Öll börnin sem fengu kíghósta og hettusótt voru bólusett!

Ný bólusetningaherferð er hafin, nú með hinar hefðbundnu barnabólusetningar, eins og þær kallast. Töluvert hefur dregið úr aðsókn síðustu ár og fyrstu og algengustu viðbrögð á samfélagsmiðlum við fréttum af nýjum smitum eru: „mæðrum sem ekki fara með börnin sín í bólusetningar er um að kenna að sjúkdómarnir breiðist nú út.“ 

 

„Þykir ekki vænt um börnin sín“

Helstu fjölmiðlar sem þessa dagana eru í vitundarherfð um mikilvægi blaðamennsku dustuðu í vikunni covid-rykið af Kára Stefánssyni (og bláu Covid-gallaskyrtunni hans) og fengu hann í sjónvarpsviðtal. Kári sem er forstjóri ÍE, erlends fyrirtækis í eigu sömu fjárfesta og eiga stóran hlut í stærstu lyfjaframleiðendum, gaf til kynna að foreldrum sem ekki fara með börn sín í bólusetningar þætti ekki vænt um þau. 

Kári var ekki spurður út í bólusetningastöðu þeirra sem smitast hafa af „barnasjúkdómunum“ nýlega? Þá hefði læknirinn, vísindamaðurinn og síðast en ekki síst bissnessmaðurinn  líklegast lent í vanda, jafnvel reiðst eins og hann er þekktur fyrir. Ef árvekni ríkti hjá fjölmiðlamönnum hefðu þeir auðvitað spurt þessarar spurningar.

Smituðu börnin voru bólusett

Sú sem þetta skrifar hefur haft nokkuð fyrir því að fá svör frá landlæknisembættinu um þetta mikilvæga atriði. Og hvert var loks svarið frá sóttvarnalækni? Allt hafði fólkið fengið bólusetningar við kíghósta, og ENGINN sem var alveg óbólusettur var meðal þeirra smituðu. Dæmin endurspegla því ekki áróður yfirvalda og Kára enda koma bóluefnin ekki í veg fyrir smit.

Nánar tiltekið. Sex manns hafa greinst með kíghósta undanfarið, tveir á aldrinum 35-40 ára. Þeir voru bólusettir en meira en 10 ár liðin frá bólusetningu. Skiljanlega, enda þannig hjá okkur flestum sem erum orðin eldri en tuttugu og eitthvað vetra. 

Næst eru það fjögur börn á aldrinum 3-15 ára sem greindust með kíghósta. Eitt þeirra hafði fengið allar 5 sprauturnar, hin færri vegna aldurs (en þá í samræmi við bólusetningaáætlunina). Eitt barn var aðeins búið að fá eina bólusetningu en hefði átt að vera búið að fá 4. Sem sagt ekkert al-óbólusett barn var meðal hinna smituðu, barn sem skv. heilbrigðisyfirvöldum og Kára eiga að vera í mestri hættu á að veikjast og smita aðra.

(Bólusetningar hérlendis við kíghósta eru gefnar við 3, 5, 12 mánaða aldur og aftur 4 og 14 ára.)

„Hettusóttarbörnin“ voru líka bólusett

Þá kom fram í fréttum fyrir stuttu að skólabörnin í Hraunvallaskóla sem fengu hettusótt hafi verið bólusett við veikinni. Hinir tveir sem veiktust voru fullorðnir og ekki bólusettir, eins og raunin er meðal flestra fullorðinna Íslendinga (bólusetningar með MMR hófust ca. 1974 og flestir fæddir fyrir þann tíma höfðu fengið sjúkdómana). Aftur, ekkert barn sem skv. heilbrigðisyfirvöldum og Kára eiga að vera í mestri áhættu, smitaðist eða veiktist af hettusótt. (bólusetningahlutfall er nú um 89% hérlendis og því má reikna með að um 10% barna í Hraunvallaskóla séu óbólusett).

Ímyndið ykkur hvað þetta viðtal við vísindamanninn Kára hefði orðið öðruvísi ef blaðamennirnir hefðu haft fyrir því að fá þessar upplýsingar, bólusetningastöðu þeirra smituðu!

Vondir eða lesnir foreldrar?

Getur verið að fleiri foreldrar séu farnir að skoða söguna um almennar bólusetningar og svokallaða barnasjúkdóma eftir hina misheppnuðu Covid-bólusetningaherferð og m.a. þá staðreynd að dauðsföll af völdum mislinga og annarra smitsjúkdóma voru þegar að líða undir lok þegar bóluefnið kom á markað, m.a. með tilkomu aukins hreinlætis; betri pípu-og skolplagna, hreins vatns, betri næringar, betri kæli-og geymsluaðferða á matvælum o.fl. (minni fátækt - meiri velmegun).

Með öðrum orðum, er verið að eigna lyfjafyrirtækjunum eitthvað sem þau ekki eiga?  Sjá td. mynd  hér neðar úr skjali Sóttvarnastofnunar Bandaríkjanna, bls. 85. (Bólusetningar við mislingum hófust hér á landi 1976).

Ekkert bóluefni kom t.d. á markað vegna skarlatsóttar en hún fjaraði sömuleiðis út (eða dauðsföll vegna hennar), sjá neðar. Bólusetningar við taugaveiki urðu ekki almennar á vesturlöndum, og ekki er bólusett við veikinni hér á landi. Aftur á móti er boðið upp á hana, sé viðkomandi að ferðast til vanþróaðra landa þ.s. hreinlæti er bágborið og ekki hægt að tryggja hreint vatn.

  Kári að sinna lagalegu skyldum 

 

Til að skilja hvaðan málflutningur Kára kemur, og um leið hversu ófaglegt það er af fjölmiðlafólki að fá hann sem álitsgjafa á bólusetningum, þá verður að hafa í huga, að Kári er að sinna sínu starfi.

Erlenda fyrirtækið Íslensk erfðagreining, er eins og áður segir í eigu sömu fjárfesta og eiga stóran hlut í stærstu lyfjaframleiðendum. Lyfjaframleiðendur verða lögum samkvæmt að skila hagnaði til fjárfesta sinna. Engin lög er um að þau þurfi að gæta að heilsu neytenda. Þetta kom m.a. fram í viðtali Frosta Logasonar við breskan hjartalækni nýlega.

Glíma Íslendingar við alnæmi - mögulega varanlegt?

Mislingar, hettusótt, kíghósti, hvít lungnabólga og margt fleira hefur herjað á landsmenn undanfarið og samkvæmt Gallup könnun í byrjun árs voru að meðaltali 14% landsmanna veik á árunum 2010 -2021 en sú prósenta hækkaði upp í 22% að meðaltali næstu tvö ár á eftir.


Landsmenn tilraunadýr fyrir nýtt líftæknilyf

Þessar fréttir eru þó nánast undantekningalaust sagðar án þess að minnast orði á að landsmenn tóku þátt í lyfjatilraun frá og með byrjun árs 2021. Um milljón skömmtum af nýrri tegund líftæknilyfja var sprautað í fólkið, efnum sem aldrei áður höfðu verið notuð á mannfólk. Þetta var gert þó að eftirlitsaðilar hafi vitað um skaðann sbr. allra fyrstu rannsóknargögn sem m.a. sýndu að þeir sem voru í rannsóknarhópnum og fengu sprautuefnið, fengu frekar það sem kallast Covid en hinir sem voru í lyfleysuhópnum.

Kíghósti og lamað ónæmiskerfi

Og nú hósta landsmenn vikum og mánuðum saman. Kíghósti! Myndir af veikum ungabörnum með 42 stiga hita fylgja fréttunum. En skv. upplýsingum frá Heilsugæslu höfuðborgarsvæðisins er enginn á spítala og enginn alvarlega veikur. Þessir tveir sem greindust fyrst eru skv. svari frá sóttvarnalækni á aldrinum 35-40 ára og höfðu fengið bólusetningu við kíghósta (en meira en 10 ára síðan). Beðið er eftir svari um aldur og bólusetningastöðu hinna fjögurra sem hafa greinst. Langflest börn og unglingar hafa fengið kíghósta sprautur. Bóluefnið er alltaf kynnt í fréttunum sem vörn við sjúkdómnum en er það ekki. 

Rakst síðan á þessa kenningu frá bandarískum lækni um kíghósta sem greinist nú í auknum mæli víðsvegar í heiminum. Hún hljóðar svona:

Ástæðan fyrir því að tilfellum af kíghósta fjölgar er sú að fjöldabólusetning með rúmlega 13 milljörðum skammta af COVID-19 „bóluefninu“ var gefið rúmlega 5,3 milljörðum jarðarbúa og hefur leitt til óvirks ónæmiskerfis (herd DYS-immunity) á heimsvísu. Þetta er betur þekkt sem VAIDS sem er skammstöfun fyrir áunnið ónæmisbrestsheilkenni af völdum bóluefnis. Þetta var ekki bóluefni, heldur tilraunameðferð með erfðaefni sem hefur verið hörmuleg og lamar ónæmiskerfi manna, kannski varanlega. Þessi lamandi ónæmisheilkenni er ekki aðeins til marks um óviðjafnanlega aukningu á öllum sýkingum, veirum, bakteríum og sníkjudýrum heldur einnig aukningu krabbameina um allan heim. Daily Mail greindi nýlega frá því að í Bandaríkjum deyr fólk á 90 sekúndna fresti af völdum alvarlegrar sýkingar í blóði sem kallast á ensku "blood termed sepsis".

 

Heilbrigðisyfirvöld sem eru sek um að sprauta skaðlegum efnum í unga og aldna munu aldrei nefna þessa augljósu tengingu við verri heilsu landsmanna. Þeirra lausn er: fáið ykkur fleiri sprautur, og líka ófrískar konur (nokkuð sem aldrei var gert hér áður!).

Þessi markaðssetning fyrir lyfjafyrirtækin á sér einfalda skýringu. Heilbrigðiskerfið um allan heim er að vinna fyrir lyfjaiðnaðinn sem skv. lögum ber að skila hagnaði til fjárfesta sinna. Engin lög eru aftur á móti um það að lyfjafyrirtækjunum beri að vernda heilsu neytenda. Sjá þetta merkilega viðtal Frosta Logasonar við Íslandsvininn og hjartlækninn Aseem Malhotra.

p.s. er "long covid" ekki bara annað orð yfir alnæmi („áunnin ónæmis-skerðing“)?

Kíghósti hefur breiðst út um höfuðborgarsvæðið

Fór Ólafur Ragnar einnig að ráðum erlends hjartalæknis?

Nokkuð áhugaverðar upplýsingar komu fram í þætti Frosta Logasonar í síðustu viku. Nánar tiltekið að fyrrverandi forsetafrú okkar Íslendinga, Dorrit Moussaieff, hafi ekki farið að ráðum íslenskra lækna eða íslenska heilbrigðiskerfisins sem hvatti landsmenn, sérstaklega þá eldri, til að fara í covid-örvunarsprautur með reglulega millibili. 

Bresk-indverski myndarlegi hjartalæknirinn Dr Aseem Malhotra gladdi fjölmarga landsmenn í byrjun þessa mánaðar með því að ferðast til landsins og halda fyrirlestur á Reykjavík Natura í pakkfullum tvöföldum ráðstefnusal. Lifandi og skemmtilegur náungi með breskan húmor og frábæra ræðu. 

Daginn eftir mætti Malhotra í viðtal til Frosta og sagði m.a. frá því að hann og Dorrit væru vinir frá því í síðustu heimsókn hans til landsins 2016. Dorrit leitaði stundum ráða hjá honum, þar á meðal varðandi sk. örvunarsprautur við covid. Samkvæmt hjartalækninum fór hún að ráðum hans og fékk sér ekki örvunarskammt.

Hvað með eiginmanninn, Ólaf Ragnar Grímsson, fór hann í "boost"? Hvað með aðra yfirstéttar - Íslendinga, leituðu þeir út fyrir landsteinana eftir ráðum, treystu ekki Kára Stef. og þríeykinu? Svo ekki sé talað um hvatningu núverandi forseta, sem tók þátt í að auglýsa sprauturnar og sagði að „frelsi til að sýkja aðra væri rangsnúinn réttur“(hann vissi auðvitað ekki að aldrei hafi verið rannsakað hvort sprauturnar kæmu í veg fyrir útbreiðslu smita og var því bara að tala út í loftið, en hélt líklega að hann væri að vitna í vísindi).

Brot úr viðtalinu má sjá hér og allan þáttinn hér (áskrift).