Flensan enn í Kína en Covid horfið þar!

Í gær setti ég inn þessa færslu sem sýnir að hin árlega inflúensa sem hefur fylgt manninum um langa hríð er horfin á Íslandi og víðsvegar um heiminn. Covid virðist hafa leyst flensuna af hólmi.

En í Kína, aftur á móti, þar sem Covid faraldurinn hófst, er ekkert Covid lengur. Þar var bara ein bylgja og búið. En þar er flensan þó enn í gangi. Sem sagt, öfugt við flest önnur ríki heims. Í pistli gærdagsins spurði ég hvort Covid væri kannski flensa. Og er flensan í Kína kannski Covid? Hef aðeins áhuga á vísindalegum svörum. Ekki samsæriskenningum.

Sóttvarnaraðgerðir eru á kostnað barna, ekki til varnar þeim!

Börnum stafar ekki hætta af breska afbrigðinu, ekki frekar en hinu upprunalega frá Kína. Börn eru með nýtt og sterkt ónæmiskerfi. Það vita læknar. Ekkert barn eða ungmenni hefur þurft að fara á spítala vegna covid hér á landi. Enginn er inniliggjandi vegna hins svokallaða breska (brexit) afbrigðis. Einn liggur á spítala núna og sá er talinn vera með,,brasilíska" afbrigðið. Skipverji á súrálsskipi sem er frá Brasilíu.

Annars vil ég benda á þessa frábæru grein eftir Alexander Inga Olsen.
,,Það á að tala um hlut­ina eins og þeir eru. Sótt­varn­ar­að­gerð­irnar eru ekki til verndar börn­um, þær eru á kostnað þeirra."

Hér er öll greinin.

Stefna á að opna skólana eftir páska