Enn verið að leita að þeim "seka" er lak því að "tengdó" hafi ekki fengið bóluefnið!

Helga Birgisdóttir hjúkrunarfræðingur skrifar á facebook (myndin fengin að láni í opinni færslu Kára Stefánssonar):  · 

,,Jón og séra Jón! 

Í morgun fékk ég merkilegt símtal frá deildarstjóra í Sóltúni. Hún fékk það verkefni að hringja í mig og spyrja hvort að ég vissi nafnið á þeim sem hefði lekið út upplýsingum um að; Alma landlæknir (og hennar maður) hefðu bannað að tengdamóðir hennar yrði bólusett. Það er mikil rannsóknarvinna í gangi til að finna hinn seka. Að Alma fylgi ekki sínum eigin ráðum til þjóðarinnar, finnst mér einkennilegt. - Og forvitnilegt að vita af hverju hún vilji halda ástæðunni leyndri. Ég ætla ekki að giska á ástæðu þess að hún vilji ekki bólusetja tengdó; en giska þó á að sennilega eigi ástæðan við um þúsundir annarra aldraðra. . . sem fá því miður ekki sömu upplýsingar og vernd. Ég spurði um ástæðu þess að hringt væri í mig. Svar: „Það er leitað á netinu. . .“ og mér m.a. sagt að unglingar væru svo klárir að finna út úr hlutum. Ég hef póstað mínum skoðunum á fb um covidfárið, og mynd fannst af mér með hjúkrunarfræðingi á Sóltúni - sem er algjörlega saklaus af fyrrnefndu trúnaðarbroti. "Ef ég hefði nafn, þá myndi ég þegja eins og steinn um það. Þetta lyktar illa af pólitík“ svaraði ég. Ítrekað troða yfirvöld í almenning að hann sé hættlegur lögbrjótur.

Heilbrigðisyfirvöld hafa brotið mörg lög og m.a. Evrópulög (The Counsil of Europe 2361) og Nuremberg lög - sem segja að gefa eigi hverjum aðila sem tekur þátt í tilraun, greinargóðar upplýsingar, ekki sé vitað um mögulegar aukaverkanir þar sem að um TILRAUN sé að ræða (Þessari tilraun lýkur í lok árs 2023.) - Og ekki má þvinga né hefta frelsi einstaklinga; hvorki pólitískt, félagslega, né á annan hátt (ferðafrelsi?) sem ekki vilja þiggja þessa bólusetningu. Yfirvöldum ber skylda til að upplýsa fólk og þar hafa þau brugðist illilega.

Deildarstjórinn sagði mér góðar fréttir; að enginn starfsmaður yrði rekinn fyrir að neita bólusetningu og enginn móralskur þrýstingur væri fyrir hendi. Þetta er á skjön við það sem ég hef heyrt frá starfsfólki af öðrum stofnunum og jafnvel heyrt að vistmönnum séu settar frelsisskorður ef þeir eru ekki bólusettir.

Ef þér finnst nóg komið af mannréttindabrotum; bendi ég á að ALÞJÓÐADAGUR gegn Covid „Rally For Freedom“ er næsta laugardag. Tilvalið að fá sér rölt á Austurvelli næsta laugardag kl 13 - og finna sig tengdan milljónum manna um allan heim sem velja frelsi! Þín rödd er mikilvæg - Þú færð það sem þú gefur!

 

Hverjar eru líkurnar á að ungar konur veikist illa af Covid?

„Það er nátt­úru­lega þekkt að það eru aukn­ar lík­ur á blóðtappa við notk­un getnaðar­varn­arpillu. Það þarf að vega það og meta hjá þeim sem henni ávísa, hvort menn vilji taka þá áhættu eða ekki. Þannig er það með öll lyf." (Þórólfur Guðnason um AstraZeneca).

En hverjar eru líkurnar á að ungar konur sem margar hverjar voru hálfneyddar til að taka bóluefnið (starfsfólki hjúkrunarheimila o.fl. - sagt að hjálpa til við að útrýma veirunni) veikist illa af Covid? Var þetta vegið og metið og þá sérstaklega í ljósi þess að bóluefnið er enn á rannsóknarstigi? Nei varla. Og var sá möguleiki hafður í huga að bóluefni sem væri á tilraunastigi eins og þessi efni eru reyndar öll, gætu verið tekin úr umferð? Hver er staða þeirra þúsunda hér heima sem eru hálfbólusettir með AstraZeneca ef lyfið verður ekki tekið aftur í notkun? 

Enginn ungur Íslendingur hefur látist af Covid og fáir veikst alvarlega. Þessar bólusetningaráætlanir virðast vera keyrðar áfram af lobbýistum lyfjafyrirtækja og bóluefnasamningar íslenska ríkissins við framleiðendur eru leynilegir vegna "almannahagsmuna." Er unga fólkið á hjúkrunarheimilunum (ath. búið að verja gamla fólkið) í meiri áhættu en miðaldra læknar og hjúkrunarstarfsmenn á LSH þar sem alltaf eru að koma inn nýir sjúklingar? En skv. Má Kristjánssyni hafa fæstir starfsmenn sjúkdómadeildar spítalans verið bólusettir. Hvers vegna ekki?  Var nauðsynlegra að nýta bóluefnið fyrir 18 ára starfsfólk hjúkrunarheimila og 100 ára og eldri?

Hér er skilgreining WHO eða Alþjóðaheilbrigðisstofnunarinnar á veikinni? Veiran getur verið hættuleg þeim eldri og veikari en ekki þeim ungu og heilbrigðu. Meðalaldur látinna hér á landi er 88 ára.

p.s. eru einhverjar getnaðarvarnapillur sem verið er að ávísa hér á landi, enn á rannsóknarstigi?

„Bind miklar vonir við að þetta hafi gengið upp“