Einn á sjúkrahúsi og loka landinu?

Það er einn á sjúkrahúsi vegna covid en nokkur hundruð eða þúsund smit í gangi  Á þá að loka landinu og það jafnvel í mörg ár eða þar til bóluefni finnst sem eflaust margir munu ekki vilja láta sprauta í sig.

Kári myndi vilja loka landamærunum

Athugasemdir

[Þorsteinn Siglaugsson, 9.8.2020 kl. 12:56]

Um tveimur mánuðum eftir að hindrunum var aflétt voru komin 100 smit. Þá er tekið til við að koma hindrunum á aftur. Talað um að þannig muni þetta ganga þangað til - ja, þangað til hvað? - það virðist enginn vita.

En, amk. 100 smit á hverjum tveimur mánuðum þýðir 600 á ári. Ef við reiknum með að um helmingur þjóðarinnar smitist á endanum, 180.000 manns, hversu lengi verður þetta opna/loka ástand þá viðvarandi, með truflunum á skólastarfi, menningarlífi í dróma, atvinnuleysi, húsnæðismissi, fátækt, sjálfsvígum?

180.000/600 eru 300. 300 ár!

Um 1% þjóðarinnar hafa smitast. 10 hafa látist. Það er 0.28%. Réttlætir það að leggja allt á hliðina í 300 ár? Réttlætir það húsnæðismissinn, fátæktina, hrun velferðarkerfisins, og öll dauðsföllin vegna þess, sem verða auðvitað margfalt fleiri? Ég segi nei.

[Kolbrún Hilmars, 9.8.2020 kl. 13:35]

Í þessu liggur þversögnin.  Yrði landinu "lokað" (þe öllu farandfólki gert að fara í sóttkví) þá mætti opna allt annað svo sem skólastarf, menningarlíf og frjáls viðskipti innanlands.  Sjálf hef ég aldrei verið sparsamari en á þessu ári - eiginlega engu eytt nema í áskriftir hér og þar, og er komin með langan lista af hlutum sem mig langar til þess að láta eftir mér.  :)

[Vagn (IP-tala skráð) 9.8.2020 kl. 13:36]

Á þá ekki að banna umferð fólksbíla þar til öruggt er að engin banaslys verði vegna aksturs þeirra? Það er ekki allt gáfulegt sem frá Kára kemur.

[Þorsteinn Siglaugsson, 10.8.2020 kl. 08:42]

Þetta er ekki svona einfalt. Þótt landinu yrði lokað er öruggt að hér eru smit til staðar, óþekkt, um allt samfélagið. Og þau valda því að faraldurinn blossar upp aftur og aftur.