Enn meiri aðför gegn okkar íslensku hefðum og hátíðarhaldi

Áramótabrennum aflýst. Annað dæmi um aðför gegn okkar íslensku hefðum og hátíðarhaldi í skjóli heimsfaraldurs (þrjú ný smit hér heima í gær). Reglugerð ráðherra segir tíu manns í RÝMI. Svæði í kringum brennu getur ekki talist rými nema hún sé höfð innandyra eða girt af með einhverjum hætti. Ef yfirvöldum væri alvara með reglugerðinni og fjöldatakmörkum væri búið að loka Smáralind og Kringlunni þar sem fjöldamörk í alrými eru vissulega brotin alla daga (engin undanþága er veitt fyrir verslunarmiðstöðvar í reglugerð) en menn kjósa að líta undan enda miklir fjármunir í húfi. Yfirvöld einbeita sér aftur á móti að því að loka kirkjum (10 manna hámark jafngildir lokun), hætta við áramótabrennur, skipa fólki að vera mest 10 saman í jólaboðum þar sem gestir eru minntir á nálægðarmörk. Eins þykir yfirvöldum rétt að svívirða jólasveina okkar Íslendinga og nota þá til að hrella krakka sem trúa á þá. Eru ekki enn allir með í að hlýða nýju íslensku kommúnistastjórninni?

Og í þessari frétt sýnist mér að verið sé að hugsa um banna flugelda, láta sveitarfélögin um það. (vegna baráttu við farsótt!!).

Áramótabrennum á höfuðborgarsvæðinu aflýst

Athugasemdir

[Geir Ágústsson, 18.12.2020 kl. 09:20]

Hér er tekin ákvörðunar án nokkurs rökstuðnings. Yfirvöld sitja á miklu magni af gögnum um uppruna smita - allt frá líkamsræktarstöðvum til mótmæla í byrjun júní - en ég hef ekki fundið þau. Kannski er þeim markvisst haldið í myrkrinu því ef fólk sæi með berum augum að smitin eru meira og minna að koma úr ólöglegum heimapartýum, en ekki verslunarmiðstöðvum og líkamsræktarstöðvum, þá er sennilega erfiðara að loka á allt sem gefur lífinu gildi.