Brot á fjöldatakmörkunum í verslunarmiðstöðvum dag eftir dag

Verslunarkjarnar, þar á meðal Smáralind og Kringlan, eru ekki með neinar undanþágur á fjöldatakmörkunum sbr. reglugerð heilbrigðisráðherra. Þar eiga sér stað brot á samkomutakmörkunum dag eftir dag. Það dugar ekki að setja mörk í verslanirnar, alrýmið er lokað rými, eitt rými og ekki með undanþágu. Þar eru mörg hundruð manns alla daga vikunnar sem er brot á reglunum. Þarna klikkaði ráðherra eða kaus að láta undan pressu verslunareigenda eða bara ekki með á nótunum. Á sama tíma eru margir skólar lokaðir. Skv. upplýsingum frá Almannavörnum er litið á verslunarmiðstöðvar (alrýmið) sem "opið rými". Það er auðvitað þvæla, það dugar ekki að "líta á lokað rými sem opið" og málið leyst! 

Fékk þetta svar líka frá heilbrigðisráðuneytinu:

,,Fjöldatakmarkanir eiga m.a. við um tónleikasali og íþróttasali, en slík húsnæði eru lokuð þar sem þær byggingar eru ekki hluti af ómissandi innviðum. Aftur á móti er litið svo á að verslunarmiðstöðvar séu hluti ómissandi innviða enda eru þar seldar nauðsynjar. Það er þannig að ekki geta allir gert innkaup sín á netinu og því er opið. Hver verslunareigandi ber ábyrgð á sóttvörnum innan verslunar og viðskiptavinir bera ábyrgð á eigin athöfnum á leiðinni til og frá versluninni. "

Það er sem sagt litið á verlsunarmiðstöðvar sem ómissandi innviði. Ath. að allt sem er þar inni er hægt að sækja annars staðar; apótek, matvöruverslanir o.fl. Fatnaðurinn eru ekki nauðsynjar, þ.e.a.s fatnaðurinn sem þarna fæst. Hægt að kaupa föt annars staðar, líka á netinu. Mikill fjöldi að nýta sömu salerni, rúllustiga, lyftur o.fl.

Undanþágur eru þessar og þar með´ná þær ekki til verslunarmiðstöðva:
,,Reglugerðin tekur hvorki til alþjóðaflugvalla og -hafna, né til loftfara og skipa í millilandaferðum og skipa sem stunda fiskveiðar. Einnig tekur reglugerðin ekki til heilbrigðisstofnana, hjúkrunarheimila og annarra sambærilegra stofnana, en þær skulu setja sérreglur um sóttvarnir."

Misskilningur um smit í Kringlunni

Athugasemdir

[Stefán (IP-tala skráð) 27.11.2020 kl. 00:23]

Það ættu ekki að vera neinar fjöldatakmarkanir neins staðar né grímuskylda. Þetta á þá að eiga við um Kringluna og Smáralindina.