Kalifornía og Flórída - samanburður dauðsfalla vegna Covid-19

Myndin sýnir samanburð dauðsfalla í Kaliforníu (svart) og Flórída (appelsínugult) vegna Covid. Aðgerðir í Kaliforníu hafa verið mun strangari en í Flórída. Í Kaliforníu hafa skólar verið meira eða minna lokaðir en ekki í Flórída. Í Kaliforníu hefur verið grímuskylda fyrir allt niður í tveggja ára aldur og samkomutakmarkanir miklu harðari.  Athugið að í Flórída búa einnig hlutfallslega fleiri eldri borgarar. Eru sóttvarnaraðgerðir pólitískar? Kalifornía er demókrataríki en Flórída repúblikanaríki. Grímuskylda virðist a.m.k. vera pólitísk ákvörðun. Þau 16 ríki sem hafa fellt hana niður eru repúblikanaríki.

Athugasemdir

[Geir Ágústsson, 16.3.2021 kl. 19:14]

Við þetta má bæta:

Flórída er næstelsta ríki USA, á eftir Maine. Ellilífeyrisþegaparadísin. Þar er Disney World opin, og fólk ferðast inn og út úr ríkinu. 

Kalifornía er eitt yngsta ríkið. Disneyland er lokað.

Kalifornía opnaði nýlega en bara eftir að svokallaðar "recall" undirskriftir höfðu náð markmiði sínu, en "recall" er ákvæði í stjórnarskrá Kaliforníu sem gerir borgurum kleift að kalla á nýjar kosningar til kjörinna fulltrúa. Væntanlega fara þær fram seinna í ár, og ríkisstjórinn í viðkvæmri stöðu.