Heilaþvottur leikskólabarna í Ísrael - sprautuleikur!

Þetta myndband er tekið á leikskóla í Ísrael þar sem í gangi er leikur. Leikskólakennarar ganga um og klukka krakkana með sprautu og sá klukkaði tekur þá niður grímuna.

Magnað dæmi um heilaþvott barna sem stendur til að gera IV fasa rannsókn á með bóluefnið frá Pfizer. Ísraelar hafa örugglega fengið aðstoð frá Xi Jinping með svona skólaleiki.

Ísrael gerði samning við Pfizer um að vera „fyrirmyndaland" lyfarisans og um leið rannsóknarsetur. Því eru Ísraelar komnir lengra en margar aðrar þjóðir með bólusetningar. En þó ekki mikið lengra en Ísland sem einmitt vonaðist til að fá samskonar samning sem átti að ganga út á að Ísland yrði rann­sókn­ar­setur fyrir fasa IV rann­sókn þar sem að stærsti hluti þjóð­ar­innar yrði bólu­settur á stuttum tíma.

Var það ekki einmitt gert hér heima þó að fleiri bóluefni en Pfizer hafi verið notuð?  Erum við rannsóknarsetur án þess að það sé formlega vitað? Hvers vegna vill Ingileif Jónsdóttir hjá Íslenskri Erfðgreiningu endilega bólusetja unglingana (12-15 ára), þó svo að verið sé að rannsaka betur tengsl lyfjanna við hjartavöðvabólgu í ungu fólki? FDA hefur meira að segja sett viðvörun á Pfizer og Moderna vegna tengsla við þann alvarlega kvilla. Hvað er hún að skipta sér af bólusetningum Íslendinga, starfandi hjá erlendu einkafyrirtæki (ÍE/Amgen er 100% í eigu erlendra aðila). Er hún einhver ráðgjafi íslenskra stjórnvalda? Og hvað var Kári Stefánsson að skipta sér af? Hvað vissi hann um að samfélagið yrði á hliðinni í tvö ár. Vissi hann að bólusetja ætti mannskapinn í a.m.k. tvö ár með 1,4 milljónum skömmtum?

En aftur að leikskólakrökkunum og sprautuleiknum í Ísrael. Stjórnvöld um allan heim virðast þurfa að taka þátt í heilaþvottinum að einhverju leyti. Hér heima var grunnskólabörnum nýlega sýnd áróðursmynd um bólusetningar. Og ástæðan er auðvitað sú að yfirvofandi er bólusetning krakkanna með Pfizer efninu. Þá er betra að koma réttum skilaboðum inn í hausinn á þeim þrátt fyrir að þeim stafi ekki hætta af þeim sjúkdómi. 

Þessi mynd neðar útskýrir hugsunarhátt lyfjafyrirtækjanna og þjóna þeirra hjá Alþjóðaheilbrigðisstofnunni sem segja yfirvöldum heims hvernig eigi að glíma við faraldur. Við sáum aðra útfærslu af henni hjá Sjálfstæðisflokknum, flokki frjálshyggjunnar þar sem þetta var kannski ekki sagt með berum orðum (líka neðar).