Sterkari veira, veikara ónæmiskerfi!

,,Alls liggja 200 einstaklingar á sjúkahúsum Noregs með Covid-19. Flest­ir þeirra eru á sex­tugs­aldri en einnig fjöl­marg­ir á fer­tugs- og fimm­tugs­aldri. Yngstu sjúk­ling­arn­ir eru á þrítugs­aldri. Þeir sem hafa þurft að leggj­ast inn á sjúkra­hús vegna Covid-19 í Nor­egi nú eru veik­ari en í fyrri bylgj­um."

Því fleiri sem eru bólusettir þeim mun meiri veikindi! Það verður fróðlegt af fylgjast með þessu hér heima, enda þjóðfélagið lítið og auðveldara að fylgjast með hverjir veikjast á næstunni. Verða það þeir sem hafa fengið í sig bóluefnið eða hinir?

Í ljósi þessara frétta er vert að skoða þetta mál. Ákall til Alþjóðaheilbrigðisstofnunarinnar (WHO).

Innganginn skrifar Helgi Örn Viggósson.

Sterkari veira, veikara ónæmiskerfi

Þetta er risastórt mál! Ég veit ekki hvernig ég get orðað það betur til að það fái þá athygli sem það verðskuldar en opið bréf Dr. Geert Vanden Bossche, PhD, DVM, til WHO lýsir skelfilegum afleiðingum sem öruggt er að sú bólusetningarherferð sem nú er í gangi kemur til með að valda. Hann er ekki með neinar tilgátur heldur hrein og bein vísindi sem ekki eru véfengd.

Við erum hér að tala um einn fremsta vísindamann heims á sviði hönnunar og þróunar á bóluefnum, maður sem leitt hefur þróunarstarf hjá nokkrum af stærstu lyfjafyrirtækjunum, stjórnað bóluefnaþróun hjá þýsku smitsjúkdóma rannsóknarstofnuninni (DZIF), leitt starf hjá GAVI og Bill and Melinda Gates Foundation. Hann gerir sér vel grein fyrir því að með bréfi sínu er hann að fórna eigin frama og arfleið, komast í ónáð hjá lyfjarisunum og að þeir munu á næstu dögum hefja stórkostlega mannorðsmorð herferð á honum eins og þeim er tamt og einum lagið.

Í hnotskurn þá erum við að tala um að núverandi stefna kemur til með að valda því að meðfædda ónæmiskerfi bólusettra verði óvirkt gagnvart nýjum afbrigðum af kórónuveirum, helsta vörn þeirra sem ekki eru í áhættuhópum hingað til, sem kemur til með að stuðla að því að veiran sem flestum er skaðlaus í dag gæti breyst í stjórnlaust skrímsli.

Bréfið má finna hér:

https://dryburgh.com/geert-vanden-bossche-open-letter-to.../

Og hér er ágætt viðtal við hann, þar sem hann fer yfir þetta með nokkuð skýrum hætti:

https://youtu.be/ZJZxiNxYLpc

 

Innlögnum fjölgar hratt í Noregi

Heilbrigðisráðherra Ástralíu útskrifaður af sjúkrahúsi

Eins og helstu fjölmiðlar hér heima greindu nýlega frá var heilbrigðisráðherra Ástralíu, Greg Hunt, fluttur á sjúkrahús daginn eftir að hann fékk tilraunabóluefnið AstraZeneca.

Hann tók bóluefnið til að hvetja Ástrala sem kunna að vera hikandi við bólusetningu. (Nei nei, fjölmiðlar sögðu ekkert frá því enda eru þeir allir á styrkjum frá ríkinu og þurfa því að gæta orða sinna).
Mogginn komst þó næst því, því bloggið mitt er í eigu Moggans og því má segja að ég sé blaðamaður hjá Mogganum ;) Sjá fréttina hér.

Í gær sendi ráðherrann frá sér tilkynningu og sagðist vera laus af spítalanum eftir að hafa fengið Cellulitis eða húðnetjubólgu í vinstri fótlegg. Hann tók ekki fram að veikindin væru alls ótengd bólusetningunni eins og einhverjir fjölmiðlar höfðu gert sem nefndu einnig að veikindi hans gætu haft neikvæð áhrif á almenningsálitið, sem sagt öfugt við markmiðið.

Heilbrigðisráðherrann setti tilkynninguna meðal annars á twitter þar sem má lesa ummæli fólks við fréttina, aðallega Ástrala sýnist mér. Þar benda menn á að Cellulitis sé skráð sem ein helsta aukaverkun AstraZeneca. Einn spyr ráðherrann hvers vegna hann hafi fengið sprautuna í fótlegginn!