Samræmist lyfjagjöfin samviskueiði lækna um að valda ekki skaða - Hippókratesareiðinum!?

Fyrsta villan í þessari hræðsluáróðurs-lyfjasölufrétt landlæknis er að þetta er ekki bóluefni heldur mótefni sem á að endast í nokkra mánuði við kvefveirunni RSV. Það kemur ekki fram í fréttinni(að það endist aðeins stutt) og heldur ekki að það séu helst fyrirburar sem eru í áhættu á að fá slæma sýkingu. 

Nei, það samræmist auðvitað ekki læknaeiðinum að gefa fullfrískum ungbörnum nýtt lyf frá Astra Zeneca sem hefur engar langtímarannsóknir að baki og var fyrst byrjað að gefa að einhverju ráði haustið/veturinn 2023-2024. Landlæknir og heilbrigðisyfirvöld þora ekki fyrir sitt litla líf að minnast á framleiðandann, AstraZeneca, og Lyfjastofnun Íslands þóttist ekki vita hver framleiðandinn væri. ;) Vörumerkið ekki beint söluvænlegt (enda breyttu þeir fljótt nafni á AstraZenca Covid-bóluefninu í Vaxevria).

Samkvæmt meðfylgjandi upplýsingum frá Landspítalanum hafa níu börn, eins árs og yngri, þurft að leggjast inn á gjörgæslu á síðustu tíu árum, sem sagt ekki einu sinni eitt á ári! Og athygli vekur u.þ.b 85% aukning á innlögnum barna eins árs og yngri vegna RS árið 2022. Samkvæmt Embætti landlæknis hefur engin rannsókn verið gerð á þessari miklu aukningu þó það sé einmitt þeirra hlutverk að framkvæma þess konar athuganir. 

Nei, þeirra hlutverk virðist að miklu leiti snúast um selja lyf, sem í þessu tilfelli kostar um 100 þúsund kr. skammturinn. Tvöfaldur skammtur kostar enn meira og er gefið börnum sem eru orðin fimm kíló. Það á sem sagt að gefa ÖLLUM fullfrískum börnum, 0-23 mánaða, nýtt lyf við kvefpest sem fyrirburum stafar helst hætta af. Og í einhverjum tilfellum börnum 0-6 mánaða. 

Barnalæknirinn Valtýr Thors Stefánsson sem vann „ráðgjafastörf“ (e. consultancy work) gegn greiðslum fyrir Sanofi, sem er markaðsleyfishafi umrædds lyfs, sagði í viðtali á Bylgjunni „að þau væru mjög spennt“ að prófa lyfið. Ein ástæðan var skv. honum að þó að engin börnin hafi látist hér á landi af RSV síðustu áratugi að þá létust mörg börn í vanþróuðum löndum af sýkingunni!


Rök heilbrigðisyfirvalda, sérfræðinganna og vísindamanna, eru sem sagt: Gefa skal ÖLLUM börnum á Íslandi, 0-23 mánaða, rándýrt nýtt lyf frá Astra Zeneca við kvefveiru sem fyrirburar og börn í vanþróuðum ríkjum eru helst í hættu á að veikjast alvarlega af. 
  

Krumlur lyfjarisanna eru bersýnilega á kafi í íslenska heilbrigðiskerfinu og fyrirtækin ráða meðal annars til sín íslenskan lækni í sölustarf, nei ég meinti „ráðgjafastarf“.

Læknirinn agíterar fyrir lyfinu,og hefur bersýnilega skipt samviskunni út fyrir greiðslur sem enginn má vita hverjar eru. Landspítalinn fær lögmann (ekki upplýsingafulltrúa spítalans) til að þvæla og leika hálfvita og komast þannig hjá því að afhenda upplýsingar sem skattgreiðendur eiga allan rétt á að sjá.

Meira síðar.

 

 

 

 

 

 

 

Hefja bólusetningar gegn RSV