Og lokaspretturinn er nákvæmlega hver?

,,Við höf­um verið að ná smitstuðlin­um niður, en nú snýst þetta um að klára loka­sprett­inn." segir Thor Asperlund. Hvert er markmiðið?

Og menn komast upp með að segja eitt annan daginn og svo eitthvað annað þann næsta. Í byrjun snérist þetta um að fletja út kúrfuna og verja heilbrigðiskerfið, síðan var það fjöldi smita minnir mig, síðan smitstuðullinn sem nú er í lagi skv. Asperlund (sem virðist vera kominn í e.k. valdastöðu  þrátt fyrir að engar af hans spám hafi gengið eftir). En nú skiptir stuðullinn ekki lengur máli. Um daginn var það bóluefnið sem átti að bjarga öllu, en nú hefur Alma gefið út að það muni ekki endilega þýða að aðgerðirnar hætti (eins og Fauci hefur sagt - grímuskylda heldur áfram eftir bóluefnið). Í byrjun var ekki mælt með grímum, Þórólfur sagði þær ekki gagnast almenningi. Svo komu nýjar rannsóknir og Þórólfur, læknir til margra ára, breytti um skoðun. Og annar læknir hefur nú verið fordæmdur fyrir að halda því meðal annars fram sem Þórólfur sagði í byrjun um grímur.

Og nú hefur Kína (þar sem leðurblökusmitið byrjaði) mælt með því að flugfreyjur og flugþjónar noti bleyjur til að þurfa ekki að fara á klósettið (forðast smithættu). Hvenær kemur bleyjuskyldan hér heima?  Í gær sagði Rögnvaldur Ólafsson á fundinum að "covid-batnaðir" teldust ekki með í jólaboðum, sem sagt þá mega vera 10 plús einn "covid-batnaður". En um daginn var varað við því að þeir sem komnir væru með mótefni gætu samt borið smit á milli. Sem sagt, Rögnvaldur sem væntanlega er kominn með mótefni gæti borið smit á milli, "jólavina" í "jólakúlunni", frá Siggu frænku og yfir til Gulla frænda sem sat þó í tveggja metra fjarlægð frá Siggu. 

Skil vel að ríkisstjórnin hafi ráðið annað fólk í þessi hlutverk, og sé sjálf mest í felum hvað þetta snertir. Það er auðvitað aumkunarvert að þurfa að hlýða kínverska kommúnistaflokknum og bandamönnum þeirra í WHO, lyfjamafíunni og fl. 

P.S. Er flensan enn ekki komin? Skv. svari frá Landllæknisembættinu hefur ekkert skráð flensusmit verið frá því apríl sl.
 

„Þetta er á viðkvæmum stað“

Athugasemdir

[Þorsteinn Siglaugsson, 11.12.2020 kl. 19:55]

Þórólfur hefur reyndar aldrei getað bent á hvaða nýju rannsóknir styðja grímunotkun, enda eru þær ekki til. Það er hins vegar til ný rannsókn sem sýnir að grímunotkun kemur ekki að gagni.

[Guðmundur Ásgeirsson, 12.12.2020 kl. 14:26]

Það er engin heimild í sóttvarnalögum fyrir grímuskyldu.

Gríman skapar falskt öryggi sem sést á almannafæri af því að um leið og grímuskyldan kom á byrjaði fólk að verða sífellt kærulausara gagnvart fjarlægðarmörkum. Ef maður fer núna í fjölsóttar verslanir sjást brot á tveggja metra reglu hvert sem litið er.

Hvaða vit er svo í að telja inn í búðir í verslunarmiðstöðvum, en ekki mistöðvarnar sjálfar og láta svo alla standa í biðröðum frammi á göngum fyrir utan verslanirnar í mun meiri fjölda en er leyfilegur samkvæmt nokkrum sóttvarnareglum. Gilda reglurnar kannski ekki frammi á gangi, sem er þó eitt rými undir einu og sama þakinu?

Til dæmis er í Kringlunni búið að stilla upp allskonar sölubásum frammi á göngum til að selja jólavarning. Þar með hlýtur gangurinn að vera orðinn verslunarrými og þar með öll byggingin. Samt er ekki talið inn á gangana og þar er ekki þverfótandi fyrir fólki sem á jafnvel ekkert erindi þangað heldur er bara að skoða og kíkja í búðagluggana.

Í gær átti ég leið í aðra smærri verslunarmiðstöð. Þar er ein verslun sem er nokkuð stór og vinsæl þar sem var mikil umferð af fólki inn og út. Svo sá ég fólk sem virtist þar hafa hitt vinafólk sitt, stoppa í miðjum gangveginum til að spjalla saman og rifja upp liðnar stundir, jafnvel tosandi grímurnar frá vitunum svo betur heyrðust orðaskil. Á meðan þau stóðu þar drykklanga stund á spjalli var engin leið að komast inn eða út versluninni án þess að brjóta fjarlægðarreglu. Þvílíkur dónaskapur og tillitsleysi. Þetta voru engir krakkakjánar heldur rígfullorðið fólk (í áhættuhópi).