Bandaríkin hafna breytingum á alþjóða heilbrigðsreglugerðinni

Heilbrigðisráðherra og utanríkisráðherra Bandaríkjanna gáfu í dag út sameiginlega yfirlýsingu um formlega höfnun Bandaríkjanna á breytingum Alþjóðaheilbrigðismálastofnunarinnar (WHO) á alþjóða heilbrigðisreglugerðinni frá árinu 2024.

Breytingarnar myndu veita WHO heimild til að fyrirskipa alþjóðleg útgöngubönn, setja á ferðatakmarkanir eða aðrar aðgerðir sem hún telur viðeigandi til að bregðast við óljósri „hugsanlegri lýðheilsuáhættu“.

Þessar reglugerðir verða bindandi ef þeim verður ekki hafnað fyrir 19. júlí 2025, óháð því hvort Bandaríkin hætti í WHO eða ekki.

„Tillögur að breytingum á alþjóða heilbrigðisreglugerðinni opna dyrnar fyrir áróðri og ritskoðun sem við sáum á meðan COVID-faraldrinum stóð,“ sagði Kennedy, heilbrigðisráðherra.

„Bandaríkin geta unnið með öðrum þjóðum án þess að stofna borgaralegum réttindum okkar í hættu, án þess að grafa undan stjórnarskrá okkar og án þess að afsala okkur dýrmætu fullveldi Bandaríkjanna.“ Kennedy birti einnig myndband þar sem hann útskýrði aðgerðirnar fyrir bandarísku þjóðinni.

„Hugtökin í breytingunum á alþjóðlegu heilbrigðisreglugerðinni frá 2024 eru óljós og víðtæk og auka hættuna á alþjóðlegum viðbrögðum sem Alþjóðaheilbrigðismálastofnunin (WHO) hefur samræmt og einblínir á pólitísk mál eins og samstöðu, frekar en skjótar og árangursríkar aðgerðir,“ sagði Rubio, utanríkisráðherra.

„Stofnanir okkar hafa verið og munu halda áfram að vera skýrar: við munum setja Bandaríkjamenn í fyrsta sæti í öllum aðgerðum okkar og við munum ekki þola alþjóðlega stefnu sem brýtur gegn tjáningarfrelsi, friðhelgi einkalífs eða persónufrelsi Bandaríkjamanna.“

Þann 1. júní 2024 samþykkti Alþjóðaheilbrigðisþingið (WHA), æðsta ákvarðanatökustofnun WHO, endurskoðaða útgáfu af alþjóðlegu heilbrigðisreglugerðinni í gegnum hraðferli án nægilegrar umræðu og almenningsþátttöku.

Öll yfirlýsingin er hér:

Pfizer lota EM0477 og réttarhöldin í Hollandi

Réttarhöld um bóluefnaskaða í Leeuwarden, Hollandi

Þann 9. júlí 2025 hófst sögulegt dómsmál í Leeuwarden í Hollandi sem markar mögulega upphaf á alþjóðlegu uppgjöri vegna skaða og spillingar í tengslum við COVID-19 sprautur. Réttarhöldin snúast um lotu nr. EM0477 af COVID-19 sprautunum frá Pfizer, og er því haldið fram að þessi lota hafi valdið verulegum skaða, þar á meðal dauðsföllum. Þetta mál, sem sumir kalla undanfara „Nürnberg 2.0“, er höfðað gegn valdamiklum einstaklingum. Í stefnunni eru lögð fram traust sönnunargögn, þrátt fyrir tilraunir til ritskoðunar og þöggunar. Stefnendur eru allt einstaklingar sem hafa hlotið skaða af bóluefnunum og einn þeirra hefur í millitíðinni látist. Þrír til viðbótar hafa óskað eftir að vera með í málssókninni.

Lota EM0477 og sönnunargögn

Þungamiðja málaferlanna er Pfizer lota nr. EM0477, þar sem lögð eru fram 146 sönnunargögn, m.a. innanhúss tölvupóstar, krufningar, samningar sem stjórnvöld gerðu og vitnisburðir uppljóstrara. Þessi lota er sérstaklega alræmd, og felur í sér tilkynntar aukaverkanir um skaða frá 79 heilsugæslustöðvum, læknum og ættingjum sem tilkynntu yfirvöldum um skyndileg dauðsföll í kjölfar bólusetninganna. Sönnunargögnin benda til kerfisbundins máls, sem einskorðast ekki við þessa einu lotu, heldur bendir til víðtækara misferlis lyfjafyrirtækjanna og háttsettra einstaklinga.

Lykilspurningar sem vakna eru meðal annars vanræksla á að innkalla hættulegar framleiðslulotur, yfirhylming á tilkynntum aukaverkunum og sú friðhelgi sem Pfizer hefur fengið með samningum sínum við ríkisstjórnir heims. Ákæruvaldið stefnir að því að afhjúpa alþjóðlegt bandalag milli stórfyrirtækja, lyfjafyrirtækja, fjölmiðla og stjórnvalda.

Stefnendur tilgreina nokkra þekkta einstaklinga í þessu máli, þar á meðal Albert Bourla, forstjóra Pfizer, sem er sakaður um að hafa blekkt almenning, Mark Rutte, fyrrverandi forsætisráðherra Hollands og núverandi framkvæmdastjóra NATO, fyrir að leyna öryggisgögnum, Ursulu von der Leyen, forseta framkvæmdastjórnar Evrópusambandsins, fyrir leynilega bóluefnasamninga og fyrir að hylma yfir aukaverkanir, Bill Gates, sem er áhrifamikill í alþjóðlegum heilbrigðismálum og Klaus Schwab, stofnanda Alþjóðaefnahagsráðsins. Þessar ásakanir snúast ekki aðeins um réttarbaráttu heldur eru jafnframt áskorun um heiðarleika í alþjóðlegum stjórnarháttum og ábyrgð fyrirtækjanna.

Handtaka Arno van Kessel, lögmanns stefnenda

Verulega reyndi á skriðþunga málsins þegar Arno van Kessel, aðallögmaður málaferlanna, var handtekinn 11. júní sl. Van Kessel var fjarlægður með valdi af heimili sínu af sérstöku íhlutunarteymi. Bundið var fyrir augun á honum, hann handjárnaður og stungið í fangelsi við hámarksöryggisgæslu í Suður-Hollandi, sem leyfir hvorki heimsóknir fjölskyldu né samskipti af neinu tagi.

Þessi handtaka, sem átti sér stað rétt fyrir réttarhöldin 9.júlí, er talin tilraun til að hræða aðra frá því höfða mál af svipuðum toga, ásamt því að spilla málsmeðferðinni. Tímabundin fangelsun Van Kessel sem lögmanns í málinu, hefur verið framlengd í allt að tvö ár og veldur áhyggjum yfir því að lögfræðiaðstoð sé ekki lengur til staðar. Hollenski lögmaðurinn og kollegi Van Kessel, Peter Stassen, hefur þó tekið við málinu. Fangelsið sem er þekkt fyrir yfirheyrsluherbergi og aðgang að dómskerfinu á netinu, hefur verið líkt við fangelsið í Guantanamo-flóa.

Áhrif og krafa um réttlæti

Réttarhöldin í Leeuwarden eru talin geta undið upp á sig og leitt til svipaðra dómsmála á heimsvísu. Í málinu er lögð áhersla á nauðsyn þess að stofna nýjan alþjóðlegan dómstól ef borgaralegir dómstólar skyldu bregðast og gefið til kynna að herdómstólar séu síðasta úrræðið í baráttunni gegn landráðum á hæsta stigi.

Handtaka Van Kessel og sönnunargögnin sem lögð eru fram varpa enn frekara ljósi á hversu víðtæk ritskoðunin og þöggunin er í tengslum við COVID-19 bóluefnin, hinar ýmsu tilskipanir og hagnaðinn sem hefur hlotist af bóluefnunum, þar sem jafnframt er krafist réttlætis fyrir fórnarlömb og ábyrgðar sakborninga.

 

 

Hver er bólusetningastaða þeirra greindu og látnu?

Það sem vantar alveg inn í svona fréttir er hver bólusetningastaða þeirra veiku (greindu) og látnu er. Því samhliða svona fréttum er oftast talað um bólusetningar í leiðinni og þannig er það í pappírsútgáfu Moggans í dag (og sbr. mynd með þessari tengdu frétt):

19 létust af Covid-19. Hver var bólusetningastaða þeirra? 90% landsmanna hafa fengið Covid-sprautur og hlutfallið er enn hærra hjá 70 ára og eldri.

„Segir í skýrslunni að tímabært sé að skoða hvort hægt sé að afmarka frekar hvaða hópar þurfa enn Covid-bólusetningu reglulega. Árið 2025 er síðasta árið sem samevrópskir samningar um covid19-bóluefni skila bóluefni hingað til lands."

Og:

„Í fyrra greindust 145 með kíghósta og var helmingur þeirra börn 14 ára og yngri, þar af sex ungbörn á fyrsta aldursári, en þeim er hættast við alvarlegum veikindum. Enginn lést vegna kíghósta í fyrra. Frá 2019 hefur verið boðin bólusetning gegn kíghósta á meðgöngu með ágætri þátttöku, eða um 70%."

Í svona frétt þar sem fjallað er um veikindi og bólusetningar samhliða, þá vantar algjörlega samanburðinn. Hvaða börn fengu kíghósta, mæður þeirra sem ekki fengu bólusetningu á meðgöngu, börn sem ekki fengu sjálf kíghósta bólusetninga eða hvað?

Hér er samantekt frá því í fyrra í tengslum við sýkingar í skólum. Skv. fyrirspurn og svari sóttvarnalæknis höfðu allir þeirra greindu fengið bóluefnið.

Án þessara upplýsinga eru engin vísindi til staðar! Og konurnar á „mæðratips" missa sig og saka foreldra um að bólusetja ekki börnin sín!!

https://thordisb.blog.is/blog/thordisb/entry/2301684/

Í þessu samhengi mætti einnig nefna að heilbrigðisyfirvöld eru ekkert að hafa fyrir því að kanna flensubólusetningastöðu (eða segja það a.m.k.) þeirra sem lagðir eru inn vegna flensunnar. Hvernig væri það nú? Þau segjast ekkert vita um samband flensubólusetninga og innlagna vegna flensunnar. En sú vísindi! ;)

https://thordisb.blog.is/blog/thordisb/entry/2310303/

Versta bylgja kíghósta í nær 30 ár

Nýjasta nýtt frá Astra Zeneca - RS-bóluefni fyrir ungabörn

„Börn sem hafa ekki náð sex mánaða aldri geta fengið bólusetningu við RS-veiru frá og með næsta hausti. Alma Möller heilbrigðisráðherra hefur heimilað sóttvarnarlækni að ganga til kaupa á mótefni við RS-veiru til tveggja ára." Svo segir í tengdri frétt."

Það gleymist alveg að minnast á hver framleiðandinn er. Astra Zeneca! Munum covid sprauturnar frá þeim sem fljótlega voru teknar úr umferð sökum blóðtappahættu, og fyrir um ári síðan var markaðsleyfið fyrir efnið innkallað. Það gerðist um svipað leyti og fjöldamálsóknir voru gegn fyrirtækinu í Bretlandi sem þurfti að viðurkenna skaðann fyrir dómstólum. Ástæðan sem var gefin í fjölmiðlun var dvínandi eftirspurn ;)

„Við lok samnings um kaup á mótefninu árið 2027 verða áhrif bólusetninganna metin og skoðað hvort skynsamlegt sé að bjóða þær til framtíðar samhliða almennum bólusetningum barna." 

Það verður sem sagt gerð tveggja ára tilraun á íslenskum hvítvoðungum og ungabörnum. Sem er töluvert lengri tími en covid-bóluefnið frá Astra Zeneca var notað í Danmörku, eða fáeina mánuði, og eitthvað lengur hér á landi. 

Skammturinn kostar skv. þessari frétt frá rúmlega 500 USD - rúmlega 1000 USD eða um 70 - 100 þús. kr. Margfaldið það með fjölda ungabarna sem eiga að taka þátt í tilraun heilbrigðisráðherra.

Hér má sjá yfirlit yfir aukaverkanir. Merkilegt að ráðlagt sé að börn sem áður hafa fengið bráðaofnæmi við lyfinu fái ekki mótefnið nýja. Lyfið er fyrst gefið hvítvoðungum og ungabörnum undir 6 mánaða. Áður hvenær, í móðurkviði eða fyrra lífi?

Yngstu börnunum býðst bólusetning gegn RS

Ef þú dæmir gegn Kára Stefánssyni ertu Trumpisti!

„En nú fer þetta fyr­ir Hæsta­rétt og ég lít svo á að Íslensk erfðagrein­ing sé hepp­in að Don­ald Trump skipaði eng­an af hæsta­rétt­ar­dómur­un­um.“ Svo segir Kári Stefánsson í tengslum við áfrýjun til Hæstaréttar Íslands. Dómararnir eru nefnilega Trumpistar ef þeir fara gegn Kára!

Alltaf tilbúinn með sitt „fyndna" andlega ofbeldi. 

Faraldurinn var tími sem Kári mátti allt, segja öllum fyrir verkum, hóta og skamma, t.d. með grímuskyldu en sást svo sjálfur grímulaus úti í sjoppu.

Munið þegar hann vildi senda þá út í Grímsey sem ekki hlýddu honum og Víði og fóru ekki í Cov. sprautu? Sprautur sem Landspítalinn er nú að rannaska hvort valdi hjartaðskaða.

Eða þegar hann sagði að foreldrum þætti ekki vænt um börnin sín hlýddu þeir ekki bólusetningaáætlun Landlæknis. Það væri fólk sem tryði því að jörðin væri flöt!

Þannig að ef dómararnir dæma Kára ekki í vil eiga þeir á hættu að fá reiðigusuna yfir sig og verða kallaðir öllum „illum nöfnum." 

p.s. ólíkt Kára þá var Trump mótfallinn hvers kyns þvingunum, brottrekstri úr starfi o.fl. í faraldrinum. Hann hefur t.d. endurráðið brottrekna hermenn og greitt þeim full laun aftur í tímann, s.s. reknir í stjórnartíð Biden fyrir að vilja ekki sprauturnar sem Kára finnst algjört nammi!

Yrði leiðinlegt líf án smá átaka

Vita ekkert um samband innlagna og flensusprauta hérlendis

Setti inn þessa færslu hér neðar 11. jan.sl. og sagðist ætla að upplýsa um svarið þegar það kæmi.

Svarið var „nei“, bæði hjá sóttvarnarlækni og LSH. Ekkert skoðað hvort þeir sem eru að leggjast inn vegna flensunnar hafi fengið inflúensubólusetningu áður og þá hvort hún virki eins og þau segja. Það væri frekar auðvelt og áhugavert að gera þannig könnun en: „Nei embættið heldur ekki utan um bólusetningarstöðu þeirra sem leggjast inn sökum flensu. Bendi þér á að beina fyrirspurn til LSH." Fékk sama svar frá LSH. Bara treyst á erlend gögn, segja þau. Kannski frá sjálfum framleiðandanum.;)

Hún var svona:

„Það eru marg­ir sem segja að þetta (inflúensubólusetning) virki ekki því þeir hafi samt fengið in­flú­ensu, en bólu­setn­ing­ar eru mis­góðar milli ára og koma ekki í veg fyr­ir smit held­ur draga úr al­var­leg­um ein­kenn­um.“ Svo segir Guðrún Aspelund sóttvarnarlæknir í tengdri frétt.

Eftirfarandi fyrirspurn var send sóttvarnalækni fyrir nokkru varðandi einmitt þetta, til að forvitnast um það hvernig fylgst sé með því hvort bóluefnið komi í veg fyrir eða dragi úr veikindum fólks:

 

„Heldur embættið eða LSH utan um tölfræði er tengist inflúensubólusetningum og innlögnum sökum flensunnar? M.o.ö. inflúensubólusetningastöðu þeirra sem þurfa að leggjast inn vegna flensunnar, þar á meðal börn?

 

Ef svo, hver er inflúensubólusetningastaða þeirra innlögðu á þessu ári (ef til eru tölur yfir síðustu ár, mættu þær gjarnan fylgja með). Sundurliðað eftir fullorðnum og börnum.

Ef ekki, hvernig er fylgst með því hvort inflúensubólusetningar komi í veg fyrir alvarleg flensutilfelli og /eða innlagnir á sjúkrahús?"

Mun setja svarið inn hér þegar það berst. Sérstaklega er áhugavert að fá svör varðandi börnin, en nýlega hafa foreldrar barna 6 mán. til fjögurra ára verið hvattir til að koma með börn sín í inflúensusprautu, nokkuð sem áður þekktist ekki og ekki heldur að barnshafandi konur væru að fá bólusetningar af einhverju tagi, en nú er sagan önnur. Þær eru hvattar til að fá Covid-sprautur, inflúensusprautur, kíghósta og mögulega einhverjar fleiri sprautur á meðgöngu.

Ekki of seint að fá inflúensusprautuna

Inflúensubólusetningar og innlagnir á sjúkrahús

„Það eru marg­ir sem segja að þetta (inflúensubólusetning) virki ekki því þeir hafi samt fengið in­flú­ensu, en bólu­setn­ing­ar eru mis­góðar milli ára og koma ekki í veg fyr­ir smit held­ur draga úr al­var­leg­um ein­kenn­um.“ Svo segir Guðrún Aspelund sóttvarnarlæknir í tengdri frétt.

Eftirfarandi fyrirspurn var send sóttvarnalækni fyrir nokkru varðandi einmitt þetta, til að forvitnast um það hvernig fylgst sé með því hvort bóluefnið komi í veg fyrir eða dragi úr veikindum fólks:

 

„Heldur embættið eða LSH utan um tölfræði er tengist inflúensubólusetningum og innlögnum sökum flensunnar? M.o.ö. inflúensubólusetningastöðu þeirra sem þurfa að leggjast inn vegna flensunnar, þar á meðal börn?

 

Ef svo, hver er inflúensubólusetningastaða þeirra innlögðu á þessu ári (ef til eru tölur yfir síðustu ár, mættu þær gjarnan fylgja með). Sundurliðað eftir fullorðnum og börnum.

Ef ekki, hvernig er fylgst með því hvort inflúensubólusetningar komi í veg fyrir alvarleg flensutilfelli og /eða innlagnir á sjúkrahús?"

Mun setja svarið inn hér þegar það berst. Sérstaklega er áhugavert að fá svör varðandi börnin, en nýlega hafa foreldrar barna 6 mán. til fjögurra ára verið hvattir til að koma með börn sín í inflúensusprautu, nokkuð sem áður þekktist ekki og ekki heldur að barnshafandi konur væru að fá bólusetningar af einhverju tagi, en nú er sagan önnur. Þær eru hvattar til að fá Covid-sprautur, inflúensusprautur, kíghósta og mögulega einhverjar fleiri sprautur á meðgöngu.

Íslendingar ekki duglegir að fara í inflúensubólusetningar

213 Íslendingar létust úr Covid þrátt fyrir 95% bólusetningahlutfall

„Dán­artíðni hér á landi hef­ur lækkað jafnt og þétt síðasta ára­tug­inn ef árið 2022 er und­an­skilið en þá hækkaði dán­artíðnin nokkuð. Seg­ir land­læknisembættið að það megi að mestu rekja til fjölda and­láta vegna covid-19, sem voru alls 213 á ár­inu." Þetta segir í tengdri mbl frétt.

„Fagfólkið" hjá landlæknisembættinu mætti útskýra hvers vegna svo margir létust af Covid, þegar bólusetningahlutfall eldri hópanna (þeirra sem helst létust) var um 95%. Flestir höfðu fengið fjóra skammta af svokölluðu bóluefni.

Ef hundurinn þinn væri þrí- eða fjórsprautaður við Rabies og fengi svo Rabies og myndi auk þess deyja úr sjúkdómnum þá myndu einhverjir klóra sér í hausnum og spyrja spurninga.

En hey, ekki með covid sprauturnar en einstaklingur telst fullbólusettur eftir 2 skammta segir á síðu landlæknisembættis sem auðvitað á fullt í fangi með að útskýra fyrirbærið.

Munum að íslenskur læknir er til rannsóknar fyrir að skrá fjögur andlát á Covid-sprautur. Alveg eins og starfsfólk Sóltúns var til rannsóknar þegar það spurðist út að tengdamóðir þáverandi landlæknis og núverandi heilbrigðisráðherra, var sú eina á Sóltúni sem ekki fékk sprautuna. Aldrei var rannsakað hví sú gamla hafi ekki fengið sprautuna eins og allt hitt gamla fólkið. Bara hver „lak" (eins og það fréttist ekki að allt gamla fólkið hafi fengið sprautu við hátíðlega athöfn á elliheimili nema tengdamóðir landlæknis og móðir hjartalæknis!) Ljóst er að Alma Möller og eiginmaður hennar, hjartalæknirinn, voru innherjar!

Og sjáið upplýsingarnar hjá embættinu. Faglegar ekki satt? Uppfærslu hætt. Hvenær var henni hætt, á hvaða tímabili eru landsmenn tví,-þrí-og fjórbólusettir? Linkur á bólusetningar 2023" neðst. Úps, virkar ekki.

Á maður að sjá það á þessum upplýsingum sem ekki er auðvelt að finna, fyrir það fyrsta? „Staðan í dag." Í dag hvenær?

Ath. að ómögulegt hefur reynst að fá upplýsingar um hversu margar sprautur þeir fengu sem sagðir eru hafa dáið úr covid.(Við vitum fyrir víst, að ef þeir covid-látnu hefðu verið ósprautaðir, væri það í öllum fjölmiðlum, daginn út og inn.)

 

Ólíkar dánarorsakir karla og kvenna

Barnalæknir eða sölumaður lyfjafyrirtækja? - Fyrri hluti

Eftir Helga Örn Viggósson:

 

 

Í stuttu máli: Að undanförnu hafa fjölmiðlar birt fréttir í sífellu um hinn árlega RSV “faraldur” og gert mikið úr, og gefið tveim barnalæknum ótakmarkað pláss til að prómótera “byltingarkenndar” nýjar lausnir frá stóru lyfjafyrirtækjunum, sem hafa farið á “Warp Speed” í gegnum leyfisveitingaferli lyfjastofnanna sem eru í vösum hagsmunaaðila. Enn eina ferðina á að gera börnin okkar og barnshafandi konur að tilraunadýrum, með illa rannsökuð efni. Óháðir sérfræðingar sem greint hafa klínísku rannsóknirnar að baki þessum lyfjum og gögnin síðan þau fóru fyrst í umferð erlendis fyrir rúmu ári, vara við þessum efnum, telja að þau komi til með að auka dánartíðni nýbura og valda alvarlegum aukaverkunum. Klínískar tilraunir Moderna með mRNA útgáfu af RSV “bóluefni” fyrir börn voru nýverið stöðvaðar vegna neikvæðrar verndar og alvarlegra aukaverkanna.

 

Valtýr Thors, barnalæknir, sá sami og beitti sér einna mest lækna í fjölmiðlum fyrir því að bólusetja ung börn gegn kóvid, þrátt fyrir vitneskju sína um að þeim væri engin hætta búin af sjúkdómnum [1] og að sprauturnar fælu í sér mikla áhættu á margvíslegum alvarlegum aukaverkunum, hefur ásamt félaga sínum Ásgeiri Haraldssyni keyrt mikla söluherferð [2,3,4,5] fyrir því að íslensk stjórnvöld kaupi rándýrt splunkunýtt illa rannsakað einstofna mótefni fyrir smábörn og bóluefni fyrir barnshafandi konur gegn RS kvefveirunni.

 

Alveg eins og í kóvid, þá hafa ríkisstyrktir íslenskir fjölmiðlar gagnrýnislaust birt söluræður þessara manna í viðtölum og greinum að undanförnu. Það má reyndar sjá margar aðrar hliðstæður við kóvid í þessu háskaleikriti, sem undirstrikar mikilvægi þess að kóvid-uppgjör fari fram án frekari tafa, ekki síst í ljósi þess að nú eru börnin okkar megin skotmarkið, sem okkur ber heilög skylda til að vernda.

 

Rétt er að taka það fram að RS veirusýking er tiltölulega væg kvefpest hjá langflestum börnum. Í alvarlegum tilvikum nær sýkingin í neðri öndunarfæri og getur valdið bráðri berkjungabólgu (bronchiolitis) - aðrar veirur geta einnig orsakað hana. Í grein í Læknablaðinu segir:

 

"Dánartíðni vegna bráðrar berkjungabólgu er mjög lág. Í Bandaríkjunum er dánartíðnin tvö börn af hverjum 100.000 lifandi fæddum. Það eru helst börn sem eru miklir fyrirburar og/eða með undirliggjandi sjúkdóma sem látast vegna bráðrar berkjungabólgu." [6]

 

Sem sagt, 0,002% líkur á andláti, hér á landi hefur ekkert barn látist sl. 10 ár af völdum RS kvefveirunnar skv. dánarmeinaskrá. Velþróaðar meðferðir eru fyrir hendi til að hafa stjórn á sjaldgæfum alvarlegum tilfellum og aðeins börn sem eru mjög veik fyrir eru í einhverri hættu. Þetta þýðir einfaldlega að almennar ónæmisaðgerðir með áhættusömum efnum er ekki hægt að réttlæta með nokkrum hætti - það væri hrein geggjun!

 

En skoðum nánar það sem er verið að reyna að selja okkur núna; tökum fyrst fyrir einstofna mótefnið (monoclonal antibody), nirsevimab (Beyfortus), sem markaðsett er af AstraZeneca og Sanofi, sem fengu flýtimeðferð í gegnum leyfisveitingarferlið, þar sem mikilvægum öryggisprófunum var sleppt, líkt og með kóvid tilraunaefnin. Staðreynd sem hlýtur að reisa rauð flögg í hugum flestra. Lyfjafyrirtækin, sem hafa eftirlitstofnanir eins og FDA og EMA í vasanum, virðast ætla að teika “COVID-19 Operation Warp-Speed” vagninn inn í framtíðina, gera það að normi að ekki þurfi að prófa lyf almennilega áður en þau fara á markaðinn, s.s. nota almenning, í þessu tilfelli nýfædd börn, sem tilraunadýr.

 

"Byltingakennt" og önnur lýsingarorð, sem sölumenn notaðra bíla myndu veigra sér við að nota, hafa komið fram í áðurnefndum söluræðum og VT nefnir töluna 80% færri spítalainnlagnir vegna RS kvefveirunnar, ef þessu nýja lyfi yrði sprautað í öll nýfædd börn á Íslandi strax eftir fæðingu, sem virðist vera markmið söluherferðarinnar. Þarna er hann að vísa í upplýsingar frá lyfjafyrirtækinu, ekki úr raunveruleikanum.

 

Þetta minnir óneitanlega á þegar Pfizer sagði okkur að hlutfallsleg áhættuminnkun alvarlegra sýkinga með mRNA bóluefninu þeirra væri 95%, þegar raunáhættuminnkunin var 0,84%, skv. bráðabirgðaskýrslunni úr klínísku tilrauninni þeirra, sem aldrei var lokið við. Ég skrifaði grein [7] í janúar 2021 þegar mér ofbauð sölumennska Kára Stefánssonar, sem líkti kóvid bóluefnunum strax í kjölfar fyrstu fréttatilkynninganna frá framleiðendunum, löngu áður en það kom á markaðinn, við nammi og notaði lýsingarorð eins og "gífurlega”, “stórkostlega” og “feikilega”, eitthvað sem ábyrgur læknir myndi aldrei láta út úr sér. Við vitum öll núna að það var lítið eða ekkert að marka neitt af því sem kom frá Kára og Pfizer, hreinar blekkingar eins og blasir við ef skjölin úr klínísku tilraununum þeirra eru skoðuð; skjölin sem FDA og Pfizer vildu fela fyrir almenningi í 75 ár en dómstóll ákvað annað. [8]

 

Rétt er að halda því til haga að saga þróunar á ónæmislyfjum gegn RSV, þá aðallega bóluefnum, er þyrnum stráð svo vægt sé til orða tekið, þar sem efnin hafa ávallt leitt til neikvæðrar niðurstöðu, helst vegna sjúkdómseflandi mótefnamögnunar, sem þýðir að þau sem hafa verið sprautuð veikjast miklu verr af sýkingunni, oft lífshættulega, sem sprautan átti að verja gegn heldur en þau sem sluppu við sprautuna. [9] Fyrir kóvid var saga þróunar bóluefna gegn kórónuveirum brennd sama marki nema hvað tilraunir komust aldrei upp úr dýrafasanum, ekki fyrr en þeim fasa var sleppt á forsendum meints neyðarástands vegna kóvid, en öðru máli gegndi með RSV, þar sem börn dóu í tilraununum, sem leiddi til þess að þróunin var stöðvuð í langan tíma.

 

Það er byltingarkennt að ætla að sprauta öll heilbrigð nýfædd börn með synetísku mótefni, því hvorki það né fjöldamótefnagjöf hefur fyrr verið viðhaft í sögu læknisfræðinnar (venjulegar mótefnagjafir hafa yfirleitt aðeins verið gefnar í neyðartilfellum). Ekki síst þegar að baki liggja lélegar rannsóknir eins og hér um ræðir, þar sem þátttakendur voru svo fáir að ómögulegt væri að grípa allar sjaldgæfar alvarlegar aukaverkanir. Fyrir kóvid hefði það einnig þótt byltingakennt að hleypa lyfi á markaðinn þar sem grundvallar öryggisprófanir vantar og engin langtíma gögn (það hefur þó viðgengist hvað bóluefni fyrir börn varðar).

 

Tólf nýburar í lyfhópnum, sem tóku þátt í klínísku tilraununum fyrir nirsevimab (Beyfortus) dóu [10], þrátt fyrir ströng skilyrði um heilbrigði fyrir þátttöku. Samkvæmt greiningu sem birt var í september sl. í japanska læknisfræðitímaritinu Med Check höfðu nýburar sem fengu lyfið hærri dánartíðni heldur en placebo-hópurinn, sem tengdist skaðlegum áhrifum lyfsins m.a. segamyndun (blóðtappa). Japönsku vísindamennirnir áætluðu að uppsöfnuð dánartíðni í einni klínísku rannsókninni fyrir nirsevimab væri 751 dauðsföll á 100.000 mannsár, sem er talsvert hærra en ungbarnadauði meðal almennings í hverju landi sem tók þátt í klínísku rannsókninni. Niðurstaða þeirra var: “Nirsevimab should not be used in any infants including for universal immunization.” [11, 12]

 

Skýrsla franskra yfirvalda sem gerð var af franska lyfjafyrirtækinu Sanofi (annar framleiðenda Beyfortus), um árangurinn af Beyfortus sprautuherferðinni þar í landi í fyrra, er frekar dökk, jafnvel þó hún geti vart talist hlutlaus. [13]:

 

Í skýrslunni segir frá þremur vöggudauðsföllum (SIDS - sudden infant death syndrome). Nýfætt barn fannst lífvana 2,5 klst. eftir Beyfortus sprautu. Nýfætt barn sem sprautað var á öðrum degi lífsins, lést 10 dögum síðar. Nýburi sem þurfti gjörgæslu við fæðingu en náði sér og fékk þá Beyfortus sprautuna. Tveimur og hálfum mánuði eftir sprautuna sýktist barnið af RSV (sem sprautan átti að vernda gegn) og dó þrem dögum síðar. Frönsku vísindamennirnir komust að þeirri niðurstöðu að efast væri um tengslin milli tilkynntra dauðsfalla og Beyfortus en að ekki væri hægt að útiloka tengslin. Þær ráðlögðu hins vegar að það þyrfti að fylgjast vel með hvort lyfið ylli SIDS.

 

Aðrar alvarlegar aukaverkanir sem getið var um í skýrslunni voru m.a. eftirfarandi:

 

• 7 öndunarfæra-, hjarta- og lungnasjúkdómar.

• 4 meltingarfærasjúkdómar.

• 10 húð- og undirhúðsjúkdómar.

• 3 taugakerfissjúkdómar, þar á meðal 1 heilablóðfall og 2 tilfelli af lágþrýstingi.

• 1 með alvarlegan nýrnasjúkdóm.

• 9 „almennir kvillar,“ þar með talið hraðtaktur, alvarleg flensulík einkenni og hiti.

• 11 tilfelli af áverkum, eitrun og fylgikvillum sprautunnar.

• 1 með alvarlega nýrnasýkingu.

• 4 frávik á sprautustað.

• 148 tilvik um alvarlega óvirkni lyfsins, þar sem nýburar fengu RSV sýkingu stuttu eftir að hafa verið sprautuð. Mörg ungbarnanna sem fengu RSV sýkingu voru lögð inn á sjúkrahús. (Líklega sjúkdómseflandi mótefnamögnun)

 

Fram koma í skýrslunni 21 tilfelli sem voru “athyglisverð”, þar á meðal tvö dauðsföll vegna SIDS, heilablóðfall sem átti sér stað í þriggja daga gömlu ungbarni daginn sem það fékk Beyfortus sprautuna sína, og tvö tilfelli af bráðri mæði, sem er mjög stutt öndun sem oft stafar af hjartasjúkdómum eða tengdum vandamálum.

 

Margt fleira sem kom fram í skýrslunni sem vekja ætti áhyggjur en það sem var ekki síður athyglisvert var að franskir fjölmiðlar sem fjölluðu um hana sögðu að niðurstaðan væri “traustvekjandi”.

 

Læt staðar numið hér að sinni. Hafi mér tekist að vekja foreldra, afa og ömmur ungbarna til hugsunar um hversu mikilvægt er að kynna sér vel öll efni sem sölumenn lyfjafyrirtækjanna vilja sprauta í börnin okkar áður en það er of seint, þá er tilganginum náð. Í seinni hluta greinarinnar ætla ég að fara yfir það sem vísindin segja okkur um RSV bóluefnið frá Pfizer, sem ekki er síður varasamt.

 

 

Heimildir: 

1. SARS-CoV-2 Infections in Icelandic Children: Close Follow-up of All Confirmed Cases in a Nationwide Study - https://pubmed.ncbi.nlm.nih.gov/35797713/
2. Hægt að fækka innlögnum barna um 80 prósent - https://www.mbl.is/frettir/innlent/2024/12/13/haegt_ad_faekka_innlognum_barna_um_80_prosent/
3. RS veiran – blikur á lofti - https://www.visir.is/g/20242663571d/rs-veiran-blikur-a-lofti
4. Vill að íslensk stjórnvöld fjárfesti í mótefni við RS-veirunni - https://www.ruv.is/frettir/innlent/2024-12-14-vill-ad-islensk-stjornvold-fjarfesti-i-motefni-vid-rs-veirunni-430966
5. Byltingarkennt mótefni mögulega komið fyrir næsta faraldur - https://www.visir.is/g/20242664143d/byltingarkennt-motefni-mogulega-komid-fyrir-naesta-faraldur
6. Bráð berkjungabólga – yfirlitsgrein - https://www.laeknabladid.is/tolublod/2011/03/nr/4138
7. Kári fakttékkaður - https://krossgotur.is/ad-vera-vitur-fyrirfram/
8. The Pfizer Papers: Pfizer's Crimes Against Humanity - https://a.co/d/4VJ5uUq
9. RSV Vaccines for Children: Still Crazy After All These Years - https://www.malone.news/p/rsv-vaccines-for-children-still-crazy
10. Twelve Infants Die During Clinical Trials for FDA-Endorsed RSV Drug - https://thevaccinereaction.org/2023/06/twelve-infants-die-during-clinical-trials-for-fda-endorsed-rsv-drug/

11.Nirsevimab (Beyfortus®): for RSV infection prevention - https://medcheckjp.org/wp-content/uploads/2024/09/Eng-no-30.pdf

12.‘Should Not Be Used in Any Infants’: Higher Death Risk in Beyfortus RSV Shot Clinical Trials https://childrenshealthdefense.org/defender/death-infants-clinical-trials-beyfortus-rsv-shot/

13. Franska Sanofi skýrslan - https://childrenshealthdefense.org/wp-content/uploads/Engligh_version_French-Beyfortus-PV-report.pdf

 

Tilfellum RS-veiru fjölgar verulega

"Öruggt og áhrifaríkt" mótefni fyrir nýbura frá Astra Zeneca!?

„Seg­ir Guðrún Aspelund að nú sé hins veg­ar komið nýtt mót­efni (við RS-veiru)sem hafi verið notað í fyrsta skipti í fyrra­vet­ur í nokkr­um lönd­um í Evr­ópu.... Þetta er mót­efni þannig það eru eng­ar auka­verk­an­ir,“ segir Guðrún í viðtengdri frétt.

Aðeins fífl myndu ráðleggja að öllum nýburum yrði gefið nýtt og „byltingarkennt" mótefni og það frá Astra Zeneca.

RS-veirusýkingar eru mjög algengar. Nær öll börn fá RS veirusýkingu fyrir 2ja ára aldur. Oftast eru þær ekki alvarlegar en sum börn eiga á hættu að verða alvarlega veik.

Sem sagt, sum börn eiga á hættu að verða mikið veik og þá er lausnin að gefa öllum nýburum sem fæðast á "flensutímum" nýtt mótefni!

Það þarf að skoða fyrir hverja þetta heilbrigðisstarfsfólk er að vinna. 

Erfitt hefur reynst að fá upplýsingar frá LSH, sem er opinber stofnun, um hvaða lyfjafyrirtæki hafa greitt laun eða styrki til spítalans (t.d. fyrir vinnu starfsfólks þess).

Í rannsókn þeirra Valtýs Thors og Ásgeirs Haraldssonar barnalækna á Covid og börnum kemur fram að Valtýr hafi fengið greiðslur frá Pfizer og Sanofi en þær ekki runnið til hans heldur LSH. Börnin sem ekkert urðu veik af Covid skv. fyrri hluta rannsóknarinnar fengu síðan "long-covid" eftir að læknarnir hvöttu til þess að börnin fengju covid sprautur seinni part árs 2021. Ekki minntust læknarnir einu orði á sprauturnar í rannsókn sinni, eins og þær væru ekki til, heldur röktu þeir veikindi barnanna beint til veirunnar sem þau höfðu lítið eða ekkert orðið veik af. 

Nú vilja barnalæknarnir og Guðrún Aspelund að nýburar verði sprautaðir með nýju mótefni frá Astra Zeneca. Aðeins nokkrum árum eftir að hætta þurfti að nota Covid bóluefnið þeirra sökum hættu á blóðtappa. Í vor skilaði Astra Zeneca síðan inn leyfinu. 

Skv. svari frá heilbrigðisyfirvöldum hefur ekkert barn dáið af völdum RS veirunnar frá árinu 2014. Spurt var: „hversu mörg börn hafa dáið á Íslandi per ár síðustu 10 árin(sundurliðað per ár 2014 til 2023)vegna RS-veirunnar?"

Engar langtíma upplýsingar eru til um nýju efnin og áhrif þeirra, Beyfortus(nirsevimab-alip). Og takið eftir að ekki hefur einu orði verið minnst á framleiðandann í fréttum eða viðtölum við læknana. Astra Zeneca!

Hver skammtur kostar rúmlega 70 þús. íslenskar krónur.

 

 

 

 

 

 

 

 

Veirusýkingin fer „hratt upp“