Leigusamningurinn er lánssamningur!!

Halda mætti að stjórnendur fjármögnunarfyrirtækjanna væru annað hvort fávitar eða atvinnuglæpamenn!! úr fréttinni....„Fjármögnunarfyrirtækin litu svo á að um væri að ræða leigusamninga og fólki í greiðsluaðlögun væri því heimilt að greiða áfram..."

Hæstiréttur hefur DÆMT að bílasamningar/kaupleigusamningar væru Lánssamningar en EKKI leigusamningur og því var um brot á lögum  um vexti og verðtryggingu nr. 38/2001 að ræða!  Þetta er sem sagt lánssamningar!

Bílar teknir af fólki í greiðsluskjóli

Athugasemdir

[Arnar (IP-tala skráð) 26.5.2011 kl. 15:51]

Það er dásamlegt að heyra að fjármögnunarfyrirtækin og þá sér í lagi SP-fjármögnun skuli líta á samningana sína sem leigusamninga. Það er alveg klárt af nokkrum fordæmum Hæstaréttar að svo er ekki eins og þú bendir á Þórdís. Hitt er svo annað mál að ég hitti á förnum vegi um daginn gamlan kunningja minn og komst að því í samtali okkar að hann er/var starfsmaður SP-fjármögnunar. (Náði því ekki alveg hvort hann væri hættur störfum þar eða við það að hætta)

Mikið þótti mér athyglisvert þegar þessi annars ágæti maður fullyrti að það væri ekki fallinn dómur um það hvort SP-fjármögnun hefði verið heimilt að lána erlendan gjaldeyri, og þeir teldu sig vera í fullum rétti. Þessi afstaða sýnir svo gríðarlega afneitun að mér varð hreinlega orða vant og kvaddi manninn. Eftir örlitla umhugsun gat ég þó ekki annað en séð eftir því að hafa kvatt svo snögglega því mig langar núna alveg óskaplega að spyrja hann hvort að það sé ritskoðun hjá fyrirtækinu og starfsmenn þess megi eingöngu kynna sér efni sem fyrirtækið annað hvort samþykkir eða hreinlega býr til sjálft.

Að lokum langar mig svo að lýsa furðu minni á því að enginn af stjórnendum eða stjórnarmönnum þessara lána (les:glæpa)stofnana hefur verið ákærður fyrir brot á lögum, því að af nógu er nú að taka í því efni.

[Þórdís Björk Sigurþórsdóttir, 26.5.2011 kl. 16:41]

Sæll Arnar, enda lánuðu þau engan erlendan gjaldeyri, þau reyndu að halda því fram fyrir rétti en dómarar komust að þeirri niðurstöðu að lánin hafi verið í ósköp venjulegum íslenskum krónum.

[Guðmundur Ásgeirsson, 27.5.2011 kl. 01:58]

SP-Fjármögnun hafði hvorki starfsleyfi til að versla með gjaldeyri né gengistryggð verðbréf, svo það skiptir ekki máli við hvora túlkunina er stuðst, starfsemin var í leyfisleysi. Höfðu ekki heldur starfsleyfi til viðskipta með framvirka samninga, en í ársreikningum fyrirtækisins kemur orðrétt fram að það hafi beinlínis verið fjármagnað með slíkum samningum.

Það furðulegasta er að nú ætlar Landsbankinn að sameinast bæði SP og Avant, sem er vel að merkja gjaldþrota. Bankinn tekjufærði meira að segja tvo milljarða á fyrsta ársfjórðungi vegna yfirtökunnar á þrotabúi Avant, en áður var búið að snuða þá vipskiptavini sem áttu inneign yfir milljón vegna oftekinna afborgana gengislána. Flottur hagnaður í því fyrir Landsbankann...?

Í dag tilkynnti Landsbankinn svo um methagnað upp á 12,7 milljarða á fyrstu þremur mánuðum ársins, en henti um leið dúsu fyrir lýðinn í formi örlítið betra úrvals af styttri hengingarólum. Þær verða á boðstólum í mjög takmarkaðan tíma, fyrstur kemur fyrstur fær. Þvílík guðsmildi að eiga svona banka...