Fólk krefst rannsóknar á áhrifum 5G á heilsuna!

https://secure.avaaz.org/en/community_petitions/heilbrigdisraduneytid_5g_a_islandi_nei_takk_vid_afthokkum_af_heilbrigdisastaedum/?gxGKrbb&fbclid=IwAR140uByHzp72C6ajKbT6wFAksJZ1HU7kQhCHwYYIUXw7MhHJSMgKQ-kzDw

Athugasemdir

[Þorsteinn Siglaugsson, 4.3.2020 kl. 20:01]

Það er engin hætta af 5G bylgjum. Dæmigert "scare" byggt á tómum misskilningi. Sjá hér t.d.:https://www.nytimes.com/2019/07/16/science/5g-cellphones-wireless-cancer.html

Annars er ég hissa á að í undiskriftasöfnunina vanti alveg vísun í nýjustu samsæriskenningarnar, um að kórónaveiran sé ekki til, heldur sé hún bara cover-up fyrir sjúkdóm af völdum 5G. Röksemdirnar eru m.a. þær að þar sem Íranir séu með áætlun um að koma upp 5G skýri það útbreiðslu veirunnar þar!

Þetta finnst mér vera miklu betri samsæriskenning, því hún er ennþá fáránlegri en hin!

[Vagn (IP-tala skráð) 5.3.2020 kl. 00:26]

Eftir að mistókst að drepa okkur með öllum E númerunum þá koma G númerin, 3G-4G-5G. Það er víst hægfara dauðdagi, getur tekið um 100.000 ár að innbyrða skaðlegt magn geisla og drepur á um fimm milljón árum. Ljósapera er margfalt hraðvirkari og skaðlegri. Og sjónvarp steindrepur þig á örfáum árþúsundum. Fyrir þá sem ekki vilja bíða er gott að setja snjallsímann í brjóstvasann, setjast undir háspennulínu og borða mat úr örbylgjuofni, dauði 99,9% tryggður innan 100 ára. Hægt er að verjast með því að vefja nokkrum lögum af álpappír um sig allan. Passa samt að klæða sig fyrst í vaxborinn málningargalla svo álið snerti ekki skinn og valdi Alzheimer. Og þeir sem hafa borðað E efni og verið bólusettir þurfa að taka inn tvær matskeiðar af laxerolíu á hverjum degi til að vinna gegn einhverfu og blettaskalla. Kórónaveiran vex og dafnar ef maður borðar pasta eða núðlur, sjáðu bara Ítalíu og Kína. Súrt slátur með hamsatólg og kekkjótt mjólk drepur veiruna. Einfaldar leiðbeiningar í flóknum og hættulegum heimi.

[Þorsteinn Siglaugsson, 5.3.2020 kl. 09:20]

Á dauða mínum átti ég von ...

[Harpa Fönn (IP-tala skráð) 5.3.2020 kl. 09:48]

Sæll Þorsteinn. 

 

Hvernig leyfir þú þér að fullyrða um að engin hætta sé á bylgjunum, þegar það er eimitt ekki hægt að fullyrða af eða á í dag? 

 

Hvort sem fólk ,,trúir” eða ,,misskilur” hitt og þetta, og sama hvaða skoðun fólk hefur í þessu tiltekna máli, eru fjölmargir vísindamenn, stofnanir og almenningur í þessum töluðu orðum að vinna í því að koma með marktækar rannsóknir og birta þær. Því er ekki hægt að segja af eða á um áhrif 5G á heilsu í dag, og til þess er þessi undirskriftarlisti einmitt gerður.  

 

Að sjálfsögðu, og eins og gerist þegar ríkir og sterkir efnahagslegir hagsmunir (fjarskipti og 5G) eru annars vegar, þurfa slíkar rannsóknir að vera marktækar og vel framsettar, ella er hætt við að þær verði þaggaðar niður eða kærðar. Það er því miður allt of algengt að þangað til slíkar rannsóknir liggja fyrir, að vísað sé til “hræðslu” og ,,samsæris”. Þetta eru niðrandi orð yfir skoðanir og upplifun fólks, en eru því miður mjög árangursrík orð til að þagga niður skoðanir. Mér þykir leitt að sjá slíka orðanotkun hjá þér, og vona ég að þú endurskoðir orðalag þitt og teflir frekar fram rannsóknum, rökum, upplifun eða þekkingu í þessum málum. En eins og ég segi - sem betur fer er verið að vinna í meiri rannsóknum á þessu sviði, og ákveðinn hópur fólks að kalla eftir slíku, þannig að vonandi fara mál að skýrast í þessum efnum.

 

Greinin sem þú vitnar til, fjallar helst um það að láðst hafi að taka inn í rannsókn Curry varnarviðbrögð líkamans. “the skins shielding effect” og að tíðni 5G sé til bóta í þeim efnum, þar sem þessi varnarviðbrögð muni hefta aðgang af hærri tíðni en ella. Það getur vissulega verið rétt. Að sjálfsögðu eru varnarviðbrögð og tól líkamans stórbrotin. Líkaminn okkar er "næstum" fullkominn. Og auðvitað getum við flest verið í einhvern ákveðinn tíma í hinum ýmsu bylgjum, eitrum og aðstæðum. Stundum jafnvel styrkjum við líkamann með því að láta reyna á hann, og stundum þarf einmtit að ná vissum styrkleika til að reyna almennilega á líkamann og styrkja hann enn meira (eins og td osteapathy og föstun vinnur út frá). Slíkar aðgerðir eru oft tilfallandi, alls ekki langvarandi eða viðvarandi, enda getur reynsla þess að fasta eða áreynslan við osteeopath til lengri og viðvarandi tíma leitt mann til dauða eða skemmt vefi og kerfi líkamans. Þannig geta varnarviðbrögð líkamans margfaldast og styrkts, því meira sem áreitið er og því meiri sem “hættan er”. Þeir einstaklingar sem enn hafa öll sín kerfi í lagi, eru vísir til að finna aldrei nein áhrif 5G, það getur vel verið rétt. 

 

En svo eru það hinir, einstaklingar eins og ég og svo ótrúlega margir aðrir sem ég þekki og veit af og eru í svipuðum sporum. Við höfum að öllum líkindum aðra sögu að segja. 5G er viðvarandi. Það er enn ein áreitissúpan í þeim heimi sem við lifum í í dag. Fyrir fólk eins og okkur er einfaldlega bara komið of mikið og 5G er bara að fara að bæta gráu ofan á svart. Það hefur td sýnt sig að þeir sem hafa í einhvern tíma þolað ákveðna geislun (eða annað áreiti), geta upplifað það að þola hana ekki lengur "If you measure the amount of cell phone radiation in a cubic inch of air, it is now several million times higher than it was just 10 years ago." https://emfsol.com/mold-produces-600-times-more-bio.../

 

Allar rannsóknir sem vinna að því að tengja mögulegt umhverfisáreiti við heilsu, taka eðli málsins samkvæmt tíma, upplifanir og reynslu. Þetta er nýtt svið og áhrif nýrra þátta á heilsu er einfaldlega ekki hægt að rannsaka til langtíma og eftirkasta (og sérstaklega ekki eins lúmsk og umhverfisveikindi geta verið) nema með tíma. Það liggur bara í hlutarins eðli. Eins geta umhverfisáhrif og orsakir verið svo margþátta og marglaga (eins og td áhrif myglusvepps á heilsu, áhrif tóbaksreykinga á heilsu, áhrif litarefna, MSG ofl efna í matvælaiðnaði á heilsu, áhrif BPA á heilsu, osfrv), og erfitt að mæla hvað hefur áhrif og nákvæmlega hvernig, enda einkennin oft mjög óljós og svipuð öðrum einkennum. En eitt er víst - fólk finnur fyrir einkennum, það eru fyrstu viðvörunarbjöllurnar, og svo fylgja vonandi ítarlegar rannsóknir sem annað hvort styðja þá upplifun, eða sýna fram á að orsökin sé önnur.  

 

Það verður vissulega erfitt að rannsaka þetta svið til hlítar, en það verður að reyna betur. Og það mun taka tíma að vinna úr niðurstöðum. En þangað til verður heilsa okkar og barnanna okkar að njóta vafans. Svo einfalt er það í mínum huga. Þeir hagsmunir almennings að setja upp þétt 5G net eru að mínu mati engir í dag. Það getur svo vel verið að 5G verði lífsnauðsynlegt síðar meir, og þá er hægt að taka nýtt hagsmunamat og skoða málið aftur, og verða þá vonandi komnar frekari rannsóknir. En í dag er það það ekki svo. 

 

 

 

Að lokum - þessi áskorun er að kalla eftir rannsóknum, sem eðli málsins samkvæmt eru af skornum skammti í dag í ljósi þess stutta tíma sem þessi tækni hefur verið til. Ef þú ert ekki viðkvæmur fyrir eða hefur ekki áhyggjur, þá er einfaldlega bara hægt að sleppa því að skrifa undir. Fólk hefur mismunandi skoðanir, upplifanir og sankar að sér þeim upplýsingum sem það vill, og ég ber fulla virðingu fyrir því. 

 

 

 

Hér er annars meira lesefni ef þú ert áhugasamur! 

 

 

 

https://www.sciencedirect.com/science/article/pii/S0013935118300161?via%3Dihub

 

 

 

https://www.sciencedirect.com/science/article/pii/S037842742030028X?fbclid=IwAR1UcA2uGefg2gH7olWos-YgWr3ohLBoGbKQdi5Y356lizlcDrA6xMx5Vhs

 

 

 

https://www.ncbi.nlm.nih.gov/pubmed/29402696?fbclid=IwAR2mN4WkUTZY74CXrPuu8MklnJpiHrnN-hDXR7U5poY_zOV5686QGl06GX0

 

 

 

https://www.ncbi.nlm.nih.gov/pubmed/30247338?fbclid=IwAR0_NNe6Yt_dTDVxJVWbls5Y3v89KBhrjje3Fnl4x4Yaitd-irjCOjLk18c

 

 

 

https://www.ncbi.nlm.nih.gov/pubmed/29459303?fbclid=IwAR1nh7k8Fqo4JveJzEOmJm_eCq2sx6ZkxfM2kVzZBEVtoEuZKgLUXtsff2M

 

 

 

https://ieeexplore.ieee.org/document/8016593

 

 

 

https://www.nature.com/articles/s41598-018-22271-3?fbclid=IwAR17_5Dp4XIeQ37xAlJ5JWNHlFZx-I8b_l5m0_7yKJqy1IR5rNqdW2ypO_I

[Vagn (IP-tala skráð) 7.3.2020 kl. 19:06]

5G er viss tækni til samskipta. Svipað og talmál, táknmál heyrnalausra, morsmerki, sms, facebook, kvikmyndir, vefpóstur o.s.frv. 5G er eitt skref í þróun sem hófst með urri, gelti og handahreyfingum frummannsins. 5G hefur því engin áhrif. Það hefur verið vitað í þúsundir ára að samskiptaaðferðir valda engum skaða. Bylgjurnar sem 5G svo notar, er sent eftir, hafa verið notaðar í tugi ára. Það eru sömu bylgjur og digital sjónvarp, útvarp, barnapíutæki, talstöðvar, gemsar, radar og gervihnettir nota.

5G er því svipað og bíómynd, það getur verið munur á hættu fyrir heilsu hvort þú horfir á hana í sjónvarpi, bíósal, rútu, flugvél eða útibíói. En sama hvaða aðferð er hættumest þá segir skynsemin okkur að bíómyndin sé ekki það hættulega. Það þarf ekki að rannsaka áhrifin af bíómyndum á heilsuna. En það má reyna að skapa ótta við kvikmyndir, sms, email eða 5g með því að halda fram hreinu bulli og kjaftæði. Það verður örugglega ekki skortur á fylgjendum og samsæriskenningum. Ótrúlega margir telja jörðina flata og tunglferðir blekkingu.