Innlögnum fækkar úr einni í núll vegna covid!

„Sótt­varna­lækn­ir hef­ur áhyggj­ur af því að kór­ónu­veiru­smitið sem greind­ist utan sótt­kví­ar í gær teng­ist gosstöðvun­um í Geld­inga­döl­um."

Þá er komin ástæða til að loka gossvæðinu, enda ómögulegt að hafa einhverja skemmtun til staðar þegar árið er 1984. Für ihre Sicherheit, að sjálfsögðu! 

Öllu var skellt í lás fyrir páskana, rétt eins og var gert fyrir jólin. Þá þurfti að loka gamla fólkið inni, mátti ekki vera með í jólakúlunni enda gæti það veikst. Nú er búið að bólusetja allt gamla fólkið (nema eina, nefni engin nöfn!).

Rögnvaldur lögga hjá Almannavörnum sagði í gær að nú ættum við að vera í páskakúlum (páskaegg hefði verið meira smart, minna kjánalegt!). Ný bylgja er skollin á, skólabörn landsins í lífshættu út af breska afbrigðinu sem íslenskur vísindamaður segir ekki meira hættulegt, heldur minna. „Erlendar rannsóknir hefðu nú sýnt að sú breska væri hættulegri"... en ekki var vísað í eina einustu rannsókn. Þórólfur var spurður af fréttamanni hvort þessir með breska afbrigðið væru veikari en af hinu kínverska: "uhh, ehhh, ja, tja sko..., við erum að kynnast veirunni! Þórólfur segir: ,,börnin munu veikjast", og allir í kór: „börnin munu veikjast..." En enginn á spítala með covid. Núll!

En viti menn, svo kom bara viðtal við íslenskan barnasmitsjúkdómalækni sem sagði að börnum stafi ekki meiri hætta af þessu breska! Og búið að loka öllu. Og samkvæmt fólki sem þekkir til í Laugarnes-og Laugalækjaskóla er ekkert barnanna veikt.

Þvílík steypa, þvílík blekking!! Ekki undarlegt að Þórólfur hafi stamað, hikstað og hikað á fundinum í gær.

 

Smitið utan sóttkvíar tengist gosstöðvunum

Athugasemdir

[Guðmundur Ásgeirsson, 26.3.2021 kl. 15:22]

Þeir sem hafa verið að greinast undanfarna daga eru nýsmitaðir og sá hluti þeirra sem samkvæmt tölfræðinni gæti þurft sjúkrahúsinnlögn er einfaldlega ekki orðinn veikur ennþá. Þess vegna eru engar innlagnir akkúrat núna og þess vegna hefur sú punktstaða lítið að segja ef tímafaktorinn frá smiti til veikinda er ekki tekinn inn í myndina.

[Geir Ágústsson, 26.3.2021 kl. 20:53]

Tilvitnun í sjálfan mig, frá færslu 21. mars:

"Ég bíð hreinlega spenntur eftir því að lesa orðasambandið "smithætta við eldgos" og þá er hægt að nota regluverk veirunnar til að halda fólki frá eldgosi. Almannavarnadeild lögreglu hlýtur hreinlega að vera hugleiða það. Þá þarf ekki lengur að biðla til fólks um að fara varlega því ný reglugerð heilbrigðisráðherra hreinlega lokar svæðinu - vegna smithættu!"

https://geiragustsson.blog.is/blog/geiragutsson/entry/2262524/

[Geir Ágústsson, 26.3.2021 kl. 20:54]

Guðmundur,

Er heilbrigðiskerfið orðið það yfirkeyrt VEGNA VEIRU að það þarf að FLETJA ÚT KÚRVUNA, eða er allt þetta bara "just in case"?

[Guðmundur Ásgeirsson, 26.3.2021 kl. 21:34]

Geir. Forvarnir ganga út á að afstýra því að eitthvað gerist sem maður vill ekki að gerist. Þess vegna gera Almannavarnir viðbragðsáætlanir fyrir óorðna atburði, til að geta brugðist við þegar þeir gerast frekar en að þurfa að glíma við slæmar afleiðingar þeirra eftir á.