Býð mig fram í þessa tilraun!

,,Þeir sem eru skikkaðir í far­sótt­ar­hús eiga rétt á að bera sitt mál und­ir dóm­stóla og vænta úr­sk­urðar líkt og gild­ir um gæslu­v­arðhald en all­ur kostnaður af slík­um mál­um fell­ur á rík­is­sjóð. Þetta seg­ir Berg­lind Svavars­dótt­ir, formaður Lög­manna­fé­lags Íslands."

Ég er til í að prófa þetta og nú þarf ég bara að finna ferð til útlanda, til svæðis sem flokkast stórhættulegt veirusvæði þannig að manni verði stungið í fangelsi við heimkomu. Til dæmis Indland, en þar er tvöfaldur vírus, mjög banvænn. Með viðkomu í London á heimleið, hætta á að sýkjast af því breska þar. Flýg með Air Brazil og er þá útsett fyrir því brasilíska. Stoppa til að skoða eldgosið á leið heim frá Keflavík og nota kaðalinn til að komast upp.

Og eins myndi ég vilja láta reyna á hvort það megi pota pinna langt upp í nef/haus og ofan í kok á manni til að leita að flensuveiru við komuna til landsins.

En Grand hótel er annars fínt fangelsi. Svart og hvítt er litadýrð sem dugar hér, hávær þögn í myrkrinu...hátt til lofts og innantómt...hér má enginn trufla mig...tíminn frosinn stendur kyrr..."

Og hafið þið séð þetta frá Brussel, afnema þarf allar aðgerðir innan 30 daga. En verður væntanlega áfrýjað.

Sama gildi um farsóttarhús og fangelsisvist

Hvaða læknar mæla með tilraunalyfi fyrir ungt fólk sem ekki er í áhættu?

„Bólu­efni Pfizer-Bi­oNTech við Covid-19 sýn­ir gríðarlega virkni meðal ung­linga sam­kvæmt niður­stöðum klín­ískra rann­sókna. Er vörn­in jafn­vel enn meiri þegar kem­ur að börn­um á aldr­in­um 12-15 ára en hjá full­orðnum. Þetta kem­ur fram í til­kynn­ingu frá Pfizer og fjalla bæði New York Times og Washingt­on Post um málið."

Samkvæmt WHO stafar ungu og heilbrigðu fólki engin hætta af Covid. Hvaða læknar hér heima (fyrir utan Þórólf og Ölmu sem virðast ekki með réttu ráði þessa dagana) myndu ráðleggja að ungt og hraust fólk sem ekki er í áhættu fyrir sjúkdómnum, fái nýja tegund bóluefnis sem aldrei hefur verið notað á mönnum fyrr (mRNA)? Er það ekki svipað og að gefa börnum nýjasta lyfið fyrir Alzheimer eða blóðþrýstings-og hjartalyf, og það á tilraunastigi! 

Ég skal svara þessu fyrir alla lækna. Enginn læknir, sem ekki er búið að múta eða búið að kaupa til að mæla með þessari „lækningu" myndi ráðleggja það. „Fyrst - ekki skaða." Þeir hafa lært það, snýst allt um líkur og áhættu. Nema kannski kjánar sem skrifa upp á svefnlyf fyrir lítil börn, mánuð eftir mánuð.

Höfum í huga að þeir sem voru dæmdir í Nürnberg réttarhöldunum voru virtir og menntaðir læknar. Já vísindamenn með meiru!

Þeir sem hvöttu ríki heims til að kaupa alltof mikið af bóluefni gegn svínaflensunni voru líka vísindamenn! Hættan af svínaflensunni var stórlega ýkt, alveg eins og verið er að gera núna. Það er enginn á sjúkrahúsi vegna breska afbrigðisins. (Sá eini sem skráður er inniliggjandi vegna Covid er útlendur skipverji sem á víst að vera með „brasilíska" afbrigðið).

Og það er ekki eins og þessir menn ætli að stoppa við 12 ára aldurinn. Nei, það á að taka ungabörnin líka. Enda eru fyrirtækin laus allri ábyrgð, undirgefnar ríkisstjórnir heims hafa tekið á sig alla ábyrgð. 

Frétt þessu tengd, frá Ísrael.

(Myndin í vinstra horni er frá Nürnberg réttarhöldunum).

Sýnir gríðarlega virkni hjá Pfizer meðal unglinga