Dagur og Katrín bæði á biðlaunum - misnotkun á réttinum?

Eins og fram kemur í tengdri frétt þá er Dagur fyrrv. borgarstjóri á biðlaunum í sex mánuði. Heildarkostnaður við hans laun nema 18.398.840 kr.

Samkvæmt svari frá forsætisráðuneytinu er Katrín Jakobsdóttir einnig komin á biðlaun, en hún afsalaði sér þeim meðan á kosningabaráttunni stóð, mögulega vegna umfjöllunar um málið.

Katrín lét sjálfviljug af störfum til að freista þess að verða forseti. Samkomulag var um í stjórnarsáttmála að Dagur léti af borgarstjóraembættinu eftir eitt og hálft ár og Einar tæki við.

Er rétturinn til biðlauna hugsaður svona eða er þetta misnotkun á réttinum - geta menn möndlað með borgarstjóraskipti og að ráðherrar stökkvi frá til að freista þess að fá annað starf? Fái þeir það ekki, geta þeir komið aftur og fengið biðlaun vegna fyrra starfs? Og kostnaður upp á margar milljónir úr ríkis-og borgarsjóði.

Í greinargerð með frumvarpi til laga um biðlaun segir m.a.

„Réttur til biðlauna er viðurkenning á þeirri erfiðu stöðu sem einstaklingar lenda í við starfsmissi.“ 

Hver kom fyrrv. borgarstjóra og fyrrv. forsætisráðherra í „erfiða“ stöðu? Þeir sjálfir í þessu tilfelli ekki satt - vitandi að þeir gætu nýtt sér full laun í sex mánuði á eftir á kostnað skattgreiðenda.

Dagur bara á biðlaunum borgarstjóra

Athugasemdir

[Sigurður Kristján Hjaltested, 22.6.2024 kl. 20:26]

Spilling í boði stjórnvalda.

Fruss á allt þetta pakk sem þykist vera

að vinna fyrir þjóðina.

Sama um allt og alla nema sjálfan sig.

[siggi helgason (IP-tala skráð) 23.6.2024 kl. 11:10]

Voru þessi lög ekki sett til að varna því að kennarar fengu biðlaun þegar grunnskólinn var fluttur frá ríki til sveitarfélaga?