Mismunandi skilningur á óljósum lögum!

Munurinn á aðferðafræði fjármálafyrirtækjanna byggir á mismunandi skilningi þeirra á lögunum og hvernig standa eigi að útreikningi.

Það er svona að leggja fram óskýr lög og sleppa því að skilgreina skilmerkilega hvernig endurútreikningum „til hagsbóta fyrir skuldara" skuli háttað.  Lögin eru fúsk og endurspegla fúsk þessara fjármálastofnanna. Óskýr lög bjóða upp á misskilning og bjóða upp á spillingu. Voru þau höfð óljós að ásettu ráði. Eða er þetta útkoman þegar „hálfvitar"  búa til lög?

 

 

Bílalánin misjafnlega dýr

Athugasemdir

[Guðmundur Ásgeirsson, 27.5.2011 kl. 16:34]

Óháður endurskoðandi var búinn að komast að þeirri niðurstöðu að fjármálafyrirtækin reiknuðu hvert með sínum hætti. Því ber hinsvegar ekki saman við niðurstöður þeirrar úttektar sem Umboðsmaður skuldara virðist vera að kynna. Augljóslega getur aðeins annað tveggja verið rétt, og því hlýtur maður að spyrja hvort nokkuð mark sé takandi á þessu.

Ég er farinn að hallast að því að það sé vandfundinn sá maður á landinu sem kann að reikna rétt. Því miður.

[Jón Óskarsson, 27.5.2011 kl. 17:30]

Í fréttinni frá Umboðsmanni skuldara kemur hvergi fram að t.d. Íslandsbanki bætir við dráttarvöxtum pr. afborgun ef uppreiknuð afborgun er hærri en sú afborgun sem upphaflega var send skuldara og hann greiddi.  Þetta gerir bankinn þó svo að skuldarinn hafi staði í skilum með allar greiðslur og jafnvel greitt vel fyrir eindaga í nokkrum tilfellum.  Með þessum útreikningum tekst Íslandsbanka að draga mjög úr lækkun lánsins því þessi dráttarvextir sem fyrst og fremst féllu á greiðslur á árinu 2007 þegar gengið var lágt eru það háar fjárhæðir að ávinningur vegna 2008-2010 hverfur að mestu leiti.

[Guðmundur Ásgeirsson, 28.5.2011 kl. 13:57]

Jón: samkvæmt lögunum um endurútreikningin er klárlega óheimilt að leggja annað en seðlabankavexti á endurreiknuðu lánin, þ.m.t. vanskilavexti. Það skal hinsvegar engan undra að Íslandsbanki skuli gera það engu að síður, það er einfaldlega í samræmi við fyrra framferði að brjóta á viðskiptavinunum.

P.S. Tókuð þið eftir því hvern var verið að ráða sem fjármálastjóra Orkuveitunnar? Gengislánarar til Okurveitu Í helgarblaði Morgunblaðsins er svo auglýst eftir arftakanum.

[Jón Óskarsson, 31.5.2011 kl. 00:25]

@Guðmundur:  Þetta var einmitt það sem ég hef haldið fram að það hljóti að vera óheimilt með öllu að leggja á dráttarvexti til viðbótar þessum útreikningum.  Nógu slæm er niðurstaðan samt að miða við Seðlabankavextina í stað upprunalegra vaxta.

Ég hef tekið eftir því að "stórsnillingar" bankakerfisins og okurlánafyrirtækjanna hafa átt greiða leið í ýmsar góðar stöður og oftar en ekki teknir fram yfir aðra mjög hæfa umsækjendur um viðkomandi störf.  Það væri alveg full þörf á því að fara að skoða nánar hvar menn sem staðið hafa að mjög vafasömum viðskiptum hafa komið sér fyrir núna.  Greinin þín um "Gengislánara til Okurveitu" er mjög góð.