Gengistrygging gerð lögleg!

Úr frumvarpinu: „Lögaðilum og öðrum aðilum í atvinnurekstri skal vera heimilt að gera gengistryggða lánssamninga."

Eins og við vitum að þá eru fjármálastofnanir löngu byrjaðar að vinna skv. þessu lagafrumvarpi. Stofnanirnar eru enn á fullu að rukka ólöglega gengistryggð lán fyrirtækja og stefna þeim inn til dómstóla.  Og fjármögnunarfyrirtækin hafa sagt í þó nokkurn tíma að dómur Hæstaréttar nái ekki til fyrirtækja sem er kjaftæði. Hæstiréttur dæmdi einfaldlega gengistryggingu við erlenda gjaldmiðla ólögmæta. Þau vilja einnig meina að dómurinn nái ekki til fjármögnunarleigusamninga sem er líka rangt. 

Lögbrjótarnir stjórna ferðinni og stjórnmálamenn og dómstólar draga þá upp úr skítnum! Skilaboðin eru þau, að það sé í lagi að brjóta lögin, lögunum verður bara breytt til að lögleiða lögbrotið!

Gengislánafrumvarp lagt fram

Athugasemdir

[Guðmundur Ásgeirsson, 13.11.2010 kl. 20:46]

Þetta er vissulega nýmæli. En þessi heimild til að veita atvinnurekendum gengistryggð lán mun eingöngu gilda frá því að nýju lögin taka gildi, ef þau verða samþykkt. Það er ekki verið breyta því afturvirkt enda væri það fullkomlega óeðlilegt.

Hinsvegar er með frumvarpinu verið að reyna að gera lögleg gjaldeyrislán (ekki gengistryggð) ólögleg líka með afturvirkum hætti, sem hlýtur að teljast fullkomlega óeðlilegt. Sú breyting kæmi sér reyndar vel fyrir marga, en engu að síður væru það ólög ef slíkt yrði að veruleika.