Missa engin réttindi!

Hér er frétt frá Avant frá því í febrúar: Menn hvattir til að greiða áfram.

 

16.02.10

Um fyrirvara við greiðslur til Avant hf.

Vegna þeirrar réttaróvissu sem nú er uppi um lögmæti gengistryggðra bílasamninga vegna tveggja misvísandi dóma Héraðsdóms Reykjavíkur,vill Avant hf. taka fram að ef Hæstiréttur Íslands staðfestir dóm héraðsdóms í máli Lýsingar frá 12. febrúar sl., á þeim forsendum að gengistrygging höfuðstóls sé ólögmæt þá má vænta að sú niðurstaða hafi áhrif á sambærilega gengistryggða lánasamninga Avant hf. Félagið telur því ekki þörf á að viðskiptamenn Avant hf. geri sérstaka fyrirvara við greiðslu af slíkum bílasamningum til félagsins. Þeir viðskiptavinir AVANT hf. sem greiða skilvíslega af gengistryggðum samningum þar til niðurstaða Hæstaréttar liggur fyrir missa því engin réttindi gagnvart félaginu.  Eru viðskiptavinir Avant hf.  hvattir til að greiða skilvíslega af bílasamningum og forðast vanefndir enda er fyrirsjáanlegt að þær munu hafa í för með sér verulegan vanskilakostnað og óþægindi fyrir hlutaðeigandi greiðendur ef Hæstiréttur snýr við niðurstöðu héraðsdóms í framangreindu máli. 

http://avant.is/Bilavefur/Frettir/Frett/2010/02/16/Um-fyrirvara-vid-greidslur-til-Avant-hf.-/

Starfsemi Avant óbreytt fyrst um sinn

Athugasemdir

[Magnús Sigurðsson, 14.7.2010 kl. 11:51]

Heldurðu að það geti verið að ég fái ekki endurgreitt það sem ég hef ofgreitt þessu Avant?  Ekki einu sinni það sem ég hef  ofgreitt þeim umfram  tilmæli Seðlabanka og FME?  Þrátt fyrir fögur fyrirheit um annað

Getur það verið að það þurfi að fara með "slaghaminn" á fleiri en lögmenn jafnvel á bankamenn og stjórnmálamenn þessa lands til að þeir taki einhverjum sönsum? 

Þetta er farið að snúast um meira en fólk sé "bara vinnunni" þetta er farið að snúast um persónur og leikendur.

[Erlingur Alfreð Jónsson, 14.7.2010 kl. 12:12]

Magnús, taktu sem fyrst saman hvað þú telur þig hafa ofgreitt án vaxta og sendu Avant kröfu um endurgreiðslu þar að lútandi. Hafðu með fyrirvara um að upphæðin muni breytast við útreikning réttmætra vaxta vegna þessara ofgreiðslna sbr. 18.gr. vaxtalaga. Sendu þetta í ábyrgðarbréfi eða farðu og láttu kvitta fyrir móttöku bréfsins. Taktu einnig fram að þú munir ekki borga meira (þ.e. hafir þú ekki þegar greitt meira en virði samningsins) fyrr en viðunandi tilboð um endurgreiðslu hefur borist. Skoðaðu líka 7.gr. vaxtalaganna, hún leyfir að skuldari haldi eftir greiðslu eða hluta greiðslu ef ástæður þar að lútandi eru lögmætar og má þá ekki innheimta dráttarvexti af slíkri greiðslu sem haldið er eftir vegna atvika sem varða kröfuhafa.

[Óli (IP-tala skráð) 14.7.2010 kl. 12:43]

Nákvæmlega eins og í skaupinu, sorrý það sem þú áttir inni er horfið, en blessunarlega tókst okkur að bjarga skuldunum þínum!

[Arnar Geir Kárason (IP-tala skráð) 14.7.2010 kl. 13:07]

þetta er nákvæmlega ástæðan fyrir því að ég hætti að greiða af mínum lánum.   Það var auðséð að ef lánin yrðu ólögmæt væru félögin ekki í neinni stöðu til að greiða þetta.

[Magnús Sigurðsson, 14.7.2010 kl. 13:14]

Þakka þér fyrir ráðleggingarnar Erlingur, ég á reyndar ekki von á að þessir kónar opni ábyrgðarbréf þó þeir séu þrælvanir að senda þau.

Óli ætli ég verði ekki rukkaður áfram af þrotabúinu eins og ekkert hafi í skorist.

[Þórdís Björk Sigurþórsdóttir, 14.7.2010 kl. 13:18]

Og Magnús, stefna stjórnendum enda eru þeir ábyrgir:

http://www.dv.is/frettir/2010/7/14/bjorn-thorri-lantakendur-fari-af-fullum-thunga-gegn-stjornendum-felaga/

[Magnús Sigurðsson, 14.7.2010 kl. 13:46]

"Slaghamarinn" gæti verið skilvirkari.  Það er ekki svo auðvelt að ná þeim frá London þegar það þarf að hafa tal af þeim.