og barnið sömuleiðis. Það er stanslaust veikt og fyrir skömmu fór barnið að lamast og getur ekki lengur gengið. Læknar hafa engar útskýringar „en það er bara ekki út af bóluefninu". Ef þeir vita ekkert vita þeir auðvitað heldur ekki að orsökin sé ekki Covid sprautan.

Annað dæmi er af konu sem vann á heilsugæslunni á Sólvangi í fjölda ára, hún fékk þrjár covid-sprautur. Nokkru síðar fór hún að missa máttinn í fótleggjum og er í dag að lamast smátt og smátt. Og læknarnir hafa enga skýringu, en „auðvitað ekki Covid-sprautur".

Afneitunin er algjör, enda mega læknarnir ekkert segja, bannað að tengja við bóluefnin svokölluðu. Sumarið 2021 lamaðist ung stúlka neðan mittis daginn eftir örvunarsprautu, en læknarnir vissu ekki ástæðuna! Sagt var frá málinu í fjölmiðlum aðeins vegna þess að stúlkan sagði sjálf frá atvikinu á samfélagsmiðlum.

Er Valtýr enn að vinna fyrir lyfjafyrirtækin? Hann mætti upplýsa þjóðina um það. Ég fullyrði að enginn læknir með réttu ráði myndi mæla með því að barn sem ekki er í áhættu fyrir sjúkdómi fengi nýtt bóluefni eins og hann og Ásgeir gerðu með Covid sprautur. Eins mætti upplýsa hvort mæður barnanna sem hafa verið að veikjast alvarlega af RS veirunni hafi fengið sprautur á meðgöngu. Eða/og fengu börnin nýlega flensusprautu sem nú er í boði niður í 6 mán. aldur? Hér áður fyrr fengu óléttar konur engin bóluefni, en í dag eru þær hvattar til að taka covid og flensusprautur ásamt bóluefni við kíghósta í bland með barnaveiki- og stífkrampabóluefnum. Er verið að ofgera ónæmiskerfinu? Bólusetningar barna eru að verða fleiri og fleiri og í Bandaríkjunum eru Covid sprauturnar komnar á  bólusetningaáætlun fyrir 6 mánaða ungabörn.

 

 

Hægt að fækka innlögnum barna um 80 prósent

Kona lést daginn eftir bólusetningu 2021: hvernig var andlátið skráð?

Í gærkvöldi var sagt frá því í fréttatíma RÚV, annað kvöldið í röð, að enginn hafi látist hér á landi vegna hvers konar bólusetninga þar til í fyrra þegar 4 andlát voru skráð.

Landlæknir sagði málið sérstakt og hefur komið af stað óháðri rannsókn á skráningunni. Í þessum fréttatíma sleppti RÚV því að slúðra um lækninn sem skráði andlátin af völdum Covid bólusetninga. 

6.júní 2021 sagði RÚV frá 72 ára konu sem lést um sólarhring eftir Covid-sprautu og að fjölskyldan færi fram á rannsókn:

„Þyri Kap Árnadóttir var 72 ára og vel metinn dönskukennari, síðast í MR, og í fullu fjöri. Eftir að hún fékk sprautuna 26. mars fékk hún beinverki, missti matarlyst, og svaf lítið. Hún var ekkert skárri morguninn eftir og ákvað að fara í bað því henni var svo kalt. Rétt fyrir klukkan eitt þá hringir sonur okkar á Skype-inu frá Danmörku og ég segi, heyrðu ég ætla að sækja mömmu þína því að hún vill sjá litla barnabarnið sitt. En þá lá hún meðvitundarlaus í baðkarinu.“"

Hvernig skyldi þetta andlát 72 ára konu í fullu fjöri hafa verið skráð í dánarmeinaskrá? Ekki var orsökin Covid-bólusetning enda enginn sem dó af völdum hennar þar til 2023 skv. skránni. Og hvaða læknir sá um skráninguna? 

Þarf mögulega að rannsaka fleiri skráningar eins og t.d. 213 andlát arið 2023 þar sem Covid-19 er skráð dánarorsök? Hvernig stendur á því að svo margir dóu af Covid það árið, eftir að búið var að gefa landsmönnum um 900 þúsund skammta af sk. bóluefni? Sama árið og umframdauðsföll náðu hér methæðum. 

Það er aðeins ein ástæða fyrir því að sóttvarnarlæknir/landlæknir neitaði viðtali við fréttastofu RÚV fyrra kvöldið. Hann er óöruggur með sinn málflutning og útskýringar. Sá sem segir satt og rétt frá þarf ekkert að óttast og þarf engan undirbúning. 

 

 

 

Slúðurfrétt RÚV: Nei þetta var ekki Kalli Snæ!

Merkileg fyrsta frétt RÚV í gærkvöldi, að læknir hafi skráð fjögur andlát af völdum Covid sprauta árið 2023. (Læknar eiga sko að vita að þeir eigi alls ekki gera það heldur merkja við Covid og/eða einhverja "undirliggjandi áhættuþætti“ sem dánarorsök).

Sterklega var ýjað að því að um væri að ræða Guðmund Karl Snæbjörnsson lækni þó hann hafi reyndar ekki unnið á elliheimili eða í tengslum við það árið 2023. En hinn almenni borgari hér á landi sem hefur eitthvað heyrt um nóbelsverðlaunalyfið Ivermectin tengir það auðvitað við Guðmund Karl, því hann er eini „ötuli talsmaður Ivermectin“ sem almenningur veit um. Samt hafði fréttastofa RÚV samband við Guðmund Karl fyrir fréttatímann og spurði hvort hann væri umræddur læknir, en því svaraði hann neitandi.

Svipað og að RÚV kæmi með frétt af frambjóðendum til Alþingis: „Umræddur frambjóðandi er læknir og sá til þess að tengdamóðir hans á Sóltúni fengi ekki Covid sprautu eins og allt hitt gamla fólkið.“ 

Munurinn á fyrri fréttinni og þessari síðari ímynduðu frétt er að það er vissulega einn frambjóðandi sem bjargaði tengdó frá því að fá ímyndað bóluefni.;) Landlæknir. 

Fjögur andlát til skoðunar

Slæmar fréttir fyrir Ölmu og Covid19 gengið, nú verður farið ofan í saumana!

Færslan er þýðing Guðmundar Franklín á nýrri mikilvægri frétt og yfirlýsingu frá Donald J. Trump varðandi skipan nýs læknis yfir bandarísku stofnuninni NIH (National Institute of Health).

Hún hljóðar svona:

„Ég er yfir mig spenntur að tilnefna Dr. Jay Bhattacharya, lækni, til að gegna starfi forstjóra Alríkisheilbrigðisstofnunarinnar (NIH).
Dr. Bhattacharya mun starfa í samstarfi við Robert F. Kennedy Jr. við að stýra læknisfræðilegum rannsóknum þjóðarinnar og stuðla að mikilvægum uppgötvunum sem munu bæta heilsu og bjarga mannslífum.

Jay er prófessor í heilbrigðisstefnu við Stanford-háskóla, rannsóknarstofnun við Þjóðhagsstofnunina í rannsóknarhagfræði (NBER) hjá Stanford Institute for Economic Policy Research. Hann stýrir einnig miðstöð Stanford Háskóla fyrir lýðfræði og hagfræði heilbrigðis og öldrunar. Rannsóknir hans beinast að heilsu og líðan viðkvæmra hópa.

Jay er einn af höfundum Great Barrington-yfirlýsingarinnar, valkosti við lokanir sem lögð var fram í október 2020. Ritrýndar rannsóknir hans hafa verið birtar í tímaritum um hagfræði, tölfræði, lögfræði, læknisfræði, lýðheilsu og heilbrigðisstefnu. Hann hefur læknispróf og doktorsgráðu í hagfræði frá Stanford-háskóla.

 

Jay og RFK Jr. munu saman endurreisa NIH sem fyrirmyndarstofnun í læknisfræðilegum rannsóknum og rannsaka undirliggjandi ástæður og lausnir á stærstu heilbrigðisáskorunum Bandaríkjanna, þar á meðal krísunni vegna langvinnra sjúkdóma og veikinda. Þeir munu vinna hörðum höndum að því að gera Bandaríkin heilbrigð á ný!"

 

 

 

 

Verður RFK Jr. lykillinn að falli kóvid spilaborgarinnar hér á landi?

Endurbirtur pistill eftir Helga Örn Viggósson.

 

 

Fréttaflutningur sumra ríkisstyrktra íslenskra fjölmiðla um skipan Robert F. Kennedy, Jr., sem heilbrigðisráðherra Bandaríkjanna í verðandi ríkisstjórn Donald Trump er til háborinnar skammar.

Ég leyfi mér að efast um að íslenskir blaðamenn séu svo illa gefnir að þeir séu ekki færir um að kynna sér staðreyndir og fjalla um þær á hlutlægan hátt.

Ég leyfi mér einnig að efast um að þeir séu svo illa innrættir að þeir viljandi hjóla í manninn með rætnum hætti, enda á slíkt ekkert skylt við blaðamennsku, það flokkast sem áróður. Spjótin beinast því óhjákvæmilega að eigendum og stjórnendum þessara miðla en eins og alþjóð veit mútaði Gates Foundation fjölmiðlum í hinum vestræna heimi með mörgum tugum milljarða í aðdraganda og á meðan kóvid faraldurinn stóð, jafnvel ríkisfjölmiðill eins BBC þáði feita "styrki" frá Gates, eins og opinberar upplýsingar staðfesta.

Sem dæmi, þá leggur áróðursmiðillinn RÚV [1] mikið upp úr því að einhverjir telji RFK hættulegan heilbrigði bandarísku þjóðarinnar og að hann hafi talað gegn bóluefnum og haldi því fram að þau valdi einhverfu, sem "löngu sé búið að afsanna".

Fáránleikinn hér verður vart meiri, því þarna er RÚV að taka sem marktæka, aðila sem deila ábyrgð á núverandi ástandi í heilbrigðiskerfi BNA, sem er vægast sagt hörmulegt. Bandaríkin eyða langmest allra þjóða til heilbrigðismála per haus og búa við langverstu heilsu þróaðra ríkja, með hærra hlutfall fólks með króníska sjúkdóma en nokkur þjóð, ungbarnadauða á við þróunarríki og hvergi í heiminum verða fjölskyldur í eins miklu mæli gjaldþrota vegna heilbrigðiskostnaðar - það er í raun varla hægt að ímynda sér hvernig hægt væri að gera ástandið verra.

RFK hefur lagt fram ítarlega áætlun um hvernig laga megi þetta hörmulega ástand, m.a. með því að ráðast á spillinguna. RÚV kýs af einhverjum undarlegum ástæðum að taka stöðu með og verja þá aðila sem eru að baki spillingarinnar.

Hvað bóluefnin varðar þá er það staðreynd að engin af þessum efnum, sem verið er að sprauta í börnin okkar, hafa farið í gegnum alvöru tvíblindar klínískar rannsóknir með lyfleysu samanburðarhópi og því ekki með nokkurn hætti hægt að fullyrða að þau séu örugg eða virki almennt. Sem sagt, vísindin á bakvið öryggi efnanna eru ekki til staðar áður en þau fá markaðsleyfi og farið er að sprauta börnin. Kuklið getur vart verið meira.

Að búið sé að "afsanna fyrir löngu" að bóluefni valdi einhverfu er lygi. Urmull rannsókna óháðra aðila sýna að þau gera það og fyrir 10 árum síðan kom fram uppljóstrari hjá CDC, William Thompson, Ph.D., CDC senior scientist, sem staðfesti að stofnunin hefði eytt gögnum í rannsókn á hennar vegum sem sýndi fram á að MMR bóluefnið valdi einhverfu - bóluefnin valda einhverfu! Rétt er að geta þess að þáverandi forstjóri CDC, fékk í skömmu síðar starf sem yfirmaður bóluefnadeildar Merck (framleiðandi MMR bóluefnisins), með milljóna dollara kaupréttarsamningi.

Árið 1986 voru sett lög í BNA, eftir þungan þrýsting frá stóru lyfjafyrirtækjunum, sem halda úti dýrasta lobbýista batteríinu í Washington DC, sem fólu í sér friðhelgi lyfjafyrirtækjanna gegn skaðanum sem bóluefnin valda. Síðan þá hefur bólefnaskömmtunum sem börn í BNA fá til 18 ára aldurs fjölgað úr í kringum 10 í 72, hlutfall einhverfra farið úr að vera 1/10.000 í 1/36, og börn með króníska sjúkdóma úr 12,8% í 54%. [2]

Áður en RFK fór að gefa heilbrigðismálum gaum var hann einn allra farsælasti lögmaðurinn í Bandaríkjunum á sviði umhverfismála, mál sem gerðu kröfu um gott vísindalæsi, bæði hvað varðar líf- og efnafræði. Hér er því sannanlega um að ræða afburðamann á þessu sviði.

Ég leyfi mér að fullyrða að allir með snefil af heilbrigðri skynsemi eru sammála RFK hvað varðar þær umbætur sem hann vill koma á. Þær fela m.a. í sér að ráðast á spillinguna, bæði í heilbrigðis- og matvælaiðnaðinum, þannig að eftirlits- og aðrar stofnanir sem verja eiga hagsmuni almennings verði ekki lengur í vösunum á auðvaldinu, að kröfur gerðar til bóluefna verði sambærilegar og með önnur lyf og að framleiðendur þeirra beri ábyrgð á þeim.

Í meðfylgjandi myndbandi reynir illa upplýst fréttakona að grilla RFK með aðstoð læknis, Dr. Butt. Ég mæli með að fólk horfi á þetta tiltölulega stutta myndband til að komast nær sannleikanum og hætti svo að taka mark á óvönduðum áróðursflutningi RÚV, hann er mannskemmandi.

https://youtu.be/KLxBwIupF88?si=4aevb6D3vTconJ2i

Heimildir:

1. Tilnefning Trumps á Kennedy sem heilbrigðisráðherra víða gagnrýnd - https://www.ruv.is/frettir/erlent/2024-11-15-tilnefning-trumps-a-kennedy-sem-heilbrigdisradherra-vida-gagnrynd-427584

2. 10 Facts Every Parent Needs to Know About Vaccinations - https://childrenshealthdefense.org/news/10-facts-every-parent-needs-to-know-about-vaccinations/

Höfundur pistilsins er Helgi Örn Viggósson, áður birt á hópnum Kóvid uppgjörið.