,,Tilviljun ræður öllu í þessu lífi, hún er hinn eini sanni guð.“

Heiti þessarar greinar, Tilviljun ræður öllu í þessu lífi, hún er hinn eini sanni guð er tilvísun í orð Kára Stefánssonar forstjóra ÍE/Amgen en Amgen hefur fyrir tilviljun verið í nánu samstarfi við Astra Zenca.

  Ég hlusta aðeins á útvarp þegar ég er í bílnum og fyrir tilviljun þurfti ég að fara á bílnum í morgun og renndi í gegnum útvarpsstöðvarnar. Fyrir tilviljun datt ég inn á Pétur á útvarpi Sögu sem var að fjalla um fjögurra stjörnu Foss fangabúðirnar og dóminn um ólögmæti nauðungarvistunnar á þeim bæ. Maður nokkur hringdi inn í þáttinn og var á þeirri skoðun að þessi dómsmál og aðdragandi þeirra væru líklega samsæri gegn heilbrigiðisráðherra eða ríkisstjórninni, svo fljótt gerðist þetta allt saman, sagði hann. Sem sagt, að lögmenn hefðu vitað af ólögmætinu og verið tilbúnir með mál til að fara með fyrir dómstóla. 

  Málið sem Jón Magnússon lögmaður kærði fyrir hönd mæðgnanna  kom að minnsta kosti til vegna tilviljunar. Ég sá fyrir tilviljun frásögn konu sem ég þekki á facebook sem sagði frá því að hún og dóttir hennar hefðu verið fluttar í Foss fangabúðirnar í lögreglufylgd í rútu frá Leifsstöð eftir komu frá Serbíu, þangað sem þær fóru til að vera við jarðaför. Tveimur dögum áður hafði ég fyrir tilviljun lesið að að þeir sem væru skikkaðir í far­sótt­ar­hús eigi rétt á að bera sitt mál und­ir dóm­stóla og vænta úr­sk­urðar líkt og gild­ir um gæslu­v­arðhald. Það leið ekki langur tími þar til að ég var búin að hafa uppi á lögmönnum sem höfðu nýlega auglýst þjónustu sína í þessu sambandi, og ég rekist á fyrir tilviljun, og kom upplýsingum áfram til mæðgnanna. Þar með var málið komið í hendur Jóns Magnússonar sem vann málið fyrir mæðgurnar sem ég vona að fái greiddar skaðabætur frá ríkinu fyrir ólögmætt varðhald. Að loka 13 ára ungling inni á herbergi í marga daga hefði einhverntímann verið kært til barnaverndayfirvalda!

  En fyrir tilviljun hafði ég skrifað þessa færslu nokkrum dögum áður þar sem ég sagðist vilja bjóða mig fram til að láta reyna á lögmæti varðhalds í svokölluðu sóttvarnarhúsi. Kannski var þetta því ómeðvitað og tilviljannakennt samsæri. Ég trúi reyndar ekki á tilviljanir; allt á sér örsök og afleiðingu. Nema að tilviljun sé leið Guðs, æðri máttar, örlaganna, stjarnanna eða annað til að sýna okkur að ekkert er í raun tilviljun. Eins og vísindamaðurinn Einstein virðist hafa talið.

 

Líkir Brynjari Níels við Trump

Athugasemdir

[Björn Jónsson (IP-tala skráð) 9.4.2021 kl. 17:46]

"Well done", vel af sér vikið, eins og Tjallinn segir,
næst að láta reyna á "grímuskylduna"....

Fréttir að westan: Háskólar þar eru nú í óða önn að tilkynna að
enginn fái inngöngu á haustönn nema þeir "bólusettu".

Sama ástand verður sjálfsagt komið hér á sama tíma: enginn
aðgangur að menntastofnunum, söfnum, leikhúsum, veitingastöðum,
jafnvel íþróttamannvirkjum og matvörubúðum, nema bólusettir.

Ferðafrelsi og tjáningarfrelsi sömuleiðis afnumið, þannig að við komum
brátt til með að sitja uppi með hreint "helvíti á jörð", allt í boði VG og
kóað af Sjálfstæðisflokknum og Framsókn.