Sóttvarnarstofnun Bandaríkjanna stefnt fyrir dóm vegna skorts á rannsóknum

Sóttvarnastofnun Bandaríkjanna (CDC) hefur verið stefnt fyrir alríkisdómstól fyrir að hafa aldrei rannsakað öryggi þeirra 72 skammta af bóluefnum sem eru á bólusetningaráætlun fyrir börn í Bandaríkjunum. Stofnunin er sökuð um að hafa vanrækt skyldur sínar um að rannsaka samanlögð áhrif á þessum 72 skömmtum sem börnum er gefið. 

Læknarnir Paul Thomas og Kenneth P. Stoller, ásamt samtökunum Stand for Health Freedom, krefjast svara í dómsmáli sem gæti kollvarpað umræðunni um öryggi bóluefna.

Í bólusetningaráætluninni fyrir börn er mælt með allt að 72 skömmtum fyrir 18 ára aldur til að vernda gegn 16 sjúkdómum - sem er veruleg aukning frá árinu 1983, þegar skammtarnir voru alls 24. Myndin hér ofar sýnir aukninguna sem orðið hefur á fjölda bóluefna sem börnum eru gefin. Ath. síðustu ár hefur einnig verið mælt með bólusetningum barnshafandi mæðra, þar á meðal Covid sprautum.

Samkvæmt málsókninni, sem lögmaðurinn Rick Jaffe höfðaði fyrir héraðsdómstóli Bandaríkjanna, District of Columbia, hefur CDC ekki framkvæmt ítarlegar rannsóknir á því hvernig öll þessi bóluefni fara saman eða hver samanlögð áhrif þeirra eru, þar á meðal innihaldsefni eins og ál og möguleg langtímaáhrif á heilsuna. Án allra rannsókna er spurningum um öryggi bólusetningaáætlunarinnar ósvarað.

Málsóknin vísar í bandarísk lög um skaða af bóluefnum á börn frá 1986, lög sem sett voru til að tryggja öryggi bóluefna og til verndar framleiðendum í kjölfar málaferla vegna barnaveiki-stífkrampa-kíghóstabóluefnisins (DTP) á níunda áratugnum. Frá þeim tíma voru lyfjaframleiðendur að mestu stikkfrí frá allri fjárhagslegri ábyrgð á skaða sem bóluefnin gætu hafa valdið. (National Childhood Vaccine Injury Act.

Lögin kváðu á um að heilbrigðisráðuneytið skyldi stofna starfshóp og leggja fram öryggisskýrslur til þingsins á tveggja ára fresti. Aftur á móti var starfshópurinn lagður niður árið 1998 og engar skýrslur lagðar fram.

Samtökin Children´s Health Defense (CHD), sem styðja málsóknina, leggja áherslu á nauðsyn þess að lyfjaframleiðendur beri ábyrgð á bóluefnum sínum. Formaður samtakanna Mary Holland sagði: „Vanræksla CDC á að rannsaka bólusetningaráætlunina í heild grefur undan trausti almennings.“ Málið krefst þess að CDC leggi fram sannanir fyrir öryggisrannsóknum eða viðurkenni að þær séu einfaldlega ekki til.

Þessi málshöfðun kemur í kjölfar tilkynningar frá júní 2025 frá ráðgjafarnefnd CDC um bólusetningar (ACIP), undir forystu Svíans Dr. Martin Kulldorff, um að hefja rannsóknir á þessum (samanlögðu) áhrifum. Þetta skiptir máli vegna þess að tilkynningarkerfið um aukaverkanir bóluefna í Bandaríkjunum (VAERS) hefur skráð yfir 2,5 milljónir aukaverkana, þó að rannsókn frá Harvard árið 2011 áætli að færri en 1% af tilfellum séu tilkynnt.

Málsóknin er ákall um gagnsæi í lýðheilsu. Hversu mikil hefði aukningin orðið ef ábyrgðin hefði ekki verið tekin af lyfjafyrirtækjunum?

Sprenging í POTS, stjórnvöld bera 100% ábyrgð

Það hefur orðið sprenging í POTS sjúkdómnum síðustu ár sem lýsir sér m.a. í hjartsláttartruflunum, yfirliði o.fl. Læknar vita að aukninguna megi rekja til Covid bólusetninga, en opinberlega segja þeir ekkert, heldur benda á Covid sýkingar sem helstu ástæðu. 

Sú kenning læknasamfélagsins gengur ekki upp. Íslendingar eru meðal bólusettustu þjóða heims og hefðu því átt að vera vel varðir gegn Covid sýkingum, hefðu a.m.k. ekki átt að fá alvarlega sjúkdóma í kjölfarið. Læknar verða að viðurkenna að þessi fullyrðing sem haldin var að fólki hafi verið röng, það fengu nánast allir Covid þrátt fyrir bólusetningarnar og margir eru enn veikir. Og samanburður milli þeirra sem fengu efnin og þeirra sem fengu ekki, þolir ekki dagsljósið.

Tóku á sig ábyrgð á skaðanum

Íslenska ríkið tók á sig ábyrgð á skaðanum sem bóluefnin kynnu að valda. Ríkið, þáverandi heilbrigðisráðherra a.m.k., samþykkti samning þar sem segir að lyfjaframleiðendur séu stikkfrí og að kaupendur (ríkin) tækju á sig alla ábyrgðina. Í samningnum stendur líka að ekkert sé vitað um langtímavirkni og áhrif þessara nýju bóluefna sem verið var að gefa milljörðum manna í fyrsta sinn í sögunni. Þennan kaupsamning neita yfirvöld að afhenda almenningi en honum var þó lekið á netið fyrir þó nokkru og má lesa hér. Sjá sérstaklega bls. 48-49 og bls. 52.

Íslenska ríkið á því að greiða allan kostnað af þeim veikindum sem fólk fékk í kjölfar sprautanna, og skuldar fólkinu reyndar milljónir í skaðabætur sbr. lög sem Alþingi samþykkti árið 2020.

 

Ný heimildarmynd um mRNA bóluefnin 

Í þessari nýju heimildarmynd má sjá hvernig efnið hefur með tímanum áhrif á líkamann, fer inn í öll líffæri og þá sérstaklega æxlunarfærin. Munið þið eftir þessari frétt um blæðingaróreglu kvenna? 

Myndin hefst á samtali við bandarískan skurðlækni sem er í dag óvinnufær eftir sprauturnar, hann missti  máttinn í fótleggjum og fékk alls konar kvilla í kjölfarið.

Á mínútu ca. 16 er samhengið milli POTS og efnanna útskýrt af bandarískum hjartalækni, en sá er einn af „mest útgefnnu læknum heims.“ 

Einnig er talað við Jessica Sutta, fyrrv. dansara og söngkonu í sveitinni Pussy Cats. En hún missti heilsuna í kjölfar sprautanna.

 

Hvar er áhættumatið fyrir Reynisfjöru sem hófst fyrir sex árum?

Í þessari frétt frá 2022 segir að ekkert bóli á áhættumati fyrir Reynisfjöru og að sveitarstjóri Mýrdalshrepps furði sig á því að þrátt fyrir þriggja ára vinnu liggi enn ekki fyrir áhættumat fyrir Reynisfjöru og „að með slíku mati væri unnt að loka fjörunni þegar hættan er mest. Leiðsögumaður leggur til að 3-4 strandverðir sjái um gæslu í fjörunni."

Sem sagt sex ár frá því að vinnan hófst og ekkert áhættumat?

Í þessari frétt, líka frá 2022, segir að tugir manna hafi lent í bráðri lífshættu við Reynisfjöru. Sem hlýtur að þýða nokkurs konar dauðagildra.

Bendi einnig á þessa færslu Þorsteins Gunnarssonar um fjöruna:
„Mér skilst að í Reynisfjöru sé svokallaður marbakki. Hann er þannig að sandfjaran dýpkar mjög bratt út og svo snardýpkar stutt frá landi. Þannig að úthafsaldan verður gríðarlega öflug þegar hana ber að landi því sjávarmagnið er svo mikið í henni mörg tonn, svo þegar sjórinn dregst út verður mikið sog sem getur auðveldlega og gerir dregið fólk út og gerir það ef ekki er nógu mikil fyrirhyggja í handraðanum." 

Munum t.d. þegar lokað var að eldgosinu fyrir börn yngri en 12 ára. „Við erum að tryggja hagsmuni barna á þessu svæði", sagði lögreglustjórinn.

 

 

Landeigendur munu funda um Reynisfjöru

Hvers vegna þessi mikla aukning á krabbameini?

Vil byrja á því að minnast á samninginn við Pfizer sem ESB og Ísland samþykktu þar sem segir berum orðum að ekkert sé vitað um langtímaaukaverkanir og að þær gætu skotið upp kollinun síðar og einnig það að íslensk yfirvöld hafi tekið á sig alla skaðabótaábyrgð sem lyfjaframleiðendur eru vanir að taka. Hlekkur á samninginn sem var lekið á netið og íslensk yfirvöld neita að leyfa almenningi má sjá er hér:

Síðan er það þessi grein Þorgeirs og Helga í Mogganum í dag sem allir ættu að lesa. Enginn læknir eða yfirvöld munu svara greininni frekar en öðrum fjölda greina frá þeim tveimur sem birst hafa í Mogga. Ástæðan er einfaldlega sú, að þeir hafa rétt fyrir sér og yfirvöld vita upp á sig sökina sbr. t.d. þennan lygilega samning sem íslenska ríkið og önnur ríki heims undirrituðu:
 

Til Svíþjóðar í geislameðferð